Tomas Myler

VIDEO | Një penallti acaron Bajernin, Myler: Unë do e humbja qëllimisht

Sport Ekspres — Mon, 15 Apr 2019 15:54:23 +0000

Bajerni u hakmor ndaj Fortunës së Dyseldorfit (ndeshja e parë në “Allianz Arena” përfundoi 3 – 3) duke mundur ekipin modest në transfertë me rezultatin 4 – 1.

Goli i vetëm i vendasve erdhi falë një penalltie të akorduar me “VAR” në minutën e 89-të të takimit. Një top i prekur me dorë nga Mats Humels u cilësua si faull nga arbitrat e dhomës së “VAR”-it dhe gjyqtari kryesor.

Shumica e specialistëve e kanë cilësuar si të gabuar këtë vendin të arbitrit, pasi kontakti me dorën erdhi fill pas një përplasje në trup. Tomas Myler ka qenë lojtari më i acaruar për këtë vendim, madje në intervistën në fund të takimit u shpreh se po t’i jepej atij ajo penallti, ai do ta humbte qëllimisht.

“Sigurisht, topi godet qartazi dorën. Nuk e di se si e shikon pjesa tjetër e Gjermanisë, por unë si sulmues nuk do e doja një penallti të tillë për ekipin tim. Do ta humbja qëllimisht”, tha Myler në intervistën pas ndeshjes për “Sky”.

Nuk munguan replikat nga ana e Dyseldorfit. Trajneri Friedhelm Funkel, u shpreh: “Kemi shkaktuar penallti edhe më të lehta se ajo. Për mua ishte një penallti qartësisht e pastër, diçka kjo që sigurisht nuk e ndryshon fitoren e merituar të Bajernit me shifrat 4 – 1”.

UEFA dënon Tomas Mylerin, Bajerni nuk pajtohet dhe nis “betejën”

Sport Ekspres — Fri, 11 Jan 2019 10:35:05 +0000

Ndërhyrja “horror” e Tomas Myler ndaj Nikolas Taliafiko është dënuar nga UEFA. Kartoni i kuq i marrë në takimin ndaj Ajaksit është shoqëruar edhe me një tjetër dënim disiplinor, që do të bëjë që sulmuesi i Bajernit të Mynihur të humbasë përballjet me Liverpulin në fazën me eliminim direkt në Champions League.

Myler kërkoi falje për ndërhyrjen e bërë, por sigurisht nuk mund t’i shpëtonte dënimit. Për momentin sulmuesi nuk mund të aktivizohet në dy takimet me anglezët, që zhvillohen me 19 shkurt dhe 13 mars.

Bavarezët ndërkohë kanë bërë me dije hapin e radhës që do të ndërmarrin, duke shpresuar në uljen e dënimit për Myler. “UEFA ka pezulluar Tomas Myler për dy ndeshjet e radhës në Champions League për shkak të kartonit të kuq që mori kundër Ajaksit. FC Bajern do ta apëlojë këtë vendim”, njofton klubi gjerman.

VIDEO | Ndërhyrja horror e Tomas Myler, gjermani nuk i beson as vetes

Sport Ekspres — Thu, 13 Dec 2018 10:03:27 +0000

Tomas Myler luajti vetëm për 75 minuta në ndeshjen ndaj Ajaksit. Jo, nuk u zëvendësua, por një ndërhyrje me takë të ngritur në minutën e 75-të rrezikoi t’i shkaktonte dëmtime të mëdha fytyrës së argjentiasit Nikolas Taljafiko.

Vetëm dy sekonda i mjaftuan për ta kuptuar gabimin, por pendesa nuk e ndryshoi mendjen e gjyqtarit francez Klement Turpin, i cili I dha të kuqin e dytë të karrierës së tij, pas atij që ka marrë nëntë vite më parë ndaj Bordosë nëntë vite më parë pas dy kartonëve të verdhë në më pak se 20 minuta.

Ndëshkimi me të kuqe do t’i heqë mundësinë e pjesëmarrjes në takimin e parë të fazës me eliminim direkt, por ekziston dhe një opsion ku dënimi mund të jetë më i rëndë, në rast se komisioni i etikës dhe disiplinës pranë UEFA-s vendos ta shqyrtojë ndërhyrjen në fjalë.