Osmani ishte një ndër lojtarët kyç në ekipin durrsak gjatë këtij sezoni, ku dhe iu besua shiriti i kapitenit. E ardhmja e 34-vjeçarit pritet të jetë në kryeqytet, ku përflitet se ka gjetur akordin me skuadrën e Tiranës.

NJOFTIMI I KLUBIT DURRSAK

Tefik Osmani largohet nga Teuta. Klubi njofton se nga sot mbrojtësi ka përfunduar aventurën e tij me ekipin e Teutes. KF Teuta falënderon Osmanin për kontributin e dhënë me fanellën e Teutës në rrugën drejt Europes dhe i urojmë futbollistin të ketë shëndet dhe shumë suksese në vazhdim të karrierës së tij.

Supersport raporton se te Teuta kanë zgjedhur kapitenin e ri, Renato Arapin. Shenjë e qartë që pas kupave të Europës korçari do të largohet nga durrsakët. Një vit më parë ishte Osmani ai që mbajti shiritin dhe tashmë e ka dorëzuar.

Veç shiritit, trajneri Bledi Shkëmbi po mendon që në Europë të luajë pa korçarin në mbrojtje. Gjasat janë që ai të pozicionohet në mesfushë. Në Durrës po mendojnë për sezonin e ri, ndërkohë që me shumë mundësi në vazhdim do të ketë edhe një afrim tjetër për prapavijën.

“Kur nuk arrihen rezultate është shumë e lehtë të gjesh “fajtorin”. Si kapiten më duhet t’i jap mbështetje të gjithë ekipit. Kanë mbetur tetë javë dhe duhet të japim të gjithë maksimumin. Ishte ky ekip që ka bërë lojëra të mira”.

“Në këtë kampionat nuk ka asnjë ndeshje të lehtë. Mendoj se është ndeshje shumë  e vështirë, por besoj se pas asaj humbje në Laç i kemi vënë kapakun dhe shkojmë në Vlorë për një rezultat pozitiv”.

“Kur shikon rezultatet që nuk janë të mira fillon dhe presionin për objektivin e Europës. Megjithatë, kemi një grup shumë të fortë që do t’ia dalë të hedhim pas këtë moment”, përfundoi Osmani.

Gjithsesi, mbrojtësi Tefik Osmani, i ftuar në emisionin “Rubrika Sportive” në RTSH, tërheq vëmendjen. Ai nuk ndihet mirë kur flitet kështu për ndeshjet e kampionatit tonë. Korçari bën edhe një paralelizëm, duke përcjellë mesazhin që në një ndeshje mund të ndodhë çdo gjë.

“Nuk flitet kështu, u heq meritat dhe i hedh poshtë djersën ekipit tjetër. Se ne jemi kështu, po të fitonte Kukësi në Korçë, sërish do kishim pikëpyetje. Korça mundi Kukësin, ikën tani në Gjirokastër dhe themi prapë pikëpyetje. Më vjen keq, që ne që jemi pranë sportit, ta shohim një ndeshje dhe të themi pikëpyetje. Mendoni tani, Tirana e mundi 3-0 Laçin në Kupë dhe Laçi e barazon me 10 vetë! Çfarë të themi?!”, përfundoi Osmani.

FITORJA NDAJ KASTRIOTIT – “Ky kampionat ka treguar se nuk ka ndeshje të lehta. Fitorja na kthen në momentet e mira. Kishim disa javë që nuk merrnim rezultate të mira”.

I nxitur nga një batutë e përdorur në studio nga Shkëlqim Muça gjatë analizës së ndeshjes Kukësi – Partizani, Osmani tha “E kam parë ndeshjen, nuk di nga ta nis. Kjo puna e gjunjëve është marrë nga ekipi i Skënderbeut. Ata që e kanë thënë e kanë mbajtur fjalën. Këta të Kukësit nuk e mbajtën. Merita ka Partizani. Më kanë pëlqyer që nuk kanë dalë nga loja. Janë mbrojtur mirë dhe kanë dalë në kundërsulm. Nuk bëjnë aventura dhe kjo ka qenë arma e tyre. I kanë shfrytëzuar mundësitë që kanë pasur”.

