Torgan ka kaluar nga Borusia Monçengladbah te Dortmund, ndërsa Kilian u transferua tek Cercle Bryzh pas aventurës me të rinjtë e Çelsit. Eden shprehet se vetëm ai ka mbetur pa ndryshuar klub. Ndërkohë shprehet edhe se ka pasur oferta nga klubet e Premier Ligës, por ai nuk i ka pranuar. Ai nuk e dëshiron një transferim tek rivalët e Çelsit brenda vendit.

“Vëllezërit e mi kanë ndryshuar klub. Vetëm unë kam mbetur… Do të shohim nëse do të jem këtu sezonin e ardhshëm. Unë jam blu. Nuk do të shkoja kurrë në një klub tjetër të Premier Ligës. Unë mund të firmosja për Mançester Junajtid, Mançester Sitin, Totenhemin, por kurrë nuk kam menduar se është vendimi i duhur”, u shpreh 28-vjeçari.

Niko Shulc është përforcimi i dytë për Borusian e Dortmundit. 26-vjeçari është blerë nga skuadra e Hofenheimit për shifrën e 25 milionë eurove. Shulc është një mbrojtës me karakteristika tepër ofensive dhe shumë i shpejtë. Ai përfaqëson edhe ekipin kombëtar të Gjermanisë. Shulc ka zhvilluar 28 ndeshje me Hofenheimin këtë sezon dhe regjstron 1 gol dhe 5 asiste. Të dy lojtarët do të prezantohen në “Signal Iduna Parc” gjatë javës së ardhshme.

Ka qenë vetë 26-vjeçari, i cili është vëllai i Eden Hazard të Çelsit, ai që ka lajmëruar skuadrën e tij të re. “Kam një akord me Borusian e Dortmundit. Kam biseduar me ta dhe kemi mbyllur gjithçka. Tani është në dorë të klubeve për të mbyllur transferimin”, shkruan lojtari ofensiv në rrjetet sociale.

Hazard është një nga pikat më të forta të Gladbahut. Gjatë këtij sezoni ai ka shënuar 12 gola në total dhe ka ardhur momenti që të luajë me një ekip më të fortë si Dortmundi.

Verdhezinjtë kryesojnë Bundesligën dhe janë kualifikuar më tej në Champions, aty ku do të përballen me Totenhemin për të siguruar një vend në çerekfinale. Trajneri Favre kërkon një zëvendësues për Pulisiç dhe drejtuesit e klubit kanë nisur punën për të kënaqur trajnerin zviceran.

Siç raporton gjermanja “Bild”, Dortmundi ka nisur bisedimet me Gladbahun për të siguruar shërbimet e Torgan Hazard, për të cilin interesohet dhe Bajerni i Mynihut. Belgu po zhvillon një sezon shumë të mirë dhe ka shënuar nëntë gola në kampionat.

Kartoni i tij vlerësohet 38 milionë sterlina, ndërsa Dortmundi po punon për ta ofruar në verë. 25-vjeçari ofensiv ka folur rreth këtij interesimi, por për momentin është i përqendruar për të mbyllur sa më mirë sezonin me ekipin e tij.

“Ndoshta do të transferohem në fund të sezonit, pasi Dortmundi dhe Bajerni janë klube të mëdha. Verdhezinjtë po luajnë një futboll të bukur, ndërsa Bajerni i është rikthyer garës për titull. Por, në këtë moment nuk mund të flas për klubet e tjera, sepse i kam dhënë fjalën drejtuesve të Gladbahut që do të përqendrohem totalisht në gjysmën e dytë të sezonit me ekipin. Pas dy viteve pa Europë, duam të kthehemi atje dhe unë dua të vazhdoj të përmirësohem”, përfundon Torgan Hazard, vëllai i Edenit të Çelsit.

Kontrata e tij me klubin gjerman skadon në verën e vitit 2020 dhe belgu nuk ka ndërmend ta rinovojë atë. Për të ka shprehur shumë interes Roma dhe Monçi, drejtori sportiv i klubit italian, ka filluar punën për të arritur akordin me lojtarin dhe Gladbahun.

Kartoni i lojtarit ofensiv vlerësohet 35 milionë euro dhe Roma ka nisur sulmin për të arritur marrëveshjen e transferimit të Hazard në kryeqytetin italian.

Amerikani ra dakord të zgjaste kontratën vetëm për një vit, pasi pretendonte se pas një sezoni të mirë do ta kishte më të lehtë të largohej nga Gjermania drejt kampionatit anglez, që ai e ka cilësuar si objektivin e tij parësor.

Gjatë këtij sezoni Pulisiç ka qëndruar më së shumti në stol, kjo dhe falë formës së shkëlqyer të anglezit Xhejdon Sanço.

Sipas “RMC” zëvendësuesi i Pulisiç do të jetë sulmuesi i Borusias Mënshengladbahut, Thorgan Hazard. Vëllai i vogël i futbollistit të Çelsit Eden Hazard, luan prej tri vitesh në Bundesligë dhe po tregon se është ndër ata lojtarë që mund të bëjë diferencën.

Sipas medies së njohur gjermane “Bild”, për kartonin e vëllait të vogël të Eden Hazard janë të interesuara disa ekipe nga kampionati anglez, por interesi më i madh vjen nga brenda Bundesligës.

Bëhet fjalë kryesuesit e Bundesligës, Borusian e Dortmundit. Verdhezinjtë po përgatiten të shesin amerikanin Kristian Pulisiç gjatë merkatos së verës dhe Hazard do të ishte një zëvendësues perfekt. Kontrata e belgut me Gladahun përfundon në qershor të 2020-ës, çka e bën largimin e tij në merkaton e verës shumë të lehtë, pasi klubi gjerman mund ta humbasë atë me kosto 0 nëse vendos ta mbajë edhe për sezonin e ardhshëm.