Gazeta bëri me dije pak ditë më parë se do të kishte një rikthim të Afrim Takut te Skënderbeut. Tashmë gjithçka është zyrtare. Lajmin e konfirmoi para 3 ditësh trajneri Ilir Daja, i cili bëri të ditur se Taku kishte kërkuar vetë të rikthehej dhe stafi teknik e mirëpriti. Sot Afrim Taku do të udhëtojë nga Amerika drejt Shqipërisë, pasi e ka prerë përpara dy ditësh biletën e avionit. Me shumë mundësi, nesër Taku do të niset drejt Korçës dhe pasdite do të jetë gati për stërvitje me Skënderbeun.

FIRMA – Afrim Taku vjen sot në Shqipëri dhe nesër gjasat janë që të prezantohet te Skënderbeu. Mbetet për t’u parë kohëzgjatja e kontratës, por me shumë gjasa ai do të firmosë për një vit. Mesfushori luajti 4 ndeshje me Skënderbeun në Europa League dhe që atëherë ai tha se largimi i tij nuk ishte një lamtumirë. Më pas shkoi në Amerikë dhe u fol se do të gjente atje një skuadër për të vazhduar karrierën. U fol edhe për një kalim të mundshëm te Partizani, por gjithçka mbeti në kuadrin e fjalëve. Skënderbeu vazhdon të shkëlqejë në Europë dhe Taku u bind plotësisht për të vazhduar projektin me korçarët. Taku ka luajtur pak me Skraparin dhe më pas ka qëndruar vetëm me Tiranën. Gjithçka tashmë është zyrtare dhe Afrim Taku është një emër më shumë në listën e Skënderbeut të sezonit të ri. Daja e donte patjetër këtë lojtar, që e njeh më mirë se askush tjetër, ndaj dhe presidenti Ardjan Takaj e bëri realitet këtë përforcim.

Natyrisht, nuk ka pasur asnjë pengesë nga ana e drejtuesve të Skënderbeut, të cilët e kanë falënderuar për kontributin e dhënë dhe i kanë uruar suksese. Taku luajti si zëvendësues, por edhe si titullar me korçarët në të djathtë të mesfushës. Ai mungoi në ndeshjen e fundit me Mlada Boleslavin, ndërkohë që trajneri Daja tashmë e ka të qartë se mesfushori nuk është më pjesë e grupit që ka në dispozicion. Taku ka familjen e tij në Amerikë dhe i duhet të shkojë shpesh atje, këtë radhë ndoshta për të mos u kthyer më, pasi mund të ketë gjetur edhe një ekip për të vazhduar karrierën e tij.

Taku vlerëson së tepërmi atmosferën që ka gjetur te Skënderbeu, duke nisur nga grupi i lojtarëve, drejtuesit dhe tifozët. Edhe nesër ish-lojtari i Tiranës do të jetë titullar në të djathtë të mesfushës. “Gjithçka ka shkuar mirë për mua. Nuk kam pasur asnjë problem me ambientimin, përkundrazi, ka qenë shumë e lehtë, pasi të gjithë më kanë mbështetur”, – shtoi më tej Afrim Taku.

Kryeqytetasi sqaron marrëveshjen e fundit, duke pohuar se pas ndeshjeve europiane do të flasë sërish me drejtuesit korçarë

Leonard Trebicka

Afrim Taku u vu në shënjestër të disa skuadrave të Superligës, pas mbylljes së sezonit të fundit. Por ai zgjodhi korçarët, ku ribashkohet me trajnerin Ilir Daja, vendimtar në zgjedhjen e mesfushorit. Gjithsesi, siç thotë vetë Taku, akordi aktual është vetëm për ndeshjet europiane, me mundësin për të vazhduar me Skënderbeun, por për këtë do të ketë bisedime të tjera. “Dua të sqaroj se te Skënderbeu jam vetëm për Europën, më pas do të ulem të flas me presidentin e këtij ekipi. Për të ardhmen nuk kam vendosur”, – sqaroi mesfushori Afrim Taku në një intervistë për “Sport Ekspres”. Në fakt, ai është prezantuar si blerje për sezonin e ri, por marrëveshjen e zbulon vetë lojtari, i cili siguron korçarët vetëm për Europën, pasi më pas nuk i dihet. Ja intervista e plotë e Takut:

– Taku, një ditë më parë keni firmosur me Skënderbeun dhe jeni prezantuar zyrtarisht. Si ndiheni?

