tennis

Federer: Jeta vazhdon, s’kam ndërmend të mërzitem për një ndeshje tenisi

Sport Ekspres — Sun, 14 Jul 2019 21:40:38 +0000

Roxher Federer humbi një finale dramatike ndaj rivalit serb Novak Xhokovicc. Tenisi zviceran pati dy mundësi të shkëlqyera për të mbyllur ndeshjen me dy “matchpoint”, por kundërshtari ia doli të përmbyste gjithccka. Në daljen për shtyp në përfundim të takimit, Federer deklaroi se ishte i kënaqur nga paraqitje që bëri pavarësisht se trofeu i 9 i “Wimbledon” nuk u bë i tij.

“Nuk u mërzita kur humba 2 “matchpoint”-et, isha akoma në lojë dhe kisha besim se mund të fitoja. Në tenis mundohesh të shikosh gjërat pozitive. Bëra një ndeshje të mirë, dhe isha shumë afër fitores. Jam shumë i kënaqur paraqitjen time. Novak është një tenist shumë i mirë që ka vite që luan në këtë nivel kaq të lartë”.

“Jeta vazhdon. Do mundohem të harroj gjërat e këqija dhe të kujtoj gjërat e mira, të cilat nuk ishin të pakta. Është diçka mendore, e konsideroj veten një njeri të fortë. Nuk duhet të ndihem i mërzitur për një kohë të gjatë, thjesht kam humbur një ndeshje tenisi”.

VIDEO | Xhokoviç mbret i “Wimbledon”, sa shumë shpërdoron Federer

Sport Ekspres — Sun, 14 Jul 2019 18:10:01 +0000

Novak Xhokoviç është shpallur fituesi i turneut të “Wimbledon”. Tenisti serb mundi në finale zviceranin Roxher Federer në një duel maratonë ku u desh që verdikti final të jepej më shumë se pesë orë pas fillimit të duelit. Në fund rezultati i përgjithshëm ishte 7 – 6, 2 – 6, 7 – 6, 13 – 12 në favor te tenisit serb.

Federer pati mundësinë 2 mundësi për të bërë të tijin trofeun me dy shërbime, por Xhokoviç bëri të pamundurën duke arritur të përmbysë avantazhin e zviceranit.

Unbelievable. Unshakeable. Unstoppable.@DjokerNole wins his fifth #Wimbledon title in an instant classic, defeating Roger Federer 7-6(5), 1-6, 7-6(4), 4-6, 13-12(3) #JoinTheStory pic.twitter.com/S2Mx1yyJ3M

— Wimbledon (@Wimbledon) July 14, 2019

Ky është trofeu i 16 Grand Slam në karrierën 32-vjeçarit dhe i pesti në “Wimbledon”. Edhe pse 37-vjeç Federer ia bëri mjaft të vështirë tenistit serb, por Xhokoviç tregoi në shumë raste pjekurinë e tij duke ia dalë të anulonte disa raste ku zvicerane kishte mundësinë për breakpoint.

A match for the ages…

The moment @DjokerNole retained his crown to become #Wimbledon champion for a fifth time after a historic men’s singles final#JoinTheStory pic.twitter.com/zDQlEBviMD

— Wimbledon (@Wimbledon) July 14, 2019

Në fjalët pas marrjes së trofeut Xhokoviç tha: Është ndër finalet më të bukura që kam marrë pjesë, ndoshta më e bukura. Nuk mund ta besoj ai kishte dy mundësi për t’i dhënë fund ndeshjes. Roxher është një ndër tenistët më të mëdhenj të gjitha kohërave dhe ai më frymëzon dhe mua, shpresoj që të luaj dhe unë si ai kur të jem 32 vjeç“

VIDEO | Xhokoviç sërish në finale, Bautista Agut i pafuqishëm

Sport Ekspres — Fri, 12 Jul 2019 15:06:12 +0000

Novak Xhokoviç është finalisti i parë i trofeut të “Wimbledon”. Kampioni në fuqi i Grand Slam-it anglez mundi në finale spanjolli Roberto Bautista Agut në një duel që përfundoi pas 4 setesh, ku serbi triumfoi me rezultatin 6 – 2, 6 – 4, 6 – 3, 5 – 2.

