Siç raporton ‘CalcioMercato’, Ulvs ka ofruar 20 milionë euro për mesfushorin Jardao dhe sulmuesin anësor Neto, që më parë kanë qenë të lidhur edhe me një kalim te Benfika në Portugali. Kjo ofertë, me shumë gjasa do të pranohet nga drejtuesit e Lacios dhe dy futbollistët e taletuar mund të transferohen në ishullin britanik.

Sipas “lacionews24”, Igli Tare ka piketuar zëvendësuesin e 32-vjeçarit. Bëhet fjalë për lojtarin e Ajntrahtit të Frankfurtit, Martin Hintereger. Qendërmbrojtësi shtatlartë është prej disa vitesh pjesë e rregullt e kombëtares austriake.

Për të siguruar kartonin e 26-vjeçarit, Lacio duhet të mposhtë konkurrencën  e anglezëve të Kristal Palas.

Sipas medieve italiane Lacio është futur në negociata për sulmuesin e Genk, Mbuana Samata. Sulmuesi 26-vjeçar shënoi më shumë se kushdo në sezonin duke rezultuar kyç në shpalljen kampiont të Genk me 23 gola.

Sulmuesi nga Tanzania ka dhe dy vite kontratë me Genk, por vetë ai e ka bërë të ditur që dëshiron largimit pas nga kampionati belg. Lacio është e gatshme të plotësojë kërkesat e Genk, por vetë lojtari po tundohet nga oferta nga skuadra të ndryshme nga kampionati kinez.

https://www.youtube.com/watch?v=ADwzliGN8G8

Të dy futbollistët shqiptarë kanë bërë sezone të shkëlqyera dhe janë në radarin e disa skuadrave me emër, përfshirë këtu dhe Lacion. Objektivi kryesor i lacialëve mbetet Uesli, sulmuesi i Klub Bryzh, por në rast se nuk arrihet te firma e tij, do të nisin bisedimet me dy sulmuesit shqiptar.

Për Muriqin, interesimi nuk ka munguar që kur është hapur merkato, me shumë skuadra të mëdha turke që kërkojnë shërbimet e tij. Ndërsa për Ajetin, ka pasur interes nga kampionati holandez, por bomberi ka vendosur të qëndrojë te Bazeli deri më tani.

Sipas “Sky Sports”, Tare ka refuzuar ofertën e Milanit. Drejtori Sportiv do t’i mbetet besnik skuadrës ku punon në këtë post prej më shumë se 10 vitesh.

Pavarësisht skepticizmit që e shoqëroi në vitet e para, Tare ka treguar se është një ndër më të mirët në rolin e tij në Itali duke ngritur gradualisht nivelin e Lacios, që vitet e fundit është bërë një ekip që i është afruar pjesëmarrjes në Champions League.

Holandezi Roben e ka shprehur disa herë se dëshiron të luajë edhe një vit në një kampionat elitar, para se të përfundojë karrierën në një kampionat si “MLS” në Amerikë ose Superliga kineze. 34-vjeçari s’ka luajtur kurrë në Serie A dhe në Romë do mirëprisnin krahëhapur. Megjithatë, kërkesat financiare të lojtarit nuk do të jenë diçka e thjeshtë për t’u përballuar nga financat e Lacios.

Spanjolli Moreno ka kaluar dy vite shumë të vështira në Angli, por mëngjarashi është vetëm 26 vjeç dhe te Lacio shpresojnë se mund të rigjejnë lojtarin që shkëlqeu me Sevijën vite më parë. Mosha e madhe e Senad Luliç nuk jep garanci për të ardhmen, ndërsa Durmishi dhe Xhordan Lukaku nuk e kanë justifikuar besimin e ekipit kryeqytetas, ndoshta Moreno do të jetë zgjidhja përfundimtare për këtë pozicion problematik.

Ky takim u analizua nga ish-trajneri i kombëtares shqiptare Xhani De Biazi gjatë një emisioni sportiv në vendin fqinj. Tekniku italian vuri gishtin te blerjet e verës, që sipas tij kanë rezultuar të gjitha të dështuara, me përjashtim të argjentinasit Korrea.

