Topi i Arte

Van Dajk: Ka ardhur koha që Topin e Artë ta fitoj unë

Sport Ekspres — Sat, 20 Jul 2019 20:57:00 +0000

Diskutimet për Topin e Artë akoma nuk e kanë arritur kulmin, me trofeun që do të jepet në fund të vitit kalendarik. Virxhil Van Dajk dhe Leo Mesi janë dy kandidatët kryesorë për të fituar çmimin më prestigjoz në nivelin personal.

Në një intervistë, Van Dajk na dëshmon se ka filluar t’i pëlqejë ideja se mund të fitojë Topin e Artë, ndryshe nga ç’tha pas finales së Champions League. Mbrojtësi deklaron se është koshient që ka bërë një sezon të madh dhe mendon se ka ardhur koha ta fitojë një mbrojtës atë çmim.

“Është nder që njerëzit flasin për mua në garën për Topin e Artë, por unë nuk kam asgjë në dorë. Nuk e mohoj se kam pasur një sezon të mirë atë të kaluarin, por e vetmja gjë që mund të bëj tani është fokusi në sezonin e ri. E kuptoj faktin se sulmuesit apo numrat ‘10’ fitojnë këto çmime sepse janë më të bukur për t’u parë. Megjithatë, mendoj se ka ardhur koha ta ndryshoj atë”, u shpreh 28-vjeçar.

E thotë një legjendë e kuqe: Mesi meriton “Topin e Artë”

Sport Ekspres — Mon, 10 Jun 2019 18:51:58 +0000

Leo Mesi dhe Virxhil Van Dajk janë dy kandidatët kryesorë për të fituar çmimin më të madh individual, “Topin e Artë”. Të dy kanë bërë një sezon shumë të mirë dhe opinioni sportiv është ndarë në dy kampe.
Shumë personalitete kanë folur mbi këtë temë, ndoshta edhe duke mbrojtur interesat e veta. Por Xhejmi Karrager i vë vulën kësaj çështje. Legjenda e Liverpulit nuk mendon se Van Dajk nuk mund të dalë sipër Mesit dhe të fitojë atë çmim. Ai shprehet se Leo e meriton ”Topin e Artë”.

“E pashë që Van Dajk doli lart në kuotimin e basteve. Dua të jem i sinqertë që Mesi e meriton atë çmim. Shumë rrallë shohim ta marrë një mbrojtës. Kanavaro e mori atë pasi fitoi një troofe si Kupa e Botës. Ne kemi parë mbrojtës si Pike dhe Serxho Ramos që kanë performuar shumë më mirë se Van Dajk, por kanë vetëm medaljet”, u shpreh Karrager.

“Topi i Artë”, Ajaksi dhe eliminimi i Juventusit, flet Murinjo

Sport Ekspres — Fri, 19 Apr 2019 20:10:03 +0000

Zhoze Murinjo vazhdon të jetë larg botës së futbollit, por nuk ngurron asnjëherë të japë mendimet e tij për atë që ndodh. Mou u shkarkua nga Mançester Junajtid në muajin dhjetor dhe që nga ajo kohë, ka punuar si analist në televizione të ndryshme. Për eliminimin e Juventusit dhe për “Topin e Artë”, Murinjo tha:

JUVENTUSI – “Juventusi e lejoi Ajaksin të dalë te loja e tyre më e mirë. Te futbolli holandez, të rinj, me kualitet. Para fitores në Torino, Ajaksi nuk merrte respektin e duhur, por ata janë gjysmëfinalistë të Ligës së Kampionëve. De Ligt? Duket se ka një eksperiencë të jashtëzakoshme dhe na bën të harrojmë moshën e tij. Mbrojtës fantastik, shumë i fortë.

FINALJA ME AJAKSIN – “Kur e kisha përballë Ajaksin në finalen e Europa League në 2016-ën, ndoqa një plan që Ajaksi nuk e kishte dëshirë: Topa të gjatë te Fellaini. Ata nuk kishin përgjigje. Ne nuk kishim kualitetin e Ajaksit, prandaj zgjodhëm të ndiqnim këtë strategji. Por në këtë sezon, ata lojtarë janë shumë më të pjekur dhe jam i bindur se do të arrijnë në finale, pse jo, dhe ta fitojnë Champions-in.

TOPI I ARTË – “Mesi po kalon një sezon fantastik. Juventusi i Ronaldos u eliminua, prandaj Topi i Artë po pret vetëm duart e Mesit”, përfundoi Murinjo.

