Ajo çka bie në sy është fakti që në këtë ndeshje ka shënuar katër gola sulmuesi Tomislav Bushiç. Kroati ka gjetur rrugën e rrjetës në tre sfidat e fundit, duke vënë në “siklet” drejtuesit e “Djemve të Detit”. E ardhmja e sulmuesit  te Teuta është vënë në dyshim këtë periudhë.

Golat e shënuar normalisht që e bëjnë situatën të tjerë tjetër. Bushiç do kërkojë të tregojë vlerat e tij ndaj Ventspils dhe nëse bën mirë janë të pakta gjasat që të largohet. Golat janë ata që e nderojnë një sulmues dhe kroati duket sikur ka gjetur ritmin dhe nuk dëshiron të ndalet.

MIQËSORET E TEUTËS NË BULLGARI

Teuta – Septemvri Sofia 2-0
Shënues: Kallaku 1’, Bushiç 76’

Teuta – Akademija Pandev 4-1
Shënues: Bushiç 21’, 56’ Kallaku 78’ (11 pen.), L. Beqja 81’

Kariana – Teuta 0-1
Shënues: Bushiç 56’

Botev Vratsa – Teuta 2-1
Shënues: Valçev, Masedo / Progni (pen)

Më shumë se të gjithë e dëshiron Bushiç këtë përballje. Sulmuesi kroat i Teutës është aktivizuar gjatë sezoneve 2004-2007 me Hajdukun e famshëm, ekip me të cilin u shpall kampion në vitin 2005, përpara se të huazohej drejt Dinamos së Kievit, aty ku qëndroi vetëm fazën e parë.

Bushiç u rikthye përsëri në Split, ku qëndroi deri në verën e vitit 2009. 33-vjeçari ka dhënë një prononcim interesant për “Sportske Jutarnji“,  duke u ndalur te përballja e mundshme në turin e dytë të Ligës së Europës, Teuta, trajneri Bledi Shkëmbi dhe bukuritë e Shqipërisë.

FAZA – “Jemi duke u përgatitur në Bullgari. Pasi u ndanë grupet e skuadrave me rivalët e mundshëm, e ndjeva se mund të ndesheshim me Hajdukun. Thjesht pata një ndjesi. Fillimisht duhet të kalojmë Ventspils. Donim që disa skuadra të mos na binin, si polakët, kazakët dhe qipriotët. Jemi të lumtur për skuadrën që na ra në short dhe me faktin që ndeshjen e dytë e luajmë në Shqipëri. Përfaqësues të klubit tonë do i shikojnë ata, e dinë që renditen në vendin e pestë në kampionatin e tyre që po luhet tani. Duhet t’i kalojmë.”

HAJDUKU – “Po e pres me padurim atë ndeshje, megjithatë ne së pari duhet të kalojmë pengesën e parë. Gjithsesi besoj se do të kemi një duel me Hajdukun. Do të më pëlqente të luaja në Poljudu, ku jam rritur duke luajtur si djalë i ri. Nuk ka kënaqësi më të madhe.”

Pyetja klasike, a do festoje nëse shënon? – “Çfarë pyetje! Kam shënuar në Hajduk kur isha pjesë e Slaven Belupo. Nuk festova në respekt të ish-klubit im. Gjithsesi, është klubi ku unë u rrita dhe më bëri ky që jam. Po luaj sërish dhe do ishte bukur të shënoja, edhe pse Hajduku do të jetë sigurisht favorit në atë duel.”

SHKËMBI – “Bledi është një trajner i shkëlqyer, ashtu si pjesa tjetër e stafit. Profesionalisht është në një nivel të lartë. Besoj se do të na përgatisë mirë për Ventspils dhe pastaj për Hajdukun. Disa lojtarë janë larguar, kanë ardhur të tjerë të rinj. Kemi nevojë për sulmues, pasi kam në r vetëm unë në repartin ofensiv.”

