Rustem Hoxha u rikthye te Teuta pas dy sezonesh dhe duket mëse gati për startin e sezonit. Pasi u aktivizua si titullar në dy takimet kundër Ventspils (Kualifikuese, Europa League), 28-vjeçari e ka kthyer fokusin e tij te fillimi i kampionatit shqiptar.

Në një intervistë për Sport Ekspres, Hoxha tregoi pse zgjodhi rikthimin te Teuta, ambientin që gjeti në skuadër dhe objektivat e sezonit. Në fjalën e tij, mbrojtësi u shpreh:

U rikthyet te Teuta pas dy sezonesh. Pse e bëri Hoxha këtë zgjedhje?

“Teuta është shtëpia ime dhe ishte një vlerësim shumë i mirë që më bëri presidenca dhe profesor Shkëmbi. I falënderoj për besimin. Shpresoj që t’ua shpërblej besimin me paraqitje shumë të mira dhe me arritjen e objektivave në fund”.

Si e keni gjetur skuadrën pas rikthimit?

“Këtu gjeta një ambient shumë të mirë, të ngrohtë, me një grup futbollistësh shumë të mirë e cilësorë, si dhe me një staf shumë të përgatitur”.

Deri ku mund të arrijë kjo Teutë?

“Mendoj se kemi një skuadër të mirë, me një grup futbollistësh cilësorë dhe me talente të rinj. Po stërvitemi shumë mirë, kam besim se në fund do t’i arrijmë të gjitha objektivat që do të na vendosë klubi”.

Si e shikon faktin që janë shtuar futbollistët durrsakë në skuadër?

“Është diçka shumë pozitive, pasi janë lojtarë që e njohim ambientin. Mbi të gjitha, janë dhe lojtarë cilësorë e shumë të mirë, e kanë vërtetuar kudo ku kanë luajtur. Është diçka e mirë, si për klubin, ashtu dhe për tifozët. Shpresoj që këtë sezon ta kemi tifozerinë edhe më afër”, përfundoi Hoxha.

Bregdetarët kanë konfirmuar edhe një takim tjetër, që do të zhvillohet ditën e mërkurë. Kundërshtari do të jetë Pogradeci dhe ndeshja do të nisë nga ora 17:30 në stadiumin “Gjorgji Kyccyku”.

Momentalisht Teuta po përgatitet në Korçë. Ka qenë trajneri Shkëmbi që u ka kërkuar drejtuesve të klubit t’ua plotësojnë këtë kusht dhe ditën e sotme durrsakët janë zhvendosur drejt qytetit juglindor.

“Ky është qyteti im. Këtu jam rritur dhe kam hedhur hapat e para si futbollist. Është një ndjesi e mirë që rikthehem sërish. Tani e kam për detyrë që t’i shërbej klubit dhe shokëve të ekipit”.

“Çdo vit kampionati bëhet më i fortë, çdo ekip rritet, ashtu si dhe ne. Kemi mbajtur një pjesë të madhe të grupit si dhe kemi bërë përforcime. Shpresojmë të bëjmë mirë pasi është dhe 100-vjetori i klubit”.

NJOFTIMI I KLUBIT

Drejtuesit e klubit të Teutës kanë vendosur që të zhvillojnë fazën përgatitore në Korçë. Nisja nga Durrësi do të bëhet më datë 5 gusht dhe ekipi do të qëndrojë dy javë të plota në qytetin juglindor të Korçës, ku trajneri Shkëmbi do të punojë me lojtarët që ka në dispozicion por dhe ata që janë afruar nga merkato. Skuadra do të lër Durrësin me temperatura të larta dhe në Korçë do të gjej kushte atmosferike më të përshtatshme. Pasi Teuta zhvilloi pasditen e së shtunës miqësoren me Tërbuni në Durrës, në orët e para të mëngjesit të së hënës do të niset drejt Korçës.

Çyrbja, i ardhur këtë merkato nga skuadra e Kukësit, arriti të gjejë golin e parë me fanellën e Teutës. Mesfushorit anësor iu deshën vetëm 15 minuta për të gjetur rrjetën e parë. Në minutën e 64’, është Beqja ai që shënon golin e dytë për Teutën, ndërsa 3 minuta më vonë, shënon dhe sulmuesi Nikaç.

Goli i fundit për “Djemtë e Detit” do të mbante firmën e sulmuesit të talentuar, Lorenco Vila, i cili do të gjente rrjetën në minutën e 77-të të takimit.

Miqësore, “Niko Dovana”

Teuta – Tërbuni  4-2
Çyrbja 15’, Beqja 64’, Nikaç 67’, Vila 77’

Merkato mbetet e hapur, por ndërkohë edhe përgatitjet vijojnë normalisht. Për trajnerin Bledi Shkëmbi dhe stafin e tij janë të rëndësishme ndeshjet miqësore dhe të shtunën është programuar një e tillë.

Klubi durrsak njofton se prej orës 18:00 zhvillohet një ndeshje testuese me Tërbunin. Kjo përballje është planifikuar të zhvillohet në stadiumin “Niko Dovana” të qytetit të Durrësit.

https://www.facebook.com/59064889461/posts/10157397570179462/

Njoftimi i klubit:

ZYRTARE: Emijano Vila rikthehet aty ku e filloj

Ka firmosur sot pasdite kontratën që e bën zyrtarisht pjesë të Teutës. Emiljano Vila është përforcimi i rradhës për skuadrën durrsake. Mesfushori 31-vjeçari, luante që nga gushti i këtij viti, me Kerkyra. Pas hodhi firmën nën kontrate Vila është prezantuar në ambientet e stadiumit “Niko Dovana”

Çyrbja ka firmosur një kontratë 2-vjeçare me Teutën. 25-vjeçari është lojtari i tretë që bëhet pjesë e Teutës gjatë ditëve të fundit. Më parë klubi durrsak zyrtarizoi firmat me Orjan Xhemalajn dhe Uendi Vecajn.