“Lacio humbi ndaj një Atalanta shumë të mirë, për këtë nuk ka dyshime. Në ndryshim nga viti i kaluar mungon kontributi i disa lojtarëve të rëndësishëm si Milinkoviç-Saviç dhe Imobile. Megjithatë, më duhet të shtoj se blerjet e verës, përjashto Korrean, nuk kanë rezultuar të duhurat për projektin e klubit”, tha De Biazi.

Ditën e sotme mediet italiane kanë konfirmuar se 26-vjeçari do t’i nënshtrohet një tjetër operacioni. Kësaj radhe bëhet fjalë për një dëmtim në gju. Analizat e kryera në Barcelonë konfirmuan dëmtimin e rëndë. Berishës do t’i duhet të qëndrojë jashtë fushave deri në muajin qershor.

Mesfushori me tipare sulmuese e mbyll sezonin e tij të parë në Serie A me  vetëm 192 minuta dhe tetë aktivizime.

Ndër lojtarët më me emër që Tare ka marrë nga futbollit belg janë Lukas Bilja, Sergei Milinkoviç-Saviç dhe Adam Marushiç. Objektivi i radhës i Lacios është sulmuesi i Klub Bruzh, Uesli Moraesh.

Futbollisti 22-vjeçar luan prej katër sezonesh në Belgjikë, ku ka spikatur me golat dhe forcën e tij fizike. Uesli është 1.91 centimetra i gjatë dhe peshon 93 kile. Megjithatë, braziliani njihet për karakterin impulsiv çka ka bërë që të grumbullojë shumë kartonë të kuq.

Atletiko Madridi flitej se ishte skuadra e interesuar për shërbimet e sulmuesit italian, por në garë tashmë është futur dhe Lacio. Igli Tare është gati të hapë bisedimet me drejtuesit e Milanit, me të cilët ka raporte të mira. Bisedimet mes dy palëve pritet të kenë dhe një përgjigje pozitive për tifozët lacialë, pasi në rast se paguhen 30 milionë euro, Kutrone mund të vishet bardhekaltër.

Zapakosta u largua nga kampionati italian në verën e 2017-ës, pasi Çelsi e bleu për 25 milionë euro nga Torini. Gjatë këtyre dy sezoneve në Angli, hapësirat për italianin kanë qenë të pakta dhe “divorci” është zgjidhja më e mirë për të dyja palët.

Gjithsesi, Igli Tare e ka një plan B. Në rast se në ditët në vazhdim nuk arrin të bindë drejtuesit e klubit londinez, vëmendja do të kalojë te mbrojtësi i SPAL-it, Manuel Lazari, i cili së fundmi është bërë një pjesë e rregullit e kombëtares italiane.

Edhe pse Reali i Madridit dhe Totenhami e duan në ekip, 19-vjeçarit nuk i premtohet një vend titullari, prandaj Lacio shihet në “pole position” për shërbimet e tij.

Igli Tare ka nisur bisedimet prej disa kohësh tashmë me agjentin e lojtarit dhe me shumë gjasa, Lacio do të nënshkruajë me Elmas gjatë muajit janar, një transferim që do të nxirrte dhe njëherë tjetër në pah të gjitha aftësitë e drejtorit shqiptar të Lacios.

Kontrata aktuale e Adekanie mbaron në fund të këtij sezoni, pra Lacios nuk do i duhet të shpenzojë para për të bindur drejtuesit e Liverpul. Talenti holandez është një lojtar mjaft interesant, që aktivizohet me kombëtaren e Holandës.

Sulmuesi i krahut të majtë ka “shëtitur” në pak vite në katër prej akademive më me emër në Europë. Hapat e parë i hodhi te Ajaksi, ndërsa kur ishte 12 vjeç shkoi në akademinë e Barcelonës, ku qëndroi për pesë vite. Më pas një eksperiencë e shkurtër te PSV-ja dhe firma me Liverpulin, ku luan prej dy sezonesh.

ECURIA E DOBËT DHE “FIKSIMI” CHAMPIONS – “Champions nuk ka përse të na bëhet një fiksim. Skuadra dhe klubi kanë pësuar një rritje graduale, kështu që është normale të kemi objektiva akoma më të mëdhenj sesa në të shkuarën. Por, duhet të jemi të vetëdijshëm, se do të kemi dhe momente kur gjërat nuk ecin sipas planit. Në shumë sfida të rëndësishme nuk i jemi afruar ndeshjeve në mënyrën e duhur. Skuadra ka cilësi, problemet i kemi në aspekte të tjera”.

