Tiago Alkantara

Nejmar, një rinovim dhe një dëshirë: shumë lëvizje te PSG

Sport Ekspres — Wed, 08 May 2019 13:40:53 +0000

PSG nuk ka arritur ende të jetë konkurruese në Evropë dhe do të tentojë përsëri. Parizienët akoma nuk i kanë kapur gjysëmfinalet e Champions në epokën “Al-Kelaifi”. Ndërhyrjet në merkato shihen si diçka tepër e nevojshme, por është UEFA me rregullat e saj financiare që qëndron si një derë e blinduar përpara parave të naftës nga Lindja e Mesme.

Portieri është një nga pozicionet me dyshimet më të mëdha. Megjithatë problemet e mëdha me ndershmërinë finaciare të klubit parizien do të sjellin rinovimin edhe për një vit tjetër me Xhanluixhi Bufon. Sipas “Sport Bild” legjenda italiane e katërkëndëshit do të zgjasë kontratën dhe Kevin Trap do të vazhdojë të jetë i huazuar tek Ajntrahti i Frankfurtit.

Të qëndrojmë në Gjermani, ku nga Frankfurti fluturojmë në Mynih. Tiago Alkantara është dëshira më e madhe e Al-Kelaifit dhe stafit të tij dhe do të ishte i gatshëm të bënte një shtrëngim të madh për ta arritur. Spanjolli do të ishte katalizatori që do e bënte shumë më funksionale mesfushën e Tuhel, repart i cili ka hasur probleme këtë vit. Rreth 70 milionë euro arrin të ofrojë Parisi për të, por pritet një rezistencë e madhe nga bavarezët.

Që të “shpërthejnë” blerjet në Paris duhet të rregullohet çështja e bilancit të hyrje-daljeve të parave dhe shitja e Nejmar do të sillte qetësinë në këtë aspekt dhe do i hapte rrugën blerjëve të shumta për të forcuar të gjitha repartet. 350 milionë është i gatshëm t’i vërë mbi tavolinë Florentino Perez. Megjithatë kjo është një dilemë e madhe për klubin nga Franca, pasi do i duhej të hiqte dorë nga një prej lojtarëve më të mirë të planetit.

Bajerni e konfirmon, mesfushori ka këputur ligamentet

Sport Ekspres — Wed, 31 Oct 2018 12:42:38 +0000

Bajernit i Mynihut ka konfirmuar ditën e sotme gradën e dëmtimit të mesfushorit spanjoll Tiago Alkantara. Futbollisti 27-vjeçar ka pësuar një këputje të ligamenteve në kyçin e këmbës pas një ndërhyrje të ashpër nga një lojtar i Rëding Hauzenit, dëmtim ky që do ta lërë të paktën gjashtë javë larg fushave të blerta.

Deri më tani Tiago ka qenë ndër lojtarët e preferuar të Niko Kovaç, që e ka aktivizuar 14 herë në 15 ndeshjet ku spanjolli është grumbulluar me kampionët e Gjermanisë. Në mungesë të Tiagos, teknikut kroat do i duhet t’i besojë më shumë minuta gjermanit Leon Gorecka dhe portugezit Renato Sançez.

Diagnose: @Thiago6 erleidet Bänderriss. ?
Schnelle Genesung, Thiago! #Comebackstronger #MiaSanMIa https://t.co/KO48DrFxvG

— FC Bayern München (@FCBayern) October 31, 2018

Alkantara “rikthehet” pesë vite mbrapa: Ja pse u largova nga Barcelona

Sport Ekspres — Wed, 10 Oct 2018 14:00:37 +0000

Në korrikun e vitit 2013 Tiago Alkantara la Barcelonën për t’u transferuar te Bajern Mynih. Mesfushori 27-vjeçar i është rikthyer dhe njëherë largimit nga ekipi katalanas në një prononcim për “El Larguero”.

I lindur në Itali, me origjinë braziliane, por që aktivizohet me kombëtaren e Spanjës, Alkantara tregon faktin që iu desh të ndryshonte skuadër për të luajtur rregullisht dhe për të ri gjetur kënaqësinë që të dhuron futbolli.

“Më duhej të bëja një hap përpara për të ri gjetur lumturinë e të luajturit futboll. Do i jem gjithmonë mirënjohës Barcelonës për atë që më kanë mësuar, por vjen një moment kur duhet të shkosh në një vend tjetër për të mos zhgënjyer ata, të cilët të kanë mësuar aq shumë”, përfundon mesfushori i Bajernit të Mynihut.