Një afrim me shumë vlerë për Flamurtarin, pasi Torasa i ka treguar cilësitë e tij në të shkuarën, kur ishte pjesë e Partizanit. Lojtari sapo ka mbërritur në Vlorë ka hedhur të zezën mbi të bardhë, i shoqëruar nga menaxheri i Agjencisë EFA Florin Biba, si dhe është prezantuar në faqen zyrtare të klubit dhe nesër do të niset për në Patra, ku kuqezinjtë po kryejnë fazën përgatitore.

Edhe këtë edicion vlonjatët do të pretendojnë kupat e Europës, çka e tregojnë afrimet e bëra këtë merkato, ku veç argjentinasit janë afruar dhe mbrojtësi Blerim Kotobelli, mesfushori Idriz Batha dhe portieri Enea Koliçi, ndërsa është paralajmëruar firma me brazilianin Elton Kale dhe po synohen edhe një qendërmbrojtës e një mesfushor.

Bëhet fjalë për një përforcim shumë cilësor për vlonjatët, sepse Torasa ka lënë mbresa në një vit e gjysmë te Partizani, nga janari 2016 deri në gusht 2017.

Ndonëse nuk arriti të shpallej kampion, Partizani në kohën e Torasas ishte më i mirë i dekadës së fundit dhe ishte shumë pranë suksesit, ndërkohë që argjentinasi teknik u largua për shkak se Luçiano Moxhi i premtoi klubit lojtarë më cilësorë dhe më të mirë se Torasa. Më të lirë gjeti, por më cilësorë jo, fatkeqësisht për Partizanin.

Duhet theksuar se Torasa nuk shënon shumë, por vrapon pa fund dhe ka një teknikë superiore ndaj shumicës së futbollistëve shqiptarë. Jo rastësisht futbollisti shtatshkurtër ka luajtur rregullisht për shumë vite në Primera Division në Argjentinë, kampionat shumë i ashpër fizikisht dhe me nivel mjaft të lartë taktiko-teknik.

Argjentinasi Agustin Torasa e di më mirë se kushdo tjetër këtë situatë. Shtatshkurtri ishte ndër lojtarët më të preferuar dhe të rëndësishëm te Partizanit, idhulli i tifozerisë së kuqe. Loja e tij e shpejtë, agresiviteti dhe spektakli në përdorimin e topit e bënin atë të veçantë. Me një fjalë, “i paprekshëm”. Me zyrtarizimin e Moxhit gjithçka ndryshoi dhe tashmë e ardhmja e tij është në dyshim. Nga Argjentina e largët nuk e di fillin e tij, pasi ka kontratë ekzistuese me të kuqtë, por nuk e di nëse bileta që preu kësaj radhe ishte pakthim. Këtë e deklaron edhe në një intervistë për “Sport Ekspres”.

TORASA – I pyetur në lidhje me të ardhmen e tij dhe vazhdimësinë e tij me Partizanin ai shprehet. “Jam në Argjentinë me pushime dhe nuk e di se çfarë do të vendos për të ardhmen. Nuk po e mendoj, pasi i kam marrë këto pushime për t’u qetësuar me familjen time. Kam nevojë të relaksohem pas një sezoni të lodhshëm. Jam në kontratë me ekipin e “demave”. Të shohim nëse do të kthehem për Europa League. Akoma nuk kam vendosur asgjë dhe kjo varet edhe nga drejtuesit e klubit. Do të bisedojmë dhe pastaj do të vendosim, për momentin dua vetëm të shijoj pushimet e mia së bashku me familjen”, – përfundon Torasa për “Sport Ekspres”.