“Topi i Artë? Jepjani Mesit që tani!”

Sport Ekspres — Fri, 19 Apr 2019 17:10:14 +0000

Legjenda e Barcelonës, braziliani Rivaldo, ka folur sa i takon fituesit të “Topit të Artë” të vitit 2019 dhe sipas tij, nuk ka aspak dyshime se kush e meriton. Ish-sulmuesi i thuri elozhe Lionel Mesit dhe vetëm argjentinasi e meriton të marrë çmimin prestigjioz, e fiton ose jo Ligën e Kampionëve.

Në fjalën e tij për “Goal”, Rivaldo u shpreh: “Është e pamundur ta përshkruash Lionel Mesin. Më pëlqen shumë dhe dua ta shoh gjithë jetën duke luajtur futboll. Më vjen shumë keq që nuk ka fituar asgjë me Argjentinën. Për mua, ai e meriton plotësisht Topin e Artë këtë vit.

Një lojtar që i bën të gjitha në fushë, asiston, shënon, në kampionat dhe në Champions League. Ai është perfekt dhe e fiton ose jo Ligën e Kampionëve, Topi i Artë është i tij. Për mua, kjo gjë është e padiskutueshme”, përfundoi ish-futbollisti brazilian.

Rivaldo e ka fituar dhe vetë “Topin e Arte”, kur luante me skuadrën e Barcelones

Modriç kritikon Mesin e Ronaldon: Nuk i kuptoj! Ja përse e meritoj Topin e Artë

Sport Ekspres — Sat, 15 Dec 2018 10:53:38 +0000

Kristiano Ronaldo dhe Lionel Mesi nuk ishin të pranishëm në ceremoninë e Topit të Artë që u zhvillua më 3 dhjetor në Paris. Fituesi i trofeut, Luka Modriç, nuk e ka anashkaluar mungesën e dy yjeve të futbollit botëror në ceremoninë ku ai u shpall për herë të parë fituesi i çmimit më të lakmuar në botën e futbollit.

Në një intervistë për revistën kroate “SN”, mesfushori i Real Madrid u shpreh se veprimi i Mesit dhe Ronaldos nuk ka qenë i aspak i hijshëm. Në të njëjtën intervistë 33-vjeçari shpjegon se përse e meriton ai çmimin.

Çfarë mund të thoni për mungesën e Mesit dhe Kristiano Ronaldos në ceremoninë e Topit të Artë dhe për kritikat e shumta që erdhën nga rrethi i tyre i ngushtë e fansat e tyre pasi ju u shpallët fitues?

Nuk mund ta di se përse dikush nuk erdhi, kjo është zgjedhja e tyre. Sidoqoftë si pas meje nuk ka shumë logjik të mos marrësh pjesë në ceremoninë e Topit të Artë. Mesa duket kanë pasur qejf të vijnë vetëm kur e dinin se do të fitonin çmimin. Nje sjellje e tillë është e padrejtë ndaj lojtarëve, fansave, futbollit dhe votuesve që ia kanë dhënë çmimin për 10 vite rresht. Por, në fund të fundit çcdokush mund të veprojë si të dojë.

Ndoshta atyre nuk u ka pëlqyer fakti që ti i dhe fund dominimit që ata i bënë këtij çmimi ?

Shiko, gjithçka është shumë e thjeshtë për mua. Mesi dhe Ronaldo janë dy fenomenë që kanë dominuar futbollin këto dhjetë vitet e fundit. Ata janë një nivel mbi të gjithë të tjerët përsa i përket aftësive. Por, ky është një çmim sezonal. Shumica e trajenerëvem lojtarëve aktivë dhe jo-aktivë, gazetarëve dhe fansave votuan për mua dhe jo vetëm në këtë çmim. A ka qenë të gjithë gabim? Nëse çmimet do të jepen vetëm sipas kriterit të aftësive, atëherë le t’i mbyllim votimet dhe t’ua japim çdo vit Ronaldos dhe Mesit.

Ibra “thumbon” Realin dhe Ronaldon: E kuptuam që Mesi paska rivalizuar me… Perezin!

Sport Ekspres — Sun, 09 Dec 2018 09:26:27 +0000

Luka Modriç u shpall fituesi i “Topit të Artë” në këtë vit. Një vendim i tillë u mirëprit nga shumë tifozë, ka dhe të tjerë që mendojnë ndryshe, por është dhe dikush, i cili nuk bën pjesë në asnjëren palë: Zllatan Ibrahimoviç.