– Ndihem vërtet mirë, që kam firmosur për Skënderbeun, por dua të sqaroj diçka. Kam firmosur vetëm për ndeshjet e Europa League. Dua të them se do të jem për ndeshjet europiane së pari dhe më pas do të ulem në tavolinë me presidentin Ardjan Takaj, me të cilin do të flas për të ardhmen. Nuk kam vendosur dhe nuk e di ç’do të bëj në të ardhmen.

– Çfarë ju bindi të visheshit bardhekuq, për Europën, siç po thoni?

– Më bindi korrektësia e presidencës korçare, por edhe prania e trajnerit Ilir Daja këtu te Skënderbeu. Për këta faktorë jam sot këtu në Korçë.

– Në karrierën tuaj keni luajtur vetëm me Tiranën. Sa e vështirë ishte t’i lije bardheblutë dhe të vijë në Korçë?

– Ishte shumë e vështirë. Por duhet të bëj hapa përpara në karrierën time. Mund të isha edhe në ndonjë ekip tjetër, por ja që për momentin jam bardhekuq.

– Sa ndikoi rënia e Tiranës nga Superliga, që të largoheshit prej saj?

– U arrit një marrëveshje dhe duhet të ndryshoja për pak kohë ambientin, gjë që u bë realitet. Kaq mund të them.

– Te Skënderbeu ju prisnin në fakt pak më parë. Cila është forma fizike e Afrim Takut në këtë moment?

– Jam mirë në këtë drejtim. Vetëm një javë pushova, asnjë ditë më shumë. Me këtë dua të them se gjatë gjithë kohës kam qenë aktiv në stërvitje, madje kam bërë edhe dy seanca në ditë.

– Në kontratën tuaj, a ka një opsion, sipas të cilit, nëse doni të luani në Amerikë, do të liheni i lirë nga klubi korçar?

– Është edhe ky opsion. Nëse do të kem një ditë një ofertë nga një skuadër amerikane, do të shkoj atje. Nëse do të firmos për Skënderbeun edhe në vazhdim, pra për sezonin tjetër, ky opsion do të qëndrojnë.

– Te Skënderbeu gjeni Muzakën, një ish-bardheblu, por edhe trajnerin Ilir Daja. Një ambient pak familjar, apo jo?

– Po, ka pak Tiranë edhe këtu. Por nuk kanë qenë vetëm Daja dhe Muzaka bardheblu. Me Tiranën kanë qenë më parë edhe Sebino Plaku, Tefik Osmani dhe Sabjen Lilaj. Pra, jemi një grup lojtarësh, që kemi qenë pjesë e Tiranës, kështu që ambientimi nuk është fare problem.

– Në fakt, trajneri Ilir Daja ju kërkoi me ngulm…

– Kjo ka qenë edhe arsyeja kryesore, që jam te Skënderbeu. Trajneri Daja më njeh mjaft mirë, prandaj më donte te Skënderbeu dhe ja ku jam tani sërish me të në skuadër.

– Sot (dje) është dita e dytë e stërvitjes me fanellën bardhekuqe. Ju ka bërë përshtypje ndonjë gjë në Korçë?

– Më ka bërë përshtypje diçka në stërvitje, pasi kishte shumë tifozë që na ndiqnin. Interesimi ishte i madh. Kjo është një gjë shumë e mirë për të gjithë ne, pasi na mobilizon më shumë për ndeshjet e Europës.

– Vini te Skënderbeu, një ekip me disa tituj radhazi dhe që ka bërë histori në Europë. Sa ju ndihmon ku fakt në karrierën tuaj?

– Kjo është diçka shumë e mirë, pasi do të na ndihmojë shumë në të ardhmen mua dhe ekipin. Në fakt, nuk kam fituar ndonjë titull kampion te Skënderbeu, pasi luaj për herë të parë për të, por di të them që është një skuadër, që ka një grup shumë të mirë.

– Në mesfushë, ku luani edhe ju, ka shumë lojtarë. Mendoni se do ta fitoni shpejt formën fizike dhe të kapni formacionin?

