Festë e madhe në vendin e “sambës”, ndërsa trajneri Tite ka dashur të replikojë diçka me Leo Mesin. Ylli argjentinas nuk i kurseu kritikat kundrejt arbitrave dhe akuzoi Brazilin për mbështetje.

Tite nuk bie dakord dhe e shpjegon në këtë mënyrë mendimin e tij, pavarësisht se nuk jep asnjë koment për dy penalltitë që iu mohuan Argjentinës në duelin gjysmëfinal.

“Mesi është një jashtëtokësor i vështirë për t’u markuar, por duhet të tregojë më shumë respekt në këto situata. Ai duhet ta pranojë humbjen dhe të ruajë qetësinë. Nuk duhej ndëshkuar me të kuqe kundër Kilit, jam dakord me të, por nëse flasim për ndeshjen kundër nesh, Leo ka pësuar vetëm 3 faulla.

I katërti pastaj, ai i Kasemiros, nuk ishte por e dhanë gjithsesi. Aty lindi edhe goditja me kokë e Agueros, që përfundoi në traversë. Brazili im ka luajtur në mënyrë korrekte kundër Argjentinës dhe kjo është e padiskutueshme”, përfundoi trajneri i kombëtares braziliane.

Mbrëmjen e kaluar ka ardhur dhe vendimi në lidhje me fjalët mistërioze që Tite përdori në konferencë. Nejmar Zhunior nuk do të jetë më kapiteni i kombëtares së Brazilit. Ky vendim duket se ka ardhur pas incidenteve të ndodhura në finalen e Kupës ndaj Renës, ku Nejmar u kap me një nga tifozët kundërshtar.Kapiteni i ri i Brazilit do të jetë Dani Alvesh, i cili do të marrë shiritin që në sfidat miqësore në kuadër të “Copa America” dhe më pas gjatë gjithë kompeticionit. Ende nuk ka pasur një reagim nga Nejmar, por duket se te Brazili ka shpërthyer një çështje.

Protagonisti i gjysmëfinales së Champions-it, Lukas Moura, është lënë jashtë grumbullimit. Tite ka vendosur të mbajë grupin e njëjtë në repartin e sulmit duke mbledhur lojtarët që kanë qenë pjesë e kombëtares në dy grumbullimet e fundit:  Neres, Everton, Firmino, Gabriel Zhesus, Nejmar, Riçarlison.

Surpriza nuk ka as në mesfushë, ku grupi qëndron i pandryshuar. Ashtu si në grumbullimet e mëparshme. Të pesë lojtarët e këtij reparti luajnë në ligat e para evropiane: Alan, Artur, Kasemiro, Fernandinjo, Paketa, Kutinjo.

Në mbrojtje rikthehet Dani Alvesh, ndërsa vend ka dhe për Tiago Silvën, që siç duket do të riaftësohet në kohë pas operimit në gju. Jashtë ka mbetur mëngjarashi Marselo, zgjedhjet e Tites për këtë rol janë Aleks Sandro dhe Filipe Luis. “Copa America” do të filloj gjatë muajit të ardhshëm dhe Brazili është favoriti për ta fituar turneun, kjo jo vetëm për shkak të kualitetit, por edhe për faktin se eventi organizohet në vendin e sambës.

Portierë: Alison, Kasio, Ederson

Mbrojtës: Aleks Sandro, Daniel Alvesh, Eder Militao, Fagner, Filipe Luis, Markuinjos, Miranda, Tiago Silva

Mesfushorë: Alan, Artur, Kasemiro, Fernandinjo, Paketa, Kutinjo

Sulmues: Neres, Everton, Firmino, Gabriel Zhesus, Nejmar, Riçarlison

Vinisjus pësoi një dëmtim në ndeshjen që Reali i tij zhvilloi ndaj Ajaksit dhe do të mungojë për dy muaj, që do të thotë do të humbasë dhe mundësinë të jetë pjesë e kombëtares. Vendin e 18-vjeçarit do ta zërë pikërisht kundërshtari me të cilin ndeshej natën që u dëmtua.

David Neres ka marrë ftesën për të qenë pjesë e Brazilit, gjë që ndodh për herë të parë për 22-vjeçarin. Paraqitjet e tij të mira me fanellën e Ajaksit duket se kanë bërë përshtypje dhe për trajnerin Tite, i cili e ka bërë pjesë të ekipit sulmuesin anësor. Padyshim, një vlerësim i madh për Neres.

