Ekipit bavarez i mjafton një barazim në shtëpi përballë Ajntrahtit të Frankfurtit, që ishte vetëm një hap larg finales së Ligës së Europës. Megjithatë, dikush ka festuar përpara kohe.

Policia e Mynihut ka nxituar për të uruar ekipin e qytetit në rrjetet sociale. “Çfarë? Përsëri kampion i dashur Bajern? Atëherë, urime”, shkruhej në postimin e bërë, që është fshirë pas disa momentesh.

Dortmundi udhëton drejt Gladbahut, në një transfertë të vështirë, ndërsa shpreson te mrekullia Ajntraht. Diçka e vështirë që ekipi i Kovaç të dështojë në shtëpi, por verdhezinjtë nuk kanë çfarë të humbasin dhe presioni është i gjithi te djemtë e Kovaç.

Liverpulit i duhet të presë akoma, ndërsa trofeu i madh i futbollit anglez mungon që nga viti 1990 në qytetin e “Beatles”. Djemtë e Klop bënë detyrën dhe mposhtën në shtëpi ekipin e Ulvërhempton me rezultatin 2-0.

Dygolëshi i Sadio Mane, i cili u shpall golashënuesi më i mirë bashkë me Salah dhe Obamejang (me nga 22 gola) i dha fitoren vendasve, të cilët e mbyllën kampionatin fantastik me 97 pikë, por që fatkeqësisht nuk mjaftuan për fitimin e titullit.

Pep Guardiola dhe tifozët e “Citizens” u trishtuan shumë kur Glen Mërrej kaloi Brajtonin në avantazh në minutën e 27-të. Ekipit nga Mançester i bënte punë vetëm fitorja dhe Sergio Aguero riktheu qetësinë pas vetëm një minutë.

Francezi Laporte kaloi ekipin e tij në avantazh pa u mbyllur pjesa e parë dhe tashmë Siti ishte kampion i Anglisë. Golat e Mahrez dhe Gyndogan në pjesën e dytë vulosën gjithçka dhe festa nisi, pasi Siti e mbylli sezonin me 98 pikë!

72. We’re nearly there, guys!

What a stunning freekick from @IlkayGuendogan that was! ?

?? 1-4 ? #BHAMCI #mancity pic.twitter.com/vpkRLbxkhg

— Manchester City (@ManCity) May 12, 2019

Ky ishte titulli i dytë rresht me Guardiolën në stol dhe i gjashti në historinë e klubit. Llogaritë e tjera ishin mbyllur prej kohësh dhe java e fundit e Premier Ligës u mbyll me plot 36 gola të shënuar.

Brajton-Mançester Siti 1-4
(Mërrej 27’ / Aguero 28’, Laport 38’, Mahrez 63’, Gyndogan 72’)

Bërnlej-Arsenal 1-3
(Barnes 65’ / Obamejang 52’, 63’, Nketiah 90+4’)

Kristal Palas-Bornmuth 5-3
(Batshuaj 24’, 32’, Simpson (aut) 37’, Van Anholt 65’, Tounsend 80’ / Lerma 45’, Ibe 56’, King 73’)

Fulhem-Njukasëll 0-4
(Shelvi 9’, Perez 11’, Shar 61’, Rondon 90’)

Leister-Çelsi 0-0

Liverpul-Ulvërhempton 2-0
(Mane 17’, 81’)

Mançester Junajtid-Kardif 0-2
(Mendez-Laing (pen) 23’, 54’)

Sauthempton-Hadërsfilld 1-1
(Redmond 41’ / Pritçard 55’)

Totenhem-Everton 2-2
(Dajwr 3’, Eriksen 75’ / Uollkot 69’, Tosun 72’)

Uotford-Uest Hem 1-4|
(Delofeu 46’ / Nobwll 15’, 78’, Lanzini 39’, Arnautoviç 71’)

“Harkëtarët” triumfuan përballë Utrehtit sot në shtëpi me rezultatin 4-1 dhe festuan fitimin e titullit kampion një javë para fundit të kampionatit. PSV befasoi me humbjen në transfertë përballë AZ Alkmarit dhe në Amsterdam nisi festa e madhe. Diferenca mes ekipeve është 3 pikë, por Ajaksi ka edhe një golavarazh +14 në krahasim me ekipin e Van Bomel, që do të thotë se gjithçka ka përfunduar.

Titulli i 34-ët në historinë e klubit të famshëm holandez. Ndeshja nisi keq për ta, pasi miqtë gjetën golin në minutën e parë. Klas Jan Huntelar dhe Van de Bek përmbysën rezultatin në pjesën e parë, ndërsa Tadiç shënoi një dygolësh në të dytën për të vulosur fitoren me “poker” golash.

Festë e madhe, ndërsa kjo ishte ndeshja e fundit për Frenki De Jong dhe Matijs De Ligt në stadiumin e Ajaksit. Mesfushori do të largohet drejt Barcelonës, ndërsa të njëjtën rrugë pritet të përshkojë edhe kapiteni 19-vjeçar, pavarësisht se akoma nuk është zyrtare.

Në fushë ishte dhe Ronaldo, imazhet me lot në sy të së cilit i prekën të gjithë, por atë pasdite fenomeni i vërtetë ishte një çek.

Karel Poborski barazoi dy herë avantazhet e Interit me anë të Vierit dhe Di Biaxhos, ndërsa Simeone dhe Simone Inzagi vulosnin fitimin e titullit nga ana e Juventusit, që triumfonte në Udine përballë ekipit vendas. Lacio mposhti 4-2 Interin dhe ëndrra titull u kthye në një makth që nuk harrohet as sot.

