Tifozët Kuq e Zi

VIDEO | Spektakli nis nga tribunat, TKZ shpalosin koreografinë

Sport Ekspres — Fri, 22 Mar 2019 19:52:09 +0000

Nuk mund të mungonte një surpriza nga tifozët e kuqezinj të shkallët e “Loro Boriçi”, grupimi që ndjek çdo takim të kombëtares sonë prej më shumë se dekade përgati një koreografi të veçantë, që u shpalos në fillim të takimit.

Një skicë e kalasë së Krujës së bashku me flamurin shqiptar dhe poshtë saj vendosur mbishkrimi: “KËTU FITOJMË NE”.

Tifozët Kuq e Zi bashkohen me studentët: Do jemi dhe fizikisht me ju

Sport Ekspres — Tue, 11 Dec 2018 13:46:11 +0000

Tifozët Ku e Zi kanë njoftuar përmes një postimi në faqen e tyre zyrtare se deri më tani kanë qenë vetëm me mendje e me zemër, por nga sot do të jenë edhe fizikisht.

Sicc dihet, studentët i kanë lënë afat Ministres së Arsimit, Linda Nikollës, dhe kryeministrit Edi Rama deri në orën 16:00, ose në të kundërt protestat do të përshkallëzohen. TKZ ka veçuar se janë në mbështetje të kauzës së studentëve deri në plotësimin e kërkesave të tyre.

“Tifozët Kuq e Zi nga të gjitha trojet etnike, kanë mbështetur me mendje e zemër kauzën e studentëve.

Prandaj, sonte nga ora 16.00 bashkohemi edhe fizikisht me studentët protestues ne mbështetje të kërkesave të tyre.

Bashkohu edhe ti!

#mestudentet
#osamireneqeneshqiptar
#jeminje”

“Tifozët Kuq e Zi” ngrenë moralin e lojtarëve, koreografi e veçantë

Sport Ekspres — Tue, 20 Nov 2018 19:11:20 +0000

Shqipëria është në një moment mjaft të vështirë, pasi skuadrës i mungojnë rezultatet. Në ndeshjen me Uellsin tifozeria mike është më e shumtë se tifozeria jonë, diçka që mund të ketë ndodhur për herë të parë në histori.

“Tifozët Kuq e Zi” janë mbështetja më e madhe e kësja skuadre, pasi nuk e kanë lënë vetëm skuadrën asnjëherë, edhe pse në vende shumë të largëta, apo në kushte aspak të mira.

“Lojtari i 12-të” ka ardhur me një mesazh të veçantë për këtë ndeshje, duke i motivuar lojtarët, të cilët e kanë ndjerë situatën ku është ekipi. Tifozët duna vetëm që ata të japin maksimumin, duke theksuar se rezultati për ta është në plan të dytë: “Rezultatet nuk kanë rëndësi, ajo që kërkojmë është të djersini fanellën kuqe e zi”.