Gjiganti suedez ka dhënë një përgjigje të shkurtër për “Fox Sports Asia” dhe diçka e tillë do të shkaktojë polemika. Sulmuesi i Los Anxhelos Galaksi ka bërë të qartë ndikimin e fortë të Realit të Madridit në çmimin prestigjioz.

“Tani e kemi të qartë që ka qenë Florentino Perez ai, i cili ka rivalizuar me Leo Mesin për ‘Topin e Artë’, jo Kristiano Ronaldo”, komenton Ibrahimoviç, i cili nuk nguron t’i qiajë si vendime “politike” dhe 5 “Topat e Artë” të fituar nga Kristiano Ronaldo, po aq sa ka dhe Leo Mesi.

Mes të dyve nuk ka patur kurrë simpati, por Ibra nuk ka as për Luka Modriç. As kroati dhe as portugezi i Juves nuk ishin pjesë e formacionit më të mirë të suedezit, i cili me shumë siguri mendon që “Topin e Artë” duhet t’ia jepnin vetëm dikujt: Zllatanit…

Tjetër zë në mbrojtje të Ronaldos, agjenti Mendesh e ngre në qiell

Sport Ekspres — Thu, 06 Dec 2018 20:54:04 +0000

Fitimi i çmimit të “Topit të Artë” nga Luka Modriç nuk është përtypur aq lehtë nga personat e afërt të Kristiano Ronaldos. Të parat që reaguan qenë dy motrat e tij, Elma dhe Katia, reaguan nëpërmjet rrjeteve sociale duke e konsideruar si një votim të padrejtë dhe mafioz.

Fill pas tyre erdhi dhe reagimi i Maksimiliano Alegrit, i cili mbajti të njëjtin qëndrimin dhe e këshilloi portugezin ta përdorte këtë si një stimul për të ardhmen. I treti në radhë ishte klubi i Sportingut të Lisbonës, që sigurisht mbajti krahun e futbollistit të dalë nga akademia e tyre, duke postuar në “Twitter” një video me mbishkrimin: “Ronaldo, më i madhi të gjithëve kohërave”.

'@Cristiano , the Greatest Of All Time. pic.twitter.com/Iu5nxvxYcU

— Sporting CP (@SportingCP) December 3, 2018

Listës së reagimeve “Pro-Ronaldo”, i është shtuar dhe një deklaratë e agjentit të lojtarit, Zhorzh Mendezh, i cili tha se lojtari i tij ka qenë më i miri kudo ku ka shkuar, qoftë në Angli, Spanjë ose së fundmi në Itali e rrjedhimisht është lojtari më i madh i të gjitha kohërave.

VIDEO | Nejmar nuk i plas për Topin e Artë, braziliani i varur pas video-lojës së famshme

Sport Ekspres — Tue, 04 Dec 2018 16:38:33 +0000

Futbollisti i PSG-së, Nejmar, i kishte të gjitha mundësitë për të qenë i pranishëm në ceremoninë gala të organizuar nga “France Football” për dhënien e Topit të Artë. Por, gjithsesi prezenca e tij do të ishte e kotë, pasi u rendit në vend të 12-të në listën e përgjithshme të votimeve.

Nejmar grumbulloi 19 pikë, ndërsa fituesi i Topit të Artë Luka Modriç grumbulloi 753 pikë. Interesi i Nejmar për ceremoninë ishte inekzistent edhe pse në të ndodhej kolegu i tij Kilian Mbape, i cili mori çmimin debutues “Kopa”.

.@neymarjr skipped the Ballon d'Or awards ceremony to play CoD ? pic.twitter.com/2kwdvji40B

— B/R Gaming (@BRGaming) December 3, 2018

Kjo gjë është e faktuar, pasi në momentin e dhënies së Topit të Artë, Nejmar ishte duke luajtur video-lojën “Call of Duty” me disa miqtë e tij dhe këtë po e bënte para milionave shikuesve të cilët po ndiqnin drejtpërsëdrejti nëpërmjet internetit.

Votat e çuditshme të “Topit të Artë”: Nga Benzema te Kurtua, dhe votat e Shqipërisë e Kosovës

Sport Ekspres — Tue, 04 Dec 2018 16:09:43 +0000

Mbrëmjen e djeshme në Paris u zhvillua ceremonia gala e dhënies së çmimeve të Topit të Artë. Çmimi i organizuar ‘France Football”, u përzgjodh pas votave të qindra gazetarëve nga shtet i botës.