Back to defend his crown…

Reigning champion @DjokerNole advances to his sixth #Wimbledon final where he’ll bid to win a fifth title after beating Roberto Bautista Agut pic.twitter.com/OYtfSUC7Hv

— Wimbledon (@Wimbledon) July 12, 2019

Për të fituar trofeun e 16-të Grand Slam dhe të pestin në “Wimbledon”, Xhokoviç duhet të mund në finale fituesin e përballjes midis Roxher Federer edhe Rafael Nadal, dy tenistë këta që rivalizojnë me serbin për më shumë se një dekadë.

Dominanca e “Big 3”, Federer tregon problemin e brezit të ri

Sport Ekspres — Wed, 10 Jul 2019 21:14:20 +0000

Roxher Federer fitoi për të 100-ën herë një duel në turneun “Wimbledon”. Tenisti zviceran do të përballet këtë të premte me spanjollin Rafael Nadal. Federer dhe spanjolli janë miq shumë të mirë jashtë fushave të tenisit, por në të rivaliteti mes tyre nuk ka të përafërt. Në daljen për shtyp në përfundim të takimit Federer foli para gazetarëve në lidhe me fitoren ndaj Nishikorit dhe gjysmëfinalen e së premtes ndaj Nadal.

DUELI ME NISHIKORIN – “Kei Nishikori është një tenist shumë i mirë. Bën një lojë agresive që të vë shumë të vështirësi. Në fillim të ndeshjes më vuri në shumë telashe, por rëndësi ka reagova mirë kur humba setin e parë”.

DUELI I ARDHSHËM ME NADAL – “Shpresoj që të mos ketë erë në ndeshjen e së premtes. Mund të frymëzohem nga finalja e “Australian Open” ku e munda në një lojë me pesë sete. Fatmirësisht për mua kësaj radhe nuk do ndeshem në fushë me dhe. Të gjithë e pamë si përfundoi dueli jonë i fundit në “French Open” disa muaj më parë, nuk është aspak një kujtim i bukur për mua”.

MUNGESA E TALENTEVE NË TENIS – “Po jetojmë në një periudhë të pazakontë në tenis. 10 vite më parë askush nuk e mendonte se unë, Nadal dhe Xhokoviç do vazhdonin të qëndronin në majë për shumë kohë. E dyta, ndoshta ata nuk janë aq të talentuar se unë dhe Nadal dhe Xhokoviç. Mos harroni përveç ne të treve ka dhe tenistë të tjerë të moshës sonë si Del Potro dhe më parë Murrëi që u hapin shumë punë brezit të ri”.

Federer zbavitet në “Wimbledon”, sa shumë vuajtje për Nadal

Sport Ekspres — Thu, 04 Jul 2019 19:59:13 +0000

Roger Federer kaloi në raundin e tretë të “Wimbledon” duke mundur me lehtësi britanikun Jay Clark me rezultatin 6 – 1, 7 – 6, 6 – 2. Në raundin e tretë Federer do të ndeshet me francezin Lucas Pouille.

Në ndryshim nga Federer, rivali i tij i përjetshëm Rafael Nadal u desh të djersiste shumë për të kaluar tenistin australian Nicholas Kyrgios. Në fund spanjolli ia doli të fitonte pas 4 setesh, dy prej të cilave u vendosen me “tiebreak”, 6 – 3, 3 – 6, 7 – 6, 7 – 6. Në raundin e tretë Nadal do përballet me francezin Tsonga.

Entertainment from start to finish…@RafaelNadal outlasts Nick Kyrgios 6-3, 3-6, 7-6(5), 7-6(3) to progress to the third round for the 10th time#Wimbledon pic.twitter.com/FWjNvD8acK

— Wimbledon (@Wimbledon) July 4, 2019

Tjetër surprizë në “Wimbledon”, eliminohet Vavrinka

Sport Ekspres — Wed, 03 Jul 2019 18:58:30 +0000

Surprizat nuk po kanë të ndalur në “Wimbledon”. Pas eliminimit të Dominik Tim, Sasha Zverev dhe Stefanos Tsitsipas, emri tjetër “big” që u bashkohet listës së eliminuarve është numri 22 i botës Stanislas Vavrinka.

