Synimi i radhës, siç raportohet nga mediat në Spanjë, duket se është përsëri një nga yjet e rinj të mesit të fushës. Bëhet fjalë për Juri Tilemans, i cili luan për Monakon. Belgu u ble në verën e vitit 2017 nga Anderlehti për plot 26 milionë euro.

Rritja e 21-vjeçari ka qënë me hapa galopant, ku pavarësisht se Monako aktualisht po përjeton një ndër sezonet më të këqija, rendimenti i Tilemans ka qenë fantastik. Barcelona duket se është impresionuar së tepërmi nga belgu dhe pritet që të bëjë një ofertë, ku synimi kryesor është që ta sigurojë për sezonin e ardhshëm transferimin e talentit.

Ditën e sotme Monako do të sfidojë belgët e Klub Bryzhit, të cilët i presin në shtëpi francezët. Një ditë përpara takimit në konferencën e zakonshme që mbahet përpara medias, kanë qenë për të folur pikërisht, Tierri Henri dhe Juri Tilemans.

Tekniku francez ka bërë një gjest, i cili është ka shkaktuar mjaft humor në dhomën e konferencës. Tilemans është pyetur nga gazetarët se si i duket trajneri i ri dhe si po shkojnë gjërat. Në momentin që lojtari belg do të përgjigjej Henri ka ndërhyrë duke i thënë të bëjë kujdes me përgjigjen që do të japë dhe kjo batutë ka shkaktuar shumë të qeshura te të pranishmit në sallë.