Çyrbja, i ardhur këtë merkato nga skuadra e Kukësit, arriti të gjejë golin e parë me fanellën e Teutës. Mesfushorit anësor iu deshën vetëm 15 minuta për të gjetur rrjetën e parë. Në minutën e 64’, është Beqja ai që shënon golin e dytë për Teutën, ndërsa 3 minuta më vonë, shënon dhe sulmuesi Nikaç.

Goli i fundit për “Djemtë e Detit” do të mbante firmën e sulmuesit të talentuar, Lorenco Vila, i cili do të gjente rrjetën në minutën e 77-të të takimit.

Miqësore, “Niko Dovana”

Teuta – Tërbuni  4-2
Çyrbja 15’, Beqja 64’, Nikaç 67’, Vila 77’

Karepi dhe një dopietë e Mziut i kanë dhënë fitoren e pastër Burrelit. Tërbuni dhe Turbina janë ndarë në barazim 1-1, me Sushin që ka shënuar për Tërbunin. Ndërsa Laçi, i drejtuar nga Sulejman Starova, ka fituar 2-1 përballë Laçit B, në testin miqësor mes tyre.

Kastrioti – Burreli  0-3
Shënues: Karepi 37′, Mziu 68′, 79′

Laçi – Laçi B  2-1
Nuabueze x2 / Turkaj

Tërbuni – Turbina  1-1
Shënues: Sushi

Merkato mbetet e hapur, por ndërkohë edhe përgatitjet vijojnë normalisht. Për trajnerin Bledi Shkëmbi dhe stafin e tij janë të rëndësishme ndeshjet miqësore dhe të shtunën është programuar një e tillë.

Klubi durrsak njofton se prej orës 18:00 zhvillohet një ndeshje testuese me Tërbunin. Kjo përballje është planifikuar të zhvillohet në stadiumin “Niko Dovana” të qytetit të Durrësit.

https://www.facebook.com/59064889461/posts/10157397570179462/

Golat për skuadrën e Tërbunit janë shënuar nga sulmuesit Aldo Selenica dhe Redi Veriu, të dy këta futbollistë të dalë nga akademia e klubit të Tiranës, që kanë zgjedhur të hedhin hapat e parë në futbollin profesionist në ekipin e drejtuar nga Oltion Kërnaja.

Trajneri i pukjanëve ka vlerësuar paraqitjen e lojtarëve të ardhur në merkaton verore: “Po tregojnë se kanë cilësi dhe uri. Jam i kënaqur, sidomos nga Veriu, i cili edhe sot tregoi sa vlen, edhe pse doli para kohe për dëmtim. Jemi në rrugën e duhur, skuadra po sillet gjithnjë e më mirë dhe fizikisht do të arrijmë maksimumin në momentin e duhur, para fillimit të kampionatit”.

MIQËSORE
Tërbuni 2 – 0 Burreli
Shënues: Selenica, Veriu

Tërbuni: Roxher, Myrta, Hithi, Zagani, Metani, Saliaj, Mezini, Çangu, Tabaku, Veriu, Doda

U aktivizuan: Hasa, Kumanova, Zhivanaj, Selenica, Meshaj, Palushi, Merdini

Bëhet fjalë për tre futbollistë të cilët kanë qenë pjesë e akademisë së Tiranës. Sulmuesit Redi Veriu e Aldo Selenica dhe mesfushori Serxhio Tabaku. Të tre futbollistët janë të datëlindjes së vitit 2000. Në mungesë të një kontrate nga ekipi i parë Tiranës, ka përfituar Tërbuni, që ka mirëpritur në gjirin e vetë të tre lojtarët.

Sulmuesi Veriu ka qenë një ndër lojtarët më të dalluar të grupmoshave të Tiranës ndër vite, ku vitin e kaluar ishte mbajti shiritin e kapitenit tek ekipi U19. Kolegu i tij në sulm Selenica është aktivizuar më shumti në krahët e sulmit, ndërsa në të shkuarën ka qenë në provë në akademinë  e PSG-së. Të dy sulmuesit ka qenë pjesë e grumbullimeve grupmoshave U17 dhe U19 të Shqipërisë. Mesfushori shtatshkurtër Tabaku ka qenë edhe ai një titullar i rregullt me ekipin U19 të Tiranës.

Për SportEkspres.com, vetë mbrojtësi Zhivanaj e pranon se ende nuk ka nënshkruar kontratë me Tërbunin, por këtë javë mund ta mbyllë. “Kam biseduar me drejtuesit e Tërbunit dhe ditë më parë parimisht kam rënë dakord. Këtë javë besoj se do firmos, edhe pse gjatë kësaj periudhe kisha dy oferta të tjera nga skuadra të Kategorisë së Parë, që pretendojnë ngjitjen në Kategorinë Superiore. Tërbuni më duket zgjedhja e duhur”.

Mbrojtësi Realf Zhivanaj u bashkua me Vorën gjatë merkatos së janarit, pas një përvoje një vjeçare në New Jork të Shteteve të Bashkuara të Amerikës, me skuadrën Saint Francis të Divizionit të Dytë të Universiteteve.

Ai ka qenë pjesë e U 19 të Tiranës dhe me Tirana B, ndërsa në sezonin 2016-2017 me Tiranën. Qendërmbrojtës u aktivizua nga trajneri Ze Maria gjatë miqësoreve verën e shkuar dhe mori vlerësime nga trajneri brazilian, por Zhivanaj u zhvendos më pas në SHBA.

Tërbuni këtë sezon luan në Kategorinë e Parë dhe me angazhimin e drejtuesve të klubit e të Bashkisë kanë afruar emra futbollistësh me perspektivë.

AGRON KAJA

Për SportEkspres.com, Hasa deklaroi se e bindi projekti i Tërbunit: “Nga Turbina u largova sepse më joshi projekti që ka skuadra e Tërbunit për këtë sezon. Objektivat janë shumë ambiciozë, ndaj edhe unë zgjodha që këtë sezon të vesh fanelën pukjane, duke shpresuar se synimi për Superioren do bëhet realitet”.

Ndërsa për Turbinën, Hasa deklaron se pritja e gjatë në këtë start të ri nuk mund të neglizhohej prej tij: “Skuadra e Turbinës po vonohej në organizimin e saj për këtë sezon dhe unë brenda logjikës profesioniste mendova lëvizjen. Në Cërrik kam kaluar një sezon shumë të bukur dhe të vështirë, por tashmë flas si ‘pukjan’ Më duhet të jap më të mirën në skuadrën e re, pasi ky do jetë një sezon shumë i vështirë për gjithë skuadrat e Kategorisë së Parë”.

AGRON KAJA

“Ne po lëvizim në qetësi gjatë kësaj merkatoje, duke parë mundësitë tona, për të qenë edhe më konkretë për nevojat që skuadra ka. Përveç afrimeve që janë bërë gjatë muajit qershor, me Hysenin, Çangun e Zhivanaj, të martën e kemi mbyllur edhe me mesfushorin-sulmues nga Prizreni, Granit Osmanollaj. Ai vjen nga Liria e Prizrenit, por në sezonin 2017-2018 ka qenë pjesë e Tërbunit”, deklaroi fillimisht trajneri Kërnaja.

