“Ua shita Interin, pasi pashë që kishin një  projekt serioz. Kam akoma 31% të aksioneve dhe vazhdoj ta ndjek skuadrën, por prioriteti im ka qenë dhe do të jetë biznesi im në Indonezi. Kur mora Interin, nuk u talla në asnjë moment. S’premtova “Scudetto”-n. Rregullova shumë gjëra në ekip”.

“E fillova me rinovimin e infrastrukturës dhe menaxhimin e klubit. Rrita pak e nga pak kualitetin e skuadrës dhe më pas do vinin dhe blerjet e yjeve, dhe të gjitha këto duke respektuar rregullat e “Financial Fair-Play”, ndoshta tifozët prisnin më shumë, por gjatë të gjithë kohës kam i qenë i qartë dhe më këmbë në tokë”, përfundoi indoneziani.

Por, nga Indonezia, presidenti i Interit Erik Tohir është shprehur se transferimi i “CR7” te rivalët e tyre të përjetshëm ka dhe një efekt pozitiv për futbollin italian në përgjithësi.

“Mendoj se ky është një transferim që sinjalizon rikthimin e Serie A në lavdinë e dikurshme të viteve 90-të. Afrimi i Ronaldos do sjellë përfitime për të gjitha klubet e Serisë A, pasi do të rritet shikueshmëria e të gjithë kampionatit e si rrjedhojë dhe të ardhurat nga të drejtat televizive dhe marketingu. E kam thënë që në vitin 2013 se futbolli italian mund të ringrihet falë investimeve, si të mijat e Suning te Interi, Palotës te Roma dhe amerikanëve që sapo kanë marrë në kontroll Milanin.”, tha biznesmeni indonezian.