Çyrbja gjatë kësaj periudhe ka pasur disa oferta nga klube të ndryshme të Superiores, ndërkohë që edhe Gjilani në Kosovë dëshironte shërbimet e tij. Trajneri Gentian Mezani tentoi ta bindte, por anësori ka preferon të mbetet në Superiore.

Kështu Teuta bën një tjetër lëvizje në merkato dhe është drejt kompletimit para nisjes së kampionatit. Edhe këtë sezon durrsakët do kërkojnë me çdo kusht pjesëmarrjen në Kupat e Europës.

Tre sezonet e fundit, Xhemalaj është aktivizuar për skuadrën e Erzenit në Kategorinë e Parë, ku ka luajtur 54 ndeshje dhe ka shënuar 7 gola.

Nënkampionët po synojnë shumë lojtarë për të sjellë në kampin blu, por ka dhe nga ata që e shohin të ardhmen larg Kukësit. Një nga këta lojtarë, është Stivi Frashëri. Portieri mësohet se ka pasur bisedime me klubin e Teutës, që zyrtarizoi largimin e Isli Hidit disa orë më parë.

Bisedimet mes dy palëve kanë shkuar mirë dhe flitet se ka një akord mes tyre, por deri më tani, asgjë nuk është “kopsitur”. Mbetet për t’u parë nëse ky transferim do të zyrtarizohet orët e ardhshme.

Hidi iu bashkua Teutës në fillim të sezonit të shkuar dhe ishte një nga pikat kyçe të skuadrës në arritjen e vendit të tretë, që i çoi dhe në Kupat e Europës. 38-vjeçari luajti 33 ndeshje në Superiore.

Një portier me shumë eksperiencë, tashmë Hidi është në pritje të ndonjë oferte të re. Ndërsa Teuta pritet të hidhet në sulm këtë merkato për të afruar ndonjë portier të ri, por deri më tani, vetëm Çeleski është në kampin durrsak.

Sulmuesi iu bashkua klubit bregdetar gjatë merkatos së janarit, por bashkëpunimi rezultoi zhgënjyes me kroatin që shënoi  një gol me fanellën e klubit bregdetar.

Bushiç është sulmuesi i dytë që largohet ditën e sotme nga Teuta. Pak orë më parë Gerhard Progni u zyrtarizua te skuadra e Gjilanit.

https://www.facebook.com/59064889461/posts/10157381428204462?sfns=mo

NJOFTIMI I KLUBIT TË TEUTËS

Gerhard Progni dhe Tomislav Bushiç nuk do të jenë më pjesë e Teutës.

Klubi I Futbollit Teuta zyrtarizon mbylljen e bashkëpunimit me Gerhard Progni dhe Tomislav Bushiç Mesfushori dhe Sulmuesi  i kanë perfunduar kontrata me Teutën. Të dy lojtarët, i’u bashkuan skuadrës sonë sezonin e kaluar. KF Teuta falenderon Gerhard Prognin dhe Tomislav Bushiç për kontributin e dhënë me skuadrën tonë dhe i urojmë suksese në karrierë!

NJOFTIMI – SC Gjilani ju njofton se ka arritur marrëveshje me mesfushorin e krahut të djathtë, Gerhard Progni.

Gerhard Progni i lindur më 6 nëntor të vitit 1986, luan disa pozicione në fushë, por më së shumti ai njihet në pozicionin e mesfushorit të krahut të djatht. Këmba e tijë e preferuar është e djathta.

I lindur në Tropojë, Progni hapat e parë si futbollist i mori tek akademia e Partizanit, nga edhe depërtoi në skuadrën e parë prej ekipeve zingjir të skuadrës nga Tirana.

Progni paraqitjet e tij i vijoj edhe nëpër shumë skuadra të ndryshme në Shqipëri sikurse ajo e Skëndërbeut, Flamurtarit, Kukësit e shumë të tjerave nga liga elite e Shqipërisë, me ç’rast ai kishte realizuar afër 70 gola nëpër klubet ku ai ishte paraqitur.

Gerhard Progni gjithashtu karrier kishte bërë edhe jasht Shqipërisë, që për disa muaj ai kishte mbrojtur ngjyrat e ekipit nga Superliga e Azerbajxhanit, FC Zira, ekip tek i cili ishte paraqitur 17 herë dhe kishte realizuar 2 gola në kampionatin e Azerbajxhanit.

Mesfushori i krahut në skuadrën e Gjilanit vie nga ekipi durrsak i Teutës, ku prej një viti ai ishte aktivizuar tek “djemt e detit” dhe ishte pjesë e formacionit bazë, në dy ndeshjet e skuadrës së Teutës kundër Ventspilis në kualifikimet e Europa Ligës.

Futbollisti më i ri i Gjilanit, Gerhard Progni, gjithashtu ishte pjesë e rëndësishme e shpresave të Shqipërisë, me të cilët kishte bërë mbi 10 paraqitje, duke realizuar edhe dy gola në fanellen e kuq e zinjëve.

Gerhard Progni, nga sot i është bashkangjitur skuadrës në Mavrovë, vend ku Gjilani po i vazhdon përgaditjet parasezonale.

Ju informojmë se prezantimi i futbollistit në fanellën e klubit të Gjilanit, do të bëhet pas disa ditësh, kur skuadra do të rikthehet nga përgatitjet parasezonale nga Mavrova.

“Unë personalisht nuk prisja shumë nga ekipet shqiptare në këto kualifikuese. Duhet të themi se futbolli shqiptar është në një moment udhëkryqi. Klubet shqiptare duhet të sigurohen të kenë baza të sigurta për të ardhmen dhe jo të mbështeten në kala letre”, tha fillimisht Jupi.