Tekniku tropojan thekson se merkato nuk është mbyllur dhe deri në datën 15 korrik Tërbuni do ketë të tjera përforcime. “Nuk e mendojmë të mbyllur merkaton, edhe pse në ekip kemi lojtarë shumë cilësorë. Para datës 15 korrik, që do të nisim përgatitjet, ne do të bëjmë edhe katër përforcime të tjera. Duke e kompletuar skuadrën, do nisim disa ditë përgatitje në Tiranë, më pas kampingu stërvitor do jetë në Pukë”.

AGRON KAJA

Kështu, “SportEkspres.com” mëson se Tërbuni ka gjetur gjuhën e përbashkët me shumë nga titullarët e sezonit të fundit, si Saliaj, Mezini, Isaraj, Zagani, Hithi, Metani, Dodaj, Myrta  e Taku.

Në ditët e ardhshme pritet rinovimi me Baçin, Kumanovën e Merdinin, ndërkohë që kanë nisur edhe përforcimet, sepse mesfushorët Majkël Peçi (ish-Kamza), Klaudio Hyseni (ish-Burreli) e Dejvis Çangu (ish-Elbasani) kanë gjetur marrëveshjen tashmë me pukjanët.

Trajneri Kërnaja shprehet: “Jemi në rrugën e duhur, gjithçka po ecën sipas planit. Deri javën e ardhshme do të mbyllim bisedimet me një portier, dy mbrojtës dhe disa lojtarë për pjesën ofensive, emrat e të cilëve natyrisht nuk i zbuloj dot pa firmosur, por janë lojtarë me eksperiencë në Superiore. Besojmë se Tërbuni do jetë bukuria e këtij sezoni, sepse po punojmë me shumë seriozitet”.

Këtë e konfirmon për SportEkspres.com vetë Sekretari i klubit të Tërbunit, Dritan Frroku. “Sapo kemi mbyllur projektin e sezonit të ri. Së pari Bashkia e kryetari Gjon Gjoni na kanë garantuar një fond pa limit për merkaton, fazën përgatitore dhe përgatitjet e tjera. Ne do përqendrohemi kryesisht në Tiranë pas datës 10 korrik, kurse më pas do udhëtojmë në Pogradec.

Përgatitjet do t’i mbyllim këtu në Pukë, me një program që stafi teknik mendoj se e ka detajuar mirë”, shprehet Frroku. Ndërkohë, për emrat në merkato dhe ku po përqendrohet Tërbuni në këtë periudhë, Frroku deklaron:

“Kam marrë përsipër të drejtoj merkaton e Tërbunit. Së bashku me stafin teknik kemi projektuar disa futbollistë nga Kategoria e Parë. Në fokus kemi dy mbrojtës, dy mesfushorë e dy sulmues, të gjithë cilësorë, jo sportistë që nuk bëjnë diferencën. Emrat e tyre do t’i zyrtarizojmë në fillimin e muajit korrik”.

AGRON KAJA

Për SportEkspres.com, trajneri Kërnaja deklaron se mbi 80% e skuadrës që luajti sezonin e kaluar në Kategorinë e Dytë, do jetë baza për sezonin e ri. “Mbyllëm një sezon shumë të mirë dhe baza e skuadrës do të jetë po ajo, por në 80% të saj. Sepse ngjitja në Kategorinë e Parë kërkon elementë cilësorë, ku për ne nevojiten përforcime në mbrojtje, mesfushë e sulm. Bisedimet me lojtarë të veçantë ne i kemi filluar dhe me dy prej tyre i mbyllim marrëveshjet këtë javë”.

Referuar motit të nxehtë dhe me temperatura të larta, tekniku i Tërbunit deklaron se përgatitjet do të nisin më 16 korrik, të ndara mes Tiranës dhe Pukës. “Më 16 korrik do nisim përgatitjet për sezonin e ri dhe hapësira përgatitore është e përshtatshme. Kemi menduar që ta shtrijmë mes përgatitjeve dy javore në Tiranë, dhe pjesën tjetër në Pukë. Kemi mbështetjen e klubit dhe të Bashkisë për gjithçka dhe besoj se do shkojë mirë”.

AGRON KAJA

Megjithatë, drama e vërtetë nisi më pas, sepse në fund të sezonit 2017/18 Tërbuni zbriti edhe nga Kategoria e Parë, duke paguar shtrenjtë punën e dobët në ndërtimin e skuadrës, problemet e brendshme dhe krizën financiare. Gjithsesi, verën e shkuar drejtuesit e bashkisë Pukë dhe shefi i klubit Dritan Frroku vendosën të rinisnin gjithçka dhe të ndërtonin një ekip të denjë për t’u kthye menjëherë në Kategorinë e Parë.

Drejtimin e skuadrës e mori Oltjon Kërnaja, i cili është vetëm 30 vjeç dhe ndoshta është parë me mosbesim, por prej disa vitesh është në botën e trajningut dhe ka treguar se është personi i duhur për të bërë trajnerin, por pse jo edhe menaxherin e modelit anglez, sepse praktikisht ka qenë ai që ka bërë ‘krasitjen’ dhe më pas ka përforcuar skuadrën, duke qenë një njohës i mirë i futbollit të kategorive të ulëta, ku ka luajtur deri në momentin që la futbollin para kohe.

Për “SportEkspres.com” Kërnaja ka treguar rrugëtimin e tij dhe të Tërbunit, luftën në fushë e jashtë saj, mbylljen me trofe dhe planet e së ardhmes.

Kërnaja, për herë të parë një sezon i plotë në dispozicion si trajner dhe misioni është kompletuar 100% me sukses. E mendoje të tillë, kur more drejtimin vjet?

Te Tërbuni nuk jam një emër i ri, është shtëpia ime praktikisht dhe e dija mirë çfarë më priste. Që verën e shkuar vendosëm të ndërtonim një skuadër të fortë, por mbi të gjitha synuam të harronim një herë e mirë problemet financiare, për të mos pasur asnjë shqetësim deri në mbyllje të sezonit.

Sa ka kushtuar financiarisht ky sezon dhe sa është mesatarja në Kategorinë e Dytë?

Tërbuni ka shpenzuar pak më shumë se 100 milionë lekë të vjetra këtë sezon. Është një shifër e madhe, por disa klube kanë shpenzuar më shumë se ne. Ka edhe klube që me zor shpenzojnë gjysmën e kësaj shifre.

Kategoria e Dytë është jashtë vëmendjes, por në çfarë niveli është realisht aty futbolli?

