terheqja

“17 vjeç s’do besoja asgjë”, tërhiqet nga futbolli “gjiganti” anglez

Sport Ekspres — Fri, 12 Jul 2019 10:42:38 +0000

Pitër Krauç ka vendosur të varë këpucët në gozhdë. Sulmuesi i njohur anglez ka publikuar në rrjetet sociale vendimin e tij për t’u tërhequr nga futbolli i luajtur në moshën 38-vjeçare.

Në janar la Stoken për t’u transferuar të Bërnlei. Kontrata i përfundon dhe gjiganti i repartit ofensiv vendosi t’i thotë stop. Liverpuli dhe Totenhemi ishin kulmet e tij në karrierë, ndërkohë që shënoi 22 gola në 42 ndeshje të zhvilluara me kombëtaren angleze.

“Pas shumë diskutimeve vendosa të tërhiqem nga futbolli. Loja jona e mrekullueshme më ka dhuruar gjithçka. Jam mirënjohës ndaj gjithkujt që më ka ndihmuar të mbërrij dhe të qëndroj për kaq shumë kohë.

Nëse do të më thoshit në moshën 17-vjeçare që do të luaja në Botëror, në një finale Champions Lige, do të fitoja FA Cup dhe do të shënoja mbi 100 gola në Premier Ligë, nuk do e kisha besuar. Ka qenë një ëndërr e kthyer në realitet“, theksoi Krauç në postimin e bërë.

735 ndeshje zyrtare zhvilloi Krauç në karrierën e tij, gjatë të cilave shënoi 208 gola, 108 prej tyre në Premier Ligë.

After a lot of deliberation this summer I have decided to retire from football !
Our wonderful game has given me everything.
I’m so thankful to everyone who helped me get there and to help me stay there for so long. X

— Peter Crouch (@petercrouch) July 12, 2019

If you told me at 17 I’d play in World Cups , get to a champions league final , win the Fa cup and get 100 @premierleague goals I would have avoided you at all costs.
It’s been an absolute dream come true ?

— Peter Crouch (@petercrouch) July 12, 2019

Zyrtare: Një bomber më pak, tërhiqet braziliani i Benfikës

Sport Ekspres — Tue, 09 Jul 2019 21:09:12 +0000

Veterani 35-vjeçar i Benfikës, Jonas Oliveira i ka dhënë fund karrierës së tij futbollistike. Sulmuesi brazilian, i cili më parë ka qenë pjesë e ekipeve si Santos e Gremio në kampionatin brazilian, por edhe ekipeve europiane si Valencia e Benfika, numëron 586 ndeshje të luajtura, nga të cilat ka shënuar 297 gola.

I transferuar nga Valencia ne vitin 2014, sulmuesi i njohur ka qenë pjesë e portugezëve të Benfikës për plot 5 sezone radhazi. Ekip ky ku ka fituar edhe pjesën më të madhe të trofeve, të cilët janë jo pak, por plot 12 të tillë në karrierë. Gjithashtu, ai arriti të shpallej për dy sezone golashënuesi më i mirë i Premier Liges portugeze.

Përkatësisht në sezonet 2015-2016 dhe 2017-2018, Jonas numëron edhe 12 ndeshje të luajtura me kombëtaren e Brazilit, ku edhe ka shënuar 3 gola. Një karrierë e pasur dhe e gjatë kjo, por çdo gjë e ka një fund.

Mirënjohja e Vllaznisë: Ditë e veçantë, krenar për Hamdi Salihin

Sport Ekspres — Sat, 30 Mar 2019 13:27:47 +0000

Hamdi Salihi vendosi t’i japë fund karrierës fantastike që ka zhvilluar. Shkodrani 35-vjeçari i emocionoi të gjithë me letrën e shkruar, aty ku bënte publik vendimin e marrë.

Të shumta ishin komentet falënderuese për bomberin e golave të mrekullueshëm, ndërsa së fundmi ka ardhur edhe reagimi i klubit të Vllaznisë, klubi i qytetit dhe aty ku u rrit Hamdiu.

Deklarata e klubit të Vllaznisë

“MIRËNJOHJE PËR HAMDI SALIHIN

Dita e sotme do të jetë shumë e veçantë për sulmuesin shkodran Hamdi Salihi. Ka vendosur t’i japë fund karrierës si futbollist, një karrierë kjo shumë e suksesshme e cila e ka bërë atë një nga lojtarët më të njohur në vendin tonë por edhe të kombëtares shqiptare.

KF Vllaznia padyshim që është krenar sepse Salihi është rritur dhe formuar si futbollist pikërisht pranë tij dhe po ashtu, ai ka dhënë kontributin e tij për fanellën kuqeblu me lojën dhe golat e shumtë në sezonet 2002-2004.

Mirënjohje për atë çfarë ke dhënë për klubin tonë, por edhe kudo ku ke luajtur tjetër sepse ke përfaqësuar me dinjitet futbollin shkodran!

Tërhiqet nga kampionati, klubi i Kevitan konfirmon gjithçka

Sport Ekspres — Thu, 24 Jan 2019 18:08:03 +0000

Probleme të shumta me fushat stërvitore, me ndeshjet e humbura në tavolinë dhe me vonesa financiare, klubi i Kevitan ka vendosur që të tërhiqet përfundimisht nga futbolli shqiptar sa i takon sezonit 2018-19. Kryeqytetasit kanë njoftuar gjithçka sot në faqen tyre zyrtare në “Twitter”, ku kanë shpjeguar arsyet e kësaj tërheqjeje nga futbolli, si dhe pranuan se do të rikthehen në fillimin e sezonit pasardhës.

Njoftimi i klubit:

“2018 ishte një vit shumë i vështirë për Kevitan, me një numër problemesh që çuan në tërheqjen e klubit nga grupi A i Kategorise së Dytë, probleme me fushen e stervitjes, ndeshjet e humbura në tavolinë dhe gjithashtu disa probleme menaxhimi.

Grupi i ri i trajnereve dhe manaxhimi nuk arritën të rimëkëmbnin një sezon që kishte filluar me qëllimet më të mira. Pas analizimit të gjithë kësaj situate, partnerët morën vendimin e tërheqjes nga kampionati. Por FC Kevitan nuk është zhdukur! Klubi do të kthehet për të luajtur në fushat shqiptare në sezonin 2019/2020 i cili do të jetë, me shpresë, sezoni i ringjalljes. Ky Klub është një realitet i futbollit shqiptar dhe i futbollit në Tiranë në veçanti.

Angazhimi do të jetë edhe më i madh për të gjithë. Qëllimi i Kevitan nuk është vetëm Kategoria Superior, por dhe praktikimi i një futbolli të mirë, mbështetja e pasionit për këtë sport duke besuar në vlerat e tij të shëndetshme. ”

Artan Singa FC KEVITAN