Shembulli i Skënderbeut –  “Është një skuadër që u bë disa vite. U deshën 3, 4 vite që të fillojnë të luajnë një futbollit të një cilësie të mirë. Kjo gjë ka ndodhur me të gjitha ekipet, duhet pasur durim dhe një projekt serioz. Duhet t’i dimë limitet tona, por më vjen inat që ekipet shqiptare i mbivlerësuan kundërshtarët”.

SHKARKIMET  E TRAJNERËVE –“Kushdo president që shkarkon një trajner, duhet të kuptojë që ka shkarkuar zgjedhjen e vet. Ai duhet ta marrë këtë si gabim në zgjedhjen e tij. Unë nuk besoj se presidentët tanë janë kaq të paaftë dhe të paditur. Nuk mund të jetë i gjithi faji i trajnerit në një dështim, ose sikundër nuk është e gjithë merita e tij në një sukses”.

Osmani ishte një ndër lojtarët kyç në ekipin durrsak gjatë këtij sezoni, ku dhe iu besua shiriti i kapitenit. E ardhmja e 34-vjeçarit pritet të jetë në kryeqytet, ku përflitet se ka gjetur akordin me skuadrën e Tiranës.

NJOFTIMI I KLUBIT DURRSAK

Tefik Osmani largohet nga Teuta. Klubi njofton se nga sot mbrojtësi ka përfunduar aventurën e tij me ekipin e Teutes. KF Teuta falënderon Osmanin për kontributin e dhënë me fanellën e Teutës në rrugën drejt Europes dhe i urojmë futbollistin të ketë shëndet dhe shumë suksese në vazhdim të karrierës së tij.

Mesfushori anësor iu bashkua Kukësit një vit më parë nga Teuta. Kartoni i 25-vjeçarit i kushtoi jo pak presidentit Safet Gjici, që iu desh të gjente një akord financiar me drejtuesit e skuadrës durrsake për të blerë përfundimisht kartonin e futbollistit.

Përvoja te Kukësi rezultoi një zhgënjim për të dyja palët. Çyrbja u aktivizua në 42 takime me fanellën e Kukësit, ku në asnjë prej tyre nuk arriti të vinte emrin në listën e shënuesve.

Ndeshja nisi shumë mirë për “Djemtë e Detit”, që e kërkuan golin që në sekondat e para të sfidës. Megjithatë, rastet e krijuara nuk u shfrytëzuan dhe goli mungoi. Pjesa e parë u mbyll me rezultatin e bardhë, 0-0.

Pjesa e dytë nisi me të njëjtin ritëm, me Teutën që mendoi vetëm për të sulmuar. Goli do të vinte shumë shpejt, që në minutën e 47-të. Kallaku bën gjithçka mirë brenda zonës, driblon kundërshtarët duke dhuruar spektakël dhe arrin të kalojë ekipin durrsak në avantazh. Pritej që Teuta të shënonte sërish dhe të rihapte fatet e kualifikimit, por Ventspils u mbrojt dhe u largua nga Durrësi si skuadra e kualifikuar.

Europa League, kualifikuese
“Niko Dovana”, 18 korrik 2019 (17:00)

Teuta (ALB) – Ventspils (LIT)   1-0 (0-3)
Kallaku 47′

Kartonë të verdhë: Sidibe 12’ / Monteiro 26’

EPISODET –

90’ – Mbyllet takimi në Niko Dovana. Kallaku gjen rrjetën, por Teuta eliminohet nga Europa League. Ventspils kalon në fazën tjetër, falë fitores 3-0 në fushën e tyre

82’ – Avdyli bën gjithçka mirë në hyrje të zonës, driblon kundërshtarin dhe gjuan bukur me të majtën, por e ndal portieri

47’ – Gooool Teuta. Kallaku është magjik dhe shënon një supergol. Pasi i driblon të gjithë brenda zonës, mesfushori mposht dhe portierin kundërshtar, duke i dhënë avantazhin “djemve të detit”

45’ – Mbyllet pjesa e parë, Teuta dominoi por nuk arriti te goli, ndërsa Ventspils u  tregua i rrezikshëm me anë të kundërsulmeve

40’ – Ulet disi ritmi, lufta po bëhet në mesfushë

33’ – Ventpils shumë pranë golit, Arapi iu mohon avantazhin duke larguar një top në vijën fatale. Probleme për Shkëmbin, pasi dhe Sidibe dëmtohet

22’ – Teuta dominon. Rasti i radhës shkon në kokën e Arapit, i cili me portën thuajse të boshatisur mund të shënonte, por goditja e tij shkon mbi tra.

16’ – Çfarë shansi për Teutën. Nikiç ka një rast të pastër brenda zonës, por gjuajtja e tij pritet nga portieri i Ventspils

2’ – Teuta e nis vrullshëm, të besuarit e Shkëmbit godasin shtyllën. Vijnë kërcënimet e para.

1’ – Nis takimi në Niko Dovana, Teuta hidhet në sulm

FORMACIONET

Teuta: Hidi, Beqja, Hoxha, Arapi, Kuro, Sidibe, Aleksi (Progni 57′), Kallaku, Avdyli, Nikaç, Bushiç. Trajner: B. Shkëmbi

Ventspils: Maknovski, Mshedivilli, Monteiro, Mamah, Alsenat, Villela, Kazaçoks, Osipov, Tosin, Svarups, Sergiçuk. Trajner: I. Klosovs

Për të ndjekur ekipin e tyre në ndeshjen e raundit të parë kualifikues të Europa League, tifozët durrsak kanë mundësi zgjedhje midis biletave 300 lekëshe për tribunat A dhe B dhe biletave 200 lekëshe për tribunat A1 dhe B1.

Shitja e biletave do të fillojë në orën 9:00 të së enjtes, ndërsa orari i ndeshjes është ora  17:00.

https://www.instagram.com/p/Bz-q_aCgrQG/?igshid=1g7lofc99yac8

“Të gjithë prisnin më shumë nga ajo ndeshje, pasi ishte ndeshja e parë dhe të gjithë prisnin një paraqitje më të mirë në Europë duke parë se çfarë ndeshjesh kemi bërë në kampionat. Do thosha që ne ia dhuruam ne golat kundërshtarit, se sa i bënë ata”.