Secili prej gazetarëve kishte të drejtën e përzgjedhjes së pesë emrave, ku emri i parë do të merrte pesë pikë, ndërsa emri i fundit vetëm një pikë. Medie spanjolle “MARCA”, ka zbuluar listën e plotë me votat e çdo gazetari dhe nuk mund të mungonin disa zgjedhje absurde.

Ai që ka çuditur më shumë ka qenë Albert Stanislas Kumbobako, gazetari që përfaqësonte Republikën Qëndrore Afrikane. Kumbobako ishte i vetmi gazetar që i dha pikë futbollistit francez Karim Benzema, madje e renditi atë të parin në listën e tij me pesë pikë.

Lista e plotë e Kumbobakos: 1. Benzema, 2. Nejmar, 3. Salah, 4. Ronaldo, 5. Mandzukiç

Vota të tjera të interesante

Kirgiztan: 1. Kurtua, 2. Salah, 3. Modriç 4. Mbape, 5.Ronaldo
Sri Lanka: 1. Hazard, 2. Firmino, 3.Pogba, 4.Ronaldo, 5. Kane (Ky “gazetar” dallohet që ka një preferencë të theksuar për kampionati anglez)

Gazetari që përfaqësoi Shqipërinë ishte shkodrani Besnik Dizdari, ndërsa Kosova u përfaqësua nga Bajram Shala. Votat e tyre si më poshtë.

Besnik Dizdari: 1. Grizman, 2. Mbape, 3. Modriç, 4. Mesi 5. Salah
Bajram Shala: 1. Modriç, 2. Mbape, 3. Ronaldo, 4. Varan, 5. Grizman

LISTA E PLOTË E VOTIME E NXJERRË NGA “MARCA”

Motrat e CR7 sulmojnë jurinë e “Topit të Artë”: Mafie, këlyshë k… !

Sport Ekspres — Tue, 04 Dec 2018 13:18:39 +0000

Luka Modriç arriti të shpallej fituesi i Topit të Artë 2018, duke i dhënë fund dominancës së dyshes Mesi-Kristiano Ronaldo. Mesfushori i Real Madrid la pas tij portugezin e Juventusit dhe Antuan Grizman, duke u bërë kroati i parë, i cili fiton këtë çmim prestigjioz.

Shumë janë kënaqur dhe kanë qenë dakord me zgjedhjen e bërë, por ka dhe nga ata që janë kundër, madje nuk e kuptojnë një vendim të tillë.

Kristiano Ronaldo ishte një nga kandidatët kryesore, por 33-vjeçari nuk ia doli të fitonte çmimin për herë të gjashtë. Motrat e tij, Elma dhe Katia, kanë reaguar në rrjetet sociale. E para më e ashpër dhe e drejtpërdrejtë, ndërsa e dyta e zhgënjyer, por më e përmbajtur. Të dyja kanë zgjedhur të njëjtën foto, ku shfaqet vëllai i tyre në një nga Topat e Artë të fituar.

ELMA – “Për fat të keq jetojmë në një botë të kalbur, mes mafies, parasë dhe këlyshëve të k… , por unë dhe njerëzit e tjerë nuk kemi parë gjë akoma. Pushteti i Zotit është më i madh se këto kalbësira. Zoti vonon, por nuk gabon.”

KATIA – “Futbollisti më i mirë në botë… për këdo që merr vesh nga futbolli, sigurisht. Jam e shqetësuar për të ardhmen e futbollit.”

View this post on Instagram

Infelizmente isto é o Mundo k se vive ?da podridão , máfia e do filha da puta do dinheiro ?mas eu é mt gente irá ver muita coisa , justiça , e o poder de Deus é mt maior que essa podridão toda ?Deus tarda mas não falha ?

A post shared by Elma Aveiro (@elma_oficial) on Dec 3, 2018 at 1:32pm PST

View this post on Instagram

Melhor jogador do mundo ….. para quem entende de futebol ,claro …#tou preocupadacomofututodofutebol #melhordomundocr7 #cr7 #boladeouroédele #museucr7 #futeboléele #deusnocomando?