SHQIPËRIA – “I gjithë vendi është i bukur, ka diçka për të parë. Po kaloj shumë mirë në Shqipëri, është viti i pestë që jam këtu, i katërti klub me të cilin po luaj dhe kam njëfarë reputacioni në kampionat. Shpresoj të luajmë me Hajdukun dhe tifozët që do të vijnë do të kenë mundësinë të shijojnë bukuritë e këtij vendi”.

STADIUMI – “Luajmë në një stadium që merr 7-8 mijë dhe kur ka ndeshje të forta vijnë shumë. Njerëzit në Shqipëri e duan futbollin dhe në vitet e fundit ka rritje. Me Ventspils me siguri do të luajmë në stadiumin tonë dhe nëse kualifikohemi atëherë mund të luajmë në Elbasan Arena, që ka një kapacitet më ta madh.”

“Jam një person familjar. Jam i martuar dhe kam dy fëmijë, një djalë e një vajzë që jetojnë Kroaci. Kam qenë pjesë e akademisë së Hajdukut të Splitit për pesë vite, më pas luajta me ekipin  e parë, ku fitova një kampionat në Kroaci. Në një sezon isha golashënuesi më i mirë i skuadrës, por kalova një moment të keq ku pësova shumë dëmtime. Kur erdha në Shqipëri, nuk disa asnjë gjë për këtë vend. Tani jam si një shqiptar (qesh)”.

TIRANA – “Tirana është klub i madh, më i madhi në Shqipëri. Edhe atje kisha probleme me pagesat dhe probleme me presionin nga tifozët. Presioni atje është më i madh, por kryesorja ishte problemi i pagave që ndikoi te loja e keqe”.

FLAMURTARI DHE VLORA – “Jam kënaqur me kohën që kam luajtur në Vlorë. Atje kam shumë shokë. Kam respekt për të gjithë qytetin e tifozët. Për mua Vlora është një ndër qytet më të bukura në Shqipëri. I uroj tifozëve që ekipi të rikthehet te trofetë”.

PROBLEMET – “Ekipi pretendent për tituj kërkon profesionalizëm në çdo aspekt. Duhet profesionalizëm në pagesa. Kur lojtarët paguhen në kohë, të gjitha funksionojnë. Dallohet te Teuta, këtu të gjithë lojtarët janë në gjendje të mirë dhe po luftojmë për Europën dhe Kupën”.

MUNGESA E GOLIT – “Për çdo sulmues është i rëndësishëm golin, por unë jam lojtarë eksperiencë dhe e di se nëse vazhdoj të luaj mirë për ekipin e të jap asiste edhe goli do të vijë. Tani në ndeshjen e Kupës kundër Kukësit do të kërkoj të shënoj golin e parë”.

FUTBOLLI NË KROACI DHE SHQIPËRI – “Në Shqipëri është një futboll më agresiv, me më pak qarkullim topi”.

MBROJTËSI DHE SULMUESI MË I MIRË ?  – “Radas (qesh). Ka shumë mbrojtës të mirë, si Jashanica e Osmani. Sulmuesi më i mirë? Pero Pejiç normalisht. Ai është lojtari i huaj me më shumë gola në Shqipëri. Daniel Xhafaj ka qenë gjithashtu një sulmues i mirë. Edhe Ekuban i Partizanit ishte super”.

“Është një situatë shumë e çuditshme për këdo, jo vetëm për mua. Ishte e vështirë që të luaja sot. Luaja prej 3 vitesh me Flamurtarin dhe ishte e vështirë në këtë takim. Nuk di çfarë të them, pasi ishte një ndeshje me shumë emocione për mua”.

Rasti i golit të anuluar?

“Them se ishte pozicion i parregullt, tani që e shoh nga përsëritja”.

Si arrite që të mos ngatërroje shokët e skuadrës?

“Jam profesionist. Shoh vetëm lojën time”.

I dhatë ndonjë informacion Shkëmbit para ndeshjes?

“Folëm pak me trajneri për taktikën e trajnerit Daja dhe për goditjet standarde”.

