Shkak për këtë është bërë një ndeshje e trukuar gjatë sezonit të kaluar në Segunda Divizion, ku Hueska u mund me rezultatin 1 – 0 nga Himanstik Tarragona. Shuma të mëdha u luajtën në kompanitë e basteve aziatike për fitoren  e Himnastik. Ky fenomen u pikas nga autoritet spanjolle dhe pas një hetimi që zgjati thuajse një vit, prokuroria lëshoi mandat arrestet.

“A dëmton kjo gjë futbollin? Prej shumë kohesh mendoj se jo. Kam parë që në gazeta të ndryshme flitet për një “ditë të errët” të futbollit spanjoll, por është e kundërta.Të gjithë e dimë se polica dhe La Liga nuk janë në gjumë. Krimi është pjesë e shoqërisë dhe ne po përpiqemi ta reduktojmë me sa të jetë e mundur. Grabitjet dhe vrasjet s’do të ndalen kurrë. E rëndësishme është që ne të punojmë për të ulur numrin e tyre”.

“Nëse ndonjëherë ndodh diçka, kjo nuk do të thotë që çdo gjë është e pistë. Përkundrazi, unë mendoj se kjo është një ditë për të falënderuar policinë dhe punonjësit e anti-korrupsionin, si dhe La Ligën që mbështetën këtë hetim që filloi më shumë se një vit më parë”.

“Kur të filloj procesi gjyqësor do të dimë më shumë. U kam dërguar një letër të gjithë sponsorëve të La Ligës, ku i kam shpjeguar se investimi në kampionatin tonë është i sigurt”.

Të shumtë ishin ata që dolën kundër këtij vendimi, ndër ta dhe kreu i FIFA-s Infantino dhe presidenti i federatës spanjolle Rubiales, por mesa duket presioni i tyre nuk e ka trembur aspak Tebas, i cili ka insistuar se ndeshjet në Amerikë do të zhvillohen, pavarësisht zërave kundër.

Këtë lajm e konfirmon dhe një reklamë e vendosur në gazetën e njohur “Miami Herald” për takimin midis Zhironës dhe Barcelonës, ndeshje kjo e planifikuar të luhet në Majemi të Floridës më datë 26 janar. Ndëkohë, duhet theksuar se vendimi është marrë pas miratimit nga ana të dy klubet.

Vendimi i zhvillimit të ndeshjeve jashtë Spanjës në shkëmbim të shumave monetare është cilësuar si një lëvizje shumë drastike dhe që mund të cenojë mbarëvajtjen e kampionateve të gjithë botën. Një kundërshtari i këtij vendimi ishte dhe presidenti i federatës spanjolle, Rubiales.

Në janar të 2018-ës, është planifikuar ndeshja e parë në Amerikë, midis Gironës dhe Barcelonës. Ajo që çuditi më shumë opinionin publik në Spanjë ishte se të dy presidentët e klubeve kishin rënë dakord që ndeshja të zhvillohej në Majemi të Floridas, duke injoruar kështu kërkesat e fansave lokalë.

Në një takim të ditës së hënë, që ka zgjatur për më shumë se 1 orë, midis Tebas dhe kreut të shoqatës së futbollistëve, David Arganzo, nuk është gjetur gjuha e përbashkët dhe hapi i radhës nga ana e shoqatës mund të jetë vënia në jetë bojkotit të kampionatit.

Ndër figurat që kanë shprehur kundërshtitë e tyre për grevën e futbollistëve kanë qenë  kapiteni i Realit, Serxhio Ramos, Hoakin Sançez i Betisit, Koke dhe Serxhio Buskets. Në muajin janar, La Liga ka programuar që takimin midis Gironës dhe Barcelonës të zhvillojë në Florida.

Deklarata – Pavarësisht se me fjalë të tjera, Tebas ka lënë të kuptohet se Nejmar dhe babai i tij janë tallur me respektin e Barcelonës, u është dhënë gishti dhe kanë marrë dorën apo, thënë më mirë, kanë pështyrë aty ku kanë ngrënë. “Ne i kapëm ata duke urinuar në pishinë. Madje, Nejmar po urinonte nga trampolina! Nuk mund ta pranojmë diçka të tillë. Faktikisht nuk është vetëm PSG, por edhe Mançester Siti. Ne po kërkojmë të gjejmë të ardhura nga televizionet dhe reklamat për të mbajtur klubet tona të shëndosha financiarisht, ndërsa Siti bazohet vetëm te nafta për të marrë lojtarë të mëdhenj në merkato”, – është shprehur numri 1 i futbollit spanjoll. Dihet se UEFA po heton të dyja klubet, por deri tani nuk ka gjetur asnjë shkelje të “fair play” financiar. Siti financohet nga “Abu Dhabi United Group” që nga viti 2008, ndërsa PSG është blerë nga shteti i Katarit nëpërmjet fondit “Qatar Sports Investments” që nga viti 2011. Jo më kot, agjenti Mino Raiola pak javë më parë shprehej se tani futbollistët po blihen nga shtetet. Ajo që Tebas harron, ndërkohë, është se Atletiko Madrid, Real Madrid dhe Barcelona janë penalizuar nga FIFA për lëvizje të parregullta në merkato. Gjithsesi, ai e ka edhe një përgjigje për këtë. “Këtë argument e përdorin vetëm fëmijët e mi. Kur i jap njërit biskotë, tjetri ankohet pse nuk i jap edhe atij. Klubet tona paguan pasojat, ndërsa Siti dhe PSG vazhdojnë me transferime të parregullta”.