tifozi

“Hajde te hoteli”, mbrojtësi surprizon tifozin e thekur të Napolit

Sport Ekspres — Mon, 08 Jul 2019 14:40:54 +0000

Fauzi Gulam ka kryer një gjest shumë të bukur gjatë ditës së sotme. Mbrojtësi po zhvillon fazën përgatitore me Napolin, ndërkohë që i ka tërhequr vëmendjen një postim në Twitter.

Një tifoz i thekur i Napolit kishte ardhur në Dimaro për të ndjekur nga afër ekipin e zemrës në një ditë speciale për të. “Ndodhem vetëm 100 metra larg Gulamit, por nuk arrij dot t’i marr bluzën. Sot është edhe ditëlindja ime”, shkruante Masimo, duke i bërë tag edhe mbrojtësit algjerian.

Përgjigja e 28-vjeçarit nuk ka vonuar. Gulam ka vendosur t’ia bëjë akoma më të bukur ditën e lindjes dhe përvjetorin Masimos. “Hajde afër hotelit rreth orës 16:40 të ta jap bluzën”, ka qenë përgjigja e anësorit të majtë, i cili ka treguar zemrën e madhe dhe ia ka bërë të paharrueshme ditëlindjen tifozit.

Vieni vicino a l’albergo verso le 16.40

— ghoulam faouzi (@GhoulamFaouzi) July 8, 2019

VIDEO | Tifozi special elektrizon turmën, Tiago Silva shijon performancën

Sport Ekspres — Mon, 01 Jul 2019 09:25:15 +0000

Reperi Dave publikoi në vitin 2016 një këngë kushtuar Tiago Silvës, mbrojtësit dhe kapitenit të PSG-së. Ndërkohë që po performonte në festivalin e Glastonbury, Dave ka ftuar një nga të pranishmit në skenë, me kushtin që ky i fundit të dinte tekstin e këngës.

Një i ri me bluzën e Tiago Silvës, i quajtur Aleks, është përzgjedhur dhe është ngjitur lart në skenë. Tifozi personal i brazilianit i ka mahnitur të gjithë me performancën e tij, madje edhe vetë 34-vjeçarin.

Atmosferë fantastike në skenë dhe në publik e krijuar nga interpretimi i Aleks. Vetë Tiago Silva ka publikuar videon në “Twitter”, duke mos e fshehur lumturinë e tij dhe falënderimet për Aleksin, njëkohësisht tifoz dhe këngëtar i aftë.

Thanks Alex! @PSG_inside @Santandave1 @ajtracey ?????? https://t.co/yaSGhTPsAQ

— Thiago Silva (@tsilva3) July 1, 2019

VIDEO | Gjesti i vitit në Uruguai, portieri dërgon në ekstazë tifozin e veçantë

Sport Ekspres — Mon, 15 Apr 2019 15:07:05 +0000

Jemi mësuar me tifozë që futen në fushën e blertë për të takuar idhullin e tyre. Mjaftojnë edhe pak sekonda për të qenë përballë futbollistit të preferuar, kënaqësi që nuk harrohet kurrë.

Në Uruguaj ka ndodhur një episod shumë i bukur dhe paksa ndryshe. Luhej ndeshja Plaza-Penarol. Një gol i kapitenit Pereira në minutat shtesë të pjesës së parë i dhuroi fitoren miqve.

Kur arbitri sinjalizoi fundin e takimit dhe lojtarët e dy ekipeve po kryenin ritualet e zakonshme të përshëndetjes, një tifoz vendas futet në fushë. Lukasi i vogël vuan nga Sindroma Down dhe zemra e tij rreh fort për Plazën. Djaloshi shkon menjëherë drejt portierit mik të Penarolit, të cilit i kërkon të gjuajë një penallti.