“Fitorja me Kastriotin? Vinim nga rezultate jo të mira. Ishte një fitore që e arritëm me vështirësi. Të luash me një ekip që është për mbijetesë, nuk është e lehtë. Ata luajnë sikur nuk kanë çfarë humbin, janë goxha agresivë. Të gjithë e kanë pasur të vështirë”.

“Pozicionimi në mesfushë? Luajtja para mbrojtjes, pasi Kallaku kishte luajtur me Shpresat. Pas ndeshjes me Partizanin klima nuk ishte e mira. Me Kastriotin nuk kishim rrugë tjetër. Po të fitonim me Luftëtarin, mund të ishim shumë pranë për të luftuar për titullin. Nuk ka ndeshje ku tre pikët janë të sigurta. Luajmë kudo për fitore dhe jemi nga ekipet e vetme që luajmë mirë futboll të hapur. I përshtatemi edhe presidentit, atij i pëlqen loja sulmuese. Ajo ndonjëherë edhe të penalizoi”.

“Objektivi është Europa. Kemi ndeshje edhe në Kupë, që të çon më shpejt. Gjëja më e keqe është se kemi humbur pak besimin e tifozëve. I rikthyem dhe më pas i zhgënjyem. Si vit i parë që është, pasi nuk është e lehtë, është ecuri e mirë. Edhe lojtarët ndihen keq për tifozët. Aty gjithmonë nuk ka pasur presion”.

E njëjta gjë ndodhi edhe me Ardian Cuculin. Dy mungesa “big” për Kukësin në takimin me Kamzën. Gjithsesi alternativat nuk mungojnë. Gëzim Krasniqi është i gatshëm për lojë, ndërkohë që ka shlyer pezullimin edhe Olsi Teqja.

Ky i fundit, pas rikthimit të Edis Malikit, i krijon mundësinë trajnerit Cungu ta vendosë në qendër të mbrojtjes. Kjo ishte edhe arsyeja pse të Kukësi ngulmuam ta merrnin në ekip. Teqja luan në dispozicion pozicione dhe sigurisht ka edhe cilësi, veç të qenurit “xhol”.

Teuta nga ana tjetër nuk do të ketë kapitenin Tefik Osmani në transfertën e vështirë me Luftëtarin. Mbrojtësi qendror u ndëshkua me karton të kuq, por mungesën në Gjirokastër e kishte siguruar edhe me të verdhin e marrë më parë. Bicaj e Shkalla janë gati ta zëvendësojnë korçarin.

NDESHJA DHE PROGNI– “Fituam një ndeshje të vështirë, një ndeshje e bukur do të thosha për meritë të dy skuadrave. Por e përsëris që objektivi ynë është i njëjtë, Europa, dhe duhet të marrim sa më shumë pikë në javët e mbetura.
Bëra një lëvizje me Prognin, që deri diku bëri mirë. Mendova t’i japim më shumë vertikalizime ekipit me Prognin. Ai po kalon një formë shumë të mirë dhe na e shpërbleu dhe me atë gol.

“Kemi dy ekspertë në goditje standarte. Osmani, Arapi, Bici dhe shumë të tjerë kanë eksperiencë të madhe dhe mua më ndihmojnë shumë, pasi unë jam një trajner i ri dhe i kam krah. Dy krahët e mbrojtjes duhet të ishin më të kujdesshëm dhe në ekuilibër, duke parë dhe dy kundërshtarët. Për fat të mirë, çdo gjë shkoi mirë dhe nuk diskutohet që kjo fitore është vetëm për meritë të lojtarëve”.

Kartoni i kuq? – “Zgjidhja më e mirë që mund të bëjë një lojtar me eksperiencë si Osmani”.

REPARTI OFENSIV – “Jam shumë dakord që te 30 metrat e fundit kemi probleme dhe do të kemi gjithmonë. Aty duhen shumë cilësi. Duhet të përmirësohemi edhe më shumë. Sa i takon pjesës së parë, jemi të vetmit që krijojmë baza të forta për një të ardhme të mirë, sidomos për sezonin e ardhshëm. Ky ka qenë dhe objektivi im primar. Duhet të arrijmë sukses këtë vit dhe të shohim me optimizëm sezonin e ardhshëm”.

