24-vjeçari pëlqehet shumë nga Evertoni. Klubi nga Liverpuli e sheh Bakajokon si zëvendësuesin ideal të Idrisa Gana Gueje, i cili u largua drejt PSG-së.

30 milionë euro paguan kampionët e Francës në arkat e Evertonit, që ka nisur sulmin për mesfushorin e Çelsit. Bakajoko la Monakon verën e vitit 2017 për t’u transferuar te “Blutë e Londrës” për shumën e 40 milionë sterlinave.

41-vjeçari ka vendosur të “pastrojë” skuadrën dhe dy janë largimet e para. Që duhet të ndodhin sa më shpejt, për të mirën e Çelsit dhe sidomos vetë lojtarëve.

Daily Express raporton se Lampard i ka shprehur qartë dyshes Timue Bakajoko dhe Deni Drinkuoter se nuk janë në planet e tij. “Blutë e Londrës” paguan 75 milionë sterlina (35 kushtoi anglezi dhe 40 francezi) për kartonët e tyre verën e vitit 2017.

Të dy mesfushorë, të dy me kontrata që përfundojnë në verën e vitit 2022. Ish-i i Milanit dhe Leisterit duhet të gjejnë sa më shpejt një ekip të ri për të vazhduar karrierën.

Mesfushori francez ka folur për “L’Equipe”, aty ku zbulon ëndrrën e tij të madhe dhe dëshirën për t’u bashkuar përsëri me brazilianin Leonardo. Që i vogël është një tifoz i PSG-së dhe një ditë do të dëshironte të luante për kampionët e Francës. Aty do të takohej përsëri me Leonardon, me të cilin punoi te kuqezinjtë.

“Jam i lumtur që Leonardo të rikthehet në Paris. Do të më pëlqente që të luaja një ditë me PSG-në, pasi janë klubi për të cilin bëj tifozllëk”, thekson Bakajoko.

Por qëndrimi i mesfushorit në ”Stamford Bridge” nuk është dhe aq i sigurt. Bakajokos i pëlqejnë shumë destinacione dhe nuk është i qartë për të ardhmen e tij. Shprehet se do të vazhdojë kontratën me Çelsin, por shton se do të ishte i lumtur të luante për PSG. I pëlqen të punojë me Konten dhe Alegrin.

“Kam kontratë 3-vjeçare, nuk kam zgjedhje. Fillimisht do të kthehem te Çelsi e më pas nuk e di se ç’do të ndodhë. Nuk mund të gënjej, do doja të luaja te PSG. Do të ishaq i lumtur të shkoja në Paris, pasi do të thotë shumë për mua dhe familjen time. Ne bëjmë të gjithë tifo për atë skuadër. Jam i lumtur për Leonardon, ai më ndihmoi të shkoj në Milano, ku arrita formën optimale. E respektoj atë dhe klubin e Milanit. Jam i bindur se do të bëjë një punë të mirë në Paris”, u shpreh Bakajoko.

Drejtuesit e “djallit” kanë patur një takim kokë më kokë me Gatuzon dhe Bakajokon. Trajneri dhe mesfushori kanë sqaruar gjithçka mes tyre dhe francezi i është bashkuar stërvitjes.

Ai mund të zbresë në fushë të shtunën kundër Fiorentinës, duke llogaritur dhe mungesat e mëdha në këtë repart. Lukas Paketa u ndëshkua me të kuqe, ndërsa Bilja dhe Çalhanoglu janë të dëmtuar. Aktivizimi i Bakajokos do të varet edhe nga rendimenti i tij gjatë javës.

E ardhmja e tij pritet të jetë larg Milanelos. Kuqezinjtë nuk kanë ndërmend të paguajnë 30 milionë euro për kartonin e tij dhe 24-vjeçari do të rikthehet te Çelsi. Një lajm i mirë për trajnerin Sarri. Anglezëve ju është bllokuar merkato dhe trajneri italian do të kishte një opsion më shumë për mesin e fushës.

Leonardo ka folur për rastin në fjalë. Gjithçka do të zgjidhet brenda familjes dhe nuk ka nevojë të bëhet publike. Mesfushori ka gabuar dhe do të paguajë. Më pas një koment për fitoren kundër Bolonjës, trajnerin Gatuzo dhe merkaton e Milanit.

