Rikthimi si “ish” në Madrid, kalimi te Reali dhe objektivat: Rrëfehet Kurtua

Sport Ekspres — Tue, 12 Feb 2019 15:48:57 +0000

Tibo Kurtua, u transferua verën e vitit të kaluar nga Çelsi në drejtim të Realit të Madridit. Kalimi i gardianit belg në Madrid, u shoqërua me shumë kontestime, sidomos nga një pjesë e kryeqytetit spanjoll, ku kujtojmë, Kurtua ka qenë pjesë e Atletikos në të kaluarën për 3 sezone.

Fundjavën që lamë pas, u luajt derbi i Madridit në “Wanda Metropolitano”, ku Kurtua mori një pritje shumë të hidhur nga tifozët e Atletikos. Lidhur me këtë çështje, si dhe me kalimin e tij në Madrid e largimin nga Çelsi, ka folur vetë portieri 26-vjeçar, në një intervistë për mediat spanjolle.

NDESHJA NDAJ ATLETIKOS SI “ISH” – “Gjithmonë e kam respektuar ekipin rival dhe tifozët e saj, e njëjta gjë vlejti dhe në ndeshjen ndaj Atletikos. Nuk kam asgjë kundër klubit, teksa kalova tre vite atje dhe dhashë më të mirën dhe fituam trofe. Çdo gjë tjetër është diçka e vogël që nuk ja vlen të shqetësohesh.”

TRANSFERIMI TE REALI – “Nuk pata asnjë hezitim për t’u bashkuar me Realin e Madridit, pasi çdo lojtar kërkon të jetë këtu. Isha i lumtur te Çelsi dhe e shijova Londrën. Shokët e mi në ekip gjithashtu ishin fantastikë. Nuk kisha dëshirë për ta lënë Çelsin, por kur Reali u interesua për mua, e dija që ishte një mundësi që nuk mund të injorohej.”

OBJEKTIVAT – “Duam të fitojmë çdo trofe. Kemi lojtar të klasit botëror në çdo pozicion. Fituam Botërorin e klubeve këtë sezon dhe dua që t’i shtojmë trofetë akoma më shumë.”

Modriç dhe Kurtua e kapin me Simeonen: Populist, ja pse e sulmon Realin

Sport Ekspres — Sun, 16 Dec 2018 13:11:43 +0000

Atletiko e Madridit arriti një fitore me shumë rëndësi përballë Vajadolidit në transfertë, ndërsa Diego Simeone ka përfunduar në kritikat e Realit të Madridit. Tibo Kurtua dhe Luka Modriç kanë reaguar ndaj deklaratave të trajnerit argjentinas.

Portieri dhe mesfushori kanë folur për “Marca” pas fitores kundër Rajo Vajekanos, duke insistuar se Simeone i bën të gjitha këto gjëra për të rritur popullaritetin te tifozët e tij.

“Simeone e kritikon Realin e Madridit për t’u bërë edhe më popullor përpara tifozëve të tij. Ai e bën gjithmonë, e sulmon Realin, sepse është skuadra më e mirë në botë. Simeone ka thënë që unë u shpalla portieri më i mirë në botë, pasi kalova te Reali? Kur luajta në Botëror isha akoma pjesë e Çelsit dhe votat e portierit më të mirë u bënë në gusht, kur nuk isha pjesë e Realit. Nuk është e drejtë që ka tentuar të më ulë vlerat. Kam punuar 3 vite me të tek Atletiko dhe gjithmonë sulmon Realin për të rritur populizmin e tij te tifozët e Atletikos”, është shprehur portieri belg i Realit.

Pak a shumë të njëjta fjalë ka thënë dhe Luka Modriç. Fituesit të “Topit të Artë” nuk i kanë pëlqyer deklaratat e “Cholos”, i cili u shpreh se Antuan Grizman e meritonte të shpallej futbollisti më i mirë.

“E respektoj Simeonen, por nuk është e drejtë që sukseset tona të shërbejnë për t’i dhënë zë tezës së tij populiste për favorizime ndaj Realit”, komenton shkurt mesfushori kroat i Realit.