Disa skuadra, si Tërbuni, kanë lojtarë cilësorë, sepse verën e shkuar dhe në janar afruam lojtarë me eksperiencë në kategori më të larta. Megjithatë, në shumë ekipe niveli është i ulët, shumë, thuajse amator. Është për të ardhur keq, sepse një buxhet si i yni nuk është i paarritshëm për thuajse të gjitha klubet, por problemi është te menaxhimi, serioziteti, planifikimi.

Çdo të thotë të punosh në Pukë, në një qytet që nuk shquhet për futboll dhe është i ndëshkuar nga të qenit shumë larg kryeqytetit?

E vërtetë, është e vështirë, shumë. Lojtarët nuk jetojnë dot në Pukë, ndaj nuk shkojmë dot përditë aty për stërvitje. Mblidhemi në Tiranë, stërvitemi, shkojmë në Pukë për ndeshje. Tifozët na kanë qëndruar shumë pranë, edhe në transferta, por mediatikisht natyrisht jemi të lënë në hije, jo vetëm këtë sezon, por edhe kur ishim në Kategorinë e Parë. E kuptojmë që jemi larg, por mbulimi mediatik dhe televiziv të paktën në Kategorinë e Parë duhet më i ekuilibruar, nuk mund të transmetohen çdo javë 3-4 ekipe.

Shpesh ka ankesa ndaj FSHF-së, për shumë gjëra. Realisht, ku mendoni se ka defekte?

Ankesa ka plot, disa janë të drejta e disa janë absurde. Klubet ankohen për mungesë vëmendjeje nga FSHF, por vetë klubet nuk kanë pikë organizimi dhe nuk lexojnë asnjë rregullore. Të gjithë kërkojnë që sezoni të fillojë sa më vonë, në tetor mundësisht, sepse kujtohen të kërkojnë lojtarë në shtator. Askush nuk i diskuton vendimet që merren, pastaj kujtohen rrugës.

Po ju, a jeni ankuar ndonjëherë konkretisht?

Që në fillim, verën e shkuar, kur u hodh shorti i Kategorisë së Dytë, donim të dinim si do procedohej me lojtarët e huaj, si do procedohej me lojtarët e ekipeve B, si Partizani e Vllaznia. Asnjë drejtues nuk donte t’ia dinte, të gjithë prisnin të hidhej shorti e të iknin, ndërsa ankesat dalin më vonë, disa muaj pas fillimit të kampionatit.

Meqë ra fjala tek të huajt, para pak javësh keni luajtur kundër Partizanit B, por në fushë ishin Atanda, Rexhepi e disa të tjerë nga ekipi A.

Edhe kjo ishte diçka absurde. Tërbunit nuk i lejohet të federojë lojtarë jashtë rrethit të vet, Partizani B luan me lojtarë të huaj kur ka nevojë! Ishte një nga ankesat që kishim verën e shkuar, por nuk na dëgjoi askush. Gjithsesi, interesante është se ekipet B nuk përfituan fare nga përforcimet nga ekipi i parë. Sa herë kemi luajtur kundër tyre, e kemi pasur më lehtë kur në fushë kanë qenë përforcimet.

Na thoni një moment të çuditshëm, apo komik, nga sezoni që lamë pas…

Të them të drejtën, Kategoria e Dytë është një minierë momentesh komike, sheh shumë gjëra absurde. Më kujtohet kur prisnim Tiranën B dhe bardheblutë vendosën të mos paraqiteshin fare në Pukë, për të mos shpenzuar kot. Ne e dinim, Tirana kishte njoftuar zyrtarisht edhe Federatën. Mirë do ishte të mos shkonim as ne, por FSHF ka kërkoi që të paraqiteshim rregullisht në fushë, për të qëndruar pak minuta sa të kryhej rituali nga zyrtarët e ndeshjes. Për të respektuar protokollin, u detyruam të udhëtojmë për në Pukë dhe të shpenzojmë 1 milionë lek, e kuptoni çfarë shifre është?

Sezoni i ardhshëm në Kategorinë e Parë. Cili është plani?

Së shpejti do të takohemi me drejtuesit e klubit dhe natyrisht besoj se do të kemi të njëjtin bashkëpunim si deri tani, sepse ka qenë gjithçka perfekte. Jemi ndër klubet më korrekte në aspektin financiar dhe nuk është pak, ndaj mund të bëjmë gjëra të mira, sepse futbollistët cilësorë afrohen më lehtë kur ka garanci financiare. Natyrisht duhet një buxhet më i madh, duhen edhe 5-6 lojtarë, sepse Kategoria e Parë është shumë më e vështirë se e dyta. Në mendje i kam gjërat të qarta, synimi është t’i bëjmë realitet në kohën e duhur.

Juglindorët dolën të parët në avantazh. Një goditja nga një largësi e konsiderueshme e Nallbatit i dha avantazhin skuadrës së drejtuar nga Stavri Nica. Kur Devolli po bëhej gati të festonte, vetëm dy minuta para fundit, Tërbuni befason duke barazuar shifrat me anë të Metanit.

Dy periudhat e kohës shtesë përfunduan pa gola dhe skuadrat iu drejtuan goditjeve të 11-metërshave për të vendosur fituesin. Pukjanët u treguan më të saktë duke mos shpërdoruar asnjë prej katër penalltive të tyre, ndërsa lojtarët e Devollit gabuan në dy prej tyre duke mos arritur të shënjestrojnë  portën.

Tërbuni 1 – 1 Devolli
Shënues: Metani 90+1 / Nallbati 65’

11-metërshat
4 – 1

Sot Tërbuni do të përballet në finalen e Kategorisë së Dytë me Devollin, në një sfidë mjaft interesante, sepse edhe devollinjtë kanë zhvilluar një kampionat perfekt, duke triumfuar pas një dueli të bukur me Shkumbinin.

Edhe pse në teori është një finale kryesisht për prestigj, të dyja skuadrat e kanë marrë shumë seriozisht dhe bashkia Pukë është e vendosur të fitojë trofeun, duke premtuar edhe premio.

Nga burime në bashki mësohet se Tërbunit i është premtuar një premio prej 15 milionë lekësh në rast suksesi ndaj Devollit.

Për këtë arsye, sfida në Shijak merr përmasa të mëdha dhe nuk është më thjesht një miqësore fundsezoni.

Në Grupin B, Luzi 2008 arriti të merrte vendin e dytë falë fitores 3 – 0 ndaj Adës së Velipojës. Këtë vit në ndryshim nga vitet e tjera, ekipet humbëse të fazës “Play-Off” do t’u jepet një shans i dytë për t’u ngjitur në të parën, kjo falë dënimit të Kamzës që do të luajë sezonin tjetër në Kategorinë e Dytë.

GRUPI A

Partizani B 2 – 1 Internacional
Luzi 2008 3 – 0 Ada
Kukësi B 1 – 2 Gramshi
Sopoti 4 – 2 Tërbuni
Vllaznia B 3 – 4 Tirana B

GRUPI B

Maliqi 2 – 2 Skrapari
Delvina 1 – 2 Albpetrol
Naftëtari  3 – 2 Memaliaj
Këlcyra  2 – 2 Gramozi
Devolli 4 – 1 Tepelena

Megjithatë, matematika nuk është dakord me pukjanët, sepse në dy ndeshjet e mbetura të serzonit, kundër Vllaznisë B dhe Sopotit, duhet një pikë për të qenë zyrtarisht në të Parën.