– Kur ka konkurrencë, është shumë pozitive, sepse na bën më kompetitivë. Kështu, edhe rezultatet pozitive arrihen më thjesht.

– Si mendoni, sa larg do të shkojë ky Skënderbe në Europë?

– Duhet t’i marrim ndeshjet një e nga një. Të përqendrohemi vetëm te turi i parë, ta kalojmë atë dhe pastaj mendojmë për turin tjetër e kështu me radhë.

– Po kundërshtari i parë, Sant Julia nga Andorra, si ju duket?

– Nuk e njoh kundërshtarin e turit të parë të Europa League. Mendoj vetëm që duhet pasur vlerësim maksimal dhe, nëse do ta kemi, patjetër që do ta kalojmë.

– Trajneri Daja e ka projektuar formacionin për takimin e parë dhe ju mendohet ta nisni nga stoli. Kur mendoni se do të jeni gati për të luajtur titullar?

– Jam gati që tani, por për formacionin, nëse do të jem apo jo, e di vetëm trajneri Daja. Ai vendos për ata që dalin në fushë të parët.

– Cilët lojtarë njihni më shumë te skuadra korçare?

– Ata që përmenda edhe më sipër. Pra, Muzakën, Lilajn, Plakun, Osmanin, ata që kanë qenë te Tirana.

– Po tifozëve korçarë, keni diçka për t’u thënë?

– Të vetmen gjë që u them, i falënderoj shumë për mikpritjen dhe premtoj më të mirën për fanellën që kam veshur. Për këtë të fundit i garantoj.

– Së fundi, jeni i gatshëm të qëndroni te Skënderbeu edhe pas ndeshjeve të Europës?

– Nuk e kam vendosur në këtë moment. Opsioni i tanishëm është Europa me Skënderbeun, pastaj çdo gjë është e hapur.

Ish-mesfushori i Tiranës ka mbyllur gjithçka sot, duke hedhur firmën mbi kontratë dhe do të jetë në dispozicion të trajnerit Ilir Daja duke nisur nga ndeshjet e radhës në Champions League.

Ndoshta nuk është kjo goditja e madhe, por lajmi se Afrim Taku është i Skënderbeut përbën një “bombë” për tregun shqiptar të futbollit.

Nga Sllovenia, drejtuesit e Skënderbeut pohojnë se Taku ka pranuar ofertën dhe është zyrtarisht përforcimi i radhës për ish-kampionët e Shqipërisë, që po përgatiten për pjesëmarrjen në Europa League.

Sezonin e fundit mesfushori 27-vjerçar shënoi 9 gola në 34 ndeshje kampioni për Tiranën, duke qenë një zbulim edhe si rol, sepse luajti shumë më i avancuar se në të kaluarën, duke u transformuar në shënuesin më të mirë për skuadrën bardheblu.

Tani Skënderbeu ka arritur ta bëjë të vetin, edhe pse fillimisht mendohej se Taku do të largohej përfundimisht drejt Amerikës. Tani mesfushori do të shkojë në Amerikë vetëm për të rinovuar dokumentet amerikane dhe do të jetë në dispozicion të Skënderbeut.

Afrim Taku në Amerikë. Për të ardhmen do të vendosë pas pushimeve. Ky është lajmi më i fundit që vjen nga futbollisti që këtë sezon ka shkëlqyer në Superiore ka vendosur që të lërë Shqipërinë për disa kohë dhe të kthehet në Amerikë ku ka familjen dhe më pas të shohë e të bëjë. Burime pranë futbollistit konfirmojnë se ai do të qëndrojë disa kohë pranë bashkëshortes dhe më pas do të vendosë për të ardhmen e tij. Që do të thotë se karriera e Takut do të qartësohet, vetëm, pasi futbollisti të ketë kaluar disa ditë pushime.

Opsionet për mesfushorin janë: ose kampionati shqiptar, ose në Amerikë. Kujtojmë që Tirana dhe Afrim Taku nuk do të “udhëtojnë më bashkë”. Futbollisti nuk ka luajtur titullar kundër Skënderbeut në finalen e Kupës së Shqipërisë. Tirana dhe Taku, për mënyrën sesi shkuan gjërat, janë ndarë përfundimisht. Lojtari ka mbyllur karrierën te bardheblutë dhe klubi është dakord. Në fakt sinjalet e ndarjes kanë kohë që ishin dhënë, por mosaktivizimi i lojtarit në finale ka përshpejtuar ndarjen e dy palëve. Edhe marrëdhënia me Josën dhe ngjarja e para disa muajve sollën ftohjen e madhe.

