Tomas Strakosha

Strakosha sfidon Gjimshitin, në Itali jepet trofeu i dytë

Sport Ekspres — Wed, 15 May 2019 10:35:01 +0000

Mbrëmjen e sotme do të zhvillohet finalja e “Coppa Italia”, ku do të vihen përballë Atalanta e Berishës e Gjimshitit dhe Lacio e Strakoshës.

Në kuadër të takimit, “Sky Sport” ka bërë me dije formacionet e mundshme, me të dyja ekipet që luajnë gati-gati me të njëjtin modul. Atalanta e Gasperinit vjen me 3-4-1-2 e zakonshëm, ku Gomez është në mbështetje të dyshes Iliçiç-Zapata në sulm.

Në portë pritet të jetë Golini, ndërsa treshja e mbrojtjes përbëhet nga Gjimshiti-Mazielo-Palomino. Nga krahët luajnë Kastanje dhe Hateboer, ndërsa De Run dhe Froiler mbulojnë qendrën e mesit të fushës.
Nga krahu tjetër, Lacio i Simone Inzagit luan me 3-5-2 të pastër, ku në majën e sulmit luajnë Korrea e Imobile. Në katërkëndësh është portieri i kombëtares Tomas Strakosha, ndërsa përpara tij në mbrojtje janë Luiz Felipe, Açerbi e Bastos.

Nga krahët luajnë Romulo e Luliç, ndërsa në qendër Parolo e Lukas Leiva. Luis Alberto do të jetë pak më i avancuar, teksa shpesh do të kalojë edhe në mbështetje të dy sulmuesve.

ATALANTA (3-4-1-2): Gollini; Mazielo, Palomino, Gjimshiti; Hateboer, De Run, Froiler, Kastanje; Gomez; Iliçiç, Zapata

LAZIO (3-5-2): Strakosha; Luiz Felipe, Açerbi, Bastos; Romulo, Parolo, Lukas Leiva, Luis Alberto, Luliç; Korrea, Imobile

Vlerësimet e gardianëve kuqezi: Berisha dhe Kastrati super, Strakosha kalues

Sport Ekspres — Tue, 18 Dec 2018 17:19:54 +0000

Atalanta arriti një fitore të madhe kundër Lacios, pavarësisht se ekipi i Inzagit nuk e meritonte të dilte pa pikë nga ky takim. Goli i Zapatës në minutën e parë të ndeshjes i dhuroi tre pikë ekipit bergamask, që tashmë ngjitet në vendin e gjashtë me 24 pikë.

Etrit Berisha ishte deçiziv gjatë ndeshjes së mbrëmshe dhe kreu dy pritje të bukura përballë Imobiles dhe Milinkoviç-Saviç, duke mbajtur të paprekur portën e tij. Nga minuta e 57-të u fut në lojë dhe erat Gjimshiti për Atalantën, ndërsa Tomas Strakosha ishte titullar i Lacios.

“Gazzetta dello Sport” ka publikuar notat e ndeshjes së djeshme. Paraqitja pozitive e Berishës është vlerësuar me notën 7, të njëjtën që ka marrë dhe sulmuesi Zapata, i cili shënoi golin e fitores. Dy pritjet ndaj Imobiles dhe mesfushorit serb janë vlerësuar, ndërsa Strakosha ka marrë notën 5.5. Gardiani 23-vjeçar nuk kishte asnjë fjalë te goli i pësuar, ndërsa gaboi në një dalje të pasigurt.

Elhan Kastrati

Prej disa ndeshjes vazhdon të luajë si titullar me Peskarën dhe Elhan Kastrati. Portieri 21-vjeçar zhvilloi një takim pozitiv kundër Veronës në transfertë, pavarësisht se Peskara e tij dhe Memushajt u mposht me rezultatin 3-1. Gardiani, i cili është pjesë e Shqipërisë U21 dhe u grumbullua nga kombëtarja e madhe në miqësoren kundër Uellsit, ka marrë një vlerësim pozitiv për takimin ndaj Veronës, duke marrë notën 7.

“Pret gjithçka çfarë mundet të presë, duke dalë dhe si një portier hokeji. I pafajshëm në golat e pësuar dhe eviton një humbje më të thellë të Peskarës”, shkruhet në vlerësimin për Kastratin.

Strakosha ia hedh, sfidon Dortmundin

Sport Ekspres — Sun, 12 Aug 2018 14:56:33 +0000

Një lajm i mirë për portierin e kombëtares shqiptare. Tomas Strakosha ka kaluar dëmtimin dhe është gati për lojë. Rikthim i rëndësishëm i 23-vjeçarit, i cili e ka nisë nga minuta e parë miqësoren e sotme përballë Borusias së Dortmundit. Lacio përballet me ekipin gjerman në orën 17:30 dhe Strakosha është në formacionin e parë.

Diçka të tillë e ka konfirmuar dhe klubi kryeqytetas, i cili ka postuar dhe formacionin zyrtar të zgjedhur nga Simone Inzagi. Debutim dhe për mesfushorin kroat, Milan Badelj, ndërsa pjesë e titullarëve është dhe Riza Durmishi.

Rikthimi i gardianit gëzon dhe trajnerin e kombëtares, Kristian Panuçin. Berisha po vuan me Atalantën dhe ka humbur vendin e titullarit, kështu që rikthimi i Strakoshës është një lajm i mirë dhe për kombëtaren kuqezi.

? Here’s our starting line up to face @bvb09! #CMonEagles ?

A post shared by S.S. Lazio (@official_sslazio) on Aug 12, 2018 at 7:24am PDT