Për këtë arsye, sfida e fundjavës në Pukë merr rëndësi të veçantë, jo vetëm se është ndeshja e fundit shtëpiake për këtë sezon, por edhe sepse synohet mbyllja me festë, që do të ishte edhe një hakmarrje e vogël.

Në 9 dhjetor në Shkodër Vllaznia B fitonte 2-1 dhe i shkaktonte Tërbunit humbjen e vetme deri tani në kampionat, në një moment kur kreu dukej i sigurt.

Pikërisht ajo disfatë djeg ende në Pukë dhe trajneri Oltijon Kërnaja për “SportEkspres.com” deklaron: “Të ngjitur në Kategorinë e Parë nuk jemi ende matematikisht, ndaj duhet ta vlerësojmë në maksimum ndeshjen e fundjavës. Normalisht, ka eufori në skuadër, sepse po mbyllim një sezon fantastik, ku kishim disa rivalë në garën për kreun dhe vështirësitë shtoheshin.

“Megjithatë, është momenti i së vërtetës dhe nuk mund të hedhim poshtë një sezon të tërë. Ndaj Vllaznisë B nuk e shohim si ndonjë hakmarrje, është thjesht futboll dhe ata na mundën në Shkodër, por natyrisht luajmë në shtëpi dhe duhet të tregojmë se nuk jemi inferiorë ndaj askujt, as ndaj ekipve B, që shpesh luajnë me lojtarë të ekipit të parë. Përkundrazi, me ekipe të përforcuar, si na ndodhi me Partizanin B, skuadra përqendrohet dhe jep edhe më shumë se zakonisht“.

Një fitore është detyrim edhe për tifozët, sepse në Pukë do të jetë një atmosferë fantastike: “Ua kemi borxh tifozëve një fitore, si mbyllje për një sezon që duhet konsideruar si kalimtar dhe nuk duhet përsëritur më, sepse Tërbuni duhet të mësohet me idenë që nuk mund të zbresë më në Kategorinë e Dytë. Mentaliteti është kryesori në futboll dhe lojtarët e tifozët duhet të kenë ambicien për më lart, natyrisht nëpërmjet rezultateve dhe lojës në fushë. Jam i sigurt se në fundjavë stadiumi do të jetë i mbushur, do të mundohemi t’i falënderojmë me fitore“.

Në 20 ndeshje të zhvilluara deri më tani, skuadra e drejtuar nga Oltion Kërnaja  regjistroi 14 fitore,     pesë barazime dhe vetëm një humbje. Rivaliteti nuk mungoi në këtë edicion, ku për kreun sëbashku me Tërbunin ishin në garë Luzi, Partizani B, Sopoti dhe Gramshi.

Zhvendosemi në Grupin B, ku llogaritë për vendin e parë janë ende të hapura dy ndeshje para përfundimit të kampionatit. Devolli kryesues mundi 4 – 1 Memaliajn dhe mban në një pikë diferencën me Shkumbinin, që ditën e sotme regjistroi një fitore me shifra 3 – 0 ndaj Skraparit.

Kategoria e Dytë

Grupi A

Luzi 5 – 1 Internacional
Tirana B 0 – 1 Tërbuni
Vllaznia B 2 – 1 Gramshi

Grupi B

Maliqi 3 – 2 Delvina
Shkumbini 3 – 0 Skrapari
Naftëtari 0 – 1 Albpetrol
Devolli 4 – 1 Memaliaj

Ekipi B, që zakonisht luan me U23, këtë radhë ishte përforcuar frikshëm, me Xhikën në portë, Rexhepin dhe Atandën në qendër të mbrojtjes, Kote dhe Jaiteh në mesfushë, Lukas Kardozo në sulm.

Një ekip i frikshëm në letër, por Tërbuni e dominoi ndeshjen, duke dalë i dëshpëruar nga fusha për barazimin pa gola, që gjithsesi nuk ia rrezikon kreun, sepse ka 4 pikë avantazh nga Gramshi e Partizani B, me 3 ndeshje të mbetura (2 për Partizanin B, që është praktikisht jashtë gare).

Ajo që bën përshtypje është rregullorja skandaloze e Federatës Shqiptare të Futbollit: në Kategorinë e Dytë ndalohen të huajt dhe asnjë klub nuk mund të federojë futbollistëme pasaportizim jashtë rrethit të vet!

Kjo rregullore nuk funksionon për ekipet B, sepse Partizani mund të hedhë në fushë kë të dojë, mjafton të mos ketë luajtur 48 orë më parë me ekipin e parë. Absurditet tjetër është edhe fakti se çdo i pezulluar i ekipit të parë te Partizani luan pa problem në ekipin B, skandal i paparë, po të mendosh që pezullimi i një futbollisti mbartet edhe nga një kampionat në tjetrin, në çdo vend të botës.

Në Pukë nuk duan ta bëjnë të madhe, ndoshta ndikuar edhe nga renditja mjaft e mirë, por trajneri Oltijon Kërnaja me ironi shprehet: “Ekipet e Kategorisë së Dytë bëjnë mirë të ndërrojnë emër sezonin e ardhshëm dhe të bëhen ekipet B të Tiranës, Skënderbeut e kështu me radhë, në mënyrë që çdo fundjavë të marrin 3-4 emra nga ekipi i parë. Klubet që nuk e bëjnë këtë, luftojnë si ne, me armë të pabarabarta. Nuk është normale që gjithë Tërbuni të paguhet sa 2 lojtarë të Partizanit A dhe ata vijnë me 5 lojtarë nga ekipi i parë, lojtarë që i ëndërron çdo ekip në Superiore”.

Ekipi rezervë i të kuqve regjistroi një fitore me shifrat 2 – 0 ndaj Luzit. Ndeshja e tjetër e Grupit A midis Vllaznisë B dhe Adës u fitua nga vendasit të cilët morën tri pikët falë një goli në limite të Millës.

GRUPI A

Tërbuni 2 – 0 Gramshi
Shënues: Myrta 11’, Taku 18’

Partizani B 2 – 0 Luzi
Shënues: Hasa 21’ (pen), 40’

Vllaznia B 3 – 2 Ada
Shënues: Hoxha 35’ (pen), Shema 48’, Milla 90+4 / Frruku 20’, Koçeku 70’

Shkumbini dhe Devolli vazhdojë ecurinë e fitoreve. Peqinasit kanë marrë tri pikë arta falë fitores 1 – 0 në transfertë me Maliqin dhe mbajnë distancën nga vendi i dytë me një pikë diferencë nga ekipi juglindor. Skuadra e drejtuar Artan Bano mbeti me 10 lojtarë gjatë pjesës së parë, por përsëri ia doli të merrte tri pikët. Për të festuar rikthimin në të Kategorinë e Parë, Shkumbinit i duhet të fitojë edhe tri ndeshjet e mbetura ndaj Delvinës, Skraparit dhe Albpetrolit.

