Tifozët e Romës

FOTO | Ultrasit e Romës vazhdojnë “avazin”, pankarta e radhës kundër klubit!

Sport Ekspres — Sun, 02 Sep 2018 09:30:55 +0000

Momente për t’u harruar për Romën, mbasi humbi ndeshjen përballë Milanit dhe ndodhet në momente të vështira. Atmosfera në ekip nuk është e mirë dhe diçka të tillë e pohoi dhe trajneri Di Françesko, i cili kërkon kthesën nga ekipi i tij. Por, momente të vështira po kalojnë dhe tifozët e ekipit kryeqytetas.

Mbasi protestuan me anë të një pankarte për largimin e Kevin Strotman, ku ironizonin presidentin Paleta, ultrasit e Romës kanë nxjerrë pankartën e radhës. Ata janë të pakënaqur dhe kanë kryer “sulmin” e radhës ndaj drejtuesve të klubit.

“Po çfarë titulli dhe çfarë Kupë Kampionesh! Trofetë tuaj janë fitimet dhe shitjet e lojtarëve”, shkruhet në pankartën e madhe që kanë varur ultrasit në një nga zonat e qytetit.

Shfryjnë ultrasit e Romës, pankartë thumbuese presidentit Palota

Sport Ekspres — Thu, 30 Aug 2018 10:28:53 +0000

Tifozët e Romës janë të zhgënjyer dhe të acaruar me klubin për shitjen e Kevin Strotman te Olimpiku i Marsejës. Holandezi ishte një nga të preferuarit e tifozerisë verdhekuqe, por klubi vendosi ta shesë dhe mesfushori kaloi në kampionatin francez.

Tifozët kryeqytetas kanë reaguar me anë të një pankarte ku thumbojnë presidentin Palota. “Nderime lojtarit qe ulkonjen respekton… gjen ameriken me kete fanelle, nuk e perdor dhe e hedh”, është shkrimi thumbues i tyre në drejtim të presidentit italo-amerikan.

Situata ishte problematike dhe mbas shitjes së Raxha Naingolan tek Inter, por klubi kreu disa blerje cilësore më vonë dhe atmosfera u qetësua. Tashmë ata nuk durojnë më dhe mbi të gjitha, nuk iu pëlqen fakti që Strotman u shit në momentet e fundit të merkatos.