“Skuadra beson. Shpresoj që në ndeshjen e kthimit të shënojmë shpejt golin e parë, kjo do ta motivonte shumë për pjesën e mbetur të lojës”.

“Çfarëdolloj skeme që të përdorë trajneri ne mund të përshtatemi shumë mirë. Me modulin 4 – 3 – 3 me të cilin kemi gjatë të gjithë sezonit, por ardhja e Nikaç na mundëson të luajmë dhe me skemën 4 – 4 – 2”, tha Kallaku.

Korçari mendon se rezultati nuk i përgjigjet lojës, ndërkohë që thekson se përgatitja fizike dhe ritmi ndikuan shumë në humbjen e Teutës. Shkëmbi nga ana tjetër nuk i ul vlerat e ekipit kundërshtar, që merr vlerësimin maksimal për shfrytëzimin e gabimeve të durrsakëve.

REZULTATI – “Ishte një ndeshje e mirë nga të dyja ekipet, e luftuar. Nga mënyra se si luajtëm, rezultati nuk i përshtatet ndeshjes. Patjetër që si fillim duhet të komplimentoj kundërshtarin. Bëmë një ndeshje të mirë dhe rezultati nuk tregon atë që shfaqëm në fushë.

PROBLEMET FIZIKE – “Është e drejtë dhe e vërtetë, e dinim që do kishim problem fizike ndaj këtij kundërshtari. Ata janë në një ritëm të mirë, pasi janë në kampionat. Kemi bërë vetëm 4 ndeshej miqësore. Patjetër që me një përgatitja fizike më të mirë, me një ritëm më të mirë, jam i bindur që nuk do të ishte ky rezultat”.

VENTSPILSI – “Patjetër që vazhdoj të kem të njëjtin vlerësim maksimal, por mendoj se ne ishim përgatitur për pikat më të forta të Ventspils. Mendoj se deri diku ia dolëm t’i markojmë mirë pikat më të forta. Pësuam një gol shumë të shpejtë dhe të thjeshtë, që duhet ta shmangnim.

Mendoj se ai gol na prishi shumë punë, si nga ana psikologjike, ashtu edhe nga rreshtimi taktik dhe mënyra se si e kishim përgatitur ndeshjen. Dy golat e tjerë i pësuam për gabime tona, por nuk duhet të harrojmë që kundërshtari duhet të jenë i një niveli të lartë që të të ndëshkojë në momentet që gabon. Venstpils e bëri shumë mirë këtë dhe mund të them në notat maksimale”, përfundoi Shkëmbi.

Pjesa e parë u mbyll 1-0 në favor të Ventspils dhe e dyta nisi sërish me vendasit që u hodhën në sulm. Në minutën e 78-të do të vinte goli i dytë me anë të Umbilsasev. Vetëm 10 minuta më pas, Tosin do të shënonte sërish për Ventspils, duke vendosur rezultatin final në 3-0.

E enjte, 11 korrik 2019 (16:45)
Europa League, kualifikuese

Ventspils (LAT) – Teuta (ALB)  3-0
Sergiçuk 4′, Umbilsasev 78′, Tosin 88′

Kartonë të verdhë: Progni 33’, Kouros 74′

EPISODET –

90’ – Mbyllet takimi 3-0 në favor të Ventspils. Teuta e nis keq aventurën europiane dhe tani do të tentojë të përmbysë gjithçka në Shqipëri

88’ – Teuta në tapet, Ventspils shënon sërish. Tosin në minutën e 88’ i çon shifrat në 3-0, duke e bërë kualifikimin shumë të vështirë për “Djemtë e Detit”

78’ – Ventspils shënon sërish. Umbilsasev kombinon mirë me njërin nga shokët e skuadrës dhe lëshon një të djahtë të hidhur, duke lënë në vend portierin Hidi.

70’ – Pas shumë minutave të qeta, Kallaku provon të jetë i rrezikshëm, por gjuajtja e tij me të majtën shkon jashtë

46’ – Fillon pjesa e dytë, asnjë ndryshim në formacionet e skuadrave

45’ – Mbyllet pjesa e parë, Teuta është në disavantazh 0-1 përballë Ventspils

28’ – Lojtarët e Ventspils janë të rrezikshëm në kundërsulm. Pas një aksioni të shpejtë, autori i golit Sergiçuk e sheh veten të vetëm përballë Hidit, por gjuajtja e tij ndalet nga gardiani i Teutës

21’ – Teuta pranë barazimit. Mbrojtësi Kouros ka mundësinë për të shënuar me anë të një goditje dënimi në pozicion të favorshëm, por e majta e tij shkon pak mbi tra

4’ – Shënojnë vendasit e Ventspils. Një krosim në zonë nga e djathta kontrollohet mjaft mirë nga sulmuesi kryesor Sergiçuk, që shënon me një gjysmë roveshatë dhe mposht Hidin.

1’ – Fillon takimi në Letoni

Formacionet

Ventspils: Makhonovski, Alsenat (Stuglis 84′), Monteiro, Mamah, Mshedivilli, Ananias (Osipov 40′), Kazaçoks, Villela, Ulimbaes, Sergiçuk (Svarups 61′), Ajegun. Trajner: I. Klosovs

Teuta: Hidi, Todorovski (Nikac 85′), Hoxha, Arapi, Kuoros, Progni, Aleksi, Sidibe, Beqja (Kalaja 62′), Kallaku, Bushiç. Trajner: B. Shkëmbi

Më përfundimin e pjesës së parë në Letoni, është radha e Laçit për të tentuar mrekullinë ndaj Hapoel Ber Sheva. Izraelitët janë favoritë absolutë. Gjithsesi është futboll. “Nëse nuk kemi besim, atëherë le të mos futemi në fushë”, thoshte kapiteni Gentian Selmani disa ditë më parë.