KRITIKAT PËR GRUMBULLIMIN (Prej katër ditësh skuadra është e grumbulluar në hotel) – “Ishte një vendim i mirëmenduar. E bëmë për të stabilizuar gjendjen e skuadrës, pasi nuk kemi marrë rezultatet të cilat dëshironim. Shtypi na ka “baltosur” shumë për këtë vendim. Ka pasur dhe nga ata që kanë në vënë në dyshim pozitat e Inzagit. Po u a bëj të qartë se ai ka besimin tonë të plotë. Kemi përpara një rrugë të gjatë e të mundimesh, por jam i sigurt se do ta shijojë”, përfundoi Tare.

Së fundmi është “GianlucadiMarzio.com” që i ka kushtuar një shkrim të veçantë drejtorit sportiv të kryeqytetasve italianë. Siç shkruhet në sajtin prestigjioz italian, Tare është një nga më të mirët prej 10 vitesh, por pozitive është që të paktën dhe për dy vite do të jetë sërish pjesë e futbollit italian.

Gjithçka nisi në edicionin 2008-2009, saktësisht 10 vite më parë, kur Lotito i bëri një pyetje të thjeshtë Tares: “Çfarë mendon për këtë ekip”. Këtu nisi gjithçka për shqiptarin, i cili u fut për një rinovim si lojtar dhe doli me një rol si drejtor. Lotito e kishte menduar këtë rol për të për një kohë të gjatë dhe i dha Tares dy ditë kohë për ta menduar, megjithatë atij nuk iu deshën shumë kohë për të vendosur. Që atëherë ai asnjëherë nuk ka ndryshuar mendje.  Të enjten erdhi dhe lajm i madh për “shqiponjat”, pasi u konfirmua se ishte arritur marrëveshja për rinovim, por vetëm disa detaje kishin mbetur për t’u saktësuar.

Lotito besoi te ai dhe kishte të drejtë. Në fillim jo të gjithë e mendonin si bosi i Lacios, por me kalimin e kohës nuk kishin më asnjë dyshim. Igli ka mësuar shumë dhe ka bërë një punë të madhe dhe tani e sheh veten në krye. Në Romë Tare është si në shtëpi. Disa mosmarrëveshje me presidentin dhe ish-sulmuesin kuqezi janë thjeshtë një kujtim i largët. Në Itali thuhet se mjafton që t’i japësh Tares një shifër mbi 8 milionë euro dhe do të sjellë një lojtar me të ardhme të madhe. Ka ndodhur gati gjithnjë: Çfarë prek ai kthehet në fitime financiare, në trofe dhe në bilance pozitive.

Tare nuk ka ndonjë rrjet vëzhguesish, vetëm një specialist analizash me video dhe njihej që janë krijuar me kalimin e viteve duke kërkuar talente. Shqiptari punon vetëm dhe pa ndihmën e askujt. Kur lidentifikon një element të veçantë, ai e ndjek për muaj të tërë, duke analizuar dhe videot e tij, por më pas për të shumë rëndësi ka dhe ana njerëzore e tij dhe para se t’i ofrojë dikujt një kontratë duhet të flasë me të dhe zbulojë karakterin e tij, por të njohë dhe familjen. Nuk i lë asgjë rastësisë.

Tare flet gjashtë gjuhë të huaja: shqip, italisht, anglisht, gjermanisht, spanjisht dhe greqisht. Ëndrra e tij është që një ditë të drejtojë Shqipërinë. Aq i fiksuar pas punës së tij, sa disa vite më parë mori një trajtim disa-ditor, për shkak të stresit të tepërt. Aq i fiksuar pas punës ishte, sa kur po kurohej tha: “A mund ta marr telefonin me vete?” Pas këtij momenti gjithçka u përmirësua, por vetëm pas shumë vitesh ai mori disa ditë pushime dhe festoi me familjen tij, duke e pasur telefonin e fikur, për disa ditë, të paktën për pjesën më të madhe të kohës. Ishte rast shumë i rrallë për të.

45-vjeçari ka bërë shumë afrime, ndonjë nuk ka rezultuar edhe aq i suksesshëm, por me të tjerë ka marrë trofe dhe ka krijuar fitime të konsiderueshme për klubin. Lista është e gjatë, Keita, Strakosha (këshillë nga legjenda Foto Strakosha, babi i Thomasit), Kloze po ashtu do të dashurohej me ngjyrat e Lacios.