“Agresiviteti e bën skuadrën të luajë më mirë ,të ketë besim dhe nuk diskutohet që mua më pëlqeu shumë skuadra. Nuk dua të harroj pjesën e parë, pasi bëmë shumë mirë dhe shkuam me logjikë deri te porta e kundërshtarit. Dua të komplimentoi të gjithë futbollistët për besimin dhe të gjithë bashkë, duke futur dhe presidentët, kemi ruajtur qetësinë dhe kemi pasur besimin që mund të ecim përpara. Një fitore nuk sjell asgjë dhe rruga është e gjatë. Nuk kemi ndryshuar ndonjë gjë nga javët e kaluara. Barazimi me Kamzën ishte një ndeshje shumë e mirë, të paktën kështu them unë, pavarësisht që nuk fituam. Kur ke kundërshtarë të fortë, skuadra është më e motivuar dhe është më e lehtë të arrish te fitorja. Frashëri ka qenë një nga lojtarët më të mirë dhe bëri atë që unë i kërkova. Jam i bindur që do të rikthehet ai që ka qenë”,- u shpreh Shkëmbi.

Korçarit i kanë shkuar sytë te arbitri i ndeshjes, i cili ishe qeros. “Të kishte flokë edhe arbitri kryesor, do të ishte super foto”, shkruan Osmani. Sigurisht Lila nuk nguron të përgjigjet: Tefik Osmani, pse vetëm ju keni arbitër qeros! (Kridens Meta)”.

Lojës së komenteve i bashkohet edhe gjyqtari i FIFA-s, Juxhin Xhaja: “Andi Lila, nuk e ka mirë me qerosët Tefik Osmani”.

Në verë lëvizjet ishin disa te Teuta, ndërkohë që ekipi normalisht ka ardhur në rritje. Tanimë durrsakët renditen të tretët dhe sigurisht ekipet e tjera e shohin me sy tjetër. Gjithsesi Osmani thekson se asnjëherë nuk e kanë pasur të lehtë.

“Në fillim të fazës ka pasur lojtarë që kanë ardhur të rinj, duke qëndruar afër kemi njohur më mirë njëri tjetrin. Gjithmonë ndeshjet janë të vështira. Mendoj se Teuta, pavarësisht se nuk bën shumë zhurmë si ekipet e tjera, ka ecur me këmbë në tokë dhe ka qenë e vështirë”, shtoi qendërmbrojtësi.

Nesër durrsakët luajnë me Skënderbeun, ish-ekipin e Osmanit. I pyetur nëse është në ndeshje e veçantë, ai tha: “Normale, nuk është puna se është e veçantë. Të luash gjithmonë kundër Korçës, si miqësore, si zyrtare, normalisht që ka emocionet e veta. Megjithatë është ndryshe miqësorja nga zyrtarja”.

Me presidentin Ardjan Takaj ka pasur edhe ndonjë “kunj” të hedhur në ajër, por Osmani thekson se nuk ka asgjë me të. Madje ai zbulon se më parë kanë programuar të takohen, gjë që pritet të ndodhë.

“Nuk kam asnjë gjë me Takajn, kemi lënë edhe takim më parë. Unë kam qenë i grumbulluar me ekipin dhe besoj se do takohemi. Nuk ka asnjë problem”, përfundoi Osmani. Sa i takon ndeshjes miqësore me Skënderbeun, ajo zhvillohet nesër prej orës 14:00 në stadiumin “Niko Dovana” të qytetit të Durrësit.

VLADIMIR PRENGA

Gjatë festës së organizuar nga klubi ka pasur shumë të qeshura, teksa Sidibe dhe Kamara këndonin shqip. Prej vitesh luajnë në vendin tonë dhe gradualisht lojtarët nga Guinea po e mësojnë gjuhën.

Ndërkohë sulmuesi Latif Amadu ka rënë pre e një rrengu të Tefik Osmanit. Korçari ka postuar në “Instagram” edhe videon, ku ganezi ne tentativë për ngjyer hundën me miell merr një të shtyrë nga kapiteni. Të qeshura në lokalin e grumbulluar, por asnjë qejfmbetje. Thjesht një lojë.

TEUTA – “Meritën më të madhe për Teutën e këtij sezoni e ka dyshja e presidentëve Hasanbelliu-Bardhi. Ata kanë zgjedhur stafin dhe kanë afruar lojtarët e duhur. Njëri është më i rreptë, ndërsa tjetri është ndryshe. Shumë shpejt do të dëgjoni për emra të rinj në ekipin tonë”.