“Jam shumë i kënaqur që erdha këtu në Durrës. Tani do të përqëndrohem për të dhënë gjithçka që kam si futbollit për këtë fanellë. Në Vlorë ishte një situatë shumë e vështirë. Dje u takova me presidentin, si xhentëlmen u dhamë duart njeri-tjetrit dhe mbaruam punë”, tha për Supersport Bushiç.

Sulmuesi mund të aktivizohet që nesër, pikërisht ndaj Flamurtarit. “Jam gati, normalisht. Jam profesionist, të shikojmë nesër. Kam shanse që të luaj, për mua nuk asnjë problem. Tani jam me Teutën dhe normal që mendoj se fiton Teuta”, përfundoi kroati.

Renato Arapi është peng i “OK” – it të federatës turke, ndërkohë që tregon se Teutën e zgjodhi me zemër. “Ndihem mirë për faktin se jam në shtëpinë time, por akoma s’ka mbaruar çdo gjë.  Presim lejekalimin nga Federata Turke, atëherë do të mbyllet gjithçka”, tha mbrojtësi durrsak.

Më tej shtoi: “Të them të drejtën vendosi zemra, por edhe ekipi që këmbënguli më shumë nga ekipet e tjera ishte ekipi i Durrësit. Kështu që  s’kisha si ta refuzoja”.

OBJEKTIVI – “Realisht Teuta e ka kapacitetin për të shkuar lart. Përveç lojtarëve që kanë fituar trofe e kanë eksperiencë, kemi lojtarë të rinj që janë shumë të talentuar. Atyre do u duhet edhe pak kohë për të treguar realisht vlerat që kanë. E lehtë nuk do të jetë, duke parë edhe ecurinë e Partizanit. Shpresoj që të bëjmë më të mirën e ekipi të vazhdojë me të njëjtat hapa, siç edhe e mbylli vitin që kaloi”.

Bisedimet shkuan mirë dhe Bushiç për “SportEkspres.com” shkurtimisht thoshte: “Jam lojtari më i ri Teutës”. Sot ka ardhur edhe prezantimi nga ana e klubit durrsak, që ka postuar edhe fotot e sulmuesin me fanellën e “Djemve të Detit”.

“Ka firmosur sot paradite kontratën që e bën zyrtarisht pjesë të Teutës. Tomislav Busiç është përforcimi i dytë zyrtar për skuadrën durrsake. Sulmuesi 32-vjeçar në sezonin e fundit ka qenë pjesë e Flamurtarit”, njofton klubi durrsak.

Palët kanë arritur një marrëveshje dhe Bushiç është lojtar i lirë. “Kemi ndërprerë kontratën, nuk do të ketë asnjë gjyq. Kemi arritur një marrëveshje dhe tani jam i lirë”, u shpreh shkurtimisht Bushiç për Sportekspres.com. 

Momentalisht kroati nuk zbulon gjë për të ardhmen, por nuk përjashtohet mundësia të mbetet në Superiore. Teuta ka shfaqur interes për sulmuesin, i cili në Shqipëri është aktivizuar edhe me Vllazninë e Tiranën.

Bushiç te Flamurtari ishte në sezonin e tretë, duke shënuar 23 gola në 65 ndeshje kampionati dhe duke qenë një lider, por kapiteni i disa ndeshjeve këtë sezon e humbi durimin, pas disa muajsh pritje.

Largimi i tij është sinjali përfundimtar se te Flamurtari gjithçka ka marrë fund. Danilo Alvesh iku, Bushiç iku, tashmë Ilir Daja pritet të largohet dhe gjithë titullarët. Një turp i madh për Flamurtarin, një turp i madh për Vlorën, një situatë jo e re për këtë qytet, ku futbolli mund të vdesë brenda pak javësh.