A post shared by Katia Aveiro (@katiaaveirooficial) on Dec 3, 2018 at 1:46pm PST

ZYRTARE: Modriç zbret nga “froni” Mesin dhe Ronaldon

Sport Ekspres — Mon, 03 Dec 2018 21:23:46 +0000

“Topi i Artë” rikthehet në Ballkan pas 24 vitesh. Hristo Stoiçkov ishte “gjaknxehti” i fundit që kishte fituar çmimin prestigjioz. Bullgari triumfoi në vitin 1994, duke lënë pas një dyshe ikonike si: Roberto Baxho dhe Paolo Maldini.

Stoiçkov luante me Barcelonën dhe arriti të dërgojë Bullgarinë në gjysmëfinalet e Botërorit të zhvilluar në SHBA. Dështonte përballë Baxhos dhe Maldinit për të kaluar në finalen e madhe dhe dilte me kokën ulur përballë Maldinit në një tjetër finale të madhe, finalen e Ligës së Kampioneve (Milan-Barcelona 4-0). Megjithatë, ai ia doli të shpallej më i miri dhe t’i dhuronte emocione e krenari Bullgarisë së tij.

Lista e renditjes së kandidatëve të “Topi të Artë”

Sonte është nata e Luka Modriç. Në ndryshim nga Stoiçkov, ai është i “ftohtë”, i thjeshtë dhe modest, përveçse i super talentuar. 33-vjeçari kroat i Realit të Madridit ka arritur të thyejë “duopolin” Mesi-Kristiano Ronaldo. Dyshja e famshme kishte ndarë midis tyre 10 trofetë e fundit, ndërsa mesfushori arriti t’i jepte fund diçkaje të tillë.

Lajmi është zbuluar përpara zhvillimit të ceremonisë së ndarjes së çmimit. Një foto e renditjes përfundimtare ka filluar të qarkullojë në rrjetet sociale gjatë orëve të fundit, duke i dhënë fund përpara kohe dilemave të fituesit të “Topit të Artë” 2018.

Modriç është një nga futbollistët më të mirë në botë dhe e meriton pa dyshim këtë vlerësim. Unik në rolin e tij, cilësi dhe inteligjencë futbollistike të një niveli të lartë dhe shumë sakrifica për ekipin dhe shokët e skuadrës mes përulësisë dhe kilometrave pafund të përshkruara.

Talenti i tij është natyral, por puna për të mbërritur deri këtu nuk ka qenë e lehtë. Profesionalizëm dhe perfeksionim i stilit të lojës në mënyrën më të thjeshtë të mundshme, me pak fjalë një futbollist “bio”. Gjithmonë njësoj, çdo ndeshje e më mirë. Kroati vjen nga një sezon i pabesueshëm! Champions-i i tretë rresht i fituar me Realin e Madridit dhe nënkampion bote me Kroacinë.

Të paharrueshme ndeshjet epike të ekipit kroat në Rusi, udhëhequr nga Daliç në pankinë dhe Luka në fushë. Lideri i heshtur ka fituar të gjithë çmimet individuale këtë vit, duke u shpallur lojtari më i mirë i Botërorit 2018, fitues i çmimeve të FIFA-s dhe UEFA-s për lojtarin më të mirë të vitit dhe tashmë fitimi i “Topit të Artë”.

Një lojtar, të cilin thjesht e adhuron dhe askush nuk guxon të thotë të kundërtën, pavarësisht ekipit me të cilin luan. Sonte është 3 dhjetori 2018, është nata e Luka Modriç dhe ai e meriton absolutisht…

Topi i Artë, formacioni ideal dhe rikthimi në “skenë” i babait, Enzo Zidan i thotë të gjitha

Sport Ekspres — Sat, 01 Dec 2018 17:06:15 +0000

Enzo Zidan është i pandashëm nga qyteti i Madrid. Pas një eksperience të shkurtër në kampionatin zviceran, djali i legjendës Zinedin Zidan është rikthyer në Spanjë, ku aktivizohet me skuadrën në periferi të Madridit Rajo Mahadaonda. Në një intervistë për mediet spanjolle, 23-vjeçari ka folur mbi planet e së ardhmes të babait dhe ka dhënë mendimin e tij për fituesin e çmimit të Topit të Artë të këtij viti.

Idhulli juaj? – Pyetje shumë e lehtë (qesh), babai im sigurisht.

