Për të mësuar kundërshtarin e radhës, Feronikelit i duhet të presë përfundimin e ndeshjes së sotme midis Sutjeskës së Nikshiçit dhe Sllovan Bratislavës. Skuadra e eliminuar nga kjo përballje do të jetë kundërshtarja e kampionëve të Kosovës në raundin e dytë të Europa Leauge. Me shumë mundësi trajneri Zekerija Ramadani do të jetë në tribunën e stadiumit të Sutjeskës për ta parë këtë takim që zhvillohet ditën e sotme në orën 20:15.

Në takimin e parë të zhvilluar në Sllovaki, Sutjeska befasoi kampionët e Sllovakisë duke marrë një barazim 1 – 1. Megjithatë, skuadra nga Bratislava cilësohet si favoritja për të kaluar më tej dhe pritet që ta ndreqë në transfertë gabimin e bërë në Sllovaki.

Skuadra e Zekirija Ramadanit zhvilloi një lojë të mirë, por efikasiteti para portës së kundërshtarit mungoi, ndërsa uellsianët bënë të kundërtën duke shënuan me rastin e vetëm serioz që krijon. Një detaj që e bën akoma më të dhimbshëm eliminimin është një penallti e mohuar në minutat e fundit të takimit.

Njëri nga lojtarët e skuadrës uellsiane prek topin me dorë, por arbitri norvegjez Esper Eskas nuk akordon 11-metërsh. Nëse do bazoheshim me rregulloren e vjetër të FIFA-s, atëherë vendimi i arbitrit mund të justifikohej, por me rregullat e reja të cilat kanë hyrë në fuqi me fillimin e edicionit të ri sportiv, ky vendim është krejtësisht i gabuar.

Rregullorja e re e përmend qartë që tani çdo top i prekur me dorë, pavarësisht devijimeve, largësisë ose shpejtësisë së topit rezulton në 11-metërsh. Përjashtim bëjnë rastet kur dora ndodhet në një pozicion natyral ngjitur pjesës anësore të trupit. Në video dallohet qartë që në momentin e kontakti dora e lojtarit të skuadrës uellsiane është e zgjatur.

“Më vjen keq për futbollistët që dhanë maksimumin, por nuk arritën të kualifikohemi. Nuk jemi ekipi i parë që dënohemi në të tillë mënyre. Shpërdoruam shumë raste. E dinim që kundër kishim një kundërshtar shumë cinik. Faktikisht mendoj se kundërshtari luajti më dobët se ndeshjen e fundit. Më vjen keq nuk arritëm të gëzonim tifozët të cilët kishin ardhur të shumtë.

“Mendoj që skuadra dha maksimumin, ndoshta kaq është maksimumi i këtij ekipi. Paraqitje ishte e mirë. Skuadra luajti në një mënyrë guximtare. Nuk turpëruam futbollin kosovar, nuk turpëruam Feronikelin. Nga të tilla humbje vetëm mund të mësosh”.

“Ishte dhe rasti i penalltisë, unë nga fusha nuk e dallova, por tani nga pamjet filmike dallohet që arbitri ka gabuar. Gjithsesi  asgjë nuk ka mbaruar. Duhet ta lëmë pas atmosferën që sjell humbja. Përse të mos të bëjmë diçka në Europa League”.

Kampionët e IPKO Superliga shiheshin si favoritë për të kaluar në raundin tjetër kualifikues të Champions League, pas barazimit 2-2 në Uells në takimin e parë kundër TNS (The New Saints), por janë mundur në shtëpi 0-1 dhe i kanë thënë lamtumirë kompeticionit më prestigjoz për klube.

Ka mjaftuar një gol i Ebe në minutën e 67-të që Feronikeli të eliminohej, duke kompletuar kështu një ditë “Jo” për shqiptarët në Champions League.

Champions League

Feronikeli – TNS  0-1  (2-2)
Ebe 67’

Penalltia e fituar nga Feronikeli është kontestuar nga trajneri uellsian, ndërsa komente kritikuese ka pasur dhe për faktin që sipas lojtarët e skuadrës kampione të Kosovës kryenin simulime të shpeshta për të fituar faulle.

“Është shumë zhgënjyese pasi kur je në avantazh 2 – 0 mendon se gjithçka kishte mbaruar. Fati na doli kundër dhe u detyruam të bëjmë disa zëvendësime. Futa në lojtarë që s’duhet të kishin luajtur sot (dje). Gjithsesi, është e kotë të qajmë atë çka ndodhi. Tani më duhet të bëj gati djemtë për ndeshjen e kthimit”.

“Gjatë analizës para takimit u shpjegova djemve lëvizjet e numrit 9 (Mevlan Zeka) të Feronikelit. Ai futet shpesh në zonë për të shtyrë topin me kokë. Pikërisht kështu e pësuam golin. Duhet t’i markonim më mirë. Skuadra u lodh dhe nuk u mbrojtëm siç duhet”.

“Pozitiv është fakti se dominuam ndeshjen. Kishim kontrollin e lojës, por duhej të tregoheshim më elegant kur me topin në zotërim. Djemtë u nxituan shumë. Në minutat e fundit duhej të mbanim kontrollin e topit, por nuk e bëmë këtë. Skuadra filloi të luante për të mos pësuar një gol jashtë fushe, por pësuam dy të tillë. Përsa i përket penalltisë, nuk mendoj se ishte e drejtë. Pyeta lojtarin tim dhe ai më dha topi e preku në gjoks. Gjithashtu nuk më pëlqeu mënyra se si ata hidheshin përtokë në mënyrë të vazhdueshme për të fituar faulle”.

“Ndeshjen e parë e luajmë si pritës. Është një mundësi e mirë për ta vulosur fatin e takimit që tani. Vitin e kaluar ndeshen e parë e patëm në transfertë dhe të gjithë e mbajmë mend si përfundoi ajo ndeshje (Shkëndija i mundi 5 – 0 në Shkup)”.

“Në ndeshjet në shtëpi kemi një rekord shumë të mirë, pavarësisht emrit të kundërshtarit. Do u them djemve se me të vërtetë është një ndeshje e Champions League, por kur luajmë në shtëpinë tonë ne pjesën dërrmuese të ndeshjeve jemi skuadra që kërkon gjithmonë fitoren”.

“Do të jetë një ndeshje e mirë, shpresoj që skuadra të tregojë të gjithë potencialin që zotëron. Kemi nivele të mira përsa i përkte formës fizike dhe zhvilluan një fazë përgatitore të kënaqshme. Tani është në dorën e lojtarëve të tregojnë se sa shumë e duan fitoren”.

Në pamje të parë të krijohet përshtypja e një ekipi gjysmë-profesionist. Stadiumi i tyre ka vetëm 2 tribuna të vogla me kapacitet total prej 2000 vendesh, por në Uells TNS është një ekip që ka rrafshuar prej vitesh konkurrencën.

TNS ka fituar tetë herë rresht kampionatin uellsian dhe në vetëm një sezon ka pasur luftë deri në javët e fundit për titullin kampion. Buxheti vjetor i klubit është 3 milionë paundë, shumë kjo  3-fish më e madhe se buxheti i kampionëve të Kosovës. Megjithëse në Kupat Europiane nuk kanë arritur të korrin sukses “TNS” ka bërë disa paraqitje dinjitoze. Vitin e kaluar mundën Shkëndijën 4 – 0, por humbja 5 – 0 në Shkup u solli eliminimin.