Partizani dje ndaj Karabakut e tregoi që në fushë nuk luajnë milionat. Anorthosis Fagamusta është gjithashtu një histori motivimi për Laçin, një histori e përjetuar. 17:30 nis takimi dhe skuadra e Starovës do mundohet të paktën të marrë një rezultat pozitiv në shtëpi.

Ashtu si Laçi, edhe Kukësi ka një ndeshje të vështirë. Verilindorët ndodhen në Hungari dhe në fushë zbresin në orën 19:00. Trajneri Gjoka e ka përcaktuar formacionin prej ditësh dhe Debreceni nuk është i pakalueshëm. “Le ta bëjmë të pamundurën të mundur”, thoshte trajneri i Kukësit disa ditë më parë. Koha e fjalëve mbaroi, Teuta, Laçi dhe Kukësi duan burra në fushë. Sot është dita.

LISTA E TEUTËS NË EUROPË
Portierë: Isli Hidi, Bobi Çeleski
Mbrojtës: Rustem Hoxha, Blagoja Todorovski, Aleksandro Kuro, Tefik Osmani, Fabjo Beqja, Silvester Shkalla, Renato Arapi, Artan Jazxhi
Mesfushorë: Lansinet Sidibe, Ron Gashi, Florent Avdyli, Sherif Kallaku, Albano Aleksi, Xhonatan Lajthia, Arlind Kalaja, Ledio Beqja
Sulmues: Tomislav Bushiç, Darko Nikaç, Gerhard Progni, Lorenco Vila

LISTA E KUKËSIT NË EUROPË
Portierë: Stivi Frashëri, Ilir Avdyli, Jetmir Basha
Mbrojtës: Ylli Shameti, Edis Maliki, Tome Kitanovksi, Ardian Cuculi, Olsi Teqja, Simo Rrumbullaku, Bruno Lulaj, Toni Selimi
Mesfushorë: Besar Musolli, Vesel Limaj, Valon Ethemi, Arbër Çyrbja, Emiljano Musta, Eduart Rroca,
Sulmues: Vasil Shkurtaj, Markovanbasten Çema, Valdet Rama

LISTA E LAÇIT NË EUROPË
Portierë: Gentian Selmani, Edmir Sali
Mbrojtës: Eglentin Gjoni, Aleksandar Ingjatoviç, Taulant Sefgjini, Abdurrahman Fangaj, David Domgjoni, Rudolf Turkaj, Irlian Ceka
Mesfushorë: Regi Lushkja, Fjoart Jonuzi, Julian Shehu, Teko, Ndriçim Shtubina, Nikola Eller, Ardit Deliu
Sulmues: Kirian Nuabueze, Redon Xhixha, Elvi Berisha, Renato Spahiu, Fatmir Prengaj

Kampionët e Kategorisë Superiore presin në Tiranë azerët e Karabag, ku kompanitë e basteve e kuotojnë fitoren e demave me koeficientin 4.33 duke favorizuar ndjeshëm skuadrën udhëtuese. Në një pozitë të krejt të kundërt gjendet Shkëndija fitorja e secilës në transfertën estoneze ndaj Nome Kalju ka koeficientin e ulët 1.46. Ndërkohë Feronikeli do ta ketë tejet të vështirë ndaj kampionëve të Uellsit, fitorja e ekipit nga Drenasi në transfertë ndaj TNS shoqërohet me koeficientin 5.75.

Në kualifikueset e Europa League asnjë prej ekipeve shqiptare nuk futet në takim si favorit. Kukësi, Teuta, Laçi dhe Shkupi do të duhen të bëjnë surprizën në ndeshjet përkatëse. Koeficientin më të ulët e kanë durrsakët e Teutës, fitorja e secilës ndaj Ventspils ka koeficientin 3.96, ndërsa koeficienti më i lartë i takon Laçit që edhe pse është ekipi pritës ka kuotën 7.68 ndaj izraelitëve të Hapoel Ber Sheva.

Së fundmi ata kanë zyrtarizuar afrimin e Bubakar Traore, sulmuesi anësor që verën e shkuar iu bashkua Teutës dhe bëri një sezon të mirë. Senegalezi është i aftë të luajë në disa pozicione dhe durrsakët donin ta mbanin në ekip.

Traore ka menduar ndryshe dhe me Hapoel Kfar Saba ai ka nënshkruar kontratë njëvjeçare, me opsion për ta zgjatur edhe një sezon tjetër. Futbollisti 21-vjeçar u aktivizua me Teutën në 23 ndeshje në kampionat dhe shënoi edhe tre gola. Tani do të luajë në kampionatin izraelit.

Supersport raporton se te Teuta kanë zgjedhur kapitenin e ri, Renato Arapin. Shenjë e qartë që pas kupave të Europës korçari do të largohet nga durrsakët. Një vit më parë ishte Osmani ai që mbajti shiritin dhe tashmë e ka dorëzuar.

Veç shiritit, trajneri Bledi Shkëmbi po mendon që në Europë të luajë pa korçarin në mbrojtje. Gjasat janë që ai të pozicionohet në mesfushë. Në Durrës po mendojnë për sezonin e ri, ndërkohë që me shumë mundësi në vazhdim do të ketë edhe një afrim tjetër për prapavijën.

Lansinet Sidibe dhe Florent Avdyli kanë marrë dje përgjigje pozitive dhe të dy mesfushorët mund të fluturojnë drejt Letonisë. Futbollisti dardan dhe ai nga Guinea tashmë janë të qetë dhe mezi presin të japin kontributin e tyre në Europë.