Kur do ta shohim sërish si trajner – “Babai im e dashuron futbollin. Ai do të rikthehet së shpejti, por tani iu duhet të bëjë pak pushim. Drejtimi i Real Madrid ishte një eksperience shumë e bukur për të, por në të njëjtën kohë ishte një punë që i shkaktoi shumë stres dhe lodhje, prandaj i duhet të presim pak sa ai të marrë veten”

Formacioni i ëndrrave ? – Keilor Navas – Karvahal, Varan, Ramos, Marselo, Kros, Modriç, Kante – Mesi, Benzema, Kristiano

Topi i Artë ? – Unë mendoj se këtë vit e meriton Luka Modriç. Ai është një njeri fantastik, që prej vitesh luan në nivele shumë të larta. Këtë sezon u paraqit shumë mirë dhe në kupën e botës. Është një shembull për këdo.

Drogba: CR7 më i miri, por “Topin e Artë” e meriton një tjetër!

Sport Ekspres — Sat, 01 Dec 2018 13:04:56 +0000

Didier Drogba i dha fund futbollit të luajtur në moshën 40-vjeçare. Vendimi erdhi para disa ditësh, ndërsa ish-lojtari i Çelsit, por dhe shumë ekipeve të tjera, ka dhënë mendimin e tij për garën për “Topin e Artë”, që shpalll fituesin me datë 3 dhjetor në Paris.

Afrikani zbulon preferencën e tij, ndërsa nuk i kursen elozhet për Kristiano Ronaldon. Portugezi është më i miri në botë në rolin e tij dhe përshtatja e lehtë më Serie A në moshën 33-vjeçare e ka befasuar Drogbanë.

“Nëse do të kisha mundësinë për të votuar, do të kisha shprehur preferencën time për Mbape. Mendoj se Kristiano Ronaldo është sulmuesi më i mirë në qarkullim për momentin, do të qëndrojë dhe për disa vjet, edhe pse të imponohesh në një kampionat tjetër, veçanërisht në atë moshë, nuk është aspak e thjeshtë. Fati që nuk ndodhet mes kandidatëve të fitimit të ‘Topit të Artë’ është vetëm rastësi“, përfundon ish-bomberi nga Bregu i Fildishtë.

Të rejat e “Topit të Artë”: Ndryshime në pod, fitues shpallet… Luka Modriç!

Sport Ekspres — Wed, 28 Nov 2018 11:42:45 +0000

Pak ditë kanë mbetur deri në shpalljen e fituesit të “Topit të Artë”, ndërsa ceremonia dhe çmimi prestigjioz do të jepet me datë 3 dhjetor në Paris.

Luka Modriç është favoriti kryesor dhe një gjë e tillë konfirmohet dhe nga Spanja. Sipas “Ondo Cero”, mesfushori kroat i Realit të Madridit do të jetë fituesi i “Topit të Artë”.

Gjatë këtyre ditëve u përfol për një garë francezo-kroate, me Luka Modriç, Rafael Varan dhe Kilian Mbape në podin e fituesve. Por, lajmi i “Onda Cero” thekson dhe diçka tjetër. Varan dhe Mbape nuk do të jenë në treshën e parë. Nëse Modriç do të jetë fituesi i çmimit, në pod do të ngjiten Kristiano Ronaldo dhe Antuan Grizman.

Me pak fjalë, të tre lojtarët më të mirë të këtij viti vijnë nga La Liga spanjolle. Portugez u largua nga vendi iberik dhe ka nisur aventurën italiane me Juventusin, por deri në maj ai ishte pjesë e Realit të Madridit.

“Topi i Artë” dhe arsyetimi i Simeones: Askush si Grizman këtë vit, lojtar super inteligjent

Sport Ekspres — Tue, 27 Nov 2018 13:12:45 +0000

Gara për fitimin e “Topit të Artë” në këtë sezon është ndryshe nga vitet e tjera. Fitues nuk do të shpallet Leo Mesi, por as Kristiano Ronaldo. Një vit pushim për dyshen fantastike, të cilët kanë fituar 10-të çmimet e fundit të trofeut prestigjioz individual.

Votimet janë mbyllur, fitues do të shpallet njëri midis: Luka Modriç, Kilian Mbape dhe Rafael Varan. Tashmë mbetet vetëm shpallja e fituesit, ndërsa Diego Simeone ka dhënë mendimin e tij për çmimin në fjalë.

Nuk ka shanse të ndodhë, por trajneri argjentinas zgjedh Antuan Grizman si lojtarin e duhur për ta fituar “Topin e Artë”. Të dy punojnë bashkë të Atletiko e Madridit, Simeone e njeh shumë mirë dhe e arsyeton mendimin e tij se pse Grizman e meriton këtë çmim, më shumë se çdo futbollist tjetër.

