Timothy Weah

10 milionë për djalin e një legjende, Lila di çfarë bën!

Sport Ekspres — Wed, 12 Jun 2019 14:21:35 +0000

Lila zhvilloi një sezon fantastik, teksa u renditën në vendin e dytë në Ligën e parë franceze pas kampionëve të PSG-së. Sezonin e ardhshëm, ata do të luajnë edhe në grupet e Champions League dhe kërkojnë të ndërtojnë një ekip dinjitoz.

Përgatitjet kanë nisur dhe goditja e parë duket se do të jetë e bujshme. Siç raportohet nga mediat franceze, Lila ka arritur marrëveshjen me PSG-në për blerjen e Timoti Ueah.

Talenti u aktivizua në Skoci me Celtic pjesën e dytë të sezonit që po lëmë pas, ku pati disa paraqitje mjaft të mira. Marrëveshja është arritur në bazë të 10 milionë eurove. Kujtojmë, Timoti është i biri i legjendës Xhorxh Ueah.

VIDEO | “Bëmë baba të të ngjaj”, djali i legjendës së Milanit çmend Skocinë

Sport Ekspres — Sun, 03 Feb 2019 18:38:22 +0000

Timoti Ueah është një emër ende i panjohur në botën e futbollit, por shumë prej jush mund ta njihni babain e tij Xhorxh Ueah, i cili ka qenë i pari afrikan që ka fituar “Topin e Artë”.

I biri i legjendës, Timoti është vetëm 18 vjeç dhe i ka ngjarë jo pak babait të tij. Adoleshenti u huazua pak javë më parë nga PSG-ja te Selltik, ku do të ketë më shumë minuta dhe në ndeshjen e katërt ka dhuruar një paraqitje të shkëlqyer.

Në transfertën e sotme ndaj Seint Xhonston, Ueah ndryshoi rrjedhën e takimit vetëm katër minuta pasi u fut në lojë nga stoli.

Në minutën e 78-të, adoleshenti shërbeu me një asist fantastik kolegun Forest, goli i të cilët zhbllokoi takimin. Për ta mbyllur siç duhet ndeshjen Ueah gjeti dhe golin e dytë me fanellën e Selltik në minutën e 89-të dhe vulosi rezultatin e takimit në 2 – 0.

Falë fitores së sotme, Selltik çon në gjashtë pikë diferencën me rivalët historikë të Gllazgou Rejnxhërs. Titulli i tetë radhazi duket i destinuar për skuadrën e Brendan Roxhers.

PSG mendon për largimet, huazon talentin drejt rivalëve të Grezdës

Sport Ekspres — Wed, 26 Dec 2018 14:53:07 +0000

PSG njihet si një ndër ekipet që shpenzon më së shumti në blerjen e lojtarëve, por parizienët tashmë prej vitesh kanë nisur të investojnë dhe në akademi dhe frytet e para janë dhënë. Nkunku apo Timoti Ueah janë dy shembujt më të mirë, të cilët shihet si lojtarë me të ardhme të madhe.

Ky i fundit, i biri i të famshmit Xhorxh Ueah, nuk ka arritur të gjejë shumë hapësira në ekipin e parë të PSG, nisur dhe nga fakti që në sulm luan një treshe si Neymar-Kavani-Mbape. Hapësirat e pakta, duket se e kanë detyruar Timoti Ueahn të gjejë një ekip tjetër, në mënyrë që të ketë hapësira deri në fundin e sezonit.

Siç raporton, gjiganti francez “RMC Sport”, destinacioni i ardhshëm i 18-vjeçarit do të jetë Sëlltiku, rivali i përjetshëm i Rejnxhërsit të Grezdës. Skocezët po vuajnë për momentin në sulm mungesën e Grifiths, i cili është larguar nga futbolli për disa probleme personale dhe koha e rikthimit ende nuk dihet. Formula e transferimit do të jetë në formë huazimi.