Objektivi i tij luan në Bundesligë dhe quhet Torgan Hazard. 25-vjeçari është vëllai i Edenit, yllit të Çelsit. Torgan po zhvillon një sezon fantastik me Gladbahun e tij. 7 gola dhe 4 asiste, që kanë ndihmuar Gladbahun të ngjitet në vendin e dytë në kampionat, katër pikë më pak se Dortmundi.

Kartoni i belgut sillet rreth 25-30 milionë eurove, por kontrata e tij me klubin gjerman skadon në vitin 2020, kështu që do të ketë hapësira për uljen çmimin e tij dhe mënyrën e blerjes së kartonit.

Megjithatë, Hazardi i vogël po shkëlqen dhe Roma duhet të veprojë shpejt për të hedhur bazat e një marrëveshje. Hazard është një lojtar, i cili i bën mirë të gjitha rolet në repartin ofensiv, pavarësisht se maksimumin e jep në krahun e majtë.

Eden është një futbollist më i talentuar, por dhe Torgan është rritur shumë në vitet e fundit. Të dy janë të talentuar dhe lojtarë ofensive, ndërsa çdo fillim sezoni vëllezërit vendosin bast midis tyre se kush shënon më shumë gola. Kush humbet i paguan darkën tjetrit.

“Çdo vit, ai që shënon më pak gola i paguan darkën tjetrit. Këtë vit nuk vendosëm bast, sepse Eden fiton gjithmonë”, tregon Torgan. Si rrallëherë, sivjet ndodhen në një barazim total. Të dy kanë shënuar nga shtatë gola në kampionat, Eden kryeson renditjen e golashënuesve në Premier Ligë bashkë me Agueron e Sitit dhe Abumejangun e Arsenalit, ndërsa Torgan kryeson renditjen e golashënuesve në Bundesligë bashkë me Halerin dhe Joviç të Ajntrahtit dhe Alkaserin e Dortmundit.

Të dy luajnë me kombëtaren e Belgjikës, renditen në vendet e dyta në kampionat me klubet e tyre, ndërsa në total vëllai i vogël është pak më lart për momentin. Torgan numëron 10 gola dhe 4 asiste në total në 12 ndeshje, ndërsa Eden numëron 8 gola dhe 4 asiste në po aq ndeshje.

Lojtari i Gladbahut është krahasuar gjithmonë më vëllanë e madh, një gjë e tillë e ka shqetësuar në fillim, por tani është normale. “Tani jam mësuar, por kur isha më i vogël bezdisesha nga një gjë e tillë. Tani që kam bërë emër për veten time, krahasimi nuk është më aq i nevojshëm.”

Në Belgjikë janë të bindur që Torgen është gati të bëjë hapin e madh, madje flitet për një interesim të Realit të Madridit, klub që kërkon dhe shërbimet e Eden, por 25-vjeçari bën humor dhe thekson se ndihet mirë në Gjermani. “Maksimumi më kërkojnë për të luajtur me Real Madrid B. Ndihem shumë mirë te Gladbahu, Gjithçka po shkon mirë dhe ndihem i lumtur me tifozët, shokët, klubin dhe trajnerin”.

Kësaj here nuk ka bast midis tyre, por e sigurtë është që Eden do t’i paguajë darkën Torganit, nëse ky i fundit vazhdon me këto ritme dhe arrin të shënojë më shumë se vëllai i madh.