GRUPI B

Maliqi 0 – 1 Shkumbini
Shënues: Byzhiti 31’

Këlcyra 3 – 1 Skrapari
Shënues: Këndella 57’, Boni 60’, Mahmutaj 90+1’ / Guri 37

Devolli 1 – 0 Albpetrol
Shënues: Rapo 66’

Butrinti 3 – 1 Memaliaj
Shënues: Bazajo 6’, Llojaj 60’, Grami 70’ / Kodhelaj

E veçanta e këtij sezoni është se në të dy grupet kanë qenë më shumë se dy ekipe në garë, çka ka shmangur jo pak llogari, aleanca e tolerime. Në grupin A janë 4 skuadra në harkun e 4 pikëve dhe për momentin “trenin” e tërheq Tërbuni, që a zhvilluar një sezon spektakolar, me vetëm një humbje në 17 ndeshje dhe me një vazhdimësi të admirueshme. Lojë sulmuese, gola pa fund sidomos pas përforcimeve të janarit dhe tashmë kryesim me dy pikë më shumë se Luzi dhe 3 se Gramshi.

Pikërisht Gramshi viziton Tërbunin këtë të diel dhe për të dyja palët është ndeshja e sezonit, sepse kush fiton, me shumë gjasa ngjitet direkt në Kategorinë e Parë, ndërsa barazimi bën lëmsh edhe më keq renditjen.Për “SportEkspres.com”, shefi i klubit te Tërbuni, Dritan Frroku, flet për sfidën e nesërme, por edhe për të ardhmen, sepse pukjanët duan t’i bëjnë gjërat si duhet nëse ashtu si pritet, shkojnë një kategori më lart.

“Kemi lëshuar vetëm një pikë në shtëpi, por nuk do të thotë që jemi skuadër fushe, sepse edhe në transfertë djemtë janë sjellë në mënyrë perfekte, përtej humbjes në Shkodër. Jemi të kënaqur nga ky sezon, trajneri Olti Kërnaja dhe ndihmësi i tij Ergys Neziri kanë bërë një punë shumë të mirë verën e shkuar, kur situata ishte vërtet e keqe, për shkak të rënies nga kategoria dhe depresionit në ambient. Tashmë ky vit ‘purgatori’ na ka shërbyer në çdo drejtim dhe jam i bindur se do të fitojmë ndaj Gramshit, duke hedhur një hap gjigant drejt ngjitjes”, deklaron Frroku, i cili flet edhe për kundërshtarët.

“Realisht vetëm ndaj Luzit në shtëpi kemi gabuar, sepse duhej ta fitonim edhe atë ndeshje, por kundërshtari u tregua shumë i saktë në rastet që pati, ndryshe nga ne. Me Gramshin barazuam në ndeshjen e vajtjes dhe e pamë forcën e dy ekipeve. Tani historia ndryshon, presim një stadium plot dhe i falënderojmë tifozët nga zemra, sepse këtë sezon kanë qenë një armë e fortë për të kapur dhe ruajtur kreun. Natyrisht, edhe Gramshi e Partizani B kanë zhvilluar sezon shumë të mirë dhe deri në fund kemi edhe disa beteja, por është e qartë që ndeshja kundër Gramshit ndan shumë gjëra, për të dy ekipet”.

Në rast suksesi, Kategoria e Parë pret, por duhet një Tërbun ndryshe nga ai i sezonit të shkuar: “E vërtetë, shumë gjëra shkuan keq që pas rënies nga Kategoria Superiore, për arsye të ndryshme. Megjithatë, tashmë kemi ndryshuar për mirë, klubi është i organizuar dhe lojtarët trajtohen si profesionistë. Kemi bërë edhe përforcime dhe skuadra është e re në moshë, ndaj synojmë që me këtë grup të vijojmë gjatë, pa bërë revolucione, si ndodh rëndom kur ekipet ngjiten një kategori më lart. Stadiumi është në gjendje shumë të mirë, ashtu si fusha, ndaj kemi një bazë të mirë nga të nisim punën për sezonin e ardhshëm. Së pari, të ngjitemi, pastaj do të mendojmë për të ardhmen, natyrisht duke mos lënë asgjë pas dore dhe duke planifikuar gjithçka pa pritur korrikun e gushtin”.

Në Grupin B, Shkumbini kryesues dhe Devolli ndjekës kanë shmangur hapat fals. Peqinasit mundën Naftëtarin 1 – 0 galë golit të Mustafajt, ndërsa rivalët nga Bilishti fituan me të njëjtin rezultat në transfertën ndaj Skraparit.

Kategoria e Dyte

Grupi A | Java 21
E shtunë, më 13 prill, ora 16:00
Spartaku 8 – 2 Vllaznia B
Ada 2 – 3 Tirana B
Gramshi 0 – 0 Partizani B
E diel, më 14 prill, ora 16:00
Internacional 1 – 1 Sopoti
Klosi 2 – 4 Tërbuni
Luzi 2008 dhe Kukësi B pushim

Grupi B | Java 21
E diel, më 14 prill, ora 16:00
Albpetrol 1 – 0 Përmeti
Skrapari 0 – 1Devolli
Delvina 1 – 0 Këlcyra
Shkumbini 1 – 0 Naftëtari
Memaliaj 4 – 3 Tepelena
Gramozi 4 – 3 Maliqi
Butrinti pushim

Synime për Kategorinë e Parë ka dhe skuadra e Gramshit që me fitoren e sotme ndaj Klosit kap vendin e dytë të tabelës, vetëm një pikë larg Tërbunit.

Në derbin e skuadrave kryeqytetase midis Tiranës B dhe Spartakut dhe, fitues kanë dalë këta të fundit që mposhtën bardheblutë me rezultatin 2 – 1. Në Shkodër, skuadra rezervë e Vllaznisë ka marrë tri pikët në “Reshit Rusi” pas fitores ndaj Internacionalit.

Tërbuni 8 – 2 Ada
Shënues: Kumanova 10’, 50’,Kita 17’ 77’, F.Prendi 44’ 48’ (pen), 57’, Palushi 69’ / Hasa 76’, Pepa 79’ (pen)

Vllaznia B 1 – 0 Internacional
Shënues: Palushani 23’

Tirana 1 – 2 Spartaku
Shënues: Cikani 68’ / Jonuzaj 5’, Hyska 22’ (pen)

Gramshi 1 – 0 Klosi
Shënues: Baku 85’

Trajneri Oltion Kërnaja, për SportEkspres.com, deklaron se pukjanët kanë mundësinë të marrin kryesimin dhe në këtë mënyrë do të formatohet edhe renditja reale në grupin A të Kategorisë së Dytë.