Afrim Taku u afrua tek Tirana vetëm në verën e shkuar. Nënshkrimi me mesfushorin 26-vjeçar që luan edhe si mbrojtës i djathtë ishte pa diskutim një “goditje” e madhe e Tiranës në merkaton e shkuar të verës. Dhe lojtari nuk dështoi. Një mbrojtës që u konvertua në mesfushor, por që bëri edhe goleadorin. Askush nuk e priste që Afrim Taku mund të shpërthente në këtë formë, ndërsa gjeti 9 herë rrjetën në 34 ndeshje të luajtura, duke u aktivizuar mbi 3 mijë minuta e duke qenë golashënuesi më i mirë i Tiranës këtë sezon. Për futbollistin për sezonin e ri janë në lojë disa skuadra të Superiores, duke filluar që nga Partizani, Skënderbeu, Kukësi e Flamurtari. Por lojtari ende nuk ka vendosur me cilin ekip do të luajë për sezonin e ri.

Propozimi i Shkëndijës së Tetovës për ta marrë nga Skënderbeu mbrojtësin Jashanica vetëm për të lënë të lirë sulmuesin Besart Ibraimi, i ka stepur drejtuesit korçarë. Këta të fundit duket e janë tërhequr nga kjo pistë, edhe pse e kanë pëlqyer shumë lojtarin e Shkëndijës. Presidenti Takaj është menduar dhe bashkë me stafin e tij kanë arritur në konkluzionin se nuk ia vlen një sakrificë e tillë financiare. Skënderbeu duhet të privohet nga një titullar shumë i rëndësishëm si Jashanica, si dhe duhet t’i  afrojë Ibraimit një pagë mujore prej 17 mijë eurosh. Një kosto vërtet e lartë për kampionatin shqiptar. Për momentin, drejtuesit e Skënderbeut dhe trajneri Daja po punojnë që të sjellin në ekip një qendërsulmues të fortë. Ibraimi ishte një alternativë, por kushton shumë, plus që korçarëve nuk u interesonte të hynin në merkato për mbrojtës, nëse do të sakrifikonin Jashanicën. Në këto kushte, pista e sulmuesit të Maqedonisë duket thuajse e mbyllur, me shanse minimale. Korçarëve u duhet një lojtar me përvojë në sulm dhe janë të detyruar ta kërkojnë atë jashtë vendit. Ibraimi ka një kontratë edhe dy vite të tjera me Shkëndijën, prandaj vlera ishte kaq e lartë. Nëse do të ishte një lojtar pa kontratë, Skënderbeu do ta kishte më të lehtë të siguronte shërbimet e këtij futbollisti me vlera, por tani kjo çështje mund të konsiderohet e mbyllur.

TAKU – Skënderbeu ndërkohë pret një përgjigje përfundimtare nga mesfushori Afrim Taku, me të cilin ka një akord. Lojtari ndodhet në kryeqytet dhe të shtunën do të udhëtojë drejt Amerikës, ku ka në plan të qëndrojë 10 ditë. Kjo periudhë e gjatë u prish punë korçarëve, sepse duan në dispozicion në ndeshjet europiane. Dje ka pasur një bisedë mes presidentit Ardjan Takaj dhe Takut, ndërkohë që me lojtarin ka folur edhe trajneri Ilir Daja. Udhëtimi në Amerikë pengon zyrtarizimin e marrëveshjes. Më 29 qershor korçarët luajnë në Europa League dhe afrimet i do që në ditët e para të fazës përgatitore. Për Takun Skënderbeu mund të tolerojë, duke e shtyrë disa ditë bashkimin e tij me grupin në  Slloveni, por jo 10 ditë, sa kërkon lojtari. Pritet tashmë përgjigja përfundimtare e Afrim Takut, i cili duhet të vendosë sa më shpejt.

