Pas trajnerit Tite ka qenë radha e Tiago Silvës për t’iu përgjigjur kapitenit argjentinas. Mbrojtësi i PSG-së i kujton Mesit humbjen 6-1 të ekipit të tij në Barcelonë, çka solli eliminimin e turpshëm të kampionëve të Francës nga Champions Liga.

Arbitri lehtësoi përmbysjen e çmendur të Mesit me shokë, por Tiago Silva thekson se kurrë nuk u deklarua për favorizim të ekipit katalanas.

“Ndonjëherë në humbje, përpiqemi të merremi me të tjerët. Nuk mendoj se Mesi foli në atë mënyrë nga padija, por ne jemi të trishtuar nga ajo çfarë dëgjuam. Në ndeshjen që PSG humbi 6-1 me Barcelonën, Mesi bëri edhe rolin e arbitrit dhe ishte diçka qesharake.

Ne nuk deklaruam se arbitri ishte me Barcelonën. Mendoj se çdokush duhet të tregojë respekt. Brazili nuk i ka rastësisht 5 Botërorë, asnjë prej tyre nuk është vjedhur. Gjithçka është fituar në fushën e blertë“, përfundon mbrojtësi 34-vjeçar.

Një i ri me bluzën e Tiago Silvës, i quajtur Aleks, është përzgjedhur dhe është ngjitur lart në skenë. Tifozi personal i brazilianit i ka mahnitur të gjithë me performancën e tij, madje edhe vetë 34-vjeçarin.

Atmosferë fantastike në skenë dhe në publik e krijuar nga interpretimi i Aleks. Vetë Tiago Silva ka publikuar videon në “Twitter”, duke mos e fshehur lumturinë e tij dhe falënderimet për Aleksin, njëkohësisht tifoz dhe këngëtar i aftë.

Thanks Alex! @PSG_inside @Santandave1 @ajtracey ?????? https://t.co/yaSGhTPsAQ

— Thiago Silva (@tsilva3) July 1, 2019

Kur na ndajnë vetëm pak ditë nga filimi i turneut “Copa America”, mbrojtësi Tiago Silva ka folur për rëndësinë që Kutinjo ka për pesë herë kampionët e Botës.

“Loja në grup vjen gjithmonë e para. Kutinjo ka kaluar një sezon të vështirë te Barcelona. Tifozët presin shumë prej tij dhe në jo pak raste e kanë vërshëllyer, por këtu në kombëtare e Brazilit është ndryshe. Kutinjo është më shembull për ne, sidomos kur mungon Nejmar”.

“Në dy ndeshjet miqësore që bëmë Kutinjo ka qenë lojtari më i mirë. Në sulm ka bërë mirë me gola dhe asiste, por na ka ndihmuar dhe ne fazën mbrojtëse. Po shikoj që ka gjetur sërish lumturinë në fushë”.

“Kemi shumë nevojë për të, sidomos tani që s’do ta kemi Nejmarin për turneun e ardhshëm”, tha Silva.

Ekipi bazën e ka, madje shumica janë lojtarë të rinj në moshë. Freskia fizike, dëshira për të treguar se sa vlejnë dhe uria e lojtarëve kanë ndikimin e vet, por në ekip duhet dhe pak eksperiencë.

Një cilësi e tillë të sjell qetësi dhe e ke më të lehtë për t’u ringritur kur gjërat shkojnë keq. Në funksion të kësaj logjike, Milani po tenton një goditje të madhe. Bëhet fjalë për një rikthim, që do të rriste entuziazmin e tifozëve.

Sipas raportimeve të mediave italiane, drejtuesit e “Djallit” dëshirojnë rikthimin e Tiago Silvës në San Siro. Braziliani luajti për tre gjysmë me Milanin dhe më pas u largua drejt PSG-së në vitin 2012.

34-vjeçari vazhdon të jetë i lidhur me Milanin, ndërsa për tifozët është një idhull. Kontrata me kampionët e Francës përfundon në fund të sezonit të ardhshëm. Nëse PSG përforcon repartin defensiv me De Ligt ose ndonjë lojtar tjetër, do të thjeshtësohej rikthimi i brazilianit në Serie A.

Milani ka hedhur hapin e parë, Tiago Silva po mendohet, ndërsa tifozët shpresojnë që rikthimi të ndodhë.

Çuditërisht lajmi është bërë i ditur nga gruaja e lojtarit, e cila postoi disa foto në “Instagram”, ku 34-vjeçari shfaqej me paterica dhe i fashuar në pjesën e gjurit.

Ky dëmtim nuk mund të kishte ardhur në një moment më të keq për Silvën, i cili pritej të ishte pjesë e listës së Brazilit për trofeun “Copa America”. Trajneri i “Seleçaos”, Tite,  do të shpallë listën e të grumbulluarve më datë 17 maj, ndërsa turneu fillon më datë 15 qershor.

Me shumë gjasa ky ishte shansi i fundit që Silva të ishte pjesë e kombëtares së Brazilit. Mosha e lojtarit të PSG-së ka filluar të bëjë të vetën dhe ndoshta ka ardhur momenti që t’i hapet rruga brezit të ri.

41-vjeçarit italian i përfundon kontrata me PSG në fund të këtij sezoni dhe nuk dihet akoma se çfarë do të ndodhë në të ardhmen.