Tenisti zviceran u mund në ndeshjen e raundit të dytë nga 21-vjeçari amerikan Rajlli Opelka me rezultat 5 – 7, 6 – 3, 6 – 4, 4 – 6, 6 – 8. Nw ndeshjet e tjera tw ditës sw sotme serbi Novak Xhokoviç regjistroi një fitore të lehtë ndaj amerikanit Denis Kudla, 6 – 3, 6 – 2, 6 – 2.

Marathon men.@ReillyOpelka reaches the third round of a Grand Slam for the first time on his #Wimbledon debut after an epic five-set duel against Stan Wawrinka#Wimbledon pic.twitter.com/hiByieuxBd

— Wimbledon (@Wimbledon) July 3, 2019

VIDEO | Befasi në “Wimbledon”, një 15-vjeçare eliminon Venus Williams

Sport Ekspres — Mon, 01 Jul 2019 18:57:57 +0000

Edicioni i 133-të i “Wimbledon” ka nisur me surpriza. 15-vjeçarja amerikane Cori Gauff ka mundur ish-numrin 1 të botës Venus Willams me rezultatin 6 – 4, 6 – 4 në raundin e parë të turneut.

Diferenca midis dy tenisteve është të lë me gojë hapur. Plot 24 vite. Gauff është tenistja më e re në moshë që merr pjesë në fazën finale të turneut. Përveç moshës dy tenistet ndahen nga 269 vende në renditjen e ATP-së, çka e bën akoma më të pabesueshëm këtë rezultat të 15-vjeçares.

Made for the big stage ?@CocoGauff becomes the youngest player since 1991 to win in the first round of the ladies' singles, beating Venus Williams 6-4, 6-4#Wimbledon pic.twitter.com/hfgcQGdZtq

— Wimbledon (@Wimbledon) July 1, 2019

Surprizë tjetër e raundit të parë ishte eliminimi i numrit 2 të botës Naomi Osaka nga tenistja kazake Julia Putintseva.

Federer mbyll përgatitjet e Wimbledon me trofe, vendos rekord në Gjermani

Sport Ekspres — Sun, 23 Jun 2019 14:37:06 +0000

Roxher Federer i ka përfunduar në mënyrë perfekte përgatitjet për turneun Grand Slam Wimbledon. Tenisti zviceran ka vendosur një rekord të ri duke fituar për herë të 10-të turneun gjerman “Halle Open”.

Fituesi i 20 turneve Grand Slam mundi në finale belgun David Godin 7–6 (7–2), 6–1 duke shtuar në kabinetin e tij trofeun numër 102 në karrierën brilante si tenist profesionist. 37-vjeçari u shpreh i emocionuar për fitimin për herë dhjetë të këtij trofeu: “Është e pabesueshme. Kur luajta për herë të parë këtu, kurrë nuk më kishte shkuar në mendje se do ta fitoja 10 herë këtë trofe“.

Më datë 1 korrik Federer do marrë pjesë në turneun e tij të preferuar Grand Slam, “Wimbledon”. Mosha e madhe ende s’po e ndalon 37-vjeçarin, i cili vazhdon të mbetet në majat e këtij sporti, duke mbajtur aktualisht vendin e tretë në renditjen e ATP-së.

HISTORY IN HALLE ?
@rogerfederer is the 2019 @ATPHalle champion ?
#RF102 pic.twitter.com/IareRxmIah

— ATP Tour (@atptour) June 23, 2019

Vavrinka surpriza e parë e “Roland Garros”, në çerekfinale e pret Federer

Sport Ekspres — Sun, 02 Jun 2019 20:28:33 +0000

Boksieri zviceran Stanislav Vavrika ka befasuar numrin 6 të botës, grekun Stefanos Tsitsipas duke e eliminuar këtë të fundit pas një dueli që zgjati pothuajse 5 orë. Në përfundim rezultati përfundimtar i seteve ishte 7 – 6, 5 – 7, 6 – 4, 3 – 6, 8 – 6.

