Auzilio dhe Marota duket se e kanë gati planin për të mposhtur konkurrencën e Juves dhe Milanit. Sipas asaj që raporton “calciomercato.com”, drejtuesit zikaltër do t’i ofrojnë Breshias një ofertë të ngjashme me atë të Romës një vit më parë, ku transferuan Naingolan.

Përveçse parave, ekipit nga Serie B do t’i ofrohet edhe një ose dy talente të akademisë, me vlerën totale të operacionit që thuhet të shkojë 35 deri në 40 milionë euro. Gjithashtu, pë të bindur edhe lojtarin, drejtuesit kanë menduar që ta lënë edhe për një sezon tjetër në huazim Tonalin te Breshia dhe më pas, në sezonin 2020/2021, 18-vjeçari të afrohet te zikaltrit.

Sipas raportimeve të fundit nga mediat italiane, Milani është klubi favorit për të siguruar shërbimet e talentit 18-vjeçar. Kontaktet mes drejtuesve kuqezinj dhe Breshias thuhet të kenë nisur, me klubin nga Serie B që kërkon së paku 30 milionë euro për “xhevahirin” e saj.

Një shifër jo e vogël, duke ditur që Tonali ka luajtur vetëm në Serie B. Gjithsesi mbetet për t’u parë se si do të veprojë Milani. Kujtojmë që, 18-vjeçari ka deklaruar më parë se është tifoz i kuqezinjve dhe se i pëlqen shumë Gatuzo.

mesfushori, i cili së fundmi është ftuar edhe nga Roberto Mançini në kombëtare, njihet si një milanist, por favoritë shihen tre klubet e tjera për ta blerë atë. Gjithsesi, presidenti i Breshias, Masimo Çelino, ka theksuar se shitja e mesfushorit nuk është një çështje parash.

Në një intervistë që ka dhënë për “Tuttosport”, ai ka theksuar se do t’ia shesë klubit që e do më së shumti dhe beson te Tonali. Për këtë ai kujton edhe transferimin e Naingolan, të cilin Çelino ia shiti Romës kur ishte president i Kaljarit.

“Nuk është një çështje parash, unë do isha i gatshëm për ta mbajtur atë përgjithmonë. E mbani mend çfarë ndodhi me Naingonalin te Kaljari? Juventusi ofroi më shumë, por e shita te Roma që besoi më shumë tek ai. Kështu që do ia jap ekipit që e do më shumë”, është shprehur numri një i klubit të Breshias.

Kuqezinjtë duan të përforcohen dhe Tonali është një tifoz i Milanit, ndaj duhet që Leonardo dhe Maldini të nxitojnë e të bëjnë ofertën e duhur te Breshia për mesfushorin. Ftesa që i ka bërë Roberto Mançini te Italia, ia ka rritur edhe më shumë vlerat mesfushorit.

Ndërkohë në Itali janë disa klube që e duan Tonalin. Juventusi, Interi dhe Napoli po e ndjekin, por ka edhe klube të tjera që e duan mesfushorin e Breshias, shok skuadre e Emanuele Ndojin e kombëtares shqiptare.

Sipas së përditshmes sportive italiane “Corriere Dello Sport”, në listën që do të publikohet në ditët në vijim nga Mançini nuk do të jenë emrat e Andrea Belotit e Patrik Kutrones. Mesa duket trajneri i kombëtares italiane ka ndërmend të luajë përsëri më Federiko Bernardeskin e Juventusit në majë të sulmit, ashtu siç bëri në ndeshjen ndaj Polonisë.

Ndërkohë, do të ketë dhe një lojtar të grumbulluar nga Serie B. Mesfushori i talentuar i Breshias, Sandro Tonali, do të marrë ftesën e parë në përfaqësuesen “axurre”. Talenti 18-vjeçar është një ndër zbulimet e këtij viti në divizioni e dytë të futbollit italian dhe për të ka pasur interes të madh nga disa klube të Serie A.

Sipas medieve italiane Mançini ka ndërmend t’i dërgojë një ftesë mesfushorit Sandro Tonali. Futbollisti 18-vjeçar luan në Serie B me Breshian, ku po spikat me paraqitjet e tij dhe jo më kot është kthyer në një shënjestër për shumë klube të Serie A, si Milan dhe Atalanta.

Tonali deri më tani ka 10 paraqitje për përfaqësuesen U19 të Italisë, ndërsa akoma nuk ka debutuar me ekipin U21. Nuk është hera e parë që Mançini përgatit ftesa për lojtarë premtues, pasi në grumbullimin e fundit mori në skuadër talentin e Romës Nikolo Zaniolo.

Për momentin Milani është ekipi në “Pole Position” për italianin e talentuar, kontrata e të cilit mbaron në vitin 2021. Për të blerë kartonin e Tonalit, kuqezinjtë duhet të paguajnë të paktën 4 milionë euro, por ky çmim mund të rritet, pasi për lojtarin interesohen dhe disa klube të tjera.

Atalanta dhe Xhenoa kanë pasur bisedime me agjentin e lojtarit. Sigurisht, forca e tyre financiare është shumë herë më e vogël se e skuadrës së drejtuar nga Gatuzo, por avantazhi i tyre është se mund ti garantojnë të riut minutat të shumta nëpër këmbë, të cilat te Milani do të ishin thuajse të pamundura.