Toliso

Bajerni e konfirmon, mesfushori 7 muaj larg fushave

Sport Ekspres — Sun, 16 Sep 2018 08:26:48 +0000

Listës së të dëmtuarve te Bajerni sapo i është shtuar dhe emri i mesfushorit francez Korentin Toliso. Mesfushori 24-vjeçar pësoi një dëmtim në gju gjatë takimit të djeshëm, ku kampionët e Gjermanisë mundën në “Allianza Arena” me rezultatin 3-1 Bajer Leverkuzenit.

Analizat mjekësore zbuluan se Toliso ka këputur ligamentin e kryqëzuar, dëmtim ky që ka një kohë riaftësimi prej të paktën 7 muajsh. Dëmtimi i francezit erdhi në momentin më të keq të mundshëm, pasi ai kishte fituar besimin e trajnerit Niko Kovaç, duke qenë një titullar i padiskutueshëm në ndeshjet e para të sezonit.

Një tjetër “viktimë” e ndeshjes së djeshme ishte dhe mbrojtësi brazilian, Rafinha, i cili ka pësuar një dëmtim në ligamentet e kyçit të këmbës dhe do të do të mungojë për rreth një muaj.

Momente ankthi te Bajerni, mesfushori mund të ketë mbyllur sezonin

Sport Ekspres — Sat, 15 Sep 2018 16:48:41 +0000

Bajerni i Mynihut sapo ka pësuar një goditje. Bëhet fjalë për një dëmtim të rëndë të mesfushorit francez, Korentin Toliso, i cili largua me barrelë nga fusha në minutën e 42-të takimit ndaj Bajer Leverkuzenit, që përfundoi me fitoren e kampionëve të Gjermanisë me rezultatin 3-1.

Pamjet filmike tregojnë se lojtari ka pësuar një dëmtim në gju. Drejtuesit bavarez i druhen një këputje të ligamenteve të kryqëzuar, dëmtim ky që do ta linte Tolison për të paktën gjashtë muaj jashtë fushave të blerta.

Rezonanca magnetike do të përcaktojë shkallën e vërtetë të dëmtimit për 24-vjeçarin. Me largimin e Vidalit dhe Rudit, kontigjenti i Bajernit në repartin e mesfushës është reduktuar ndjeshëm dhe kjo mungesë e Tolisos pritet të sjellë jo pak probleme për trajnerin Niko Kovaç, aq më shumë që Toliso ishte në superformë, me 5 gola në ndeshjet e fundit.

It doesn't look good at all for Tolisso pic.twitter.com/gh1kdMPK6T

— Bayern & Die Mannschaft (@eMiaSanMia) September 15, 2018

“Frenk dhe Tiago, dy yjet më befasues në Mynih”

Sport Ekspres — Mon, 04 Sep 2017 09:28:03 +0000

Korentin Toliso ka deklaruar se lojtarët të cilët e kanë befasuar më shumë te Bajerni janë Frenk Riberi dhe Tiago Alkantara. Secili ka diçka që, sipas tij, nuk e ka asnjë tjetër në botë.

“Dëgjoni, te Bajerni ju e dini se ka shumë yje. Por përshtypje më kanë lënë Frenku dhe Tiago, dy lojtarë klasi. Riberi ka më shumë kohë nga të gjithë në klub dhe ajo që bën në moshën 34-vjeçare është shembullore. Është i motivuar në çdo seancë stërvitore, jep gjithçka nga vetja dhe nuk dorëzohet kurrë. Kombinimin që ai ka mes shpejtësisë dhe teknikës nuk e kam parë tek asnjë lojtar tjetër. Ndërsa Tiago ka cilësi të jashtëzakonshme teknike. Tek ai çdo gjë duket e thjeshtë”.