Igli besoi te I mobile, si dhe zbuloi Milinkoviç-Saviç, me këtë të fundit që e mori 10 milionë euro, ndërsa tani vlerësohet mbi 100 milionë euro. Nga Brazili ai “peshkoi” Hernanes dhe Felipe Anders on, në Holandë fitoi konkurrencën për De Vrijn, nga Spanja mori Luis Alberton. Talentet që ka marrë Tare janë të panumërt dhe dora është vetëm e tij, e Iglit i cili thuajse aksidentalisht u kthye nga një sulmues në një drejtor sportiv, më të suksesshmin në Itali.

Siç bëhet me dije nga “Calciomercato.com” Tare do të vijojë punën me Lacion të paktën deri në vitin 2020. Një lajm i mirë ky për tifozët e Lacios, pasi kanë besim te shqiptari, i cili mund ta ngjisë akoma dhe më lart skuadrën e tyre. Të gjithë nga Tare presin shitjen e Milinkoviç-Saviç, i cili mund të regjistrojë një rekord sa i përket transferimeve në Itali.

Edhe në vendin tonë është pritur që Tare të nisë angazhimet, por të paktën deri në vitin 2020 ai do të japë kontributin e tij te fqinjët, të paktën deri në fillimin e dekadës së ardhshme.

Shënjestra e ardhshme e Tares është sulmuesi algjerian i Portos, Jasin Brahimi. 28-vjeçari luan prej pesë sezonesh në Portugali, ku sezonin e kaluar u shpall lojtari më i mirë i kampionatit portugez, duke luajtur rol kyç në fitimin e titullit kampion.

Aspekti më interesant i këtij transferimi është se gjithçka mund të kryhet me kosto 0, pasi kontrata e algjerianit me “gjigantin” portugez mbaron në fund të këtij sezoni, por kjo do të thotë se lojtari do të kërkojë një pagë vjetore prej të pakën katër milionë eurosh në sezon, që do të ishte një rekord  te Lacio.

Të dy lojtarët kanë firmosur kontrata afatgjata që skadojnë në vitin 2023 dhe padyshim janë kthyer tashmë në lojtarët më të paguar në klub me një diferencë të konsiderueshme nga pjesa tjetër e ekipit. Rinovimi që ngjall më shumë interes është ai i serbit Milikoviç-Saviç, pasi interesi për të ka qenë i madh dhe zor se lojtari dhe agjentët do të pranonin një kontratë pa një klauzolë largimi.

??#Immobile2023 & #Sergej2023

?? https://t.co/oZpi1htNmS pic.twitter.com/e6cTIOKQGv

— S.S.Lazio (@OfficialSSLazio) October 1, 2018

Si pasojë e skemës, një këst prej  2 milionë eurosh që supozohej të shkonte në llogarinë e Fejnordit ka përfunduar në drejtim të paditur. Klubi holandez ka kërkuar prej vitesh këtë shumë, por Lacio s’ka pranuar, pasi sipas tyre mashtruesit kanë pasur informacion konfidencial të përfituar nga persona brenda klubit holandez.

Por, sot Gjykata e Arbitrazhit Sportiv (CAS) ka urdhëruar Lacion t’i paguajë Fejnordit 1 milionë euro. Skuadra holandeze nuk është e kënaqur me shumën, pasi ata thonë se nuk është faji i tyre që punonjësit e Lacios ranë në grackën e mashtruesve dhe prandaj duhet që ta marrin të plotë këstin prej 2 milionë eurosh.

Bëhet fjalë për ish-trajnerin e  Romës Rudi Garsia, i cili tani drejton Marsejën në Francë. 54-vjeçari kërkon ta kthejë në vendlindje sulmuesin, por Tare nuk do t’ia bëjë aspak të lehtë francezit. Momentalisht përflitet se Sellik kërkon të paktën 15 milionë euro për talentin francez, por konkurrenca midis klubeve mund ta rrisë akoma më shumë çmimin e tij.

Në rast se Dembele do t’i bashkohet Lacios, atëherë do shikohet mundësia e huazimit të sulmuesit ekuadorian Felipe Kaisedo, i cili nuk bindi aspak gjatë sezonit të shkuar ku shënoi vetëm tri gola.  29-vjeçari me shumë gjasa do të huazohet te skuadra e Rajo Vajekanos.

