Tokio

Shans i artë për Podolskin, pranë rikthimit në kombëtaren gjermane

Sport Ekspres — Tue, 09 Jul 2019 12:14:15 +0000

Lukas Podolski është shumë pranë rikthimit në kombëtaren gjermane. Mëngjarashi mund të përzgjidhet si një ndër tre lojtarët mbi moshën 23 vjeç në skuadrën që Gjermania do të dërgojë në Lojërat Olimpike “Tokio 2020”.

Ka qenë vetë futbollisti gjerman që e ka pohuar këtë gjë në një intervistë per medien gjermane “Express”: Do të ishte një ndër i madh nëse do jem pjesë e skuadrës së Gjermanisë në lojërat Olimpike. Kam krijuar një lidhje të fortë me Japoninë gjatë këtyre viteve të fundit.

34-vjeçari luan prej 2 vitesh në Japoni me skuadrën e Visel Kobe. Podolski ka grumbulluar 130 aktivizime me përfaqësuesen gjermane, ku ka shënuar 49 gola.

Gjigandët e Europës me sytë nga lindja, synohet “Mesi japonez”

Sport Ekspres — Mon, 10 Jun 2019 20:07:48 +0000

Një sërë klubesh evropiane janë vënë në ndjekje të talentit japonez Takefusa Kubo. 18-vjeçari aktivizohet me klubin e Tokios në ligën e parë japoneze, ku nga fillimi i sezonit ka qenë një titullar i padiskutueshëm.

Kubo ka qenë në të shkuarën pjesë e akademisë së Barcelonës, por kjo gjë u bë në shkelje të rregullores së FIFA-s, çka detyroi atë dhe dhjetra fëmijë të tjerë që të riktheheshin në vendet e tyre të origjinës.

Nëse katalanasit duan ta rikthejnë në klub mesfushorin me tipare sulmuese do të jetë një operacion i kushtueshëm, pasi drejtuesit e Tokios nuk pranojnë të negociojnë poshtë klauzolës prej 8 milionë eurosh që është vendosur në kontratën e lojtarit.

https://www.youtube.com/watch?v=D2murVGwZmE

Komiteti Olimpik pezullon AIBA-n, boksi amator mbetet në “Tokio 2020”

Sport Ekspres — Wed, 22 May 2019 18:29:48 +0000

Pas disa muajsh debate dhe pasiguri, Komiteti Olimpik Ndërkombëtar (IOC) ka njoftuar se sporti i boksit nuk do t’i mungojë Lojërave Olimpike “Tokio 2020”. Shkak për këtë situatë u bënë përplasjet e vazhdueshme që ky institucion kishte me “Shoqatën e Boksit Ndërkombëtar” (AIBA), që është institucioni më i rëndësishëm qeverisës i boksit amator.

Në të shkuarën “AIBA” është përkujdesur për organizimin e garave të boksit në çdo olimpiadë, por gjendja e përkeqësuar financiare dhe disa vendime shumë të dyshimta në olimpiadat e shkuara kanë sjellë që marrëdhëniet midis dy institucioneve të shkojnë në një gjendje kritike.

Detyrat e kryera nga “AIBA” do t’i marrë përsipër një grup punë i posaçëm i ngritur nga “IOC” .

VIDEO | Mayweather zbavitet në Tokio, 9 milionë $ për tre minuta në ring

Sport Ekspres — Mon, 31 Dec 2018 15:56:42 +0000

Floyd Mayweather u kthye në ring pas më shumë se një viti mungesë. Boksieri i pamposhtur amerikan u ndesh me japonezin 20-vjeçar, Tenshin Nasukwa, në një duel jo zyrtar, me kohëzgjatje tre raunde.

Por, 41-vjeçarit iu desh vetëm raundi i parë që të mbyllte duelin, duke e rrëzuar tre herë radhazi japonezin. Vlen të përmendet fakti se avioni i Mayweather kishte zbritur në Tokio me katër orë vonesë, duke shkaktuar frikë te të pranishmit, pasi shumë menduan mos Mayweather kishte ndryshuar plan në momentin e fundit.

Për këtë duel që zgjati vetëm tre minuta, Mayweather u pagua 9 milionë dollarë. Pala japoneze shpresonte që boksieri i tyre të arrinte të mbyllte me sukses raundin e tretë, gjë që do t’i jepte barazimin ndaj një legjende si amerikani, i cili ka një rekord të pamposhtur prej 50 fitoresh dhe 0 humbje e barazime

Tokio e çmendur pas Mejuedhër, boksier merr një tjetër çek rekord

Sport Ekspres — Wed, 07 Nov 2018 20:24:55 +0000

Fllojd Mejuedhër do të rikthehet në ring më datë 31 dhjetor ku do të sfidojë në Tokio, kikboksierin 20-vjeçar Tenshin Nasukaua. Për momentin nuk bëhet e ditur nëse dueli mes tyre do të zhvillohet në bazë të rregullores së boksit apo kikboksit, por mediet japoneze kanë zbuluar shumat marramendëse që do përfitoja secila palë e këtij dueli.

Sipas “Tokyo Sports”, Mejuedhër do të fusë në xhep 62 milionë dollarë për këtë duel, që është i pari për të jashtë territorit të Shteteve të Bashkuara të Amerikës, ku është ndeshur 50 herë përgjatë 22 viteve.

Ndërkohë, pritet që kjo shumë të rritet akoma më shumë në varësi të të ardhurave që do të vijnë nga shitjet e të drejtës televizive, gjithsesi është e sigurt se fitimet nuk do t’i afrohen shumës rekord prej 200 milionë dollarësh që Mejuedhër mori për duelin ndaj irlandezit Konor MekGregor në Gusht të 2017-ës.