Sipas “L’Equipe”, PSG po mendon t’i japë prioritet lojtarëve të rinj në moshë. Klubi nuk ka ndërmend t’i ofrojë rinovim emrave si: Bufon, Dani Alvesh, Edinson Kavani dhe Tiago Silva.

Eliminimi i papritur kundër Mançester Junajtid në Champions ka bërë që drejtuesit e kampionëve të Francës të zgjedhin një tjetër rrugë për të ardhmen, duke ulur moshën mesatare të ekipit.

“E vetmja gjë që mund të themi në këtë momenti është që t’i kërkojmë falje tifozëve tanë. Na falni, vetëm këto fjalë mund përdor në këtë moment. Është shumë e vështirë për të shpjeguar çfarë ndodhë. Dhamë gjithçka, por nuk na eci”.

“Është për të ardhur turp, sepse luajtëm shumë mirë jashtë fushe, ndërsa këtu në stadiumin tonë nuk bëmë dot për të cilën u përgatitëm. Ishte një ndeshje e një niveli të lartë, ne fituam jashtë 2 – 0, ndërsa ata na rrahën këty, i tillë është futbolli ndonjëherë”.

“E njëjta gjë i ndodhi Realit, pasi dhe ata kishin fituar ndeshjen e parë në transfertë. Penalltia? Nuk e kam parë videon, por arbitri më dha se për vendimin u konsultuan tre gjyqtarë dhe të gjithë ishin dakord për ta dhënë 11-metërshin. Më pas nuk patëm kohë për të reaguar”, tha Silva.

Kaloi tre vite të mrekullueshëm në “San Siro”, ku u shndërrua në një nga më të preferuarit e tifozëve dhe më pas në vitin 2012 kaloi në Francë te PSG. Tashmë, janë mbushur plot 10 vite që Tiago Silva luan në futbollin profesionist në Evropë dhe për këtë arsye është intervistuar nga “globo esporte”.

Gjatë intervistës, 34-vjeçari u pyet se kush ishte momenti më i lumtur i karrierës së tij në Evropë deri në këtë momente. Përgjigja e mbrojtësit ishte e menjëhershme, ku tha se padyshim kalimi te Milani ishte më emocionuese se çdo gjë tjetër.

“Momenti im më i bukur gjatë këtyre dhjetë viteve? Kur u bashkova me Milanin. Ishte një ekip që që mund ta admiroje vetëm nga televizori”, u përgjigj shkurt Tiago Silva.

34-vjeçari ka folur në lidhje me gjendjen aktuale të ekipit kuqezi, si dhe për Gonzalo Higuain dhe afrimin e ri, Lukas Paketën. Ndër të tjera, Tiago Silva tregoi dhe ekipin për të cilin bën tifo, si dhe për finalen e mundshme të UEFA Champions League këtë sezon, ku sipas brazilianit Juventusi shihet si rivali më i fortë.

“Do të jetë një ndeshje e fortë dhe shpresoj që të fitojë Milani. Higuain ka cilësi të pabesueshme dhe shpresoj që, te jetë i përqendruar për të mundur Juventusin dhe fituar këtë trofe që do të jetë thelbësore për besimin e grupit.

Paketa? Është një lojtar që ka shumë personalitet dhe shumë besim në vetvete. Kur gjërat shkojnë mirë është më e lehtë për lojtarët, edhe pse fanella e Milanit është e rëndë.

Kristiano Ronaldo?Ishte pikërisht ai që i mungonte Juventusit. Është një lojtar që ka fituar shumë dhe ka ende dëshirë për të fituar. Ne duhet të falënderojmë Ronaldon për mënyrën se si ai e kupton futbollin dhe se si ai luan.

Finale Juventus-PSG? Ne mendojmë kështu, sepse Juve ndihet më e fortë dhe është një nga favoritët. Gjithashtu, kanë përvojë dhe një Ronaldo më shumë, ne shpresojmë ta takojmë në finale”.

PSG tashmë udhëton drejt Italisë, pasi mbrëmjen e së martës do të sfidojë Napolin në “San Paolo”. Kapiteni Tiago Silva e humbi përballjen e parë ndaj italianëve, por duket gati për sfidën e ardhshme. Lidhur me këtë ndeshje, braziliani ka folur për mediat franceze, teksa shprehet që është një ndeshje mjaft e rëndësishme për fatet e PSG në Champions.

“Kemi një ndeshje të nivelit të lartë që vjen dhe është absolutisht thelbësore që ne të fitojmë. Do të jetë shumë e komplikuar, pasi një humbje atje do të zbehte shumë shanset tona për të kaluar më tej. Duhet të jemi të përqendruar dhe të motivuar, të japim gjithçka. Kemi shumë respekt ndaj Napolit, pasi janë një ekip me nivel, por na duhet të fitojmë”.

“Të luash në “San Paolo” është diçka speciale, por dhe e vështirë në të njëjtën kohë. Nuk mbaj mend të kem fituar atje kur luaja për Milanin. Ndeshja nuk mbaron deri në fërshëllimën e fundit, sidomos në Napoli. Në rast se atje ke një avantazh me dy gola, sikur një gol të shënohet nga ata, ndeshja kthehet në një luftë të vërtetë”, përfundoi kapiteni i Parisit.