Emri që ka bërë më shumë bujë është ai mesfushorit të Napolit Alan. 27-vjeçari prej vitesh ka qenë në radarin e kombëtares, por kurrë nuk kishte arritur që të merrte një ftesë nga Tite ose paraardhësit e tij, Dunga e Skolari.

Ndërkohë, është rikthyer në kombëtare Paulinjo dhe është lënë jashtë futbollisti tjetër i kampionatit kinez Renato Augusto. Përfaqësues i kampionatit brazilian në këtë grumbullim është qendërmbrojtësi i Kruzeiros Dede, ndërsa një ftesë ka ardhur dhe për portierin e Kruzeiros, Brazao. Gardiani 18-vjeçar ende nuk ka debutuar si profesionist, por nuk është hera e parë që Tite ia beson vendin e portierit të tretë një të riu premtues.

https://twitter.com/BrazilStat/status/1055825241744818176

Bëhet fjalë për Lukas Mourën, i cili ka lënë pas sezonin katastrofik që kaloi te PSG-ja (vetëm 72 minuta gjatë të gjithë vitit) dhe po shkëlqen në Angli, ku aktivizohet rregullisht si titullar te skuadra e  Totenhemin.

Paraqitja e fundit e 26-vjeçarit me Brazilin daton në qershorin e 2016-ës. Pas momentit të keq që Moura kaloi te PSG-ja, shumë vetë menduan se ai e kishte mbyllur njëherë e përgjithmonë “kapitullin” e tij me  kombëtaren braziliane, por në fund Moura ja doli të tregojë se mbetet një lojtar tepër cilësor.

DEBUTUESIT – Emri më surprizues në listë është ai i portierit 19-vjeçar të Gremios,  Felipe, i cili deri më tani ka luajtur vetëm në kampionatet e grupmoshave në Brazil. Ndërkohë që ka ardhur dhe ftesa e parë për sulmuesin anësor të Barcelonës, Malkom. Qendërmbrojtësi 27-vjeçar i Bordosë, Pablo Kastro, është një tjetër risi e listës së Tites. Debutuesi i fundit i listës së pesë herë kampionëve të botës është mesfushori i Hanoverit, Uallas.

MUNGESAT – Dugllas Kosta, Tiago Silva dhe Uillian nuk janë pjesë e listës së Tites. Sulmuesi i Juventusit ka pësuar një dëmtim të rëndë në kyçin e këmbës, ndërsa lënia jashtë e qendërmbrojtësit të PSG-së e sulmuesit të Çelsit janë një zgjedhje teknike e trajnerit të Brazilit.

“Vendi i futbollit… besoj se ti ke patur një problem kohët e fundit”, i drejtohej Tramp një gazetari brazilian. Pasi Brazili mposhti SHBA para disa ditësh në miqësore me rezultatin 2-0, trajneri i kombëtares, Tite, i ka kthyer përgjigje presidentit amerikan.

“Kam një përgjigje për Tramp. Ne kemi fituar pesë Botërorë. Ndoshta, në aspektin e historisë së futbollit, ai duhet të mësojë më shumë”, u shpreh Tite në konferencën për shtyp para ndeshjes me El Salvadorin.

“Seleçao” vazhdon të mbetet një ëndërr për të. Në një intervistë të gjatë për “Radio Kiss Kiss”, braziliani foli për herë të parë mbi këtë çështje. “Tite është një trajner që i jep mundësi çdo lojtari pavarësisht se ku luan. Ai ka përzgjedhur futbollistë nga kampionati kinez dhe nga ai brazilian, kështu që i them të hedhë sytë edhe këtej nga Itali”, tha 27-vjeçari.

Një opsion për Alan është ajo çka bëri bashkëkombësi i tij Zhorzhinjo, i cili tani është pjesë e përfaqësueses “axurre”. Mesfushori punon prej gjashtë vitesh në Itali dhe ka përmbushur kushtet për natyralizim, pajisja me pasaportën italiane për të është vetëm çështje ditës, por siç duket Alan beson se atij do t’i vijë shansi për të përfaqësuar Brazilin.

“Nejmar meriton elozhe për sjelljen në fushë, disiplinën e treguar jashtë saj dhe për vullnetin e shfaqur për të kaluar dëmtimin, që e kushtëzoi. Për mua, ai është një nga tri lojtarët më të mirë në botë. Ai ka luajtur gjithmonë për ekipin dhe është sjellë në mënyrë inteligjente me trajnerin dhe shokët e tij. Mos të harrojmë që është 26 vjeç. Ai mund të përmirësohet akoma dhe është në rrugën e duhur për ta bërë diçka të tillë”, flet Tite për spanjollen “As”.

