Ky episod shumë i çuditshëm nuk ka ndodhur për herë të parë në futboll. Para portierit spanjoll, refuzimin për të dalë ose për t’u futur në lojë e kanë bërë dhe disa futbollistë shumë të njohur, si De Rosi, Baloteli (emër që pritej) dhe Karlos Tevez.

Kapiteni i Romës, De Rosi refuzoi të futej në fushën e lojës kur iu kërkua nga trajneri i Italisë, në ndeshjen e tij të fundit me kombëtaren. Pas këtij debati me trajnerin e tij, italiani shpjegoi gjithçka para mediave: “I thashë trajnerit që na duhej të shënonim. Duhej një sulmues në fushën e lojës dhe unë. Më kuptoi dhe nuk ka vend për debat”,- u shpreh mesfushori asaj kohe.

Baloteli… ah Baloteli, sulmuesi që jo rrallë është në qendër të vëmendjes me gjestet e tij. Gjatë kohës kur luante me Mançester Sitin, italiani ka krijuar shpeshherë polemika. Një takim miqësor përballë LA Galaksi, Baloteli e konsideroi si stërvitje, duke provuar një goditje me finte në një rast të sigurt për gol, veprim që acaroi jo pak teknikun Mançini, i cili e zëvendësoi menjëherë. Dyshja italiane u “divorcua” shumë shpejt, por fillimisht u kapën me grushte në stërvitje. I pabesueshëm “SuperMario”.

Edhe Karlos Tevez ka bërë protagonistin gjatë një zevendësimi kur luante për Mançester Sitin. Në sfidën kundër Bajernit në vitin 2011, argjentinasi refuzoi të futej në fushën e lojës në pjesën e dytë, me skuadrën blu të Mançesterit që po mposhtej 2-0. Trajner? Sërish Roberto Mançini…

VERONIK ISTREFAJ

TRANSFERTA MË E VËSHTIRË – “Mendoj se negociatat më të vështira kanë qenë ato të Karlos Tevezit. Ai është një lojtar të cilin ne e kontaktuam në verën e 2011-ës, kur nuk po kalonim një sezon të mirë. Nuk u kualifikuam në Champions League dhe kjo gjë i largon disa nga lojtarët me emër, por ai ishte ndryshe, na tha në fund: Do vij te ju, me ose pa Champions! Më pas patëm probleme financiare, por ai mbeti në mendjen time dhe pas dy vitesh e sollëm në Torino.

KRAHASIMI KONTE, ALEGRI – “Konte ishte një trajner që punonte në bazë të një sistemi dhe mua më duhej të gjeja lojtarë të cilët i përshtateshin sistemit të tij. Alegri është një trajner më fleksibël. Ai ka ka disa sisteme loje dhe gjen zgjidhje të shpejta në varësi të situatave. Pra, me atë kemi nën vëzhgim një gamë më të zgjeruar lojtarësh”.

Në një intervistë 34-vjeçari ka folur për të dy futbollistët me famë botërore. “Kristiano është një futbollist i fiksuar pas perfeksionit. Mbaj mend shumë gjëra rreth tij kur luaja me te Junajtid. Ai shkonte gjithmonë në palestër pas ndeshjeve, por përsëri do të ishte përherë i pari në stërvitje në mëngjesin e së nesërmes”.

“Vendosa ta surprizoja njëherë duke shkuar më herët se ai, në orën tetë, por ai ishte aty përsëri. Më pas shkova gjysmë ore më herët, por ai ishte përsëri aty para meje. Një ditë e vendosa që të shkoja që në gjashtë, e gjeta përsëri aty, të përgjumur normalisht, por rëndësi ka që ishte prezent”.

MESI – “Mesin nuk e kam parë kurrë në një palestër. Ai preferon të stërvitet me orë të tëra në fushë me topin. Dallohet që dhe ai është një futbollist shumë punëtor. Një fakt konkret i punës së madhe që ai bën në stërvitje janë dhe goditjet e dënimit. Vite më parë, ato nuk ishin një pikë e fortë e tija, ndërsa tani cilësohet si një ndër më të aftët në planet për goditjet standarde”, përfundoi Tevez.

Ish-ylli i Boka Zhuniors, Juventus, Mançester Junajtid e Mançester Sitit merr mbi 30 milionë euro në vit në Kinë, por ka luajtur vetëm 13 ndeshje e ka shënuar 3 gola aty, një rendiment mediokër, aq sa presidenti i Shanghai Shenhuasë, Ëu Xiaohui, ka pranuar se Tevez “nuk i ka përmbushur pritshmëritë”.

Megjithatë, në një intervistë në televizionin francez SFR Sport, transmetuar dje, Tevez ka komentuar me fjalë të ashpra situatën e futbollit kinez: “Lojtarët kinezë nuk janë të talentuar si ata në Amerikën e Jugut dhe Europë, që e mësojnë futbollin që kur janë fëmijë. Futbolli në Kinë është shumë ndryshe, njerëzit e përjetojnë ndryshe dhe as pas 50 vitesh nuk do të jenë kompetitivë në nivele të larta”.

“Techniquement, ils ne sont pas bons” ? L’ITW surréaliste de Tevez sur les joueurs locaux du championnat chinois ????? #BreakingFoot #CSL pic.twitter.com/BV7XhwfmuX

— SFR Sport (@SFR_Sport) September 19, 2017

Është 33 vjeç, por ish-ylli i Boka Zhuniors e disa klubeve të tjerë duhej të ishte ideal për të kaluar si birila mbrojtësit modestë në Kinë.

Një llaf goje, sepse miliarderët kinezë harrojnë që yjet duan futboll serioz që të motivohen.

Shanghai Shenhua u mund 2-1 para pak ditësh nga Tianzhin Teda dhe Tevez bëri një figurë të shëmtuar.

Për periudha të tëra nuk lëvizte nga vendi dhe në Kinë tifozët dhe mediat janë tërbuar.

Futboll i dobët, dakord, por Tevezin ndaj e paguajnë aq shumë, që të sakrifikojë e të tregohet serioz, sidomos kur nuk luan në një skuadër që fiton 4-0 çdo ndeshje.

“Futbolli kinez është shumë larg atij të elitës, as 50 vjet më vonë nuk do t’ia arrijë. Shumica e lojtarëve janë mediokër dhe ndonjëherë të dëmtojnë pa dashje, pasi nuk dinë si të ndërhyjnë”, deklaronte Tevez para pak kohësh.

E drejtë, por nëse merr 40 milionë në vit, ndopak diplomaci e ndonjë gol më shumë do ishin të mirëpritur!

Carlos Tevez just taking the piss at Shanghai Shenhua now. Clearly not interested tonight against a very mediocre Tianjin Teda pic.twitter.com/vHD7j3hB0p

— Cameron Wilson ??? (@CameronWEF) June 2, 2017