Palët kanë rënë dakord për rinovimin e kontratës dhe marrëveshja është gjetur. Deri në verën e vitit 2022 do të vijojë bashkëpunimi, që është bërë zyrtar nga klubi. 45-vjeçari fitoi titullin kampion në sezonin e parë me PSG, ndërsa objektivi i madh mbetet fitimi i Champions Ligës.

Gjermani gëzon respektin e lojtarëve, ndërsa vlerësohen shumë idetë e tij moderne të futbollit dhe raportet humane që krijon me të gjithë pjesëtarët e klubit.

“Jam i kënaqur të zgjat kontratën dhe të vijoj angazhimin tim te PSG. Dua të falënderoj presidentin dhe gjithë klubin për besimin tek unë dhe stafi im. Kjo përforcon ambiciet e mira ta çoj ekipin në nivele të larta përmes punës. jam shumë i prekur edhe nga mbështetja e tifozëve dhe jam i sigurt që ende më e mira për ne si klub nuk ka ardhur“, u shpreh Tuhel pas firmosjes së kontratës së re.

Nuk munguan as fjalët e presidentit, Al-Khelaifi. “Sot e gjithë familja e PSG-së është e kënaqur që Tomas Tuhel zgjati kontratën e tij. Prej një viti ai ka sjellë energji fantastike në jetën e përditshme të klubit, jo vetëm për lojtarët, por për të gjithë PSG-në. Tomas është një tifoz i madh i futbollit, si dhe një trajner shumë i kërkuar dhe që gjithashtu i dëgjon të tjerët“, u shpreh manjati arab.

Diçka e tillë i ka dhënë fund shpresave të Maks Alegrit. Pasi zyrtarizoi ndarjen me Juventusin në fund të sezonit, emri i tij përflitej si kandidat për stolat e PSG, Mançester Junajtid dhe Çelsit. Opsioni i parë ra dhe tashmë mbetet vetëm mundësia për të provuar emocionet e futbollit anglez.

Communiqué du club – @TTuchelofficial

— Paris Saint-Germain (@PSG_inside) May 25, 2019

Tomas Tuhel ka përfituar për të bërë pak gallatë me lojtarin e tij. Trajneri i PSG-së flet për golin e fundit të Verratit, stilin e tij të lojës dhe ka një kërkesë për italianin.

“Nuk e di se çfarë i ka ndodhur. Normalisht ai nuk shënon, e patë që nuk dinte të festonte?! Edhe në stërvitje, Marko është gjithmonë në kërkim të një shoku për t’i pasuar topin, edhe pse mund të gjendet dy metra larg portës. Ai dëshiron që t’i bëjë të tjerët të lumtur, por duhet të mësojë të jetë më shumë egoist. Bëjmë shumë shaka në këtë aspekt, por ndodhsha tani ka fituar më shumë besim te vetja”, përfundon trajneri gjerman i PSG.

Megjithatë, Tomas Tuhel nuk i zë besë ekipit të Solskjaer, pavarësisht se këta të fundit kanë shumë mungesa dhe u duhet të rikthejnë rezultatin. Në marsin e vitit 2017, PSG ishte pothuajse i kualifikuar. Kishte mposhtur Barcelonën në shtëpi 4-0, por në Katalunjë ndodhi e pabesueshmja.

Mesi me shokë nuk u dorëzuan asnjë moment, fituan 6-1 dhe avancuan më tej, me PSG që u rikthye në Francë totalisht e shkatërruar dhe turpëruar. Trajneri kërkon përqendrim dhe aspak frikë për ndeshjen kundër “Djajve të Kuq”, rikujton eliminimin e dhimbshëm dhe nuk i kursen elozhet për Kilian Mbape, I cili shënoi në kampionat një dygolësh përballë Kaenit dhe po kalon një formë të mrekullueshme.

SITUATA – “Fitorja i bën mirë ambjentit dhe moralit të skuadrës. Kundër Mançester Junajtid është tepër e nevojshme që të luajmë pa frikë, por në të njëjtën kohë nuk duhet të luajmë më siguri të madhe. Duhet të gjejmë një rrugë të mesme. Mos të harrojmë ndeshjen kundër Barcelonës dy vite më parë. Kishim fituar në shtëpi 4-0, por u mposhtëm në Spanjë me rezultatin 6-1.”