Trajneri zbulon dhe votën e tij për lojtarin më të mirë në botë. Ai ka votuar sipas radhës për: Modriç, Salah dhe Ronaldon.

“Zgjodha Modriç, sepse për mendimin tim, ai ka qenë lojtari më i mirë absolut i këtij viti. Për të dytin, isha në dyshim midis Hazard dhe Salah, por zgjodha egjiptianin. Ndoshta sepse isha akoma i zemëruar më Hazard për shkak të eliminimit. Pastaj vjen Kristiano Ronaldo. Megjithatë, sipas mendimit tim, duhej nominuar dhe Kurtua, sepse është një nga portierët më të mirë në qarkullim. Mjafton të shikoni se çfarë bëri kundër nesh.”

Dikush mund të habitet nga fakti se si ka mundësi që Tite e llogarit Nejmarin si një ndër tre lojtarët më të mirë në botë dhe nuk e ka votuar… E thjeshtë. Ylli i PSG nuk ishte pjesë e listës prej 10 lojtarëve më të mirë të “FIFA Awards”.

Hugo është vetëm 19-vjeç dhe ende nuk ka debutuar me ekipin e parë të Flamengos, pasi vazhdon të aktivizohet me ekipin U20. As vetë Hugo nuk e di se si Tite vendosi që ta thërriste në kombëtare, por siç duket tekniku brazilian beson te potenciali i tij. Në një video që klubi i Flamengos ka nxjerrë në rrjetet sociale, duket qartë që Hugo nuk është në gjendje t’i përmbajë lotët, pas marrjes së lajmit të ftesës që çdo djalosh në Brazil e ëndërron.

Hugo é goleiro Sub-20 do Flamengo e foi convocado por Tite pra seleção brasileira. Olha a emoção dele ao ficar sabendo!

O vídeo é Fabricio Rodrigues, companheiro dele no Flamengo pic.twitter.com/XCe1AZ5NpU

— ge (@geglobo) August 17, 2018

Mungesa më e madhe është ajo  e sulmuesit të Sitit, Gabriel Zhezuz. Tite ka vendosur që t’i besojë sulmuesit të Flumineses Pedro, i cili është një ndër zbulimet e sezonit në kampionatin brazilian. Surpriza ka dhe në repartin e portës ku është grumbulluar portieri i Flamegos U20, Hugo, ndërsa në mbrojtje rikthehet Fabinjo, si dhe debuton qendërmbrojtësi i Kruzeiros Dede.

Mesfusha është reparti tjetër ku Tite ka eksperimentuar duke ftuar për herë të parë talentin e Flamengos Paketa dhe atë të Mançester Junajtid, Andres Pereira. Një ftesë surprizë ka ardhur dhe për anësorin e Gremios, Everton.

LISTA E BRAZILIT

PORTIERË: Alison (Liverpul), Neto (Valencia), Hugo (Flamengo U20)

MBROJTËS: Fagner (Korinthias), Fabinjo (Livepul), Aleks Sandro (Juventus), Filipe Luis (Atletiko Madrid), Dede (Kruezeiro), Felipe (Porto), Markuinjos (PSG), Tiago Silva (PSG)

MESFUSHORË: Kasemiro (Real Madrid), Fred (Mançester Junajtid), Artur (Barcelona), Pereira (Mançester Junajtid), Paketa (Flamengo), Renato Augusto (Bejing Gouan)

SULMUES: Uillian (Çelsi), Duglas Kosta (Juventus), Everton (Gremio), Nejmar (PSG), Firmino (Liverpul), Pedro (Fluminese)        

Të dy sulmuesit anësor do ta grumbullohen për herë të parë në kombëtare, një ftesë kjo që pritet të sjellë shumë emocione tek ata dhe familjet e tyre, pasi ftesa e “Seleçaos” është një ëndërr për çdo brazilian dhe ta realizosh këtë ëndërr që në adoleshencë është diçka e tmerrësisht e rrallë.

Lista e Tites kishte dhe një sërë surprizash të tjera si lënia jashtë e veteranëve Filipe Luis dhe Paulinjo që me shumë mundësi e kanë mbyllur njëherë e mirë ciklin e tyre për përfaqësuesen pesë herë kampione të botës.