“Ne jemi dy ndeshje më pak se dy kryesuesit e grupit tonë dhe fitorja ndaj Adës na afron më shumë me Luzin e Partizanin B. Tani të gjitha skuadrat janë bërë të vështira, sepse e kemi kaluar gjysmën e sezonit dhe është periudha kur edhe ekipet bëjnë çmos për të realizuar objektivat e tyre. Këtë javë fillon të formatohet renditja reale në grupin tonë”, u shpreh shkurtimisht Kërnaja.

AGRON KAJA

Tërbuni dhe Partizani B kanë marrë pikët e plota në transferë.  Pukjanët ia dolën të mposhtin Spartakun me rezultatin 1-2, kurse “demat e kuq” likuiduan Klosin. Tre pikë mjaft të rëndësishme për skuadrën kryeqyetase..

Në derbin e skuadrave të kryeqytetit,  Internacionalit dhe Tiranës B, triumfues rezultuan bardheblutë me rezultatin 1 – 3. Kjo ishte fitorja e tretë sezonale për ta.

Luzi 2008 0 – 0 Sopoti
Spartaku 1 – 2 Tërbuni
Klosi 1 – 2 Partizani B
Internacional 1 – 3 Tirana B
Nesër
Ada-Gramshi

Gara për kreun mund të ishte mbyllur para kohe, nëse fitonte Tërbuni, por tashmë gjithçka mbetet e hapur dhe në lojë janë disa ekipe, përfshirë Gramshin e vendit të pestë, që duhet të rikuperojë dy ndeshje.

Në Grupin B, derbi midis Përmetit dhe Këlcyrës është fituar nga miqtë me rezultatin 2 – 2. Me këtë humbje Përmeti qëndron në vendin e fundit të tabelës me vetëm 10 pikë pas 16 javësh kampionat, po aq sa Naftëtari. Shkumbini kryesues nuk u ndal as këtë javë, teksa mundi në transfertë Tepelenën me rezultatin 3 – 0. Tani sytë e peqinasve janë nga me sytë nga takimi i ditës së nesërme midis Maliqit dhe Devollit.

Fitore të thellë regjistroi dhe Spartaku që mundi Internacionalin me rezultatin 4-0, ndërsa përballja e skuadrave B midis Partizanit dhe Vllaznisë u mbyll në barazim 2-2.

Është shtyrë për në mesjavë sfida Klosi-Luzi, pasi Klosi ka probleme: FSHF nuk e lejon të regjistrojë lojtarë nga jashtë qarkut të vet dhe ehstee qartë që një klub i vogël si Klosi nuk i prodhon dot vetë lojtarët.

Në Grupin B, skuadrat e kreut nuk kanë bërë hapa fals. Kryesuesit e Shkumbinit fituan 2-1 në transfertën e Memaliajt.

Fitore në fushë kundërshtare realizoi dhe Devolli që mundi 1-0 në Sarandë Butrintin, ndërsa skuadra e vendit të tretë Maliqi mundi bindshëm mysafirët nga Përmeti me rezultatin 4-0.

Përballje mes dy ekipesh në grupin A të Kategorisë së Dytë, por diferencat mes tyre janë të mëdha, siç shihet edhe në renditjen e grupit, sepse Tërbuni kryeson me 24 pikë në 11 ndeshje, ndërsa Klosi ka 11 pikë.

Në nëntor skuadra e drejtuar nga Oltijon Kërnaja u mjaftua me fitore 1-0 në kampionat, ndërsa sot u zbavit, duke fituar 6-2.

Meritë e sulmuesve të ardhur në merkaton e janarit, sepse Sejdini shënoi në minutën e 17-të, ndërsa pjesa e parë u mbyll 2-0 me golin e dytë shënuar nga Prendi. Në pjesën e dytë nisi spektakli personal i sulmuesit Merdini, autor i 4 golave, në minutat 49, 57, 60 e 78.

Një sinjal i fortë nga Tërbuni, që duket goxha më i fortë sesa në pjesën e parë të sezonit dhe të gjithë rivalët janë të paralajmëruar.

Skuadra kryesuese e grupit A në Kategorinë e Dytë ka luajtur sot kundër Vushtrrisë, rivali i dytë nga Kosova në pak ditë, pas përballjes së humbur 2-1 me Llapin javën e shkuar.

Sot përfundoi 1-1, në një ndeshje shumë të luftuar, aq sa disa lojtarë te Tërbunit kanë pësuar dëmtime.

Skuadra pukjane, drejtuar nga Oltijon Kërnaja dhe Ergys Neziri, shënoi në pjesën e parë me Prendin, ndërsa në pjesën e dytë erdhi barazimi i miqve, me Imerin.

Shqetësim te Tërbuni për titullarët Doda e Zagani, të dëmtuar në pjesën e parë, ndërsa në pjesën e dytë u aktivizua edhe vetë zëvendëstrajneri Neziri, i cili shënoi gol ndaj Llapit dhe duket në formë perfekte.

Miqësore 

Tërbuni – Vushtrria     1-1

Tërbuni: Xhaferri, Metani, Zagani (Lila 30′). Myrta (Roshi 60′), Doda (Prendi 13′), Kita (Gjakova 70′), Mezini (Isaraj 60′), Saliaj (Neziri 75′), Taku, Merdini, Sejdini

Skuadra e drejtuar nga Oltijon Kërnaja ka sfiduar Llapin e Podujevës në Parkun Olimpik në Durrës, një rival superior në cilësi e emra, pasi lufton për titull në Kosovë.

Fitoi Llapi 2-1, në një ndeshje të luftuar e më lojë të bukur nga të dyja ekipet.

Llapi shënoi 2 gola në pjesën e parë, me Blakçorin e Maksutin, ndërsa në pjesën e dytë Tërbuni e shtoi presionin në portën kundërshtare dhe gjeti një gol me 11-metërsh, me autor Nezirin.

Ndeshja e sotme ishte e fundit për Llapin, që do të kthehet në Podujevë për të vijuar përgatitjet për rinisjen e kampionatit, ndërsa Tërbuni do të luajë të dielën miqësoren e radhës, kundër Vushtrrisë.

Pas ndeshjes së sotme trajneri Kërnaja deklaroi për “Sport Ekspres”: “Diferencat dihen mes ekipeve, por ekipi yne u paraqit shumë mirë. Mora përgjigje pozitive nga te gjithë lojtarët. I uroj suksese dhe titullin kampion Llapit për këtë sezon, sepse ka një ekip mjaft cilësor”. 

MIQËSORE

Llapi – Tërbuni      2-1

Tërbuni: Baçi, Metani, Zagani, Myrta (Roshi 50′) , Doda, (Prendi 46′), Mezini (Neziri 46′), Saliaj, Kumanova (Kita 50′), Taku (Meshaj 60′), Merdini, Sejdini.