EPISODI – “Rasti i Bakajokos do të diskutohet brenda nesh pa bërë publikimin e masave që do të marrim. Lojtari ka vuajtur shumë gjëra javët e fundit, por gabimet mbeten gabim dhe do të ndërhyjmë. Ka shumë gjëra pozitive, por kush gabon, paguan. Njësoj si gjithë të tjerët. Kanë ndodhur shumë gjëra njëkohësisht, por i kemi zgjidhur brenda nesh me Gazidis, Maldinin dhe Gatuzon. Nuk mund të bëhet çdo rast gjyq publik.”

SITUATA – “Pas derbit ishte një moment shumë i vështirë, por kundër Bolonjës treguam një forcë, që sinqerisht nuk e mendoja se e kishim. Ky Milan ka shpirt dhe shumë gjëra pozitive. Nevojitet qetësi dhe durim, sepse ekipi është në ndërtim e sipër.”

GATUZO DHE MERKATO– “Jemi treguar gjithmonë të qartë me Rinon. Gjithçka po shkon sipas planit, nuk mund të ishte gjithçka fushë me lule. Kemi pësuar ndryshime dhe normal që do të hasnim vështirësi. Nuk jemi në një situatë ekonomike të mirë, por nuk bëhet fjalë për demoralizim. Jemi të bllokuar dhe nuk do të bëjmë goditje të mëdha në verë. Megjithatë, gjithçka varet nga kualifikimi në Champions.”

Francezi u bë shkak polemikash për festimin e bërë me bluzën e Açerbit dhe tifozët e Lacios nuk ia kanë harruar. Dy ekipet do të zbresin në fushë, sonte në orën 20:45 për ndeshjen e kthimit gjysmëfinale të Kupës së Italisë. Ndeshja e parë është mbyllur në barazim pa gola.

Dy trajnerët kanë publikuar edhe formacionet e sfidës. Xhenaro Gatuzo ka zgjedhur skemën 3-4-3. Kaldara do ta nisë nga fillimi dhe do të plotësojë treshen e mbrojtjes bashkë me Romanjolin dhe Muzakion. Në sulm, Piatek do të mbështetet nga spanjollët Suso e Kastihejo.

Simone Inzagi përgjigjet me skemën 3-5-1-1. Strakosha si gjithmonë titullar, ndërsa argjentinasi Korrea do të mbështesë Çiro Imobilen në majën e sulmit bardhekaltër.

MILAN (3-4-3): Reina; Muzakio, Kaldara, Romanjoli; Kalabria, Kesi, Bakajoko, Laksalt; Suso, Piatek, Kastihejo

LACIO (3-5-1-1): Strakosha, Bastos, Açerbi, Luiz Felipe; Romulo, Luis Alberto, Leiva, Milinkoviç-Saviç, Luliç; Korrea, Imobile

Goli i Frenk Kesi nga pika e penalltisë i dhuroi tre pikë shumë të rëndësishme kuqezinjve të Gatuzos, të cilët janë rikthyer te fitorja dhe vendi i katërt. Një episod i pakëndshëm dhe aspak sportiv ndodhi në fund.

Pasi ishin thumbuar gjatë javës në rrjetet sociale, Açerbi i Lacios dhe Bakajoko i Milanit ndërruan bluzat. U duk se “paqja” u vendos, por francezi u tregua tinëzar, mori bluzën e kundërshtarit dhe e valëviti përpara tifozëve të tij gjatë festës së fitores bashkë me Kesin.

Një veprim i tillë nuk u pëlqye fare dhe polemikat u bënë të pandalshme. Zgjedhja për të festuar në atë mënyrë nuk ju pëlqeu as disa lojtarëve të Milanit, madje dy prej tyre tentuan të frenonin këtë episod.

Siç raportojnë mediat italiane, Lukas Bilja dhe Mateo Muzakio insistuan që ai veprim të mos bëhej, por bluza e Açerbit ishte valëvitur mjaftueshëm për t’u kapur nga kamerat dhe fotografët. Megjithatë, Bakajoko ka reaguar në rrjetet sociale. Francezi theksoi se e gjitha ishte një shaka dhe i kërkonte ndjesë mbrojtësi lacial, nëse ky i fundit ishte ndjerë i fyer.

Në një prononcim për “RMC Sport France”, mesfushori flet për ditët e vështira të fillimit të sezonit dhe madhështinë e klubit kuqezi. Të ardhmen nuk e ka në dorë, por Bakajoko shpreson që të vazhdojë të jetë përsëri pjesë e “Djallit” në sezonin e ri. Rikthimi në Champions Ligë është objektivi i madh dhe në fund bën një koment për Kristof Piatek, njeriun e momentit.

