Tiago

Rekorde spanjolle te Bajerni, Tiago dhe Martinez në histori

Sport Ekspres — Sat, 20 Apr 2019 17:23:32 +0000

Tiago Alkantara dhe Havi Mertinez kanë qenë dy nga lojtarët më të rëndësishëm te skuadra e Bajernit në sezonet e fundit. Të ardhur të dy nga La Liga spanjolle, Tiago dhe Martinez janë përshtatur menjëherë me lojën e bavarezëve, madje kanë filluar edhe të thyejnë rekorde.

Me fanellën e Bajernit, Havi Martinez ka arritur fitoren e 100-të në vetëm 122 ndeshje, ndërsa Tiago Alkantara në 124 ndeshje. Dyshja spanjolle nuk shënon shumë, por janë dy lojtarë që krijojnë raste të pafundme për sulmuesit e Bajernit. Guardiola, Ançeloti, por dhe Kovaç, iu kanë besuar maksimalisht dy mesfushorëve spanjollë, që me fitoren e sotme kundër Verderit, shkruan emrin e tyre në historinë e Bajernit.

VIDEO | Vetëm një vjeç, djali i Stërling habit Anglinë me talentin e tij

Sport Ekspres — Mon, 31 Dec 2018 13:11:40 +0000

Futbollisti i Mançester Sitit, Rahem Stërling, ka ndarë me fansat e tij disa video ku ka treguar aftësitë e djalit të tij Tiago. Vogëlushi ka pak muaj që ka filluar të ecë, pasi është vetëm 1 vjeç, por kaq ka mjaftuar që ai të tregojë se nuk i mungon talenti në futboll.

https://twitter.com/SufcLouis/status/1079549210003935232

Tiago Stërling shikohet teksa tregon aftësitë e goditjeve, që për një 1-vjeçar janë shumë mbresëlënëse. Koha do të tregojë nëse vogëlushi do të ndjekë hapat e babait, por duhet thënë se fillimi duket shumë premtues.

Bajerni e konfirmon, mesfushori ka këputur ligamentet

Sport Ekspres — Wed, 31 Oct 2018 12:42:38 +0000

Bajernit i Mynihut ka konfirmuar ditën e sotme gradën e dëmtimit të mesfushorit spanjoll Tiago Alkantara. Futbollisti 27-vjeçar ka pësuar një këputje të ligamenteve në kyçin e këmbës pas një ndërhyrje të ashpër nga një lojtar i Rëding Hauzenit, dëmtim ky që do ta lërë të paktën gjashtë javë larg fushave të blerta.

Deri më tani Tiago ka qenë ndër lojtarët e preferuar të Niko Kovaç, që e ka aktivizuar 14 herë në 15 ndeshjet ku spanjolli është grumbulluar me kampionët e Gjermanisë. Në mungesë të Tiagos, teknikut kroat do i duhet t’i besojë më shumë minuta gjermanit Leon Gorecka dhe portugezit Renato Sançez.

Diagnose: @Thiago6 erleidet Bänderriss. ?
Schnelle Genesung, Thiago! #Comebackstronger #MiaSanMIa https://t.co/KO48DrFxvG

— FC Bayern München (@FCBayern) October 31, 2018

VIDEO | Surpriza e djalit të Mesit, vizaton stemën e klubit italian!

Sport Ekspres — Fri, 26 Oct 2018 09:39:27 +0000

Të mërkurën në mbrëmje Barcelona mposhti Interin me rezultatin 2-0, duke u ngjitur në vendin e parë të grupit në Champions. Rafinja dhe Zhordi Alba ishin autorët e golave të fitores, ndërsa Leo Mesi e pa ndeshjen nga shkallët e stadiumit.

Kapiteni u dëmtua në ndeshjen me Seviljen dhe do të qëndrojë rreth 3 javë jashtë fushave të blerta. Argjentinasi u shfaq në stadium me krahun e fashuar dhe e ndoqi ndeshjen përballë zikaltërve në shoqërinë e djalit të tij të madh, Tiagos.

Një detaj interesant është kapur gjatë zhvillimit të ndeshjes, kur djali i Leos ka qenë duke dizenjuar diçka në një letër të bardhë. As më pak e as më shumë se stemën e Juventusit…

Tiago ia ka treguar një gjë të tillë Leos siç dallohet në video dhe ky i fundit i ka thënë diçka të birit. Mesa duket 6-vjeçari Tiago ka simpati për bardhezinjtë e Torinos, Kristiano Ronaldon, ose ndonjë futbollist tjetër.

Reali në sulm për Tiagon, Bajerni vendos çmimin

Sport Ekspres — Sat, 18 Aug 2018 09:06:33 +0000

Merkato e Real Madrid nuk ka mbaruar. Objektivi numër 1 i kampionëve në fuqi të Champions-it është mesfushori i Bajernit, Tiago Alkantara. 27-vjeçari e ka humbur statusin e të “pashitshmit” dhe në Mynih janë gati ta largojnë, por sigurisht në këmbim të një shumë të majme parash.

Sipas medieve gjermane, shuma që bavarezët kërkojnë për Tiagon është 70 milionë euro. Në Madrid janë të gatshëm ta paguajnë këtë shumë, pasi Lopetegui e konsideron Tiagon si pasuesin perfekt të Luka Modriç, i cili i së shpejti do të mbushë 33-vjeç.

Por, ka një kleçkë në mes. Spanjollët ende nuk e kanë bindur lojtarin. Një ndër problemet e këtij transferimi mund të jetë dhe fakti që Tiago është rritur në akademinë e Barcelonës dhe ka një lidhje të fortë me klubin katalanas. Por, të gjithë e dimë mjaft mirë se një kontratë me shifra marramendëse do ta anashkalonte pa shumë vonesa këtë problem.