Transferimi i Iuobit te Lacio përflitet se do të finalizohet për shumën e 20 milionë eurove. Nigeriani është vetëm 22 vjeç dhe shihet si një bast me shumë pak risqe në sytë e Igli Tares.

Një tjetër emër që po lakohet në Itali është ai i Andre Shurles, i cili është lënë jashtë ekipit nga Borusia e Dortmundit. Gjermani, kampion bote në vitin 2014, kërkohet edhe nga Kristal Palas. Kalimi te Lacio nuk është i lehtë, duke pasur parasysh se anësori i majtë në Gjermani përfiton 4.5 milionë euro. Italianët japin deri në 3 milionë euro, çka tregon se është një pistë e vështirë për t’u arritur.

Zyrtarizimi është çështje orësh dhe futbollisti i spikatur i Salcburgut dhe Kosovës do të kalojë në kryeqytetin italian.

25-vjeçari ka qenë pjesë e Salcburgut në 6 sezonet e fundit, duke shkëlqyer nga sezoni në sezon, ndërsa këtë verë Sampdoria u duk se siguroi shërbimet e tij, aq sa u bë thuajse zyrtare.

Megjithatë, në mes është futur Lacio, që ka arritur marrëveshjen me lojtarin dhe ndërkohë do të paguajë 7 milionë euro, plus 1 milion bonus, te Salcburgu.

Vendimtar ka qenë Igli Tare, i cili bindi kampionët e Austrisë dhe më pas foli personalisht me Berishën, pa kontaktuar fare me agjencinë që përfaqësonte Berishën, SEG, e njëjta që përfaqëson Sefan de Vrij.

Për të kaluar te Lacio Berisha ka braktisuar agjencinë dhe ka paguar edhe një gjobë për të ndryshuar prokurator.

Për të është gati një kontratë 5-vjeçare, me 1,5 milionë euro në sezon.

13 VITE ME LACION – “Kam 13 vite me Lacion, 3 si futbollist dhe 10 si drejtor sportiv. Nuk ka sekrete, ka shumë pasion dhe dëshirë për të punuar mirë, por edhe shumë dëshirë për të nderuar klubin  ka një histori të rëndësishme dhe duhet mbrojtur e nderuar”.

DREJTORI SPORTIV MË I MIRË – “Më jep kënaqësi fakti që ky nderim vjen nga bota e futbollit, nuk është e lehtë të punosh në Itali. Mbi të gjitha në një ambient të vështirë si Roma, por të jep vetëdijen që je në rrugën e duhur. Megjithatë, duhet qëndruar me këmbë në tokë, duhet kujtuar nga kemi ardhur. Kanë qenë vite të vështira, duhet mbajtur mend mirë në të ardhmen. Në futboll gjithçka ndryshon shumë shpejt, baza është krijimi i themeleve të rëndësishme për të ardhmen”.

STRAKOSHA – “E dërguam në Serinë B që të bëhej i rëndësishëm, ashtu si Luiz Felipe. I takon Salernitanës të kuptojë që janë të rinj dhe që kanë nevojë për mbështetje në momente vështirësish. Salerno është një pjacë që ka kërkesa të larta, ndaj mbështetja ndonjëherë mungon për lojtarët e rinj”.

GARA PËR TITULL DHE CHAMPIONS – “Uroj të fitojë Napoli. Në Champions shkojnë Juventus, Napoli, Lazio dhe një prej Romës e Interit. Nuk kam frikë askënd. A mund të futet Milani në garë? Numrat thonë po. Mirabeli meriton notën 7 për merkaton”.

SIMONE INZAGI – “Problemi i vërtetë ishte se ai vinte nga 7 ndeshje në Serinë A, por unë dhe Lotito e dinim që ishte një i përzgjedhur nga fati. Kishim pak frikë se do digjej, duke e nisur menjëherë nga Lacio. Folëm qartë me të. Po sikur ta kërkojnë Juventusi apo Napoli? Jo, është i Lacios, të paktën edhe për dy sezone. Është shumë i lidhur me këtë klub, nuk kemi frikë se mund të largohet, uroj të qëndrojë 20 vjet, jo dy. Unë i adhuroj përrallat”.

