Henri e nisi karrierën si trajner me Monakon, por rezistoi vetëm për tre muaj. Rikthimi në Një Jork vjen pas pesë vitesh, ku kujtojmë, ish-sulmuesi ka qenë pjesë e amerikanëve nga viti 2010 deri në vitin 2014.

Këtë sezon, Nju Jork Red Bulls ka vetëm një fitore pas plot shtatë javësh, një ndër ecuritë më të këqija të viteve të fundit. Kjo edhe ka qenë arsyeja që kanë shkarkuar trajnerin dhe janë në kërkim të një emri të ri për stolin.

Një gjë e tillë nuk është aspak e lehtë. Shumë futbollistë dallohen që në fushë që do të bëhen trajnerë të mëdhenj, por Henri nuk bën pjesë të ky grup, të paktën për momentin.

Francezi punoi si përgatitës i sulmuesve me Belgjikën në Botërorin Rusi 2018, ndërsa më pas nisi detyrën e trajnerit të parë. Monako i besoi stolin në një moment kritik, por ai qëndroi rreth 3 muaj dhe u shkarkua.

Aleksandër Golovin u transferua në verë nga CSKA e Moskës te Monako. Mesfushori ofensiv ka folur për ish-trajnerin e tij në një prononcim të sjellë nga “The Sun”. Rusi flet për Henrinë dhe problemin e tij kryesor. Ai nuk e ka kaluar akoma fazën më të vështirë, transformimin nga futbollist në trajner. Në fusha mund të kesh qenë fenomen, por në stol është diçka komplet tjetër.

“Ndoshta, Tieri nuk arriti të ‘vriste’ futbollistin që kishte brenda tij. Kur gjërat në stërvitje nuk shkonin mirë, ai nervozohej dhe bërtiste shumë, edhe në raste kur nuk ishte e nevojshme. Zbriste në fushë, na tregonte se si duhet të stërviteshim dhe ulërinte. Një tjetër trajner mund të thoshte: ‘hajde, e provojmë së bashku’. Henri nuk e bënte, ai nervozohej menjëherë dhe ulërinte: ‘hajde ma merrni topin, provojeni!’. Mund të them që nuk e ka kaluar ende tranzicionin nga futbollist në trajner. Kishte raste kur tërbohej keq dhe nuk na fliste me gojë për orë të tëra“, përfundon 22-vjeçari i klubit nga Principata.

Për të ndihmuar klubin nga Principata në përmbushjen e objektivit mbijetesë, ka menduar Atletiko Madrid, që ka vendosur të huazojë te Monako sulmuesin anësor Gelson Martins.

Portugezi u afrua me bujë te madrilenët nga Sportingu i Lisbonës, por konkurrenca te Atletiko rezultoi shumë e fortë 23-vjeçarin që ka marrrë shumë pak minuta gjatë gjysmës së parë të sezonit.

Tierri Henri e mirëpret me krahë hapur një lojtar si Martins, pasi të shkuarën portugezi ka treguar se nësë është në një ditë të mirë, bëhet makth për çdo kundërshtar.

Pas sfidës tekniku francez foli për situatën aktuale dhe u shpreh gati i dorëzuar, pavarësisht se nuk e tha me fjalë, zhgënjimi i tij u duk qartë. Ish-sulmuesi tha për mediat franceze se lojtarët e tij refuzojnë të luajnë dhe nuk po prodhojnë futboll.

“Reims i fitoi pothuajse të gjitha duelet. Ishim me një lojtar më shumë për shumë kohë dhe ne thuajse nuk ishim në ndeshje fare. Më pas u ndëshkuam dhe ne me karton të kuq dhe kjo na penalizoi akoma më shumë. Kjo ndeshje ishte akoma më shqetësuese, pasi nuk prodhuam për asnjë sekondë futboll. Nuk ka të bëjë me taktikën, ka të bëjë me dëshirën për të luajtur”.

“Në qoftë se nuk fitohet asnjë duel, atëherë është e vështirë që të fitosh një ndeshje. E kuptoj acarimin e fansave. Është një situatë shumë delikate. Kur nis ndeshja dhe lojtarët e tu refuzojnë të luajnë është me të vërtetë e vështirë. Duhet të rigjejmë besimin në vetvete. Në qoftë se do të mendoja që kjo skuadër nuk ka kualitet, nuk do të vija te Monako. Duhet të rikthehemi”, përfundoi i dëshpëruar Henri.