Tifozët bardhezinj nuk humbasin asnjëherë mundësinë për t’u tallur me ata të Interit. Kështu ndodh çdo 5 maj, njësoj ka ndodhur edhe dje. Të shumta batutat dhe ironitë për një ndër pasditet më të hidhura të popullit interist.

L’#Inter fu: il 5 maggio festeggiato sui social dai tifosi della #Juve ? ? https://t.co/sVvV0qVboQ

— Corriere dello Sport (@CorSport) May 5, 2019

Klubi 116-vjeçar festoi titullin e 18-të në histori. Drejtori sportiv i klubit është një emër i madh si Diego Milito, ndërsa tifozët nuk po përmbahen. Një prej tyre nuk e ka harruar gjyshin e tij.

Ai quhet Gabriel Aranda dhe pasionin për Rasingun e ka marrë nga gjyshi i tij, Valentin Aguilera. Ky i fundit ka humbur jetën prej kohësh, por i nipi ka marrë në kamare kafkën e tij dhe kanë dalë rrugëve për të festuar së bashku!

“Isha në kamare dhe e nxora gjyshin prej aty. E bëj gjithmonë sa herë luan Rasingu. Kjo është një traditë e jona dhe gjyshi ndihet krenar që e kam nxjerrë jashtë për të festuar titullin kampion”, përfundon tifozi i veçantë për “TNT Sports”.

Geri Nejvill, ish-mbrojtësi I Mançester Junajtid dhe kombëtares angleze, ka një këshillë për Liverpulin në prononcimin e tij për “Sky Sports”. Nëse duan të rikthejnë titullin kampion në qytet pas 29 vitesh, ata duhet të sakrifikojnë diçka…

“E kam thënë gjithmonë që Liverpuli ka nevojë për një seri ndeshjesh të mirë pëecaktuara për të fituar titullin kampion. Ata duhet të eliminohen me Bajernin dhe të dalin nga Champions Liga. Nuk po them që të humbasin vetë ndeshjen dhe të bëjnë një figurë të keqe, por mendoj se eliminimi do të ishte diçka shumë e mirë për Liverpulin. Ata do të jenë më të freskët fizikisht dhe do I përgatisin më mirë ndeshjet e fundit në kampionat. Për momentin ata dhe Siti kanë nga 50% mundësi për t’u shpallur kampionë, por kanë humbur një avantazh të madh dhe u duhet të jenë në formën më të mirë për të vazhduar garën për fitimin e Premier Ligës”, përfundon Geri Nejvill.

Kontingjenti i lojtarëve të trajnerit Klop është shumë i mirë dhe në të nuk mungojnë futbollistë nga vende të ndryshme. Por, ka vetëm një problem. Në ekip mungon një… francez!

Duke parë skuadrat që kanë fituar titullin në mijëvjeçarin e ri, të gjitha kanë patur minimalisht nga një francez në ekip. E nisim me Arsenalin. “Topçinjtë” u shpallën kampionë në vitin 2001 dhe 2003 nën drejtimin e trajnerit francez, Arsen Venger. “Ylli” në fushë ishte një tjetër francez: Tieri Henri. Gjithashtu Pires, Vieira, Viltord, Klishi dhe Anelka luajtën rol të rëndësishëm.

Mançester Junajtid ka fituar 7 herë titullin në mijëvjeçarin e ri. Në fillim në ekip ishin francezët Bartez dhe Blank, ndërsa më pas erdhën Silvestre, Zaha dhe Evra. Ky i fundit fitoi pesë tituj kampionë me ekipin e Sër Aleks Ferguson dhe është shpallur futbollisti francez më i mirë i historisë së Premier Ligës.

Radhën e ka Çelsi. Zhoze Murinjo nuk mund të bënte dot pa Makelelen dhe Galas, ndërsa Kante ishte njeriu kyç i ekipit të Antonio Kontes. “Blutë e Londrës” kanë fituar pesë herë titullin në këto vite dhe meritë kanë dhe francezët e tjerë si: Maluda, Remi dhe Zouma.

Mançester Siti u rikthye te titulli pas shumë kohësh, duke triumfuar mes drithërimave në vitin 2012. Klishi dhe Nasri ishin francezët protagonistë, ndërsa te titulli i fundit vlen të përmendet kontributi i Laporte, Mendi dhe Mangala.

Në fund Leister Siti. “Dhelprat” realizuan një mrekulli në vitin 2016. Më Ranierin në stol klubi i vogël anglez zhvilloi një sezon të pabesueshëm dhe në maj festuan titullin kampion. Francezët? Nuk kishte shumë, por ishte dikush që mjaftonte për të gjithë: N’golo Kante. Mesfushori është fenomanel në rikuperimin e topave dhe gjatë atij viti, ai zhvilloi një sezon të mrekullueshëm në aspektin personal.

Megjithatë, Rexhinaldo nuk mendon se lufta për titullin kampion ka mbaruar. Vetëm pak çaste më parë, mozambikasi ka postuar një foto në Instagramin e tij zyrtar, me mbishkrimin: “Unë besoj!” Diferenca prej 8 pikësh me Partizanin është e konsiderueshme, por sipas sulmuesit të Kukësit, asgjë nuk është mbyllur ende.

 

View this post on Instagram

 

Unë besoj. ???

A post shared by Reginaldofaite (@reginaldofaitemocambicano) on Feb 10, 2019 at 11:37am PST