Tony Kroos

Oferta e fundit nuk refuzohet dot, Reali befason Junajtid

Sport Ekspres — Fri, 05 Jul 2019 08:33:20 +0000

Real Madrid nuk dëshiron ta humbasë garën për Pol Pogba. Francezi është objektivi i madh i klubit dhe fiksimi i trajnerit Zinedin Zidan. Sipas lajmeve të fundit që vijnë nga Spanja, “Los Blancos” po përgatisin një ofertë të parefuzueshme.

80 milionë euro dhe kartonët e Garet Bejl dhe Toni Kros. Kjo është oferta e çmendur e Realit për Mançester Junajtid! Eduardo Inda ka zbuluar këtë propozim për “El Chiringuito” dhe është i bindur që “Djajtë e kuq” do ta pranojnë.

Gazetari i njohur iberik jep një koment edhe për interesimin e Juventusit. “Vetëm një skemë e Mino Rajolës për të rritur çmimin e francezit, asgjë tjetër”, thekson Inda.

Kros drejt largimit? Mesfushori gjerman shuan çdo dyshim

Sport Ekspres — Sat, 13 Apr 2019 08:53:21 +0000

Toni Kros është një nga pikat më të forta të Realit të Madridit. Mesfushori gjerman ka qenë një lojtar deçiziv për fitimin e katër trofeve të Champions Ligës në pesë vitet e fundit. Gjermani ka formuar bashkë me Luka Modriç një nga dyshet më të forta dhe të bukura të repartit të mesit të fushës.

Shumë lajme kanë qarkulluar këto kohë për të. Kontrata me “Los Blancos” përfundon në vitin 2022, ndërsa flitet për një largim të mundshëm në fund të sezonit. Spanjollja “AS” e kishte në faqe të parë një lajm të tillë.

Megjithatë, vetë lojtari ka reaguar në lidhje me këto zëra. “Informacion absolutisht i pavërtetë”, shkruan shkurt Toni Kros, duke konfirmuar faktin që ndihet mirë në kryeqytetin spanjoll dhe as që ka ndërmend të ndryshojë ambient.

Información absolutamente falsa?????? https://t.co/z2PYwz0fiA

— Toni Kroos (@ToniKroos) April 12, 2019

Jo vetëm Juventusi, Toni Kros ka një dëshirë për të ardhmen

Sport Ekspres — Sun, 31 Mar 2019 13:39:12 +0000

Toni Kros po zhvillon sezonin e pestë me Realin e Madridit. Gjermani ka fituar gjithçka me “Los Blancos” dhe në fund të sezonit mund të marrë vendimin për të provuar një eksperiencë të re.

28-vjeçari pëlqehet nga Juventusi, por e ardhmja e tij mund të jetë një tjetër kampionat. Sipas raportimeve të “El Confidencial”, gjermani ka një preferencë. Kros dëshiron të luajë në Premier Ligë me ekipin e Mançester Sitit.

Mesfushori mund të bashkohet përsëri me Pep Guardiolën. Të dy punuan vetëm një sezon së bashku te Bajerni i Mynihut, përpara se lojtari të vendoste për t’u transferuar te Reali i Madridit.

Reali mendon shkëmbimin e bujshëm, Juventusi heziton

Sport Ekspres — Wed, 27 Mar 2019 09:50:43 +0000

Në aksin Madrid-Torino po mendohet një shkëmbim i madh në mesin e fushës. Reali pëlqen shumë Miralem Pjaniç, mesfushorin boshnjak të bardhezinjve. Ai është një nga të preferuarit e Zidanit dhe Florentino Perez ka gati planin për të kënaqur trajnerin e tij.

Sipas lajmeve që vijnë nga Spanja, “Los Blancos” do të heqin dorë nga Toni Kros për të mbërritur te Pjaniç. Gjermani i pëlqen Juventusit, por rroga e tij e lartë është problem. Pjaniç përfiton 6.5 milionë euro në sezon, ndërsa Kros pothuajse dyfishin.

Drejtuesit e klubit italian po hezitojnë për momentin dhe po bëjnë vlerësimet e duhura, por nga ky shkëmbim mund të përfitojnë të gjitha palët. Kros ka dhe dy oferta të tjera. Sipas raportimeve të “Bild”, PSG dhe Mançester Junajtid janë shumë të interesuara për shërbimet e lojtarit të kombëtares gjermane.