Ky gjest ka ngjallur reagimin e trajnerit të tij. Tomas Tuhel e konsideron të papranueshme sjelljen e Nejmar. “Nuk kishte përse të ndodhte kjo. Nuk e pashë momentin, por më thanë shumë vetë më pas. Është e papranueshmë të sfidosh fizikisht një tifoz”, shprehet Tuhel. Me këtë veprim Nejmar pritet t’i zgjasë pushimet e tij, pasi do të dënohet minimumi pesë ndeshje.

Vendi i dytë në kampionat, rikthimi në Champions fitore 5-1 përballë kampionëve në fuqi. Tomas Tuhel është ndjerë shumë keq në fund të ndeshjes, që i pati të gjitha episodet kundër.

Dy gola të anuluar, kartoni i kuq për Bernat në pjesën e parë dhe dëmtimet e Tiago Silvës dhe Munier. Kjo ishte humbja më e thellë e PSG-së për këtë sezon dhe trajneri gjerman nuk kursen askënd në prononcimin e dhënë për “Canal +” dhe bën me gisht nga kontingjenti i cunguar i ekipit.

“Mbape tha se na mungon personaliteti, por është shumë e thjeshtë ta thuash atë gjë. E kontrolluam ndeshjen, e nisëm mirë dhe na u anuluan dy gola. Edhe golin e Lilës e shënuam ne. Me dhjetë lojtarë ishte e vështirë. Shumë lojtarë nuk ishin gati për ndeshje, pasi ishin të sëmurë. Është e pamundur të luash me vetëm 16 futbollistë në dispozicion.

Po tregojmë mangësi në çdo ndeshje, por kundër Lilës treguam mentalitetin tonë, ndryshe nga sa mendojnë njerëzit. Na duhej më shumë kualitet për të fituar këtë ndeshje, por më duhet t’i mbroj lojtarët e mi. Me dhjetë vetë komplikohet gjithçka. Tani do të luajmë me Nantesin, por nuk besoj se do të fitojmë. Mund të përfundojmë me 13 lojtarë për atë ndeshje.

Po e ndjejmë shumë mungesën e Lasana Diarra dhe Adrien Rabiot. Kjo dallohet qartë nga të gjithë. Do ja them presidentit një gjë të tillë. Më parë nuk fliste askush, pasi po fitonim, tani të gjithë duhet të mendojmë se ku kemi gabuar.”

Sipas “RMC Sport”, Tuhel ka firmosur një rinovim 1-vjeçar që e çon kontratën e tij aktuale me kampionët e Francës deri në qershor të vitit 2021.

Tuhel vlerësohet për fleksibilitetin taktik dhe menaxhimin e grupit. Ish-trajneri i Dortmundit ka gjithashtu një plus të madh, pasi është i aftë të komunikojë në pesë gjuhë të ndryshme.

Tomas Tuhel ka folur në konferencën për shtyp përpara ndeshjes kundër Amiensit, duke i hapur rrugë rikthimit të 23-vjeçarit si pjesë e ekipit. Gjermani i stolit është gati për një hap të tillë, por ka një kusht të vetëm.

“Personalisht unë kam ende një raport të mirë me Rabiot dhe jam i hapur për gjithçka. Jam i gatshëm ta integroj përsëri me grupin, nëse raportet e tij me klubin normalizohen në këtë periudhë. Nuk mendoj se është e mundur tani një gjë e tillë, por, nëse qëndron, pas janarit mund t’i bashkohet grupit. Ai është stërvitur gjithmonë në një mënyrë shumë profesionale”, përfundon trajneri gjerman i PSG.

Kjo ishte humbja e parë pas 50 ndeshjes e PSG në Kupë dhe e para në shtëpi në Kupë që nga viti 2012. Disfata të mërzit gjithmonë, por Tomas Tuhel ka mbetur i zhgënjyer më shumë për faktin e tre penalltive të akorduara kundër ekipit të tij. E para u humb nga Turam (djali i Lilian Turam, ish-mbrojtësit të famshëm francez), ndërsa dy të tjerat u kthyen në gola dhe kaluan Guingampin në gjysmëfinale.

“Realit të Madridit, Barcelonës, apo Bajernit të Mynihut nuk mund t’i akordojnë kurrë tre penallti kundër brenda se njëjtës ndeshje. Diçka e tillë do të ishte e pamundur. Një skuadër nuk mund të hyjë tre herë në zonën e Bajernit dhe të fitojë po kaq penallti. Por, sot ishte e mundur. Për penalltinë e dytë nuk dua të flas fare, sepse më ikën truri. Nuk është faull dhe, absolutisht, nuk është penallti. Arbitri e pa dhe në VAR, por e dha penallti. E gjithë bota shtroi pyetjen, nëse ai po zbavitej duke bërë një gjë të tillë kundër nesh. Nuk e mundur ta japësh penallti atë episod”, përfundon i irrituar trajneri gjerman i PSG.