5 hours, 9 minutes. 1 amazing tennis match.@stanwawrinka outlasts Tsitsipas 7-6(6) 5-7 6-4 3-6 8-6 to reach the quarter-finals at Roland-Garros.

? https://t.co/YBfhOfEkVk #RG19 pic.twitter.com/2Ql6Rz92on

— Roland-Garros (@rolandgarros) June 2, 2019

Në çerekfinale Vavrinka do të takohet me bashkëkombësin e tij Roxher Federer. Roland Garros i këtij sezoni nuk pasur surpriza të mëdha deri më tani. Dyshja favorite Nadal dhe Xhokoviç duken të pandalshëm dhe gjasat janë që dy “gjigantët” e sportit të tenisit të përballen në një finale mitke, sigurisht, Nadal është më i avantazhuari në “Roland Garros”, trofe të cilin e ka fituar plot 11 herë.

Nadal “shtypet” nga Xhokoviç, serbi vendos rekord në Australi

Sport Ekspres — Sun, 27 Jan 2019 11:22:52 +0000

Novak Xhokoviç është shpallur fituesi i turneut Grand Slam, “Australian Open”. Tenisi serbi mund në finale spanjollin Rafael Nadal. Megjithëse pritej të ishte një përballje shumë e luftuar, në arenën “Rod Laver”, të pranishmëve iu shërbye një shfaqje krejt tjetër, teksa 31-vjeçari mundi në tre sete 6 – 3, 6 – 2, 6 – 3.

Xhokoviç e filloi me vrull duke fituar 3 shërbimet e para të përballjes. Në setin e dytë pritje që spanjolli të kundërpërgjigjej, por ndodhi e kundërta, teksa Xhokoviç fitoi radhazi katër shërbime. Seti i tretë ndoqi të njëjtin skenar si të mëparshmit.

History Maker.

The moment you win your seventh #AusOpen title.@DjokerNole #AusOpenFinal pic.twitter.com/7HC5Gwyfuh

— #AusOpen (@AustralianOpen) January 27, 2019

Ky është trofeu i shtatë në “Australian Open”, duke kaluar legjendën Roxher Federer, i cili ka gjashtë të tillë. Në nëntë muajt e fundit, 31-vjeçari ka qenë një “përbindësh”, teksa ka fituar radhazi në turnetë Grand Slam të “Wimbledon”, “US Open” dhe së fundmi “Australian Open”. Me këtë triumf Xhokoviç çon në 15-të numrin e trofeve Grand Slam, vetëm Rafael Nadal (17) dhe Roxher Feder (20) ia kalojnë serbit.

Mbyllet Australian Open, 21-vjeçarja japoneze thyen eksperiencën e Kvitotës

Sport Ekspres — Sat, 26 Jan 2019 11:38:54 +0000

Naomi Osaka është fituesja e Australian Open. Tenistja japoneze mundi në finale, Petra Kvitovën, në një sfidë mjaft të rivalizuar, e cila u mbyll 2-1 me sete në favor të Osakas. Seti i parë ishte dhe ai më i luftuari, ku japonezja triumfoi ndaj cekes 7-6, teksa në tie-break e “shpartalloi” 7-2 për të marrë setin e parë.

Gjithsesi, Kvitova reagoi dhe në setin e dytë baraspeshoi gjithçka, duket fituar 5-7 dhe duke çuar në set final sfidën. 21-vjeçarja, e cila është e katërta në renditjen botërore, tregoi forcën e saj në setin e fundit, ku triumfoi 6-4 dhe mbylli çdo gjë në 2 orë e 30 minuta.