Një tjetër paraqitje e shkëlqyer për Tërbunin, që përtej rezultatit, bëri një figurë shumë të mirë edhe në lojë, duke krijuar raste të shumta për shënim, gjatë gjithë ndeshjes. Një sinjal i qartë se pukjanët e kanë shumë seriozisht këtë vit dhe nëse llogariten edhe dy sulmuesit e afruar në janar, Sejdini e Merdini, atëherë grupi A i Kategorisë së Dytë ka një favorit të madh tashmë.

Në sfidën e sotme u mbajt edhe një minutë zi, në nderim të ish-futbollistit të famshëm të Dinamos, Vasillaq Zëri, i ndarë nga jeta ditën e premte.

Tërbuni – Dinamo           1-0
Shënues: Metani 43′

Korabi dhe Internacionali u ndeshën ditën e sotme në një takim miqësor, që u mbyll me fitoren e dibranëve me rezultatin 2-0. Shënuesit e golave për Korabin ishin Skuka dhe Dida. Në fundjavën e ardhshme, djemtë e drejtuar nga Dorian Bubeqi do të presin në Peshkopi Veleçikun, në kuadër të takimit të javës së 15-të Kategorisë së Parë.

Korabi – Internacional        2-0
Shënues: Skuka 10′, Dida 85′

“Situata në skuadrën e Tërbunit është e mirë. Stërvitja ka vazhduar normalisht gjatë muajit janar, edhe pse kemi patur kushte të vështira atmosferike. Skuadra ka marrë ngarkesat e duhura, ndërkohë që gjatë ndeshjeve që kemi zhvilluar, kompaktësimi i lojtarëve ka qenë në nivelin që ne kërkojmë”, kështu deklaroi trajneri i skuadrës pukjane, i cili për fazën e dytë e mendon garën më të fortë, ndaj edhe synimi i tyre mbetet kreu i Grupit A.

“Faza e dytë do të jetë më e fortë, dhe nuk tërhiqemi nga objektivi ynë për të mbajtur kreun e Grupit A, ku kanë hyrë në konkurrencë 4-5 skuadra. Skuadra ka qenë në 80% e komplatuar dhe duke qenë se kishim mangësi në vijën e sulmit, sot nënshkruam me dy sulmues: Artur Sejdini dhe Erjol Merdini, për të cilët e presim këto ditë federimin me Tërbunin”.

Skuadra e Tërbunit është në krye të Grupit A në Kategorinë e Dytë me 24 pikë, i ndjekur nga Gramshi, Luzi 2008 e Partizani B me nga 23 pikë. Në ndeshjen e parë të fazës së dytë, më 17 shkurt, Tërbuni pret në Pukë Kukësin B.

AGRON KAJA

Të dy golat e kësaj ndeshjeje u shënuan nga mesfushori Saliaj, i cili është edhe lideri i ekipit të Oltijon Kërnajës. Më parë ai i ka shënuar edhe Ilirisë, në një ndeshje që u mbyll në barazim 1-1. Tërbuni më parë ka zhvilluar miqësore me Erzenin (ka fituar 4-3) dhe Vorën (ka humbur 3-1), ndërkohë që e radhës është programuar të shtunën një takim tjetër kundër Dinamos.

Në shkurt rinis kampionati dhe Tërbuni i drejtuar nga Oltijon Kërnaja ka bërë përforcime cilësore për të mos e lëshuar kreun e grupit A në Kategorinë e Dytë.

Në Pogradec është zhvilluar një tjetër takim miqësor, madje për liqenorët ishte i pari. Maliqi i Kategorisë së Dytë ishte kundërshtari dhe skuadra e Fetollarit ka fituar me rezultatin 3-1. Lame, Shkaluku dhe Saliaj ishin ata që arritën të realizonin për Pogradecin.

MIQËSORE – E mërkurë,  më 23 janar
TËRBUNI-BURRELI 2-0
Shënues: Saliaj (2)

POGRADECI 3-1 MALIQI
Shënues: Lame, Shkulaku, Ivani

Ekipi i Bledar Sinellës u paraqit mjaft mirë dhe mund të kishte shënuar në disa raste, por sulmuesit u treguan të pasaktë para “gardianit” të Kastriotit. Goli i shënuar nga Shehi mbeti në fuqi deri në fund të takimit.

MIQËSORJA TJETËR – Tërbuni, pas fitores së arritur me Erzenin, tashmë ka marrë një tjetër rezultat pozitiv me Ilirinë e Kategorisë së Parë. Pukjanët barazuan me rezultatin 1-1 ndaj fushë-krujasve të drejtuar nga Fatmir Sala.

I pari kaloi në avantazh Tërbuni i Kërnajës, teksa ishte Saliaj ai që u tregua i saktë nga pika e bardhë e 11-metërshit. Nga fundi i pjesës së parë Xhabrahimi ndëshkoi ish-skuadrën e tij dhe barazoi shifrat në 1-1. Me këtë rezultat u mbyll e gjithë ndeshja.

Trajnerët respektivë patën mundësinë të shihnin gjendjen e ekipeve të tyre para nisjes së kampionatit, por edhe lojtarë të veçantë që synojnë të bindin dhe të japin kontributin e tyre në pjesën e dytë të sezonit.

Miqësore – E premte, më 18 janar

Kastrioti-Egnatia 1-0
Shënues: Shehi 17’

Tërbuni- Iliria 1-1
Shënues: Saliaj 20’ (pen.) / Xhabrahimi 40’

Erzeni u mposht nga Tërbuni me rezultatin 4-3, një ndeshje spektakolare. Golat për Tërbunin u shënuan nga Teqa, Xhemalaj dhe Mahmutaj dy herë. Trajneri i Erzenit, Gentian Stojku e quajti këtë miqësore si një ndeshje e ekuilibruar, me të dyja skuadrat që kanë shumë pak diferencë mes njëra-tjetrës.

Miqësore

Erzeni-Tërbuni 3-4
Shënues: Teqaj 30′, Xhemalaj 41′. Peqini 60′ / Sejdini 16′ 24′,  Mezini 38′ 46′

Ndeshja tjetër miqësore u zhvillua mes Dinamos dhe Shqipërisë U-19, me kryeqytetasit që triumfuan pastër 3-0. Golat nga Çema, Vrapi dhe Topalli i dhanë fitoren djemve të Igli Allmuçës përballë ekipit të moshave kuqezi.

Miqësore

Dinamo – Shqipëri U-19  3-0
Shënues: Çema, Vrapi, Topalli

Klubi pukjan, kryesues në grupin A në Kategorinë e Dytë, kërkonte edhe “qershinë mbi tortë” dhe Kërnaja ia ka dalë mbanë, duke firmosur me sulmuesin Artur Sejdini.

26-vjeçari është një ekspert në nivele të tilla, sepse sezonin e shkuar bëri “kërdinë”, duke shënuar 24 gola në Kategorinë e Dytë me Vorën, përfshirë dy gola në triumfin 5-2 ndaj Elbasanit në finalen e Kategorisë së Dytë.

