tifoz

Rexhinaldo thërret tifozin e flaktë: Duhet të të takoj

Sport Ekspres — Thu, 11 Apr 2019 07:00:39 +0000

Kukësi mundi sot Laçin në transfertë me rezultatin 1 – 0. Në transfertën ndaj ekipit kurbinas, në tribunën e tifozëve miq ishte vetëm një tifoz kuksian, i cili në fund të takimit mori duartrokitjet e të gjithë ekipit verilindor.

Përkushtimi i mbështetësit të Kukësit i ka lënë mbresa te sulmuesi Rexhinaldo, i cili ka menduar ta shpërblejë tifozin me një dhuratë të veçantë. Me anë të një postimi në llogarinë e tij në “Instagram”, futbollisti kërkon të marrë vëmendjen e tifozit në fjalë për ta takuar e për t’i dhënë fanellën e ti.

https://www.instagram.com/p/BwFurk-JuVE/?utm_source=ig_web_copy_link

Mbishkrimi që shoqëronte foton e postuar nga Rexhinaldo: Falënderoj këtë fans të madh të Kukësit. Megjithëse me aq të ftohtë, ai ndihej ngrohtë. Më duhet të takoj ty , dua që të të ofroj fanellën time. Faleminderit.

VIDEO | Grasshopersi drejt rënies, tifozët bëjnë “hatanë” në Zvicër

Sport Ekspres — Sat, 16 Mar 2019 20:24:11 +0000

Ndeshja midis Sionit dhe Grasshopersit është anuluar në minutën e 55-të për shkak të hedhjes së vazhdueshme të mjeteve piroteknike në fushën e lojës nga tifozët e Grasshopersit. Tifozët e indinjuar nga rezultati dhe nga fakti se skuadra rrezikon rënien nga Superliga zvicerane ndërmorën këtë akt ekstrem.

Në një njoftim të minutave të fundit, klubet bënë të ditur se takimi nuk do të rifillojë dhe me shumë gjasa Sionit do t’i jepet një fitore në tavolinë.

Futbollistët shqiptarë Ermir Lenjani dhe Pajtim Kasami ishin protagonistë në këtë sfidë, i pari duke asistuar golin që zhbllokoi sfidën, ndërsa i dyti shënoi golin tjetër të vendasve.

Asisti i Lenjanit
?
Goli i Kasami
?

Foto | Sherr pas derbit, nuk kursehen as flakadanët

Sport Ekspres — Fri, 30 Nov 2018 20:01:42 +0000

Derbi ka rivalitet të madh dhe shpesh ka edhe konflikte. Kështu ka ndodhur pas ndeshjes Partizani-Tirana, kur ultrasit e të dyja ekipeve janë përplasur mes tyre. Gjithçka ndodhi në kryqëzimin e Komunës së Parisit.

Mes palëve ka pasur flakadanë të hedhur, çka ka shkaktuar edhe panik te kalimtarët përreth. Policia ka ndërhyrë, forcat e ndërhyrjes së shpejtë konkretisht. Tifozët janë larguar, ndërkohë që ka edhe të arrestuar.

VIDEO | Sulm me shishe molotov dhe tifozë të gjakosur, në Athinë nuk flitet për futboll

Sport Ekspres — Tue, 27 Nov 2018 19:34:11 +0000

Takimi midis AEK dhe Ajaksit është shoqëruar me tensione të shumta midis dy tifozerive. Përleshjet e para filluan gjatë mbrëmjes së djeshme dhe vazhduan përgjatë të gjithë ditës së sotme. Por, skenat më të dhunshme nuk janë parë në rrugët e Athinës, por në tribunat e stadiumit.

Fillimisht të dyja tifozeritë po sulmonin njëra-tjetrën duke hedhur sende të fortë dhe flakadanë e tymuese, gjatë pushimit të pjesës së dytë ndodh e papritura, njëri prej tifozëve të AEK hedh një shishe molotov drejt tribunës ku ishin vendosur tifozët e Ajaksit

Fatmirësisht, shishja e mbushur me benzinë shpërthen vetëm pak metra nga tribuna dhe shmanget një tragjedi. Fotot e dhunës në stadium po bëjnë xhiron e botës. Me siguri UEFA do të japë një dënim shembullor për klubin grek, pasi skena kaq të dhunshme nuk shiheshin prej vitesh në ndeshjet e Champions League.

https://twitter.com/ultrastyle01/status/1067489890462511109

PAMJE TË RËNDA

Klubet e Bundesligës u dalin në krah tifozëve, s’ka më futboll të hënave

Sport Ekspres — Wed, 21 Nov 2018 21:43:19 +0000

Futbolli i të hënave është kthyer në një “makth” për tifozët gjermanë. Protesta të vazhdueshme janë bërë gjatë muajve të fundit për këtë, ndërsa në javën e 13-të të Bundesligës do të zhvillohet një bojkot i ndeshjeve nga dhjetëra tifo-grupe të Bundesligës gjermane.

Mesa duket këto forma protestash ka qenë të suksesshme, pasi sipas “DPA”, federata gjermane ka rënë dakord që në marrëveshjen e ardhshme të së drejtës televizive të ndalojë zhvillimin e ndeshjeve gjatë ditës së hënë, duke i spostuar ato gjatë ditës së diel.