“Nga pikëpamja e përgjithshme mund të themi që Leo Mesi dhe Kristiano Ronaldo janë futbollistët më të mirë në botë. Por, jo në vitin 2018. Këtë herë është Antuan (Grizman), i cili ka qenë para të gjithëve. Në këtë vit, askush në botë nuk ka bërë kaq gjëra të rëndësishme për skuadrën e tij si Grizman, si për Francën dhe për Atletikon. Ky është realiteti. Kur një futbollist siguron që gjithë skuadra mund të funksionojë, duke u bazuar në trurin e tij, ka një vlerë të pallogaritshme.”

“Franca luan falë inteligjencës së Grizman. Kur ai është i kthjellët dhe në formë të mirë fizike, nuk ka asnjë tjetër lojtar në botë kupton dhe interpreton futbollin si ai. Nëse shohim dhe trofetë e fituar si: Kupa e Botës, Europa League dhe Superkupa e Europës, askush nuk ka bërë aq shumë për skuadrën e tij, sesa Antuan Grizman”, përfundon trajneri i Atletikos së Madridit për “France Football”.

Kavani: Nejmar simuloi, “Topi i Artë” duhet t’i shkojë një francezi

Sport Ekspres — Wed, 21 Nov 2018 09:59:16 +0000

Sulmuesi uruguaian Edinson Kavani ka qenë i ftuari i ish-futbollistit francez Kristof Dugarri në emisionin e këtij të fundit në “Radio Monte Carlo”. Në bashkëbisedimin me 46-vjeçarin, futbollisti i PSG-së foli mbi marrëdhënien e tij me Kilian Mbapenë dhe brazilianin Nejmar, si dhe për çmimin e Topit të Artë.

SHERRI ME NEJMAR – Kavani foli dhe mbi incidentin që ndodhi në miqësoren ndaj Brazilit, ku ai dhe Nejmar u përfshinë në një debat të vogël pas një ndërhyrjeje: “Janë gjëra që ndodhin në futboll. Jemi shokë e vëllezër, por në fund secili prej nesh ka dëshirë të fitojë e të nderojë kombëtaren e tij. Nuk i bëra asgjë, as nuk e preka. Iu afrova dhe i thash se nuk e kisha prekur, vetëm kaq”.

Is this bromance? #Neymar #Cavani https://t.co/pP18vwXrCy

— Samuel YNWA (@Samuel_YNWA) November 17, 2018

TOPI I ARTË : “Varane mund është një ndër kandidatët, Grizman dhe Mbape gjithashtu. Duhet shikuar me kujdes performanca dhe jo vetëm emri i tyre. Për mendimin tim, Topi i Artë duhet t’i shkojë një francezi. Modriç bëri gjithashtu një sezon të shkëlqyer, por Varan fitoi Champions-in së bashku më Botërorin”.

KONKURRENCA NË SULM – “Jemi tre lojtarë me aftësi të shkëlqyera dhe është normale që të gjithë duam që të shënojmë. Trajneri ka për detyrë që ta në bëjë të luajmë si një grup i vetë, qoftë në sulm apo në mbrojtje. Sigurisht është më e lehtë ta thuash se sa në praktikë”.

Bundesliga në harresë, asnjë lojtar në 30 nominimet e Topit të Artë

Sport Ekspres — Tue, 09 Oct 2018 13:36:04 +0000

Ditën e djeshme revista franceze “France Football”, publikoi listën me 30 kandidatët për trofeun e “Topit të Artë”. Publikimi i listës shkaktoi shumë polemika në Gjermani, pasi asnjëri prej 30 lojtarëve nuk është pjesë e Bundesligës.

Në listën e “France Football” dominojnë lojtarët e La Liga dhe Premier League, ndërkohë që nga tre lojtarë secili janë përfaqësuar edhe kampionati italian e francez.

? We have our 30 nominees for the 2018 Ballon d'Or France Football! #ballondor pic.twitter.com/M01sH5gspj

— Ballon d'Or (@ballondor) October 8, 2018

“Topi i Artë” versioni U21, ja lista me 10 kandidatët

Sport Ekspres — Mon, 08 Oct 2018 17:35:42 +0000

“France Football” revista franceze që publikon çmimin e “Topi të Artë”, ka ardhur me një çmim risi për këtë vit. “Trofeu Kopa” e ka marrë emrin në nderim të legjendës së futbollit francez Rajmond Kopa dhe do t’i jepet në mënyrë të përvitshme futbollistit më të mirë nën moshën 21-vjeçare.

