Ylli i Totenhemit: E mendoj rikthimin te Ajaksi, s’më trajtuan si Suarezin

Sport Ekspres — Thu, 09 May 2019 20:04:33 +0000

Tobi Alderuireld është një “ish” në Amsterdam. Mbrojtësi i Totenhemit ka hedhur hapat e para me Ajaksin, për të arritur më pas të luajë në një kampionat aq kompetitiv sa Premier Liga. Mbrojtësi ka foluar për mediat në lidhje me një kthim në “dashurinë” e tij të parë, Ajaksin, dhe mikpritjen që ata treguan në kthimin e tij në “Johan Cruyff Arena”, këtë herë si kundërshtar. Belgu bëri një kontrast me sjelljen e tifozëve të Liverpul me Suarez. Gjithashtu ka përjetuar një ndjenjë të dyfishtë në mbrëmjen e së mërkuarës.

“Nuk dua të bëj deklarata të bujshme. Gjithsesi kthimi tek Ajaks është 100% në mendjen time. Kam përjetuar momente shumë të mira këtu. Familja ndihej shumë e lumtur gjithashtu. Totenhemi në finale? Të shohësh si e nisëm këtë kompeticion dhe si shkoi kjo ndeshje, kjo tingullon si diçka e çmendur.”

“Nuk jam tej mase i gëzuar, pasi më lëndon fakti që Ajaksi është eliminuar. Është një ndjenjë e çuditshme, e dyfishtë. Këtu tifozët na kanë pritur në mënyrë të jashtëzakonshme. U jam mirënjohës. Ishte një situatë tërësisht e kundërt nga ajo çka pamë me Luis Suarez në Liverpul”, përfundoi 30-vjeçari.

Aldervireld i mungon stema në fanellë, habiten tifozët e Totenhemit!

Sport Ekspres — Sun, 16 Sep 2018 10:56:50 +0000

Totenhemi e humbi ndeshjen me Liverpulin me rezultatin 1-2, por një gjë e çuditshme ka ndodhur gjatë zhvillimit të ndeshjes. Mbrojtësi belg i ekipit të Poketinos, Tobi Aldervireld, ka luajtur pa stemën e klubit në uniformën e tij.

Diçka e tillë është vënë re nga tifozët e klubit, të cilët kanë reaguar në rrjetet sociale për mungesën e stemës në bluzën e 29-vjeçarit belg. Totenhemi ka në anën e majtë të bluzës stemën e ekipit, por Aldervireld nuk e ka patur në ndeshjen përballë Liverpulit.

Shkaku nuk dihet akoma, ndërsa Totenhemi po përgatitet për ndeshjen e Champions. Anglezët do të vizitojnë Milanon për t’u përballuar me Interin e Spaletit, në një ndeshje tepër të vështirë për të dy ekipet.