U tha, u bë! Të dy nisen drejt portës. Aty afrohet edhe arbitri për ta bërë sa më “serioz” këtë moment. Djaloshi puth topin, gjuan bukur, shënon dhe niset i lumtur drejt flamurit të kornes. Duartrokitje në stadium nga tifozët që nuk kishin ikur akoma, ndërsa Lukasi ndihet në qiellin e shtatë.

Ai rikthehet përsëri te portieri kundërshtar, i dhuron një përqafim të ngrohtë dhe del jashtë fushe krenar për golin e shënuar dhe emocionet e provuara.

El gestazo del fin de semana. El arquero de Peñarol con este hincha de Plaza Colonia. pic.twitter.com/Y3GjoBBEtf

— El Número Diez (@numerodiezco) April 15, 2019

Mahnitet nga tifozët e Bokës, arbitri bën gjestin e bukur

Sport Ekspres — Sat, 13 Apr 2019 10:08:52 +0000

Boka Zhuniors nuk hasi probleme për të mposhtur bolivianët e Vilstermanit me rezultatin 4-0. Mitiku “La Bombonera” ishte i zjarrtë si gjithmonë për duelin e Kupës Libertadores. Nuk munguan as reshjet e shiut, por tifozët unikë argjentinas nuk i ndal asgjë.

Dario Benedeto humbi një penallti në minutën e 32-të, por Reinoso zhbllokoi shifrat katër minuta më vonë. Benedeto gjeti golin në pjesën e dytë, sërish nga pika e penalltisë, ndërsa në fund erdhën golat e Zarates dhe autogoli i Aleks Silvës.

Protagonisti i ndeshjes u bë arbitri kryesor. Peruani Diego Haro i befasoi të gjithë në fund të takimit me gjestin e tij të bukur. Ai mbeti i mahnitur nga pasioni i madh i tifozëve vendas pavarësisht motit të keq. Haro shkoi drejt një tifozi të Bokës, i cili gjendej në rreshtin e parë afër fushës, dhe i dhuroi kartonët e verdhë.

Siç raporton argjentinasja “Ole”, Matiasi i vogël, përveçse një tifoz i thekur, luan me moshat e Bokës. Ai iku i lumtur në shtëpi për fitoren e ekipit të zemrës dhe dhuratën e marrë nga arbitri. Tashmë i mbetet të punojë fort për të realizuar ëndrrën që një ditë të zbresë në “La Bombonera” me ngjyrat e Bokës së tij të dashur mbi supe.

VIDEO: Nuk do ta besoni, ja çfarë ka bërë tifozi i River Plejt

Sport Ekspres — Thu, 11 Apr 2019 16:56:55 +0000

River Plejt fitoi finalen e madhe të “Copa Libertadores” kundër Boka Zhuniors, sfidë që u luajt në “Santiago Bernabeu” në Madrid. Një takim spektakolar, ku nuk munguan golat, tensioni dhe festa e çmendur e tifozerive.

Të dyja skuadrat elitare argjentinasë kanë një numër të konsiderueshëm tifozësh, madje kanë dhe tifozë të çmendur. Një tifoz i River Plejt, ka bërë një tatuazh në këmbën e tij, ku është një “Quick Response Code” (Barkodi), me anë të të cilit, dhe me ndihmën e telefonit, shikon direkt golat e takimit mes River Plejt dhe Boka Zhuniors. I pabesueshëm…

¡DE NO CREER?! Un hincha de River se tatuó un código QR que al leerlo el celular, lo remite a un video con los goles de la final de la Copa Libertadores ante Boca. ¡El fútbol nos tiene muy locos?! pic.twitter.com/JqEYnKKtdG

— Actual Fútbol (@ActualFutbol) April 11, 2019

“Sa vite keni pa fituar titullin?!”, sulmuesi replikon me tifozin “armik”

Sport Ekspres — Fri, 05 Apr 2019 07:01:16 +0000

Sportingu i Lisbonës fitoi në shtëpi përballë Benfikës me rezultatin 1-0 në ndeshjen e kthimit të gjysmëfinaleve të Kupës së Portugalisë. Ndeshja e parë ishte fituar nga “Shqiponjat e Lisbonës” me rezultatin 2-1.