LËVIZJET E TEUTËS NË MERKATON E VERËS
AFRIME: Dajan Shehi (rikthim nga huazimi – Kastrioti), Xhonathan Lajthia (rikthim nga huazimi – Erzeni) ; Rustem Hoxha (Luftëtari), Blagoja Todorovski (Shkëndija Tetovë), Aleksandro Kuro (Kerkyra), Albano Aleksi (Luftëtari), Arlind Kalaja (Kukësi), Darko Nikaç (Iskra);

LARGIME: Erlis Frashëri (Gjilani), Latif Amadu, Ditmar Bicaj, Seku Kamara (përfundim huazimi – Besëlidhja), Dajan Shehi (Vllaznia), Esin Hakaj (Partizani), Armando Vajushi, Uendi Vecaj (përfundim huazimi – Dinamo Zagreb), Klinti Qato, Bubakar Traore

Me Reno 1868, në USL, (liga e dytë) ai ka shënuar në sezonin aktual 8 gola në 11 ndeshje. Shifra të mira, ndërkohë që një sezon më parë ka kapur numrin 17 të golave. Braun shihet si shpëtimtari i Partizanit për golat, madje për të edhe është paguar.

“Demat” kanë huazuar nga Hellas Verona edhe Jozef Ekuban, i cili me ekipin e parë të Mantovës ka shënuar vetëm një gol vjet. Po aq ka realizuar edhe Theofilus Solomon. Nigeriani ka shënuar në Kroaci në gjysmën e parë të sezonit, kur ishte pjesë e Inter Zapreshiç.

Me Ujpesht në Hungari nuk shënoi dot.  Ai u aktivizua në 17 ndeshje në të dyja këto klube dhe vetëm 6 herë e nisi nga fillimi. Në kampin e kuq shpresojnë që 23-vjeçari të shpërthejë me ta. Solomon ka qenë pjesë e Rijekës, që e ka huazuar edhe te Istra dhe Partizani i Beogradit. Gjithashti ai ka luajtur edhe në Qipro me Omonia Nikozia.

TEUTA DHE LAÇI – Durrsakët dhe kurbinasit kanë afruar nga një sulmues. Bledi Shkëmbi për sezonin e ardhshëm do të ketë nën urdhra Darko Nikaç. Sulmuesi malazez ka shënuar sezonin e fundit 14 gola, dy me Navbahor në Uzbekistan dhe më pas me Iskra 12 herë në 17 ndeshje.

Edhe Laçi ka bërë merkato në rajon dhe ka nënshkruar me Kirian Nuabueze, nigerianin me pasaportë amerikane që me Dritën e Gjilanit shënoi 7 gola në gjysmën e dytë të sezonit. Kampionatin e kishte nisur me Pobedën në Maqedoni dhe kishte shënuar 6 gola.

Ajo çka bie në sy është fakti që në këtë ndeshje ka shënuar katër gola sulmuesi Tomislav Bushiç. Kroati ka gjetur rrugën e rrjetës në tre sfidat e fundit, duke vënë në “siklet” drejtuesit e “Djemve të Detit”. E ardhmja e sulmuesit  te Teuta është vënë në dyshim këtë periudhë.

Golat e shënuar normalisht që e bëjnë situatën të tjerë tjetër. Bushiç do kërkojë të tregojë vlerat e tij ndaj Ventspils dhe nëse bën mirë janë të pakta gjasat që të largohet. Golat janë ata që e nderojnë një sulmues dhe kroati duket sikur ka gjetur ritmin dhe nuk dëshiron të ndalet.

MIQËSORET E TEUTËS NË BULLGARI

Teuta – Septemvri Sofia 2-0
Shënues: Kallaku 1’, Bushiç 76’

Teuta – Akademija Pandev 4-1
Shënues: Bushiç 21’, 56’ Kallaku 78’ (11 pen.), L. Beqja 81’

Kariana – Teuta 0-1
Shënues: Bushiç 56’

Botev Vratsa – Teuta 2-1
Shënues: Valçev, Masedo / Progni (pen)

Golat për durrsakët u shënuan nga Sherif Kallaku dhe kroati Tomislav Bushiç. Teuta do të vijojë përgatitjet në Shqipëri në kuadër të përballjes ndaj estonezëve të Ventspils.

Më datë 11 korrik skuadra bregdetare do ndeshet në transfertë ndaj ekipit estones, ndërsa një javë më vone do të presë kundërshtarët në Niko Dovana.

Teuta 2 – 0 Septemvri Sofia
ShënuesL Kallaku 1, Bushiç 76′

Së fundmi në Gjilan ka mbërritur edhe një sulmues dhe ai është Jurgen Peqini. Futbollisti nga Elbasani ishte pjesë e Erzenit në pjesën e dytë të sezonit të fundit. 20-vjeçari u aktivizua në dhjetë ndeshje me shijakasit dhe realizoi vetëm një gol.

Peqini ka spikatur me moshat e Elbasanit dhe më pas kaloi në ekipin e parë, duke shënuar katër gola. Teuta i ofroi kontratë dhe me durrsakët realizoi tre gola në 6 ndeshje (1 titullar). Te “djemtë e detit” sulmuesi nuk pati hapësira, ndërkohë që këtë verë u la i lirë dhe tashmë po provon të bindë Mezanin t’i bëjë një vend te Gjilani.

Korçari do të duhet të mendojë edhe për formacionin në ndeshjen me letonezët. Gjatë kësaj periudhe janë bërë prova të ndryshme dhe tani që sfida po afrohet, Shkëmbi do të mendohet mirë si ta përballojë ndeshjen e parë të Europës.

Ndeshja nisi shumë mirë për ekipin durrsak, që gjeti golin në minutën e 21-të. Sulmuesi kryesor i skuadrës, Bushiç shënoi golin e parë personal. Në pjesën e dytë, Bushiç do të shënonte sërish, duke gjetur rrjetën në minutën e 56-t.

Kallaku realizon në të 78-ën minutë, me anë të një penalltie, ndërsa Beqja shënon golin e fundit të sfidës në minutën e 81’. Teuta vazhdon kështu përgatitjet për ndeshjen e parë kualifikuese të Europa League, që do e luajë me datë 11 korrik përballë Ventspils.