SULMI – E gjithë vëmendja e Skënderbeut në këtë moment është te sulmi dhe korçarët po kërkojnë në tregun e huaj. Largimi i Hamdi Salihit, Marvin Ogunxhimit dhe shitja në prag e Liridon Latifit, bëjnë që Skënderbeu të mbetet zbuluar përpara. Këtë e di shumë mirë trajneri Daja, i cili do të paktën dy sulmuese “race” dhe është duke kërkuar me ngulm, që t’i sigurojë sa më parë. Në tregun vendës nuk ka alternativa, kështu që përforcimi më i rëndësishëm i korçarëve do të vijë nga jashtë vendit. Ibraimi ka rënë poshtë dhe tani po shihen alternativa të tjera, ndoshta ballkanike.

Çfarë është më e vështirë, të kalosh Oqeanin Atlantik apo të luash në Kategorinë e Parë? Afrim Taku është në mes, edhe pse e di mjaft mirë se rikthimi në kontinentin e mundësive, këtë herë, do të ishte edhe më traumatik, jo sepse ai s’ka ku të qëndrojë aty, por sepse është ende një profesionist në kulm të karrierës dhe mund të japë edhe më shumë. Në anën tjetër, ndjen keqardhje që Tirana u zhyt në gropën që gërmoi vetë, por sigurisht që ndjen edhe një mllef të madh ndaj trajnerit Josa, me të cilin i prishi raportet në mars dhe, më pas, kur klubi ndërhyri, arriti një “paqe false”. Praktikisht, një farë marrëveshje për të mos krijuar përçarje. Por, kapaku iu vu me stolin në finalen e kupës së Shqipërisë. Ditën tjetër, Taku ishte në tavolinën e presidentit të Partizanit, Demi. Sigurisht, duke diskutuar të ardhmen. Sepse, mesfushori është i joshur nga të kuqtë që në mars, kur pati kontaktin e parë. Tani që gjithçka u zgjidh dhe që sezoni me bardheblutë mori tatëpjetën, gati kontrata e pasur me ekipin tjetër të kryeqytetit.

Në fakt, burime pranë “Sport Ekspres” flasin për një rrogë shumë më të lartë dhe pasur se te Tirana. Për Takun pati edhe një sondazh të Skënderbeut, por vetëm kaq. Lojtari është i mësuar me kryeqytetin dhe është ambientuar plotësisht. Jo vetëm kaq, por edhe me tifozerinë e kuqe s’ka asnjë fërkim dhe s’ka pasur kurrë. Madje, në fushë është sjellë gjithmonë me profesionalizëm, ashtu sikurse edhe në deklarata. Taku është parë gjithmonë me sy të mirë te Partizani, që e ka vlerësuar për tekninën e tij. Në fakt, me largimin e mundshëm të Torasës, që nuk pëlqehet nga Moxhi, Taku pritet të jetë ai lojtari që do të bëjë diferencën në krah.

Sinjalet e stolit u dhanë që në Shkodër, ku pati ndonjë shkëndijë, dhe trajneri mund të mos e aktivizonte në finale. Realisht ka diçka në këtë mes. Ndoshta një tjetër çështje, por askush nuk e konfirmon në kampin bardheblu. Gjithsesi, çfarëdo të ketë ndodhur pak rëndësi ka.

Tirana dhe Taku, për mënyrën sesi shkuan gjërat, duket se janë ndarë përfundimisht. Lojtari do të mbyllë karrierën tek bardheblutë dhe klubi është dakord. Në fakt sinjalet e ndarjes kanë kohë që janë dhënë, por mosaktivizimi i lojtarit në finale ka përshpejtuar ndarjen e dy palëve. Edhe marrëdhënia me Josën dhe ngjarja e para disa muajve sollën ftohjen e madhe.

Prej kohësh thuhet se Taku do të largohet në verë për në Amerikë, për të mos u kthyer më, por ndërkohë është joshur nga ofertat në Superiore dhe po mendohet. Gjithsesi, e sigurt është që nuk do të jetë te Tirana, aq më shumë pasi kjo e fundit ra në Kategorinë e Parë.

Sakrifica e vetme që mund t’i kërkojë Tirana është prania në ndeshjet në Europa League, por duhen parë shumë gjëra fillimisht, duke nisur nga trajneri.