Tears of joy ?@Naomi_Osaka_ #AusOpen pic.twitter.com/ckfLkGG6kf

— #AusOpen (@AustralianOpen) January 26, 2019

Nishikori dorëzohet para kohe, Xhokoviç shëtit drejt gjysmëfinales

Sport Ekspres — Wed, 23 Jan 2019 10:17:58 +0000

Novak Xhokoviç është kualifikuar për në gjysmëfinalet e Australian Open, pasi fitoi sot ndaj japonezit Kei Nishikori, në një sfidë që nuk përfundoi.

Xhokoviç fitoi setin e parë 6-1 dhe dukej qartë që Nishikori kishte probleme, ndërsa pas setit të parë u ndal gjatë me mjekun.

Në setin e dytë ishte një sfidë pa vlerë, pasi japonezi nuk vraponte dot dhe me rezultatin 4-1 erdhi vendimi për t’u tërhequr, me publikun që fishkëllente. Kundërshtari i serbit në gjysmëfinale do të jetë surpriza franceze Lukas Puij, që mundi kanadezin Raoniç, 3 – 1 me sete.

“Më pëlqejnë sfidat me Nishikorin, më vjen keq që u dëmtua, uroj të mos jetë diçka serioze. Më vjen keq që nuk e përfunduam dot ndeshjen, por falënderoj gjithë tifozët e pranishëm. Tani duhet të bëhem gati për gjysmëfinalen.

Tek erkeklerde dünya 1 numaras? Novak Djokovic, Japon Kei Nishikori'nin sakatl??? nedeniyle maçtan çekilmesinin ard?ndan yar? finale yükseldi. pic.twitter.com/nzkbeaFq5k

— Fotomaç (@fotomac) January 23, 2019

“Një koment për Nadal-Tsitsipas? Po më ftoni të bëj komentin gjatë ndeshjes? Çfarë doni që të them? Stefanos është një ndër liderët e së ardhmes dhe ka luajtur disa ndeshje fantastike këtë turne, sidomos kundër Federer. Nuk habitem që është në gjysmëfinale. Nadal… Më vjen mirë për të, është në formë të shkëlqyer, po bën gjithçka në mënyrë perfekte”, tha Xhokoviç pas përfundimit të sfidës.

Perëndimi i një legjende, Federer eliminohet nga talenti grek

Sport Ekspres — Sun, 20 Jan 2019 12:40:52 +0000

Roxher Federer, kampioni në fuqi i “Australian Open” është eliminuar në fazën e 1/16 të këtij turneu. Surpriza e ditës është tenisti 20-vjeçar Stefanos Tsisipas, i cili mposhti zviceranin në katër sete 6-7 7-6 7-5 7-6 .

Tsitsipas do të ndeshet në çerekfinale me spanjollin Bautista Agut. Në përfundm të ndeshes tenisti grek nuk i përmbajti dot emocionet duke thënë. “Nuk kam se si ta përshkruaj atë që po ndjej tani. Jam njeriu më i lumtur në botë në këtë moment”, tha tenisit greko-rus. Roxher është një legjendë e këtij sporti dhe kam shumë respekt për të. Kam analizuar ndeshjet e tij qëkur isha 6 vjeç”.

https://twitter.com/Tazzie_D/status/1086947105166508033

Humbja e sotme tregoi qartë se Federer nuk është më ai dikurshmi. 37-vjeçarit nuk i mbeten shumë vite në botën e tenisit profesionist, gjithsesi Roxher nuk mund të ketë as pendesën më të vogël, pasi në dy dekada ka arritur të fitojë 20 trofe Grand Slam si askush tjetër më parë, çka i japin me plotë gojë të drejtën për t’u konsideruar si tenisti më i mirë i historisë së këtij sporti.

2001: 19-year-old Roger Federer beats seven-time champion Pete Sampras in the Wimbledon round of 16

2019: 20-year-old Stefanos Tsitsipas beats six-time champion Roger Federer in the Australian Open round of 16 pic.twitter.com/kqppfl5O4o

— SI Tennis (@SI_Tennis) January 20, 2019

Nadal i pandalshëm, kalon në çerekfinale pa lëshuar asnjë set

Sport Ekspres — Sun, 20 Jan 2019 08:33:14 +0000

Rafael Nadal vazhdon të tregojë formën e mirë në turneun Grand Slam, “Australian Open”. Spanjolli mundi tenistin çek Tomas Berdych në tri sete (6 – 0, 6 – 1, 7 – 6) dhe siguron kështu biletën për në çerekfinalet e turneut, ku do kundërshtari i ardhshëm do të jetë 21-vjeçari premtues Frances Tiafoe.