Miqësore, 27 qershor, 2019

Teuta – Akademia Pandev 4-1
Shënues: Bushiç 21′ 56′, Kallaku 78′(p), Beqja 81′

Teuta baraspeshon rezultatin me Prognin, i cili tregohet saktë në ekzekutimin e një 11-metërshi. Pjesa e parë u mbyll me rezultatin e barabartë 1-1. Në të dytën bullgarët gjejnë sërish avantazhin me anë të Masedos.

Ai goli përkoi edhe me të fitores për skuadrën bullgare. Në skuadrën kundërshtare ndodhej një njohje e vjetër e Superiores, ish-mbrojtësi i Tiranës, Martin Kavdanski. Durrsakët do të qëndrojnë në Bullgari edhe disa ditë, për t’u bërë gati për ndeshjen e parë të Europa League me Ventspils.

Botev Vratsa 2 – 1 Teuta
Shënues: Valçev, Masedo / Progni (pen)

 

View this post on Instagram

 

#FriendlyMatch Botev v Teuta 2-1 #forcateuta??

A post shared by KF Teuta 1920 (@kfteuta.official) on Jun 24, 2019 at 11:11am PDT

PARTIZANI –“Nuk ka dyshim që Partizani bëri një kampionat të mirë. Konkurrentët nuk arritën të jenë në nivelin e Partizanit, qoftë Kukësi, Teuta apo Skënderbeu. Partizani u organizua më mirë. Ishte pragmatist, nuk është se bëri ndonjë futboll të bukur, por arriti rezultatin. Çdo ekip ka marrë atë që ka dhënë në fushën e lojës, sipas përgatitjeve dhe shpenzimeve”.

SURPRIZA NË SUPERIORE – “Është  e vështirë të veçoj emra futbollistësh. Gjithsesi mund të flas për Luftëtarin e Gjirokastrën. Kanë shitur lojtarë dhe kanë vazhduar të bëjnë një futboll të bukur, duke mos rrezikuar mbijetesën”.

KUKËSI –“Kukësi nuk i ka munguar buxheti, por i ka munguar skuadra. Kishte një disavantazh që nuk luajti në shtëpi, kjo nuk është gjë e pakët. Gjithsesi përgjegjësia e parë i takonte presidenti Gjici, i cili duhet të krijonte një skuadër të bazuar në grup e jo individë”.

SKËNDERBEU –  “E filluan mirë, por më vonë u duk se nuk ishin të përgatitur për të përballuar 36 javë kampionat. S’kishin aq alternativa për të përballuar sezonin. Problemet juridike të klubit me UEFA-n janë problem i drejtuesve, s’besojnë se ndikuan te futbollistët”.

TEUTA – “Deri nga java e 10-të Teuta u duk si ekip pretendent për titullin, por më pas u duk se i mungoi grinta. Ndoshta për shpenzimet që u bënë mund të kishin merituar dhe më shumë se kaq”.

ARBITRAT –  “Me zhvillimin e shoqërisë zhvillohen edhe arbitrat. Ne bëjmë maksimumin për përgatitjet e tyre. Është e vërtetë që ka pasur kontestime, por ka pasur më pak se më parë. Fatmirësisht edhe ato gabime që janë bërë nuk kanë ndikuar shumë. Besojnë se meritojnë nota pozitive”.

DËNIMI I KAMZËS – “Në fakti ai ka qenë rasti më i keq dhe që është dënuar më shumë. Mendoj se ka ndikuar në eliminimin e rasteve të ngjashme në të gjithë nivelet e kampionatit shqiptar.

NDRYSHIME NË FORMUALAT E GARAVE –“Po diskutohet brenda sektorit të garës për të pasur kampionate që luftohen deri në fund. Kemi disa probleme në Kategorinë  e parë dhe të dytë, por edhe në kampionatet e moshave. Shumë skuadra dalin nga gara shpejt e fillojnë të mos impenjohen shumë. Po përpiqemi të gjejmë skema që i minimizojnë këto. Kemi disa propozime e variante. Besoj se do të dalim me një produkt që do t’i bëjë më të interesuara skuadrat në garë. Ajo që është më e rëndësishme është ajo që ndodh te futbolli i fëmijëve. U thuhet nga drejtuesit të tolerojnë ndeshje

REDUKTIM I NUMRIT TË SKUADRAVE NË KATEGORINË E PARË – “Për këtë kampionat nuk mundemi ta reduktojmë numrin, por në të ardhmen mund ta shqyrtojmë këtë mundësi për reduktimin e klubeve, çka do t’i shërbejë forcimit të garës”.

LICENCIMI –“Licencimi në Europë mbikëqyret nga UEFA. Ky komision Licencimi për garat e Europës ka një tutor, që në rast gabimesh ne mund të ndëshkohemi, siç na ndodhi dy vite më parë me licencimin e Tiranës. E njëjta gjë duhet bëhet me licencimin për garat në Shqipëri. Steka e kërkesave është rritur. Ne kemi vënë ato kritere licencimi që janë të realizueshme për klubet në Shqipëri. Ne kemi për detyrë që t’i këshillojmë e t’i kontrollojmë klubet, e ti ndihmojmë me ndihma financiare bashkë me pushtetin vendor”.

PAKETA LIGJORE – “Deri tani ndoshta për shkak të situatës politike në vend nuk kemi pasur ndonjë feedback. Prandaj nuk është respektua ai afat që u premtua. Ka vetëm një progres pas një takimi me ministren e arsimit për  ndryshimin e kodin penal, por kjo nuk është diçka që ndihmon në progres, megjithëse ndihmon në vendosjen e rregullave në ambientet e stadiumit. Me këtë paketë synojmë që ta kthejmë sportin në një industri masive. Nëpërmjet kësaj pakete tentojmë që klubet profesioniste të mos rrënojnë bizneset e presidentëve. Futbolli duhet të mbajë veten, ashtu siç ndodh në shumë degë të tjera të ekonomisë. Fakti është që politika asnjëherë nuk e ka parë sportin e futbollin si të tillë. I vetmi rast që s’mund ta fshehim është investimi në stadiumin e Shkodrës dhe Elbasanit”.