Vendasit kishin nevojë për një gol dhe ai erdhi 15 minuta përpara fundit të ndeshjes. “Ylli” i Sportingut, Bruno Fernandez, shënoi golin që dërgoi tifozët në delir dhe ekipin në finale.

Mërzitje e madhe te Benfika për humbjen e derbit, ndërsa një tifoz i Sportingut nuk ka përtuar të provokojë brazilianin Xhonas.

“Duhet ta respektoni Benfikën. Sa vite keni pa fituar titullin?”, ka reaguar sulmuesi 35-vjeçar. Sportingu nuk fiton një titull kampion prej vitit 2001.

“Xhonas, rikthehu në Brazil”, thërret dikush, ndërsa autori i 10 golave në kampionat gjatë këtij sezoni i përgjigjet: “Do të qëndroj këtu që të fitoj më shumë se ju”.

«Têm que respeitar o Benfica» enquanto apontava para o símbolo. «Há quantos anos vocês não são campeões?» Nessa altura há um lagarto que diz “Ó Jonas, vai para o Brasil”. Já se dirigia para o exterior, mas parou: «Vou ficar aqui para ganhar mais vezes de vocês» atirou sorrindo pic.twitter.com/Hw4T4oU3kk

— Associação do Bem (@AssociacaoBem) April 3, 2019

VIDEO | Ronaldo kundër tifozit: Nuk ke fanellë të Juventusit?!

Sport Ekspres — Sun, 24 Mar 2019 14:29:06 +0000

Kristiano Ronaldo u transferua në verë të Juventusi, duke u larguar pas 9 sezonesh nga Reali i Madridit. Ky transferim i cilësuar si transferimi më i mirë i dekadës së fundit. Transferimi më i mirë i dekadës së shkuar? Ronaldo te Reali i Madridit. Dihet që ylli portugez është futbollisti më i njohur dhe lojtari më i pëlqyer në botë, pasi ka miliona ndjekës në rrjetet sociale dhe tifozët udhëtojnë me kilometra të tëra vetëm që të jenë pranë tij.

Në grumbullimin e kombëtares portugeze, një tifoz i Real Madridit dhe i Ronaldos kishte udhëtuar nga Spanja, vetëm që të takonte idhullin e tij dhe të merrte një autograf. Pavarësisht se kishte fanellën e Realit të Madridit në duar, Ronaldo u afrua dhe firmosi këtë fanellë, por nuk ngurroi të lëshojë një batutë të veçantë: “Nuk kishe ndonjë fanellë të Juventusit?”. Ylli portugez foli me nuanca humori, por kjo fjali ka bërë që tifozët e Juventusit të çmenden në rrjetet sociale, pasi janë të lumtur me faktin që Ronaldo nuk mendon për ekip tjetër vec “Zonjës së Vjetër”.

Cristiano while signing a Real Madrid jersey: “Don’t you have Juventus [shirt]? heheh.”pic.twitter.com/2kSpkmWdRL

— M•A•J (@Ultra_Suristic) March 23, 2019

E padëgjuar, klubi anglez ia merr mbrapsht biletën një tifozi

Sport Ekspres — Mon, 11 Mar 2019 08:06:37 +0000

Futbolli anglez ka tifozë të panumërt dhe jo vetëm në Premier Ligë, por dhe në ligat inderiore, interesimi është i madh. Ajo çfarë ka ndodhur sot është me të vërtetë diçka shumë qesharake, por dhe e padëgjuar më parë.

Një tifoz anglez bleu një biletë për në ndeshjen mes Lids Junajtid dhe Bristol Siti, e vlefshme për Championship. Por vetëm disa orë më pas, i ka ardhur njoftimi se kjo biletë është e pavlefshme dhe do t’i rimbursohen lekët.