Këtë sezon Sejdini ka shënuar dy gola, por Vora ka një ekip të dobët për Kategorinë e Parë dhe përveç kësaj problemet financiare po e rrënojnë ekipin nga periferia e Tiranës, ndaj Sejdini ka vendosur të firmosë një kategori më poshtë, me synimin për të ndihmuar Tërbunin të kthehet në nivelin e dytë të futbollit shqiptar.

Me këtë goditje Tërbuni kompleton sulmin, që ishte pika e dobët në pjesën e parë të sezonit, ndërsa do të përgatitet seriozisht për pjesën e dytë të sezonit, sepse gara për kreun e grupit A në Kategorinë e Dytë është mjaft e egër këtë sezon, si rrallë më parë, me disa klube në garë për ngjitje direkte.

Një ecuri mjaft pozitive për skuadrën e drejtuar nga trajneri Oltijon Kërnaja, por rivaliteti është si kurrë këto vitet e fundit, me disa klube në garë për kreun, ndaj Kërnaja pa u mbyllur mirë faza e parë evidentoi problemet e ekipit të tij dhe i kërkoi klubit mundësinë për të afruar te paktën një sulmues goli.

Kjo për faktin se Tërbuni ka sulmin më të dobët ndër 5 ekipet e kreut dhe mbrojtja spektakolare e ka mbajtur në krye.

Mungesa e një golashënuesi duket se nuk do të ndihet më, sepse Sport Ekspres mëson se Tërbuni ka firmosur me sulmuesin Eriol Merdini.

25-vjeçari është një ekspert në këto nivele dhe në fazën e parë shënoi 11 gola për Spartakun e Tiranës, ndërkohë që çdo sezon ka pasur një mesatare të shkëlqyer goli këto vitet e fundit.

Një goditje e rëndësishme, aq më shumë që Spartaku është rival direkt në renditje, por Tërbuni nuk ndalet me kaq, sepse trajneri Kërnaja për Sport Ekspres tregon se në ditët e ardhshme do të ketë surpriza të tjera për tifozët pukjanë: “Skuadra që mbylli pjesën e parë të sezonit ka bërë një punë të shkëlqyer, por na duhej shumë një sulmues cilësor, sepse krijojmë shumë lojë e raste dhe konkretizojmë pak. Përveç Merdinit presim edhe një sulmues tjetër, sepse duam të jemi të plotë për fazën e dytë, që do të jetë mjaft e vështirë, për shumë arsye”.

Tërbuni e ka mbyllur me  24 pikë në 11 ndeshje, duke humbur vetëm një herë ndaj Vllaznisë B, ndërsa ka luajtur vetëm 4 herë në shtëpi, për kapriçiot e shortit dhe përjashtimin e Kevitanit.

Duke ditur sa i rëndësishëm është faktori fushë, është e qartë se në fazën e dytë, me 7 ndeshje në shtëpi, Tërbuni niset favorit i madh.

Një mision i nisur mes shumë vështirësish në verë, pasi klubi nuk është ndër më të pasurit në Kategorinë e Dytë, por është mëse korrekt dhe bëri një punë të shkëlqyer, duke ruajtur disa nga emrat më cilësorë të sezonit të shkuar e duke afruar emra me eksperiencë, por edhe të rinj “të uritur”.

Fitorja ndaj Sopotit ishte një goditje e madhe, por nuk ka mbaruar asgjë, sepse 7 vendet e kreut janë në hapësirën e 4 pikëve, diçka e rrallë në futbollin shqiptar në mes të kampionatit.

Kampionati do të rinisë në 17 shkurt dhe deri atëherë Tërbuni, ashtu si rivalët, do të punojë edhe në merkato, për ndonjë përforcim cilësor, por pukjanët e pjesës së parë të sezonit nuk kanë pasur difekte të mëdha dhe mbi të gjitha kanë luftuar në çdo ndeshje, duke dhënë 100% në fushë. Kaq mund të mjaftojë, edhe pse nën zë te Tërbuni nuk e fshehin se kanë frikë nga prapaskenat e ndonjë klubi rival.

Përfundoi 1-0 për pukjanët, që dominuan dhe shënuan në minutën e 50-të me Takun, ndërsa më pas administruan mirë takimin delikat.

Me këtë fitore, Tërbuni e mbyll vitin me 24 pikë në 11 ndeshje, duke qenë perfekt në fushën e vet dhe duke pasur një rendiment të mirë edhe në transfertë.

Reziston mirë Luzi, fitues 4-0 në Velipojë ndaj Adës modeste, por edhe Gramshi po shkëlqen dhe sot shpartalloi Kukësin B 5-1.

GRUPI B

Shkumbini i Peqinit ka mbyllur me festë një javë të bukur, sepse fillimisht iu kthyen 3 pikë të hequra padrejtësisht nga Komisioni i Disiplinës, ndërsa sot fitoi 2-0 me Termin në transfertë.

Kjo do të thotë se peqinasit e mbyllin vitin në krye të grupit B, me 32 pikë në 13 ndeshje, ndërsa nuk i ndahen Devolli e Maliqi.
Devolli fitoi sot 3-1 në Tepelenë, ndërsa Maliqi fitoi 2-1 në Skrapar.

GRUPI A

GRUPI B

Një ndeshje mjaft e mirë nga Shkumbini në Çorovodë, që duket se është bërë edhe më i egër dhe më i vendosur, pas padrejtësive në Kuçovë.

Nga një gol në çdo pjesë, i pari autogol, kanë mjaftuar që Shkumbini të marrë fitoren dhe të kapë sërish kreun e tabelës në grupin B të Kategorisë së Dytë, sepse Maliqi u mund bujshëm në Delvinë, në një sfidë të çmendur që përfundoi 3-2. Trëndafili shënoi 2 gola në 20 minutat e para për Maliqin, por Rugji në minutën e 39-të dhe Mehmeti me dy gola brenda një minute në fillim të pjesës së dytë sollën përmbysjen e madhe.

Fluturon edhe Devolli, fitues 1-0 në Memaliaj dhe tashmë me pikë të barabarta me Shkumbinin dhe Maliqin në krye.

GRUPI A – Tërbuni i Pukës është ende kryesues në grupin A të Kategorisë së Dytë, edhe pse sot nuk luajti. Pukjanët prisnin Tiranën B, por kjo e fundit nuk denjoi të paraqitej, për arsye të motit të acartë dhe shpenzimit të madh për të shkuar në Pukë. Tërbuni ka shpenzuar nga ana e vet, më kot, sepse lojtarët kanë dalë në fushë, kanë bërë zakonin dhe është dhënë fitorja 3-0 në tavolinë sipas rregullores.

Asnjë çudi në ndeshjet e tjera, sepse Luzi ka fituar 2-1 në Pezë-Helmës ndaj Internacionalit, Gramshi ka shpartalluar Vllazninë B 4-0 dhe Sopoti fitoi 4-1 në transfertë ndaj Klosit.