E ARDHMJA – “Ndihem mirë te Lacio. Nëse do të më merrte në telefon ndonjë drejtues i Interit? Nuk punoj me ‘nëse’ apo ‘sikur’, në këtë moment jam shumë i kënaqur dhe krenar që punoj për Lacion. Sabatini iku nga Interi? Do ketë pasur arsye të forta për t’u larguar, por nuk gjykoj dot, sepse nuk e njoh mirë situatën”.

Goditje në fund të merkatos për Flamurtarin, një okazion që nuk duhej humbur. 22-vjeçari me nënshtetësi spanjolle dhe senegaleze, do të huazohet te klubi vlonjat, konfirmon Supersport, me Igli Taren që duket se i ka bërë një dhuratë Sinan Idrizit.

Tunkara, i rritur te të rinjtë e Barcelonës dhe më pas tek ata të Lacios, për të kaluar në ekipin e parë të kryeqytetit italian, luan si sulmues qendre, por edhe në krahë.

Emri i tij iu propozua dhe edhe Skënderbeut, nga ndërmjetës, por ka qene vendimtare ndërhyrja e Sinan Idrizit, i cili duke përfituar edhe nga miqësia me Taren, ka mbyllur gjithçka në orët e para të mëngjesit të sotëm.

Është një lojtar që klubi i Igli Tares e ka huazuar vitet e fundit në skuadra si Krotone dhe Salernitana, duke i dhënë mundësinë e aktivizimit, pasi në ekipin e parë të Lacios është shumë e vështirë të gjejë hapësirë për shkak të konkurrencës së madhe.

Flamurtari është aktivizuar edhe për faktin se ditët e fundit ka lënë të lirë fantazistin Gafuri, i cili ka kërkuar të kthehet në Maqedoni. Me emra si Muarem, Nedeljkoviç e Tunkara, Flamurtari ka shtuar ndjeshëm forcën sulmuese, pasi ka në skuadër edhe lojtarë niveli si Bushiç, Danilo Alvesh, Hoxhaj e Kamara.

Një ndër ata që punën e “Sherlok Holmsit” e bën në mënyrë të mrekullueshme është Igli Tare, një gjeni i vërtetë, jo thjesht se është shqiptar dhe na pëlqen ta ngremë lart, sepse na bën krenarë.

Edhe në Itali ia njohin vlerat dhe tifozët e kanë votuar se fundi si drejtorin sportiv më të mirë në Itali. Fati i Lacios, merita e Klaudio Lotitos, i cili e ka zbuluar, i ka dhënë besim dhe tani i ka dorëzuar çelësat e klubit kryeqytetas.

Tare ka ndërtuar një perandori të vogël suksesi, duke zbuluar talente e duke i shitur me shifra të jashtëzakonshme. Shihni Milinkoviç Saviç, i cili që tani vlen mbi 50 milionë euro dhe u ble për shumë më pak.

Lëvdatat nuk kanë fund, por kur flet një si Arrigo Saki, duhet dëgjuar me vëmendje, sepse trajneri legjendar ka bërë historinë e futbollit modern.

“E kam marrë në telefon Taren dhe i kam bërë komplimente, i sheh lojtarët si pak të tjerë. Lacio luan shumë mirë, pa stres e më ide të mira. Nuk njeh takticizma dhe kjo e bën një skuadër zbavitëse, në shtëpi e jashtë fushe”, shprehet Saki, në një intervistë për Gazzetta dello Sport.

E megjithatë, ka nga ata që habiten pse Cikalleshi vazhdon të luajë në Turqi, edhe pse realisht kampionati turk është i pasur dhe mjaft cilësor. Igli Tare, për shembull, duke folur për Supersport, i ka mëshuar idesë që Cikalleshi duhej të transferohej në një kampionat më cilësor se Turqia, ndoshta duke harruar që pak klube janë të gatshme të paguajnë për kartonin e sulmuesit kuqezi, por edhe për pagën e tij aspak të ulët. Edhe vetë Tare nuk është se ka bërë ndonjë përçapje për ta marrë Cikalleshin te Lacio, meqë mendoka se Cikalleshi ësht gati për kampionate të mëdhenj.