Vetë tifozi tha për mediat angleze: “Nuk e kuptoj se pse më është anuluar bileta. Unë jam tifoz i Bristol Sitit, por dhe Lids Junajtid është një skuadër që e kam shumë përzemër, pasi jam rritur pranë stadiumit të tyre. Bileta ime ishte te fansat e Bristol, aty ku më takonte, por klubi më njoftoi që është e pavlefshme”, tha tifozi.

Tifozi i Liverpulit bën gafën e vitit, përfundon në Gjermani

Sport Ekspres — Thu, 21 Feb 2019 08:58:34 +0000

Edhe në vitin 2019, ku teknologjia është shumë e zhvilluar, gafa të paimagjinueshme mund të ndodhin. Një tifoz i Liverpulit ishte i bindur se ndeshja e Bajernit të Mynihut kundër të kuqve të Jurgen Klop do të luhej në Gjermani dhe si pasojë kishte blerë biletën për ndeshjen në stadiumin “Allianz Arena”.

Tifozi me emrin Pol, i cili jeton në Londër, e ka ndjekur ndeshjen në Gjermani, pasi është ftuar nga një studio televizive sportive menjëherë sapo mor vesh gafa e tij. Në studio, tifozi u shpreh:

“Një ditë para ndeshjes duhet të kem pirë shumë birra (qesh). Nuk do e humbisja kurrsesi ndeshjen e Liverpulit dhe bleva biletë për sfidën kundër Bajernit. I thashë sportelistit që dua biletë për në “Allianz Arena”, pasi isha i bindur se ndeshja e parë do të luhej në Gjermani. Gjëra që ndodhin, apo jo?”,- tha tifozi Pol duke qeshur. Jo Pol, këto gjëra nuk ndodhin…

Festoi 104-vjetorin, njihuni me tifozin më të vjetër të Liverpulit

Sport Ekspres — Fri, 18 Jan 2019 16:47:10 +0000

Skuadra e Liverpulit është një nga ekipet më të mëdha në botë dhe tifozët e të kuqve janë të shpërndarë në të gjithë botën. Të kuqtë e drejtuar nga Jurgen Klop kanë kaluar një periudhë shumë të ngarkuar gjatë muajit dhjetor, por dhe në fillim të janarit. Gjithsesi, klubi i “The Reds” ka gjetur kohën të nderojë një nga tifozët e saj.

Bernard Sheridan është tifozi më i vjetër i Liverpulit, pasi ka 96 vite që mbështet skuadrën e kuqe. Klubi i “Merseyside” e ka ftuar Sheridan të festojë ditëlindjen e tij të 104 në ambientet e “Anfield Road”, aty ku edhe e kanë nderuar me një mirënjohje. Edhe vetë tekniku Klop nuk ngurroi të takojë tifozin e veçantë.

VIDEO | Një “superhero” në stërvitjen e Leister, çfarë po mendonte Vardi?

Sport Ekspres — Thu, 17 Jan 2019 21:11:43 +0000

Kampionati anglez i futbollit nuk njeh pushime dhe skuadrat vazhdojnë të kryejnë me intensitet stërvitjet e tyre të përditshme. E kur shumë seanca stërvitore kalojnë pa u vënë re dhe pa u kushtuar shumë rëndësi, stërvitja e sotme e Leister Sitit po bën xhiron e botës.

Një video e publikuar në sajtet angleze tregon një futbollist të “Dhelprave”, më saktë një Superhero, që ka qenë i pranishëm sot në ambientet stërvitore i maskuar si personazhi i famshëm “Spider-Man”. Ishte sulmuesi i njohur anglez, Xhejmi Vardi, i cili tentoi të frikësojë trajnerin Klaud Pyjel. Strategu francez nuk u impresionua aspak nga Vardi…