Theo Hernandez

Të pafat te Milani, blerja e bujshme mbyll fazën përgatitore

Sport Ekspres — Thu, 25 Jul 2019 17:15:54 +0000

Milani po kryen fazën pregatitore, por vjen një lajm tepër negativ në kampin kuqezi. Teo Hernandez ka dalë nga fusha e lojës pas një problemi në kyçin e këmbës. Akoma nuk ka një lajm zyrtar rreth mungesës së tij, por sipas raportimeve të fundit ai nuk do të jetë i gatshëm deri në fillimin e sezonit në fund të gushtit.

Fillojnë shumë shpejt problemet e dëmtimeve në Milano, ku vitet e fundit kanë qenë armiku kryesor. Teo është një nga blerjet më të mëdha të kuqezinjve këtë verë. Francezi erdhi në “San Siro” nga Reali i Madridit për 20 milionë euro. Përtej gjithë entuziazmit që 21-vjeçari ka treguar, aventura e tij te Milani nis në mënyrën më të keqe të mundshme.

Xhampaolo debuton me barazim, Teo gjen golin e parë si “djall”

Sport Ekspres — Fri, 19 Jul 2019 11:18:04 +0000

Milani ka zhvilluar ndeshjen e parë me Marko Xhampaolon në pankinë. Miqësorja me dyer të mbyllura kundër Novarës ka përfunduar në barazim 1-1. Kuqezinjtë e nisën ndeshjen me këtë formacion: 99 Donaruma; 2 Kalabria, 22 Muzakio, 13 Romanjoli, 68 Rodrigez; 10 Çalhanoglu, 20 Bilia, 94 Breshianini; 8 Suso; 7 Kastihejo, 9 Piatek.

Të dy golat u shënuan nga pjesën e dytë. Në fillim ishte ekipi i Serie C që kaloi në avantazh me anë të një penalltie të shndërruar në gol nga Stopa.

Kuqezinjtë reaguan dhe arritën të shmangnin humbjen. Teo Hernandez barazoi shifrat me tetë minuta përpara fundit. Blerja e Milanit, i cili debutoi në pjesën e dytë, lëshoi një predhë nga jashtë zone dhe gjeti golin e parë si “djall”.

FOTO | Fati i bashkon sërish, tani te klubi i Milanit

Sport Ekspres — Mon, 08 Jul 2019 13:12:01 +0000

Teo Hernandez dhe Ismael Benaser do të luajnë me Milanin sezon e ardhshëm. Mbrojtësi erdhi nga Real Madrid, ndërsa mesfushori nga Empoli. Të dy kanë lindur në vitin 1997, por Teo është vetëm 56 ditë më i madh.

Të dy kanë lindur në Francë, pavarësisht se janë me origjinë spanjolle dhe algjeriane. Së fundmi qarkullon në internet një foto ku shihen Hernandez dhe Benaser. Ishte koha kur luanin me kombëtaret U18 dhe U19 të Francës.

Benaser (m) dhe Teo Hernandez (d)

Atëherë ishin shokë skuadre dhe fati deshi që të luanin përsëri bashkë, por tani te Milani i madh. Më saktë, me dëshirën dhe qëllimin për të ndihmuar në rikthimin e Milanit të madh.

“Jam mbrojtës i Milanit, quhem Teo Hernandez. Ju tregoj ëndrrën time”

Sport Ekspres — Sun, 07 Jul 2019 09:18:39 +0000

Teo Hernandez është zyrtarisht një lojtar i Milanit. Anësori i majtë ka firmosur kontratën 5-vjeçare me kuqezinjtë, të cilët paguan 20 milionë euro për kartonin e 21-vjeçarit.

Francezo-spanjolli është prezantuar në këtë mënyrë përpara tifozëve të rinj. Pyetje me dy alternativa për Hernandez, i cili ndihet i lumtur dhe entuziast për nisjen e aventurës së re.

“Jam një mbrojtës i Milanit, quhem Teo Hernandez, Forca Milan”, ishin fjalët e para të thëna nga afrimi i fundit në ekipin e “djallit”.

Filma apo videgames? – Videogames.
Makarona apo pica? – Makarona.
Federer apo Xhordan? – Xhordan.
Deti apo mali? – Mali.
Si e imagjinoni San Siron? – Një ferr të vërtetë.
Majtas apo djathtas? – Majtas.
Muzika e preferuar? – Rregaton.
Ëndrra e Teos? – Të fitoj trofe me Milanin.
Penallti në minutën e 90-të… – E gjuaj unë.
Ku do e bësh foton e parë? – Në San Siro.
E kuqe apo e zezë? – Të dyja, kuqezi.