#AusOpen? en @tjcope – Octavos de final:

?? Rafael Nadal 6-0 6-1 7-6 Tomas Berdych ??

? 32 winners, 17 errores, 0 breaks

? 4 partidos, 0 sets cedidos

? Martes, cuartos, Frances Tiafoe ??: 21 años, 39 del mundo, nunca había pasado de 3R de GSlampic.twitter.com/bKi2H35o0j

— Angel Gª Muñiz (@agarciamuniz) January 20, 2019

Gjatë Grand Slam-it australian, tenisti spanjoll ka treguar një formë të admirueshme, duke mos humbur qoftë edhe një set në katër përballjet e para të turneut. Megjithatë, favoriti kryesor për këtë turne mbetet serbi Novak Djokovic, ndërsa rivalë që s’duhen të nënvlerësohen mbetet i riu Sacha Zverev dhe kampioni në fuqi Roger Federer.

Letra prekëse e Xhokoviç, Mërrei më shumë se një rival për serbin

Sport Ekspres — Mon, 14 Jan 2019 08:13:55 +0000

Tenisti skocez Endi Mërrei shokoi botën e tenisit, teksa deklaroi para dy ditësh se do të tërhiqej në muajin qershor nga sporti që i dha gjithçka. Fituesi i tre turneve “Grand Slam” mori vendimin e dhimbshëm, pas një dëmtim të rëndë në kockën e legenit.

Novak Xhokoviç, legjenda tjetër e këtij sporti dhe një rival i hershëm i Mërreit është prekur shumë nga ky lajm. Me anë të një postimi në rrjetet sociale, tenisti serb ka zbuluar se emocionet që i ka sjellë situata e vështirë në të cilët ndodhet skocezi të cilin e konsideron një rival e shok të përjetshëm.

“Herën e parë që u takuam dhe luajtëm (viti 2001). Diçka po më thoshte që atëherë se do të kishim një rivalitet të mahnitshëm dhe do të luanim së bashku në elitën e këtij sporti për shumë vite me radhë. Ajo që po përpiqesh të arrish është diçka shumë guximtare dhe frymëzuese. Të takova dhe nuk munda të tregoja dhembshurinë time ndaj asaj që t’i po kalon. Si një atlet, tenist dhe shok, unë të respektoj dhe të mbështes në çdo sekondë gjatë këtij “Australian Open” dhe çdo përpjekje tjetër tënden për të luajtur në nivele elitare. Çfarëdo që të ndodhë, unë do kujtoj me mall përballjet tona ndër vite dhe do të jem mirënjohës për atë eksperiencë. Të përqafoj Endi, qëndro i fortë”.

https://www.instagram.com/p/BsjiKKOg-A1/?utm_source=ig_web_copy_link

Një legjendë i jep fund, Murray jep lajmin shokues

Sport Ekspres — Fri, 11 Jan 2019 16:35:15 +0000

Tenisti i njohur skocez, Andi Murray, njoftoi para medieve se do të tërhiqet nga sporti i tenisit, pas turneut të “Wimbledon”, që do të zhvillohet në muajin qershor. Shkak për këtë vendim të papritur të 31-vjeçarit është bërë një dëmtim në kockën e legenit

Në daljen për shtyp, ku bëri të ditur para gjithë botës vendimin e tij, skocezi nuk mundi t’i përmbante dot lotët. Murray theksoi se shpreson që trupi ta lejojë të vazhdojë deri sa të fillojë turneu i “Wimbledon”.

"I think I can kind of get through this until Wimbledon…but I'm also not certain I'm able to do that."