Ditën e sotme revista ka publikuar 10 kandidatët për trofeun debutues. Në listën e “France Football” bie në sy emri i kampionit të botës, Kilian Mbape, i cili nuk do ta ketë të vështirë të mund konkurrencën Donarumës, Kutrones, Arnold, Pulisiç etj.

The first ever shortlist for the Trophée Kopa – France Football's new U21 version of their Ballon d'Or – has been revealed:

?? Aouar
??????? Alexander-Arnold
?? Cutrone
?? Doan
?? Donnarumma
?? Haidara
?? Kluivert
?? Mbappé
?? Pulisic
?? Rodrygo pic.twitter.com/NipVUMFNXJ

— Squawka Live (@Squawka_Live) October 8, 2018

Kaka flet për fituesin e Topit të Artë, “injoron” Mesin dhe Ronaldon

Sport Ekspres — Thu, 23 Aug 2018 17:04:14 +0000

Mund të duket e pabesueshme, por lojtari i fundi që ka fituar Topin e Artë, përveç Ronaldos dhe Mesit është Rikardo Kaka. Braziliani i dha fund karrierës në 17 dhjetor të vitit të kaluar dhe tani po ndjek kursin për t’u bërë drejtor sportiv në Brazil.

I pyetur nga “Globo” për fituesin e Topit të Artë për vitin 2018, Kaka, ka dhënë një përgjigje mjaft befasuese. 36-vjeçari tha se për të janë vetëm dy kandidatë në garë, Mbape dhe Modriç, të dy lojtarë që shkëlqyen në Botërorin “Rusi 2018”.

Ronaldo dhe Mesi e kanë fituar Topin e Artë prej 10 vitesh radhazi, ndoshta ky është viti që “hegjemonia” e tyre në futbollin botëror do të thyhet.

Mbape krah Pele, i pari në radhë për “Topin e Artë”

Sport Ekspres — Sun, 15 Jul 2018 17:16:39 +0000

Kilian Mpabe është në rrugën e duhur. E thonë shifrat dhe ato nuk gënjejnë. Edhe pse ende nuk i ka mbushur 20 vjeç, sulmuesi francez numëron 56 gola të realizuar, trefish më shumë se Kristiano Ronaldo dhe Mesi. Në treg çmimi i tij është në stratosferë dhe të ardhmen e ka përpara. Argjentinasi i Barcelonës në moshën e Mbape kishte shënuar vetëm 14 gola, kurse portugezi një më pak.

Sigurisht duhet vazhdimësi, por emri i tij do të jetë krah të madhit Pele. Sulmuesi francez bëhet i dyti lojtar që shënon në një finale dhe që nuk i ka mbushur 20 vjeç. Rekordi absolut i takon legjendës së Brazilit, pasi në finalen e vitit 1958 shënoi dy herë në fitoren 5-1 të regjistruar me Suedinë. Pele të dytin e shënonte në minutën e 90-të dhe e ka mirëpritur francezin në “klub”.

Only the second teenager to have scored a goal in a #WorldCupFinal! Welcome to the club, @KMbappe – it's great to have some company! // O segundo adolescente a marcar um gol em uma final de #CopaDoMundo! Bem-vindo ao clube, Kylian – é ótimo ter a sua companhia! https://t.co/g8b2gLTy7B

— Pelé (@Pele) July 15, 2018

Mbape shënoi golin e katërt (65’) në fitoren 4-2 që Franca regjistroi me Kroacinë. Sulmuesi është kampion bote dhe i duhet që edhe në futbollin e klubeve të fitojë. Me PSG dështoi vjet, por mund t’ia dalë në të ardhmen. Ka edhe zgjidhje tjetër: të transferohet te Real Madrid dhe të bëhet “mbret” duke fituar Ligën e Kampioneve.

Tani sulmuesi kthehet në një kandidat serioz për të fituar “Topin e Artë”. Nëse kthehemi pas në kohë, Majkëll Ouen e ka marrë atë çmim në vitin 2001 me 24 gola të shënuar, ndërkohë që fitonte Kupën UEFA, FA Cup dhe Fotball League Cup. Mbape ka shënuar më shumë se “djaloshi i artë”, pasi numëron 25 gola këtë sezon, ndërkohë që është kampion bote. Duhet më shumë?