Terri

Xhon Terri zyrtarizon tërheqjen nga futbolli!

Sport Ekspres — Sun, 07 Oct 2018 19:51:49 +0000

Tani mund të themi ish-futbollitsi Xhon Terri. Pas plot 23 vitesh ish-mbrojtësi i “Tre Luanëve” ka zyrtarizuar pak minuta më parë se ai do të tërhiqet nga futbolli i luajtur. Përmes një postimi në “Instagram”, ai ka bërë me dije se nuk do të vijoj më të japë kontributin e tij si futbollist.

Terri ka një CV shumë të pasur, pasi për shumë vite ka qenë kapiteni i Çelsit. Në shtëpinë e tij ai mundi që të fitonte gjithçka, pasi ka arritur të fitojë 5 herë Premier Ligën, por dhe nga një herë Champions League-n dhe Europa League-n. Po ashtu londinezi ka marrë dhe 8 kupa në Angli si dhe një herë është shpallur lojtari i vitit.

Mbrojtësi ka dhënë kontributin e tij dhe në 78 ndeshje të Kombëtares së Anglisë. Pas një karriere të gjatë dhe me shuam suksese vjen momenti për t’i thënë futbollit të luajtur lamtumirë. Stacioni i fundit i Territ Ishte Aston Vila, ku luajti plot 35 ndeshje edicionin e fundit, duke shënuar dhe një gol.

https://www.instagram.com/p/BopLXWhhb_d/?taken-by=johnterry.26

Henri dhe Terri tashmë në një ekip, por si trajnerë

Sport Ekspres — Sun, 07 Oct 2018 11:44:27 +0000

Tierri Henri dhe Xhon Terri janë ndeshur për vite me radhë më njëri tjetrit, teksa përfaqësonin përkatësisht skuadrat e Arsenalit dhe Çelsit. Por, shumë shpejt dyshja e futbollistëve që kanë shkruar historinë e futbollit anglez mund ta shohë veten në një ekip.

Sipas asaj që raporton gazeta angleze “Daily Mail”, Henri dhe Terri do të jenë dyshja që do të marrë në dorë drejtimin e skuadrës së Aston Vilës, që prej tri ditësh ka mbetur pa trajner pas shkarkimit të teknikut të njohur Stiv Brus.

Në rast se ky skenar bëhet realitet, Henri do të jetë trajner i parë i skuadrës dhe do të heqë dorë nga posti si zëvendës-trajner i kombëtares së Belgjikës, ndërsa Terri do të zyrtarizojë tërheqjen nga futbolli i luajtur, pasi aktualisht është lojtar i lirë.

Terri shtang Rusët, gruaja i bllokon transferimin

Sport Ekspres — Wed, 12 Sep 2018 18:10:36 +0000

Kalimi i Xhon Territ te skuadra e Spartakut të Moskës ishte thuajse një fakt i kryer. Ish-kapiteni i Çelsit kaloi testet mjekësore dhe kishte rënë dakord për një kontratë 1-vjeçare, ku do të përfitonte 1.7 milionë euro. Por, pas një konsultimi me familjen, transferimi ka dështuar.

Ka qenë vetë 37-vjeçari që ka shpjeguar arsyen pas kësaj ngjarje të papritur me anë të një postimi në rrjetet sociale.

“Pas mendimesh të konsiderueshme, kam vendosur të refuzoj ofertën e Spartakut të Moskës. Dua ta falënderoj klubin e Spartakut dhe i uroj atyre dhe tifozëve të skuadrës një sezon sa më të mbarë. Ata janë një klub shuam ambicioz që më kanë habitur me profesionalizmin e tyre. Por, pasi e shqyrtova këtë lëvizje me familjen time, vendosëm se kjo nuk ishte lëvizja e duhur për ne”, shkruhej në postimin e Territ.

https://www.instagram.com/p/BnofRuRhgEP/?utm_source=ig_web_copy_link

Xhon Terri gati për aventurën e re, kryen testet mjekësore në Rusi

Sport Ekspres — Sat, 08 Sep 2018 08:39:45 +0000

Xhon Terri është 37 vjeç, por siç duket nuk e ka ndërmend që të tërhiqet të paktën as këtë edicion. Mbrojtësi u aktivizua me Aston Vilën në edicionin e fundit në Chmpionship, por klubi anglez vendosi që të mos e zgjasë më bashkëpunimin me ish-lojtarin e Çelsit.

Edhe pse shumëkush mund të ketë menduar se Terri mund ta mbyllë me futbollin e luajtur, nuk do të ndodhë kështu, pasi sot me shumë gjasa do të vijë dhe prezantimi në skuadrën e re. Siç bëhet me dije Terri po kryen testet mjekësore në këto momente në Rusi, ku Spartaku i Moskës është gati që t’i ofrojë një kontratë të re.

Skuadra ruse u detyrua që të bënte këtë lëvizje edhe i detyruar nga dëmtimi i Samuel Gigot, i cili me shumë gjasa mund ta ketë mbyllur edicionin. Terri është një lojtar i lirë dhe mund të nënshkruajë pa problem me skuadrën e re. Sigurisht që Spartaku merr një emër të madh të futbollit anglez dhe me shumë eksperiencë, por mosha sërish lë vend për pikëpyetje.