An emotional @Andy_Murray addresses the press regarding his plans for retirement.#AusOpen pic.twitter.com/doO0zvjKt0

— Tennis Channel (@TennisChannel) January 11, 2019

Dhimbjet e skocezit gjatë muajve të fundit kanë qenë të padurueshme, pasi tenisti i njohur po has vështirësi edhe në veshjen e çorapëve dhe këpucëve. Në karrierën e tij 14-vjeçare si tenist profesionist, Murray ka fituar 3 turne Grand Slam: “Wimbledon” 2013, 2016 dhe “US Open” 2012, si dhe ka shkuar pesë herë në finalen e “Australian Open”.

VIDEO | Befasohet Xhokoviç, spanjolli Bautista Agut e eliminon në gjysmëfinale

Sport Ekspres — Sat, 05 Jan 2019 09:02:22 +0000

Tenisti numër një i renditjes botërore Novak Xhokoviç është mundur në gjysmëfinalen e “Qatar Open” nga Roberto Bautista Agut. Tenisti spanjoll, i cili renditet i 24-ti në renditjen e përgjithshme botërore befasoi duke fituar duelin me rezultatin 3-6 7-6 (8-6) 6-4.

Në finalen e turneut Bautista Agut do të ndeshet me tenistin çek Tomas Bërdysh, i cili mundi në dy sete italianin Marko Çeçinato.

Siempre fiable @BautistaAgut. Siempre luchando. Tumba a Djokovic y se mete en la final del ATP de Doha. pic.twitter.com/Fgebc1nkTI

— Wilson Tenis España (@WilsonTenisEsp) January 4, 2019

Novak Xhokoviç do të rikthehet sërish pas 10 ditësh në turneun Grand Slam, “Australian Open”. Tenisti nuk e fiton këtë turne prej tri vitesh, por kësaj radhe vjen si favorit absolut.

Vitet bëjnë të vetën, Federer pranon se fundi është pranë

Sport Ekspres — Sun, 30 Dec 2018 18:40:35 +0000

Roxher Federer vazhdon të tregojë se është tenisti më i madh i të gjitha kohërave. Edhe pse 37 vjeç, zvicerani vazhdon të qëndroj në elitën e sportit të tenisit, duke qenë përherë në listën e favoritëve.

Por, Federer e di mirë se është në vitet e tij të fundit dhe këtë e pranon në një intervistë për medien shtetërore zvicerane “SRF”: “Tani e kam një ide të qartë se si do ta planifikoj vitin 2019, por më pas për 2020-ën, do të më duhet të bisedoj me stafin tim, më pas do të do të vendos nëse do të vazhdoj ose jo”, tha legjenda e sportit të tenisit.

Federer ka debutuar si profesionist 20 vite më parë dhe deri më tani ka fituar 20 trofe Grand Slam, si asnjë më parë në historinë e tenisit. Periudha e tij më artë ka qenë në vitet 2005 – 2007 ku arriti në 10 finale Grand Slam-i radhazi.

Federer dhe Nadal në një skuadër, konfirmohet pjesëmarrja në “Laver Cup”

Sport Ekspres — Fri, 14 Dec 2018 20:22:22 +0000

Roxher Federer dhe Rafael Nadal do të bashkojnë forcat për edicionin e tretë të turneut “Laver Cup”, që do mbahet vitin e ardhshëm në Gjenevë të Zvicrës. Lajmi është konfirmuar nga kapiteni i skuadrës së Europës, Bjorn Borg.

Fansat e tenisit shijuan për herë të parë spektaklin e dyshes së legjendave në edicionin e parë të turneut “Laver Cup” dy vite më parë në Pragë, që sigurisht u mbyll me triumfin e ekipit europian, pasi Federer mundi australianin Nik Kirgios.

“Laver Cup” është një turne tenisi i themeluar në vitin 2017, ku vihen përballë njëri-tjetrin dy skuadra tenistësh të përbara nga gjashtë tenistë: Skuadra e Europës dhe ajo e botës, kjo e fundit përbehet nga tenistë jo-europian. Në të dy edicionet e fundit ka triumfuar skuadra evropiane.