Trajneri Bledi Shkëmbi ka pasur prioritet kohët e fundit gjetjen e një sulmuesi cilësor, pas largimit të Latif Amadu dhe Vajushit, çka ka bërë që në sulm të mbetet vetëm Bushiç.

Edhe sulmuesi kroat do të largohet pas përfundimit të aventurës në Europa League, sepse klubi nuk ka ndërmend të rinovojë me të, i zhgënjyer nga rendimenti i ulët në gjysmën e dytë të sezonit të mbyllur pak javë më parë.

SPORTEKSPRES.COM mëson se tashmë, pas shumë emrash të kaluar në sitë, Shkëmbi ka dhënë OK për një sulmues të huaj, i cili është tashmë në Tiranë.

Bëhet fjalë për malazezin Darko Nikaç, 28-vjeçar, i cili prej janarit luajti për Iskran në Mal të Zi dhe pati një rendiment mahnitës, me 12 gola në 17 ndeshje, duke u bërë ndër shënuesit më të mirë në kampionatin fqinj.

Nikaç ka luajtur shumicën e karrierës te Buduçnost, por ka provuar edhe kampionatet hungareze, indiane e së fundi në Uzbekistan.

Kostoja e sulmuesit është e pranueshme, sepse pritet të firmosë për për rreth 40.000 euro në sezon.

Më shumë se të gjithë e dëshiron Bushiç këtë përballje. Sulmuesi kroat i Teutës është aktivizuar gjatë sezoneve 2004-2007 me Hajdukun e famshëm, ekip me të cilin u shpall kampion në vitin 2005, përpara se të huazohej drejt Dinamos së Kievit, aty ku qëndroi vetëm fazën e parë.

Bushiç u rikthye përsëri në Split, ku qëndroi deri në verën e vitit 2009. 33-vjeçari ka dhënë një prononcim interesant për “Sportske Jutarnji“,  duke u ndalur te përballja e mundshme në turin e dytë të Ligës së Europës, Teuta, trajneri Bledi Shkëmbi dhe bukuritë e Shqipërisë.

FAZA – “Jemi duke u përgatitur në Bullgari. Pasi u ndanë grupet e skuadrave me rivalët e mundshëm, e ndjeva se mund të ndesheshim me Hajdukun. Thjesht pata një ndjesi. Fillimisht duhet të kalojmë Ventspils. Donim që disa skuadra të mos na binin, si polakët, kazakët dhe qipriotët. Jemi të lumtur për skuadrën që na ra në short dhe me faktin që ndeshjen e dytë e luajmë në Shqipëri. Përfaqësues të klubit tonë do i shikojnë ata, e dinë që renditen në vendin e pestë në kampionatin e tyre që po luhet tani. Duhet t’i kalojmë.”

HAJDUKU – “Po e pres me padurim atë ndeshje, megjithatë ne së pari duhet të kalojmë pengesën e parë. Gjithsesi besoj se do të kemi një duel me Hajdukun. Do të më pëlqente të luaja në Poljudu, ku jam rritur duke luajtur si djalë i ri. Nuk ka kënaqësi më të madhe.”

Pyetja klasike, a do festoje nëse shënon? – “Çfarë pyetje! Kam shënuar në Hajduk kur isha pjesë e Slaven Belupo. Nuk festova në respekt të ish-klubit im. Gjithsesi, është klubi ku unë u rrita dhe më bëri ky që jam. Po luaj sërish dhe do ishte bukur të shënoja, edhe pse Hajduku do të jetë sigurisht favorit në atë duel.”

SHKËMBI – “Bledi është një trajner i shkëlqyer, ashtu si pjesa tjetër e stafit. Profesionalisht është në një nivel të lartë. Besoj se do të na përgatisë mirë për Ventspils dhe pastaj për Hajdukun. Disa lojtarë janë larguar, kanë ardhur të tjerë të rinj. Kemi nevojë për sulmues, pasi kam në r vetëm unë në repartin ofensiv.”

SHQIPËRIA – “I gjithë vendi është i bukur, ka diçka për të parë. Po kaloj shumë mirë në Shqipëri, është viti i pestë që jam këtu, i katërti klub me të cilin po luaj dhe kam njëfarë reputacioni në kampionat. Shpresoj të luajmë me Hajdukun dhe tifozët që do të vijnë do të kenë mundësinë të shijojnë bukuritë e këtij vendi”.

STADIUMI – “Luajmë në një stadium që merr 7-8 mijë dhe kur ka ndeshje të forta vijnë shumë. Njerëzit në Shqipëri e duan futbollin dhe në vitet e fundit ka rritje. Me Ventspils me siguri do të luajmë në stadiumin tonë dhe nëse kualifikohemi atëherë mund të luajmë në Elbasan Arena, që ka një kapacitet më ta madh.”

Durrsakët kanë qenë me më fat në short, pasi përballen me letonezët e Ventspils. Në letër është një rival i kalueshëm, por duhet marrë seriozisht. Vjet e njëjta skuadër eliminoi Luftëtarin, madje në ndeshjen e parë në shtëpi i realizoi pesë gola.

Tashmë UEFA ka përcaktuar edhe orarin kur do të zhvillohet sfida Ventspils-Teuta. Gjithçka nis prej orës 16:45. 45 minuta më vonë luajnë kurbinasit, që presin në shtëpi Hapoel Ber Sheva. Kurbinasit e kanë të licencuar stadiumin dhe sërish do të luajnë në Laç, sikurse kanë bërë me Rudar Velenje, Zoria Luhansk, Inter Baku, Anorthosis Famagusta dhe Molde.