“Ua shita Interin, pasi pashë që kishin një  projekt serioz. Kam akoma 31% të aksioneve dhe vazhdoj ta ndjek skuadrën, por prioriteti im ka qenë dhe do të jetë biznesi im në Indonezi. Kur mora Interin, nuk u talla në asnjë moment. S’premtova “Scudetto”-n. Rregullova shumë gjëra në ekip”.

“E fillova me rinovimin e infrastrukturës dhe menaxhimin e klubit. Rrita pak e nga pak kualitetin e skuadrës dhe më pas do vinin dhe blerjet e yjeve, dhe të gjitha këto duke respektuar rregullat e “Financial Fair-Play”, ndoshta tifozët prisnin më shumë, por gjatë të gjithë kohës kam i qenë i qartë dhe më këmbë në tokë”, përfundoi indoneziani.

“Lojrat Aziatike më kanë detyruar të braktis shumë poste drejtuese, përveç atyre të presidentit të ANTV dhe të Interit. Kam shkuar çdo muaj në Milano, ndërsa tani ka që në prill pa shkuar. Do ta takoj skuadrën në Singapor më 27 korrik, për ndeshjen kundër Bajernit.

“Kam kërkuar që të largohem nga Interi gjatë takimit të fundit me aksionerët, u thashë që nuk mund të jem shumë i pranishëm, por më thanë se ishte gjithçka në rregull, edhe kështu. Suning është i pranishëm çdo ditë në Milano, pasi aty është Stivën Zhang, i bili i pronarit, ashtu si shefi i Suningut, Liu Zhun”.

“Pse zgjodha Suningun për t’i shitur klubin? Konkurrenca në treg është bërë e frikshme, duhen para pa fund për të blerë lojtarë. Suning njeh mirë futbollin kinez, aty ka 100 milionë tifozë të Interit, ndaj mendova se do të ishte një marrëveshje me fitim për të gjithë dhe kjo ka ndodhur, sepse buxheti i klubit është trefishuar”.