Taulant Hysenshahaj

Hysenshahaj: Sezon zhgënjyes, Apolonia e re do jetë ndryshe

Sport Ekspres — Mon, 27 May 2019 17:43:19 +0000

Apolonia nuk i ka ndalur përgatitjet dhe deri më datë 31 maj skuadra do të vijojë të stërvitet. Sezoni i fundit padyshim pranohet nga të gjithë se ishte një dështim, pasi në fillim u mendua të luftohej pët t’u rikthyer në Kategorinë Superiore. Jo vetëm kjo gjë nuk u arrit, por fierakët madje u renditen në pesëshen e dytë të skuadra në grupin B.

Gjithsesi ka optimizëm për sezonin e ardhshëm dhe kapiteni Taulant Hysenshahaj nuk e fsheh: “E nisëm shumë mirë sezonin dhe me pretendimin që Apolonia të ngjitej në Kategorinë Superiore. Gjatë garës bëmë disa gabime, që na penalizuan në arritjen e këtij synimi. Renditja në peshën e dytë ishte zhgënjimi i sezonit, pasi skuadra kishte përbërjen e një ekipi të Superiores”.

Mesfushori më tej shton: “Gabimet që bëmë në sezonin e kaluar duhen korrigjuar dhe mbi korrigjimin e tyre do ndërtohet projekti për sezonin e ri. Drejtuesit i kanë gati emrat që mendojnë të përforcojnë Apoloninë, por ende nuk mund të flas për emra konkretë. Gjatë muajit qershor do bëhen zyrtare planet dhe emrat e përforcimeve”.

AGRON KAJA

Hysenshahaj: Nuk vodhëm asgjë, bëjmë detyrën edhe ndaj Elbasanit

Sport Ekspres — Tue, 23 Apr 2019 14:07:46 +0000

Apolonia mposhti në Berat Tomorin me rezultatin 1-4 dhe nëse ndokush mendonte se fierakët do toleronin, rezultati i ndeshje ia jep përgjigjen çdokujt. Kapiteni i bardhejeshilëve, mesfushori Taulant Hysenshahaj, ka folur për SportEkspres.com dhe është krejtësisht i qartë.

“Apolonia e fitoi me meritë ndeshjen në Berat. Aty treguam respekt e seriozitet për garën e fanellën tonë. Besoj se këtë herë është më shumë i qartë fakti që ne nuk vodhëm asgjë, thjesht fituam në fushë. Të gjitha deklarimet e tjera i shpërfillim, sepse ato nuk kanë qenë, nuk janë dhe nuk do të jenë mision i Apolonisë”, u shpreh fillimisht mesfushori.

Në Berat janë të bindur se ndaj Elbasanit po tolerohet. Verdheblutë ndeshjen e fundit mposhtën në transfertë Pogradecin, kurse këtë herë përballen me Apoloninë në shtëpi. Hysenshahaj thekson se Tomori justifikohet për rezultatet që ka marrë dhe premton që ndaj Elbasanit do bëjnë më të mirën.

“Tomori kërkon që të hedhë shashka justifikuese për situatën e vështirë në zonën e mbijetesës. Edhe në Elbasan do të shkojmë të bëjmë detyrën tonë si profesionistë. Futbolli është i krijuar të luhet në fushë dhe aty tregohet se sa respektohet gara dhe kundërshtarët”, përfundon Hysenshahaj deklaratën e tij.

AGRON KAJA

VIDEO | Fitorja e Apolonisë, vendosi kjo perlë e Hysenshahajt!

Sport Ekspres — Sat, 01 Dec 2018 22:17:36 +0000

Besa u mposht sot me Apoloninë dhe la kreun e klasifikimit, pasi Bylisi triumfoi në transfertë dhe mori vendin e parë. Në Fier ndeshja u vendos nga një gol i kapitenit Hysenshahaj, i cili realizoi nga një goditje dënimi.

Mesfushori ekzekutoi në mënyrë perfekte dhe e shtangu portierin e Besës me goditjen e tij. Festë e gjatë e mesfushorit dhe e shokëve të tij të skuadrës. Ai gol i shënuar sigurisht që e meriton diçka të tillë.

https://www.facebook.com/1501836560044283/posts/2289691681258763/

Kapiteni i Apolonisë: Myrto, ike më punë! Të tjerët me dallavere

Sport Ekspres — Tue, 04 Sep 2018 17:30:07 +0000

Myrto Uzuni është transferuar në Kroaci, ndërkohë që anësori beratas nuk ka ngurruar të falënderoje të gjithë ata që i kanë dhënë një dorë të arrinte te kjo ditë. Familja është e para, për të vijuar me presidentin e Laçit, Pashk Laskën, menaxherin e tij dhe ish-trajnerin e kurbinasve, Besnik Prengën.

“Sot është një ditë që do e mbaj mend në jetën time, sepse fillon një etapë e re në karrierën time. Jam krenar që jam pjesë e NK Lokomotiv Zagreb. Dua të falënderoj familjen time në radhë të parë që më kanë mbështetur në çdo moment, falënderoj presidentin Pashk Laska dhe tifozët e KF Laçit, menaxherin tim Franci Bode dhe profesor Besnik Prengën, që më ndihmuan të jem sot këtu”.

PËRSHËNDETJA E LAÇIT – “Festuam shumë gola të tij, e pamë të vraponte kilometra të tëra në fushë, dha gjithçka për klubin tonë dhe sigurisht që meriton falënderime nga të gjithë. Sot është pjesë e Lokomotivës së Zagrebit dhe emrin e tij e ka shënuar në historinë e klubit, duke qenë lojtari që na dha fitoren e parë në një ndeshje ndërkombëtare kundër Anorthosis Famagusta, por është edhe i pari që transferohet nga klubi ynë në një klub të huaj.

Nuk na mbetet gjë tjetër veçse ta urojmë Myrton: Suksese në këtë hap tëndin në karrierë. Në Laç do të mbetesh në memorien e të gjithëve, ashtu sikurse edhe vetë nuk do ta harrosh këtë eksperiencë. Urime!”.

HYSENSHAHAJ – Mes shumë urimeve të marra, bie në sy edhe një koment i bërë nga ana e Taulant Hysenshahajt, kapitenit të Apolonisë. Mesfushori ka qenë shok skuadre me Uzunin në Fier, ndërkohë që shkruan: “Myrto Uzuni, të tjerët kanë ikur prej dallavereve të menaxherëve të tyre, ti që e ke merituar me kohe s’ke mundur dot. Me punë dhe duke ulur kokën i ke treguar gjithë Shqipërisë që je më i miri. Të uroj shumë suksese dhe dua të shoh në ekip akoma më të madh. Suksese”.