Takefusa Kubo është 18 vjeç, luan në rolin e mesfushorit ofensiv dhe cilësohet si “Mesi i Japonisë”. Me datë 9 qershor erdhi edhe debutimi me kombëtaren e “Samurajit”.

Djaloshi i talentuar do të luajë sezonin e ardhshëm me ekipin e dytë të Realit për të krijuar eksperiencë dhe për t’u përshtatur me futbollin europian, konkretisht atë iberik.

Gjysmën e parë të sezonit të kaluar Kubo u aktivizua me Jokohama F.M, ndërsa në janar u rikthye te FC Tokio. Tani është gati për t’u transferuar në një prej klubeve më të mëdha në botë dhe për t’i treguar botës se edhe japonezet dinë ta luajnë mirë e bukur futbollin.

Kubo ka qenë në të shkuarën pjesë e akademisë së Barcelonës, por kjo gjë u bë në shkelje të rregullores së FIFA-s, çka detyroi atë dhe dhjetra fëmijë të tjerë që të riktheheshin në vendet e tyre të origjinës.

Nëse katalanasit duan ta rikthejnë në klub mesfushorin me tipare sulmuese do të jetë një operacion i kushtueshëm, pasi drejtuesit e Tokios nuk pranojnë të negociojnë poshtë klauzolës prej 8 milionë eurosh që është vendosur në kontratën e lojtarit.

https://www.youtube.com/watch?v=D2murVGwZmE