“Është një ndeshje e vështirë për shumë arsye, pasi lojtarët janë jo 100% të motivuar. Kjo në raport me Tiranën nuk është njësoj, pasi ata janë në një pozicion që kërkojnë të ngrihen. Por edhe ne e duam diçka të tillë, pavarësisht se vijmë nga dy fitore radhazi. Kemi përballë një kundërshtar si Tirana, që pikët e marra nuk tregojnë nivelin e tyre. Ata kanë prodhuar lojë dhe nuk nisemi nga pozicioni që kanë në tabelë. Do e vlerësojmë maksimalisht, pasi janë klubi më i titulluar në vend. Me aq sa kam mundur ta ndjek, besoj se Tirana meriton më shumë nga sa ka në tabelën e klasifikimit. Ne vijmë pas dy fitoreve radhazi, por futbolli është i tillë që sapo mbaron një ndeshje duhet të ruash të njëjtin ritëm nëse do të shkosh drejt objektivave të vendosura”.

PËRBALLJA ME MEMËN – “Ekipet ndryshojnë nga java në javë, jo më nga një fazë. Siç e njoh unë Memën, më njeh edhe ai. Kjo nuk ka të bëjë me faktin që kemi punuar bashkë. Gjërat evoluojnë, çdo ekip ka problemet dhe armët e forta. Nuk ka rëndësi shumë njohja mes njëri-tjetrit, por leximi i lojës gjatë zhvillimit të saj”.

SITUATA NË EKIP – “Gjatë kësaj periudhe, problematika jonë ka qenë fakti që nuk e kemi pasur grupin të plotë. Shpesh lojtarët kanë sakrifikuar dhe kanë luajtur jo në gjendjen më të mirë. Jemi mësuar me këtë gjë, as nesër nuk do e kemi të plotë. Mungon Veliu, por edhe Bushiç me shumë mundësi nuk do të jetë. Ata që kemi kanë shumë eksperiencë, sidomos në sulm ku janë Alvesh, Torasa e Kale. Nëse do mbështeten mirë, atëherë do ta bëjnë më të lehtë mungesën e Bushiç”.

“Sulmi i plotë? Besoj se nuk do ta ketë Alvesh këtë pretendim, pasi në 18 javë kampionat nuk ka qenë prezent në shumë ndeshje. Por kësaj radhe nuk e plotësojmë dot, pasi Bushiç nuk mund të jetë. Sot do shihet konfirmimi. Do futemi edhe nesër ne fushë me kontingjentin jo të plotë. Kemi kohë për të qenë të gjithë bashkë. Problematika jonë kryesore ka qenë se nuk kemi qenë me ekipin e plotë. Shpresojmë të jemi në vazhdimësi, pasi jo vetëm rritet rivaliteti, por edhe shprehim potencialin tonë në fushë dhe të kënaqim tifozët me paraqitjen e bërë”.

OBJEKTIVI – “Nuk kënaqem me barazimin. Nesër, si në çdo ndeshje do të futemi për të marrë tre pikët, pavarësisht se e di që do të jetë një ndeshje shumë e vështirë”.

“Më kënaq goli dhe fitorja. Kam tre gola më pak se shënuesi më i mirë, por më kënaqin tre pikët. Jemi pranë vendit të dytë”, u shpreh Bushicc pas ndeshjes, ndërkohë që më pas zbuloi edhe pese festuan ashtu pas golit.

“Para ndeshjes me Partizanin pimë kafe me Bathën dhe vendosëm që nëse shënoj do festojmë si Mbape në Francë.  Golat? Kjo ishte ndeshja e parë që luanim të gjithë bashkë. Fusha ishte jo e mirë, ne kemi një taktikë tjetër dhe kushtet nuk ishin. Do mundohem të shënoj sa më shumë me Tiranën. Jemi stërvitur dhe po mundohemi të përshtatim manovrën sulmuese. Në fazë do punojmë dhe të përmirësohemi.

“Tani kam rol tjetër, qëndroj në qendër dhe nuk zhvendosem më në krah. Më vështirë ishte të prisnit fotografin pas golit, apo të shënonit? E para ishte më e vështirë”.