“Për ne shqiptarët Italia ka qenë pikë referimi, sidomos në lidhje me futbollin. Ka qenë ëndrra e fëmijërisë sime të luaja në Serinë A dhe realizova ëndrrën time kur shënova në një ndeshje kundër Milanit. Më bënte përshtypja dashuria dhe respekti i shqiptarëve që jetonin në Itali, të cilët krenoheshin që një shqiptar luante në Serinë A. Në atë Seria A kishte cilësi të jashtëzakonshme, ishte mjaft e vështirë të bëheshe pjesë, ndërsa tani Europa ka ndryshuar dhe tani shumë shqiptarë po shkojnë në futbollin italian.

“Shqipëria aktuale? Është tepër e thjeshtë për të thënë që Hysaj është lojtari më i rëndësishëm, por ka lojtarë që kanë cilësinë për të luajtur në skuadra më të mëdha se ato që luajnë.

“Ndonjëherë duhen ndërlidhur gjërat, duhet edhe pak fat, edhe momenti i duhur. Cikalleshi, për shembull, më pëlqen. Është një futbollist i fuqishëm që e njeh portën shumë mirë. Nuk e njoh personalisht dhe e kam kuptuar kurrë se si Cikalleshi, me ato cilësi që ka, vazhdon luan ende në kampionate të dorës së dytë”, tha Igli Tare.

Tare deklaron: “Më bezdis të dëgjoj që Lacio është surpriza e kampionatit: luajmë futboll fantastik, më të mirin në Itali. Rezultatet e arritura deri tani janë fryt i punës së thellë. Megjithatë, jemi vetëm në fillim të sezonit, nuk duhet të fluturojmë tepër lart, sepse do kemi edhe momente të vështira. Për të qëndruar lart duhet shumë vazhdimësi, Juventusi, Napoli, Interi e Roma kanë mentalitet fitues dhe lojtarë cilësorë. Lacio po i arrin ato nivele, por kemi nevojë për tifozët, sepse është për të ardhur keq që skuadra luan futboll fantastik me një stadium që lë për të dëshiruar. Luis Alberto? Nuk është një bast i fituar, është një lojtar që e kemi piketuar me kohë dhe që isha i bindur se do të bënte diçka të rëndësishme këtu, edhe pse e pati të vështirë ambientimin vjet. Mund të japë edhe më shumë, në krahasim me atë që po tregon tani”.

Natyrisht, Tare nuk mund të mos pyetet për Shqipëri Itali, pas disa ditësh në Shkodër: “Unë jam italian i adoptuar, por atdheu im është Shqipëria dhe uroj të fitojë ndaj Italisë. Ne shqiptarët ka vite që e presim këtë ndeshje, do doja ta luaja edhe unë. Do të shkojmë të gjithë në stadium për të bërë tifozllëk për Shqipërinë”.

Meritë e Tares, i cili ka treguar se është mjeshtër në zbulimin e xhevahirëve të tillë.

Tani drejtori sportiv i Lacios godet sërish, sepse në heshtje të plotë ka mbyllur zyrtarisht blerjen e anësorit të djathtë Adam Marushiç, 24 vjeç, nga belgët e Ostendes.

E donin Anderlehti, Lila, Shtutgarti e shumë klube të tjerë, por me një vizitë blic në Romë ylli i kombëtares së Malit të Zi ka firmosur dhe është prezantuar.

6.5 milionë euro i shkojnë Ostendes, Lacio shpreson t’ia shumëfishojë vlerën në pak kohë.

Sot agjenti i sulmuesit të talentuar, Roberto Kalenda, foli në lidhje me këtë çështje dhe zbuloi: “Kemi mësuar që Lacio ka arritur një marrëveshje me Milanin për shitjen e Keitasë, por askush nuk ka folur me ne. Keita ka dashur të qëndrojë te Lacio, por nuk i është bërë asnjë ofertë zyrtare për rinovim”.

Këto fjalë kanë bërë që të reagojë Igli Tare, sepse drejtori sportiv i Lacios ka kundërsulmuar: “Deklaratat e Kalendës nuk pasqyrojnë realitetin. Jo më shumë se dy javë më parë është zhvilluar takimi i fundit me të dhe i ofruam Keitasë një kontratë, ashtu si një vit më parë, sapo përfundoi sezoni. E përsëris, futbollistit i kemi ofruar zyrtarisht rinovim me shifra të njëjta me lojtarët më të paguar të Lacios”.