MOMENTI – “Fillimi i sezonit nuk ishte aspak i thjeshtë për shkak të gjuhës, por tani gjithçka po shkon mirë në fushë dhe në jetën time private. Jam shumë i lumtur për atë që po përjetoj. Dua që të mbërrijmë në një nga katër vendet e para dhe të merrja një surprizë: grumbullimin në kombëtare.”

E ARDHMJA – “Nuk mund të jap sot një përgjigje, kështu që le të presim fundin e sezonit. Unë kam një kontratë me Çelsin, por ndihem shumë mirë në Milano dhe dua të vazhdoj të luaj me Milanin.”

MILANI – “Kush thotë që Milani nuk është më një klub i madh e ka shumë gabim. Nuk është e nevojshme të flasësh për trofetë dhe historinë e kuqezinjve, sepse të gjithë e njohin. Kur erdha këtu pashë të gjithë fotot dhe trofetë, ishte diçka impresionuese. Është i trishtueshëm fakti që ky klub nuk ka marrë pjesë në Champions në vitet e fundit. Shpresoj që këtë vit t’ia dalim ta rikthejmë Milanin në Champions Ligë.”

PIATEK – “Shpesh më pyesin se çfarë mendimi kam për të dhe po ju përgjigjem: në aspektin futbollistik jam totalisht i dashuruar me të.”

Së fundmi UEFA dhe Milani u përballën në CAS dhe çështja vijon, pasi klubi italian duhet të paguajë shumën e 12 milionë eurove për shkak të shkeljes së rregullave të FFP. Gjithashtu bilancet duhet të rregullohen në harkun kohor të dy viteve. Te Milani synojnë që ta zgjatin këtë afat në pesë vite, në mënyrë që të kenë mundësinë të bëjnë shpenzime e të përforcohen si skuadër.

BAKAJOKO – “Nëse kemi mundësi ta mbajmë, absolutisht duhet ta bëjmë diçka të tillë. Gjithsesi nuk varet nga unë. Gjithçka unë di është se ai mund të bëhet një lojtar themelor në të ardhmen e Milanit”, kështu shprehej para pak kohësh Xhenaro Gatuzo, trajneri i Milanit.

Mesazhi për drejtuesit është i qartë. Mesfushori është përmirësuar ndjeshëm dhe është kthyer në lojtarë më të rëndësishëm të formacionit kuqezi. Bakajoko kishte premtuar se vërshëllimat do t’i kthente në duartrokitje dhe në fakt i ka fituar zemrat e tifozëve të Milanit.

Raportohet se së fundmi Leanardo ka bërë hapin e parë për të arritur një marrëveshje me Çelsin. Kontrata e nënshkruar në verë është e qartë: italianët duhet të paguajnë 38 milionë euro për mesfushorin. Braziliani i kuqezinjve po negocion që ajo shumë të ulet disi. Te Milani bilancet kanë rëndësi të madhe dhe nuk mund të shpenzohet shumë. Mbetet për t’u parë nëse do të ketë një marrëveshjes me londinezët.

Ai ndodhet në një formë shumë të mirë dhe është kthyer në digën e mesit të fushës së ekipit të Gatuzos. Trajneri i ka besuar gjithmonë dhe sot ndjen kënaqësi që 24-vjeçari ia ka shpërblyer me paraqitjet e tij. Te Milani janë bindur për cilësitë e lojtarit dhe janë gati të paguajnë shumën e kërkuar te Çelsi. Kualifikimi i Milanit në Champions do të siguronte paratë e duhura për blerjen e kartonit të gjigantit të mesfushës, ndërsa lojtarin e pret një kontratë afatgjatë.

Vetë Bakajoko foli për mundësinë e tij të qëndrimit te Milani, ku tha: “E kam dëgjuar çfarë ka thënë Leonardo, por nuk jam në pozicionin e duhur për të folur për të ardhmen time. Kjo është një çështje që i takon Milanit dhe Çelsit, por nëse do të ishte në dorën time, do të qëndroja këtu. Është një ëndërr të luash për Milanin dhe jam 100% i gatshëm të jap maksimumin për këtë fanellë”,- u shpreh Bakajoko.