KALLAKU – “Kallaku është një djalë shumë i talentuar, nëse mban kokën poshtë dhe punon fort, mendoj se ai do të jetë Ervin Skela i ri i kombëtares shqiptare”.

KONKURRENCA – “Këtë vit, ndryshe nga vitet e tjera, do të kemi një luftë të fortë nga vendi i parë te vendi i gjashtë”.

PARTIZANI – “Të bësh pak gabime është shumë e thjeshtë. Vendosu mbrapa e prit kundërshtarin, kaq. Por, ndonjëherë të duhet më shumë se kaq. Skënderbeun nuk e mundën, ndaj Flamurtarit humbën dhe ndaj nesh nuk fituan. Favori më i madh i Partizanit është se ka një grup të formuar që në janar”.

KRIZA E SKËNDERBEUT – “Unë e dija se nëse Skënderbeu do të gabonte në dy ndeshje, grupi i lojtarëve të rinj nuk do ta përballonte. Eksperienca ka të bëjë shumë. Vetëm Radas, Vangjeli dhe Muzaka kanë ngelur nga lojtarët me eksperiencë aty”.

Por çfarë shkuan korçari? “Asgjë nuk është ashtu siç duket, asnjëherë”. Kuptimi? Osmani e di më së miri. Si zakonisht është i padeshifrueshëm. Me siguri Braçe e sheh me sy tjetër tani që shtatlarti është pjesë e Teutës.

Por nuk është i vetmi që përcjell mesazhe përmes rrjeteve sociale. Një tjetër qendërmbrojtës, i ri në moshë, si Jon Mersinaj, “ngacmon” sulmuesit. Futbollisti i Laçit, i marrë në huazim nga Lokomotiva e Zagrebit, shkuan: “Sulmet shesin biletat, mbrojtjet fitojnë kampionatet”. Diçka të tillë në fakt e thonë shpesh edhe trajnerët.

33-vjeçari ka postuar një foto të një thënie: Hipokriti han me ujkun dhe qanë me barin. Ndërsa, për ta bërë akoma më “pikant” postimin, Osmani ka shkruar në mbishkrim: “Shumë shpejt do flas dhe për ujkun dhe për bariun, prisni dhe pak…”

Së fundmi ka bërë një postim në “Story” në llogarinë e tij në “Instagram”. Foton e hedhur me siguri nuk do arrijë askush ta deshifrojë, por Osmani padyshim është mjeshtër për të dhuruar shfaqje dhe për të tërhequr vëmendjen.

Pritet që këto ditë ai t’i bashkohet në stërvitje skuadrës, që momentalisht është në momentin e saj më të vështirë. Tefik Osmani është ndër lojtarët më të vjetër dhe e njeh mjaft mirë kampionatin shqiptar. Eksperienca e tij do të ishte mjaft e dobishme në rindërtimin e ekipit të Skënderbeut.

Skuadra e Orges Shehit pritet të zhvillojë një miqësore ditën e shtunë me Trepça 89, që drejtohet nga Gugash Magani. Trajneri Shehi po mundohet të ndërtojë këtë verë një ekip sa më kualitativ dhe ka ende nevojë për lojtarë. Në shënjestër momentalisht janë një sulmues dhe një mesfushor.

Kujtojmë se Skënderbeu ka zhvilluar dy miqësore së fundmi. Një me Renovën e Blendi Shkëmbit dhe një me Teutën, ku të dyja sfidat kanë përfunduar me rezultatin e bardhë 0-0.

I lirë është edhe Gëzim Krasniqi, i cili arriti të siguronte kupat e Europës me Rabotniçkin. Ditmar Bicaj doli pa gjë te Flamurtari vjet, edhe pse u munduan shumë të sigurojnë vendin e dytë në kampionat dhe të fitonin Kupën e Shqipërisë.

Dy qendërmbrojtësit e tjerë që janë të lirë e kanë mbyllur sezonin te Vllaznia. Renato Malota dhe Sedat Berisha, edhe pse kuqeblutë ranë nga Superiorja, kanë treguar nivel dhe janë një opsion i mirë për shumë klube të elitës së futbollit shqiptar.

[Best_Wordpress_Gallery id=”60″ gal_title=”Gjashte qendermbrojtes”]