Njihuni me “mbretin e driblimeve”, tifozët e Milanit ëndërrojnë

Sport Ekspres — Sat, 06 Jul 2019 17:24:40 +0000

Akordi me Real Madrid është arritur dhe Teo Hernandez mund të quhet një lojtar i Milanit. Kuqezinjtë kanë zyrtarizuar mbrojtësin, i cili ka firmosur për 5 vite me “djallin”.

21-vjeçari është një mbrojtës i majtë, i cili preferon shumë të dalë në fundore dhe të driblojë kundërshtarin. Kompania e statistikave “Opta” kanë publikuar një të dhënë, sa interesante po aq të “pabesueshme”!

Teo Hernandez është lojtari me numrin më të madh të driblimeve në La Liga për tre sezonet e fundit. Plot 129 ka lënë pas kundërshtarët e tij blerja më e re e Milanit, duke lënë pas edhe një emër si Leo Mesi.

Tifozët e Milanit besojnë fort te kualiteti i anësorit dhe po presin me padurim ta shohin në aksion në fushat e blerta.

Official Statement: Theo Hernández ? https://t.co/mlblGuynfM

Comunicato Ufficiale: Theo Hernández ? https://t.co/dUzNpyCTyp pic.twitter.com/kifL4TQQis

— AC Milan (@acmilan) July 6, 2019

“Ndizet Milani”, ylli i Realit zbarkon për vizitat mjekësore

Sport Ekspres — Mon, 01 Jul 2019 16:32:59 +0000

Më në fund merkatoja e Milanit po “ndez motorët”. Siç raportojnë mediet italiane, Teo Hernandez është në Itali dhe pritet të zyartarizohet si lojtari më i ri kuqezi. Marrëveshja me UEFA-n mbi ndershmërinë financiare ka dhënë frytet e veta.
Mbrojtësi i Realit ka arritur në qendrën mjekësore të gjigantëve italianë për të kryer disa vizita paraprake mjekësore. Siç mësojnë mediet përtej Adriatikut, pjesa tjetër e testeve do të kryhet në mënyrë zyrtare ditën e nesërme. Francezi do i kushtojë klubit italian 20 milionë euro.

“San Siro” pritet të jetë vendi ku Lukas do të gjejë veten, pas një peridhe të vështirë mosaktivizimi në Madrid. Sezonin e fundit 21-vjeçari e kaloi tek Real Sociedad, ku regjistroi 22 ndeshje. Gjatë periudhës si bardheblu ai shënoi një gol dhe dha dy asiste.

Arrihet akordi, Maldini bën gati dhuratën e dytë për Xhampaolon

Sport Ekspres — Fri, 28 Jun 2019 08:33:02 +0000

Milani ka siguruar goditjen e dytë në merkato pas boshnjakut Kruniç. Biseda e Paolo Maldinit me Teo Hernandez në Ibiza ka shkuar mbarë dhe francezi i krahut të majtë është bindur për t’u transferuar në Milanon kuqezi, madje duke pranuar një ulje rroge me 20%.

Maldini dhe Boban kanë patur një takim me homologët e Real Madrid, ekipit që zotëron kartonin e 21-vjeçarit. Hernandez e mbylli sezonin e kaluar i huazuar te Real Sociedad, aty ku zhvilloi 34 ndeshje, shënoi një gol dhe dhuroi dy asiste. Ditën e hënë do të kryhen vizitat mjekësore, ndërsa prezantimi i tij do të vijë gjatë javës së ardhshme.

Plot 20 milionë euro do të paguajë Milani te “Los Blancos” sipas raportimeve të “Gazzetta dello Sport”, edhe pse nuk përjashtohet huazimi i tij me të drejtë blerje në fund të sezonit të ardhshëm. Teo Hernandez është një mbrojtës krahu modern, i cili preferon shumë daljet dhe lojën ofensive.

FOTO | Maldini “kapet mat” në Ibiza, zbulohet objektivi i ri i Milanit

Sport Ekspres — Sun, 23 Jun 2019 16:34:25 +0000

Zbulohet objektivi i ri i Milanit. Paolo Maldini është kapur në Ibiza, duke biseduar me Teo Hernandez, mbrojtësin e majtë të Real Madrid. 21-vjeçari ishte i huazuar sezonin e fundit te Real Sociedad, aty ku zhvilloi 34 ndeshje, shënoi një gol dhe dhuroi dy asiste.