MBAPE – “Kilian është një sulmues i vërtetë. Ai është një futbollist i jashtëzakonshëm dhe duhet të jetë finalizuesi ynë. Ka gjithmonë urinë dhe sigurinë e golit. Fitorja kundër Kaenit është mënyra më e mirë për të përgatitur duelin e Champions Ligës.”

KAVANI SFIDON ISH-EKIPIN – “Edinson është i rëndësishëm për ne dhe në këtë moment ndoshta ai ndihet pak i trishtuar sa nuk po shënon aq shumë, por i thashë se situata do të ndryshojë dhe ai nuk duhet të shqetësohet për këtë. Ai punon shumë për ekipin, vetëm duhet të ketë gjithmonë besim dhe goli do të vijë. Unë e di që nesër është një ndeshje e veçantë për të dhe shpresoj që ai të shënojë”.

CHAMPIONSI – “Ne jemi një klub i madh, por nuk kemi shumë eksperiencë në Ligën e Kampionëve dhe nuk jemi mësuar të shkojmë deri në fund të këtij turneu, kështu që nuk do të quhemi favoritë. Gjithashtu grupi që kemi është shumë i vështirë dhe i komplikuar.”

MUNGESAT – “Tiago Silva nuk ka dalë në stërvitje sot. Ne kemi një seancë tjetër nesër në mëngjes, por besoj se nuk ka gjasa që ai të rikuperohet në kohë për të luajtur. Verrati është stërvitur dhe kjo është e rëndësishme. Ai kishte disa shqetësime  kundër Amiens, por tani është rikuperuar dhe do të luajë nesër. Është gjithashtu e veçantë për të, e di se ai kujdeset për Ancelottin dhe ka një raport të veçantë me trajnerin. Plus ai luan kundër një skuadre italiane, kështu që unë mendoj se ai mund të bëjë dallimin”.

ANCELOTI – “Milani i Ançelotit kishte një futboll fluid dhe ishte një ekip i jashtëzakonshëm. Isha frymëzuar nga ai dhe nga cilësitë e tij. Napoli bëri mirë kundër Liverpulit duke luajtur me energji dhe inteligjencë. Gjithashtu formacioni 4-4-2 me Allan dhe Marek Hamsik në qendër vuri Liverpulin në vështirësi. Ata kanë lojtarë si Lorenco Insinje dhe të tjerë që mund të bëjnë diferencën në çdo moment”.

NAPOLI – “Ne duhet të mbetemi vigjilent, të durueshëm dhe në të njëjtën kohë me intensitetin për të luajtur një ndeshje të mrekullueshme. Napoli ka një ekip që ka  luajtur së bashku për shumë vite dhe ende kanë disa nga lëvizjet që Mauricio Sarri ka transmetuar tek ata.

NDESHJA –  “Do të jetë e rëndësishme të kundërvihesh presingut të tyre dhe të jemi të organizuar, pasi Napoli mund të sulmojë në shumë mënyra dhe me shumë lojtarë. Duhet të japim më të mirën e aftësive tona dhe gjithashtu kemi pak fat. Një lojtar nuk është i mjaftueshëm, kështu që ne duhet të luajmë si ekip nëse duam të kemi ndonjë shans për të mundur Napolin”.

FORMA – “Unë mendoj se humbja ndaj Liverpulit ishte një pikë kthese, sepse shumë gjëra kanë ndryshuar që nga ajo ndeshje. Ndonjëherë është e nevojshme të humbasësh, pasi mund të të mësojë mësime të vlefshme dhe të tregojë se çfarë duhet përmirësuar. Humbja ndaj Liverpulit ishte një përvojë e rëndësishme për ne. Ne duhet të vazhdojmë të jemi të përqendruar dhe të bëjmë një presing të organizuar mirë. Kemi tre javë të rëndësishme përpara tashmë, pasi do të luajmë me Napolin dy herë, Marsejë, Lille dhe Monako”, përfundoi tekniku gjerman.