Por, për këtë ndryshim tifozëve i duhet të tregohen të durueshëm pasi marrëveshja aktuale mbaron në fund të sezonit 2020/2021. Nga marrëveshja e firmosur dy vite më parë, klubet e Bundesligës përfitojnë 4.6 miliardë euro të ardhura të shpërndara ndërmjet tyre gjatë kohëzgjatjes 4-vjeçare të kontratës.

Futbolli bashkon njerëzit, shembulli vjen nga tribunat

Sport Ekspres — Fri, 16 Nov 2018 20:05:56 +0000

Edhe pse ndeshja mes Shqipërisë dhe Skocisë është programuar për ditën e nesërme, tifozët nuk u është duruar deri atëherë, teksa kanë zbritur vetë në fushë. “Tifozët Kuq e Zi” kanë sfiduar tifozët miq në një takim miqësor të zhvilluar në fushat sportive në Kamzë.

Është ndarë në barazim 1-1 kjo ndeshje, e cila është një mesazh për të gjithë, duke treguar se futbolli duhet të bashkojë njerëz. në fund shtrëngim duarsh dhe foto mes të dyja palëve. Ky duhet të jetë mesazhi që të gjithë duhet të marrim.

Rrallëherë mund të ketë pasur një atmosferë më të mirë midis dy tifozerive se sa kjo para ndeshjes së nesërme ndaj Skocisë. Gjatë ditës së sotme tifozët skocezë kanë festuar në rrugët e Tiranës e Shkodrës pa shkaktuar asnjë lloj shqetësimi, duke lënë përshtypje të mira te të gjithë.

VIDEO / Tifozët anglezë ngrenë në këmbë policinë spanjolle, Sevilja kthehet në “fushëbetejë”

Sport Ekspres — Mon, 15 Oct 2018 16:37:43 +0000

Pavarësisht se futbolli anglez ka lënë pas krahëve periudhën e errët të viteve 80-të, ku huliganët bënin kërdinë nëpër rrugët e qyteteve angleze, akoma ka mbetur një problem i trashëguar nga ato kohëra.

England in Seville.. #EnglandAway ???????? pic.twitter.com/6qMg7EdZfe

— The Real Casuals (@RealCasuals) October 14, 2018

Kudo që udhëton kombëtarja angleze, vjen një ushtri tifozësh besnik nga të gjitha qytetet vendit. Fatkeqësisht një pjesë e këtyre tifozëve, të ndikuar dhe alkooli dhe drogëra të tjera, bëhen një makth për banorët e vendas, duke shkaktuar prishje të qetësisë publike dhe luftime në distancë me forcat policore.

All quiet in Seville #englandaway pic.twitter.com/rM8FwEegqw

— Scott (@Scotty__91) October 14, 2018

Episodi më i fundit ka ndodhur në Spanjë, ku Anglia luan sot ndaj përfaqësueses spanjolle. Në videot që po qarkullojnë në Internet shihen qartë çmendurit e tifozëve anglez, që në përplasje e sipër me policinë dëmtojnë makina e dyqanet e qytetit në zemër të Andaluzisë.

Tifoz anglez në gjendje të rënduar nga konsumi i lartë i alkolit

Përkushtim ekstrem i tifozëve anglezë, në Kroaci për ndeshjen pa spektatorë

Sport Ekspres — Fri, 12 Oct 2018 18:25:04 +0000

Sot në orën 20:45 Kroacia do të presë Anglinë në stadiumin e qytetit të Rijekës, në takimin në kuadër të kompeticionin “Nations League”. Por, kjo ndeshje do të luhet pa tifozë, kjo për shkak se UEFA e ka dënuar Kroacinë me dy ndeshje pa tifozë në shtëpi për shkak të një incidenti të ndodhur në kualifikueset e Euro 2016, ku në tapetin e fushës shfaqej simboli nazist i “Svastikas”.

Në mënyrë të pabesueshme, ky fakt nuk i ka ndaluar tifozët anglezë të zbarkojnë nëpër rrugët e Rijekës për të shijuar ndeshjen në lokalet dhe sheshet e qytetit kroat. Diçka e rrallë kjo që zor se mund të përsëritet nga ndonjë tifozeri tjetër.

Stadiumi ku do të luhet ndeshja pa tifozë

Përplasje mes tifozëve, napolitanët rrahin tifozin e Liverpulit

Sport Ekspres — Wed, 03 Oct 2018 11:24:33 +0000

Takimi midis Napolit dhe Liverpulit nuk ka kaluar pa incidente. Mediet italiane raportojnë se gjatë mëngjesit të ditës së sotme një tifoz i Liverpulit ka mbetur i plagosur lehtë, pasi u sulmua nga një grup tifozësh të Napolit.

Ky është incidenti i dytë brenda gjashtë muajve ku një tifoz i skuadrës së Liverpulit plagoset nga fansat anglez. Në muajin prill shtetasi irlandez, Shon Koks, u plagos rëndë nga dy tifozë të Romës dhe mbeti për disa javë në gjendje koma.

Gjatë muajve të fundit UEFA ka shtrënguar masat në lidhje me sjelljet e tifozerive. Marseja dhe Lioni janë dënuar me nga një ndeshje pa tifozë për shkak të trazirave të tifozëve. Të njëjtin fat mund ta ketë dhe Napoli nëse incidente si ku i sotmi vazhdojnë të përsëriten.