Timo Werner

Pëlqehet sulmuesi i Gjermanisë, Napoli nis tratativat

Sport Ekspres — Sat, 03 Aug 2019 13:46:20 +0000

Napoli është pranë akordit me Hirving Lozanon. Meksikani dëshiron transferimin në Serie A dhe ia ka bërë të qartë drejtuesve të PSV-së faktin që nuk dëshiron të qëndrojë, aq më tepër pas eliminimit nga Champions Liga.

Aurelio De Laurentis është gati të paguajë klauzolën prej 45 milionë eurosh për kartonin e 24-vjeçarit dhe negociatat janë në rrugë të mbarë. Por Lozano nuk mjafton dhe Napoli ka hedhur sytë drejt Bundesligës.

Drejtori sportiv, Xhuntoli ka nisur negociatat me klubin e Laipcigut për Timo Verner. Sulmuesi i kombëtares gjermane nuk ka pranuar rinovimin dhe ka edhe një vit kontratë. Bajerni i Mynihut interesohet prej kohësh për 23-vjeçarin dhe Napoli duhet të fitojë rivalitetin me klubin bavarez.

Bajern e ka në plan të dytë, Liverpuli gati t’i “vjedhë” objektivin

Sport Ekspres — Sat, 15 Jun 2019 20:23:37 +0000

Bajerni është “magneti” i talenteve të Bundesligës. Ylli i Lajpcigut, Timo Verner është një nga objektivat e skuadrës nga Mynihu. 23-vjeçari shihet si pasardhësi ideal i Robert Levandovskit. Megjithatë, qendra e sulmit nuk është një domosdoshmëri dhe për momentin Verner është në plan të dytë. Krahët e sumlit janë pozicione, që kanë nevojë urgjente për ndërhyrje, pas ikjes së dyshes Roben-Riberi.

Leroi Sane është njeriu, i cili ka marrë të gjithë vëmendjen e drejtuesve të Bajern. Nga kjo neglizhencë për Verner është gati të përfitojë Jurgen Klop. Gjermani e pëlqen shumë sulmuesin dhe ka kohë duke e ndjekur situatën e tij. Shumë shpejt Liverpuli mund të prezantohet me një ofertë zyrtare.

Kërkesat e Lajpcigut janë të larta. Shifra prej 60 milionë eurosh, që e vlerësojnë yllin e tyre është mjaft e ekzagjëruar, sipas Liverpulit. Negociatat sapo kanë filluar dhe nuk përjashtohet një marrëveshje “rrufe” për të eliminuar ndërhyrjen e Bajernit.

Dhjetë klube pas Verner, Lajpcigu me plan për ta “blinduar”

Sport Ekspres — Fri, 25 Jan 2019 16:58:10 +0000

Timo Verner kërkohet nga gjysma e Europës. Sulmuesi i Lajpcigut është një nga premtimet më të mëdha të futbollit gjerman dhe klubi po bën maksimumin për të… përfituar sa më shumë nga ai.

Kontrata e 22-vjeçarit me Lajpcigun përfundon në verën e vitit 2020 dhe drejtuesit po mendojnë t’i ofrojnë rinovimin deri në vitin 2024. Vernerin e pret një dyfishim rroge (nga 3.1 milionë euro në 6 milionë) dhe klauzola e largimit të tij do të jetë 70 milionë euro.

Për sulmuesin interesohen dy klubet nga Mançesteri, Liverpuli, Çelsi, Bajerni i Mynihut, Dortmundi, Barcelona, Reali i Madridit, Juventusi dhe PSG.

Verner nuk rinovon me Laipcigun, e ardhmja drejt Serie A?

Sport Ekspres — Fri, 04 Jan 2019 19:25:37 +0000

Timo Verner është një nga premtimet më të mëdha të futbollit gjerman. Sulmuesi po bën mirë me Laipcigun, ndërsa këtë sezon ka shënuar 11 gola në kampionat deri më tani. Kontrata e Verner me Laipcigun skadon në verën e vitit 2020, por sulmuesi, i cili ka shënuar 9 gola me kombëtaren e Gjermanisë, nuk ka pranuar të rinovojë.

Ai pëlqehet shumë në Itali dhe “Fox Sports” raporton se pas tij janë vënë Juventusi dhe Milani. Klubi gjerman nuk dëshiron të humbasë 22-vjeçarin me parametra zero dhe kartoni i tij vlerësohet rreth 60-70 milionë euro.

Dy klubet e Serie A janë gati të nisin garën mes tyre për të siguruar shërbimet e sulmuesit gjerman, ndërsa mbetet për t’u bindur dhe lojtari, për të cilin interesohet prej kohësh dhe Bajerni i Mynihut.