“El Chiringuito TV” i ka fotografuar të dy bashkë, aty ku drejtori teknik i ka shpjeguar projektin e kuqezinjve anësorit të majtë, i cili e preferon shumë lojën sulmuese. Kartoni i Teo Hernandez kushton rreth 15-20 milionë euro dhe kontrata me Realin përfundon në vitin 2023.

Maldini dëshiron ta marrë francezin e natyralizuar si spanjoll në formë huazimi me të drejtë blerje. Raportet me Florentino Perez janë të shkëlqyera dhe Hernandez mund të jetë dhurata e radhës për trajnerin Xhampaolo.

Zidan nis spastrimin, ikën një dështim madhor

Sport Ekspres — Mon, 13 May 2019 09:05:24 +0000

Real Madrid nuk do të kursehet gjatë merkatos që po afron. Megjithatë, krahas afrimeve të bujshme te “Los Blancos” do të ketë edhe largime. Sipas medieve spanjolle i sakrifikuari i parë do të jetë mbrojtësi franko-spanjoll Teo Hernandez.

Mëngjarashi u ble në janarin e 2017-ës për 26 milionë euro nga Atletiko Madrid, por Hernandez nuk arriti të përmbushte pritshmëritë e drejtuesve të “gjigantëve” spanjoll.

Pavarësisht dy viteve zhgënjyese të kaluara më së shumti në huazim, interesi i klubeve europiane për futbollistin mbetet i lartë. Hernandez është vetëm 21 vjeç dhe ndër ekipet që kërkojnë t’i japin një shans të dytë janë emra si Napoli dhe Roma.

Një vit i çuar dëm, Teo Hernandez largohet nga Reali

Sport Ekspres — Fri, 10 Aug 2018 12:44:48 +0000

Një vit më parë bëri bujë një ‘vjedhje’ që Reali i Madridit i bëri Atletikos së Madridit, sepse i rrëmbeu mbrojtësin Teo Hernandez, duke paguar klauzolën e prishjes së kontratës, prej 30 milionë eurosh. Hernandez, me origjinë franceze, vinte nga një sezon i shkëlqyer në huazim tek Alavesi dhe Atletiko e shihte si një titullar për të ardhmen.

OFFICIAL STATEMENT: Real Sociedad and @realmadrid have reached an agreement for the loan of @TheoHernandez

Welcome Theo! ???#TheoTxuriUrdin #RealSociedad https://t.co/2ge7R1COII

— Real Sociedad (@RealSociedadEN) August 10, 2018

Megjithatë, mbrojtësi i majtë zgjodhi Realin dhe e nisi me premtime të bujshme, duke pretenduar të bëhej titullar në Bernabeu. E kotë, një sezon në stol dhe pak hapësirë vetëm kur mungonte Marselo, ndërsa këtë verë Hernandez është kaluar edhe nga mbrojtësi i ri Reguilon.

Sot Teo Hernandez u transferua në huazim 1-vjeçar te Real Sociedadi, duke u larguar kokulur nga Madridi, ku do të kthehet vetëm nëse shkëlqen në San Sebastian. Ndërkaq, Teo ka bërë edhe gafën tjetër, duke braktisur kombëtaren franceze U-21 verën e shkuar, pasi kishte ikur me pushime dhe ndoshta shpreson që të luajë për Spanjën.

Tradhtari i vitit zyrtarizohet te Reali i Madridit

Sport Ekspres — Wed, 05 Jul 2017 16:28:49 +0000

Ishte paralajmëruar me kohë dhe sot është bërë zyrtare: Reali i ka rrëmbyer Atletikos mbrojtësin e majtë Teo Hernandez.

Futbollisti 19-vjeçar, i cili është rritur tek Atletiko, verën e shkuar kaloi në huazim te Alaveshi, pa debutuar ende në Primera.

Në Alavesh Teo ka mahnitur të gjithë, titullar çdo ndeshje, rendiment fantastik dhe tashmë ka siguruar kalimin te Reali, që do të paguajë rreth 25 milionë euro, sipas klauzolës për prishjen e kontratës.

Një goditje që me siguri ka tërbuar Atletikon, por Teo e paska në gjak tradhtinë, sepse para disa javësh braktisi edhe Francën, ku kishte luajtur në grupmosha deri te 21-vjeçarët, duke deklaruar se tani preferon të përfaqësojë Spanjën.