“Në momentin që ne flasim klubi i futbollit Skënderbeut vazhdon të administrohet në trajtën e një shoqate. Klubi i futbollit është administruar nga presidenti dhe anëtarët e tjerë të asaj shoqate. Nga informacionet që unë kam nga presidenti i klubit, çështja është ankimuar në gjykatën federale të Zvicrës, pritet një vendimmarrje në qershorin e vitit të tjetër. Është një pozitë delikate pasi vendimi për dënimin e Skënderbeut është në fuqi”.

“Jam duke qëndruar në kontakt me presidentin për të parë se kush mund të jenë alternativat e përfaqësimit të qytetit të Korçës në futboll, në raport me kompeticionet e ndryshme, qofshin këto kombëtare ose ndërkombëtare”, tha Filo.

Megjithatë, në fjalimin përmbyllës të këtij bashkëbisedimi me tifozët, Takaj premtoi se do të rikthejë Korçën në elitën e futbollit shqiptar, por me një ekip tjetër.

“Skënderbeu është këtu. Do të jetë gjithmonë këtu. Edhe nëse krijohet një ekip tjetër që do përfaqësojë Korçën, ky stadium kjo histori do të qëndrojë e tillë e palëvizur derisa Skënderbeu të rikthehet sërish në elitën e futbollit dhe të diktojë sërish modelin e suksesit për shqiptaret. Por, që për momentin nuk mund të pranojmë të jemi thjesht fasada e kampionatit, ndërsa me një ekip tjetër do të vijojmë të mbushim me lavdi këtë qytet dhe të ecim në gjurmët e Skënderbeut”, përfundoi Takaj.

“Kam folur shpesh për Skënderbeun dhe futbollin shqiptar. Ky është një futboll i korruptuar. Duke qenë të gjithë institucionet në Shqipëri janë të korruptuar, nuk ka mundësi që futbolli të jetë ndryshe”

“Skënderbeu është bërë viktimë e sistemit që ndërtoi vetë. Skënderbeu u ndërtua me qëllimin që do të bëheshin të paprekshëm, por ata nuk kuptuan se futbollit është një lojë që aq sa e dhunon, aq dhunohesh më vonë”.

“Sponsori i Skënderbeut foli si ata politikanët shqiptarë që i thonë popullit që ne jemi burra të mirë dhe shiko çfarë kemi bërë. Ata kanë kurajën të akuzojnë Dervishin. Dervishi për mendimin tim është një figurë që nuk ka qenë përlyer në afera korruptive”.

“Tani flasim për persona që flasin për historitë e Nastradinit. S’ka shqiptarë që nuk e din se çfarë ndodh me ndeshjet, shitjet e blerjet. Vetë sistemi i futbollit është i tillë. Unë Skënderbeun nuk e urrej, por unë urrej mënyrën se si mundohen të mbulojnë gjërat e të shiten si njerëz të pastër, sikur kanë zbritur nga qielli”.

“U dha një dënim i paprecedentë. Këtu nuk ka asnjë reagim nga Ministria e Sportit ose kryeministri. Është diçka e frikshme. Turp të kenë këto njerëz që në vend të reflektojnë e të marrin përgjegjësi, justifikohen. UEFA nuk të bie në qafë kot. Janë marrë njerëz të specializuar me këtë çështje. Shqiptarët menduan se ishin të shkathët po vjen një moment që laku ngushtohet”.

“Unë mendoj se është një lajm i mirë për futbollin shqiptar. Futbolli duhet të ndërtohet me projekte konkrete, duhet të punohet me të rinjtë dhe duhet kohë”, tha Vata.

Megjithatë drejtuesit e klubit korçar janë tepër optimistë dhe kanë filluar të veprojnë në merkato. Krahas marrëveshje të rinovimit me disa nga futbollistët aktualë, presidenti Ardian Takaj po punon për të afruar lojtarët më të dalluar të Superiores.

Sipas “RTSH Sport”, Skënderbeu ka arritur akordin me portierin Enea Koliqi. “Gardiani” pogradecar ka qenë një ndër portierët më të spikatur të Superiores gjatë viteve të fundit. 33-vjeçari ka pranuar ofertën e Takajt dhe zyrtarizimi pritet në ndodhë pas vendimit të “CAS”.

Porta ka qenë një ndër repartet më të problematike të Skënderbeut gjatë vitit të kaluar, por me ardhjen e Koliçit midis dy shtyllave të korçarëve do të vendoset një ndër më të dalluarit e këtij roli në Shqipëri.

Numri një i Kukësit nuk i kurseu thumbimet për presidentin e Skënderbeut, Ardian Takaj, një reagim ky që vjen pas humbjes së ekipit korçar ndaj Partizanit.

“Ne nuk kemi akoma një ekip kampion në Shqipëri për derisa nuk e lejon matematika. Është më mirë për të gjithë që kampionati të luftohet deri në javën e fundit. Është e vërtetë që ne bëmë një hap fals dhe mund të ishim shumë afër Partizanit. Në futboll nuk të ecin gjithmonë gjërat mbarë, por ne nuk dorëzohemi”.

DO E LINI KUKËSIN PËR BASHKINË ? –“Unë mund të rri pa politikë, por pa sport nuk mund të rri. Kam bërë një analizë dhe me veten dhe jam penduar që i kemi luajtur të gjitha ndeshjet jashtë, sidomos kur shikoj disa fusha që janë si ara. Kukësin nuk do ta lë, përveç stadiumin e ri do kemi dhe aeroport është diçka e ndërlidhur. Stadiumi mund të filloj punën. Të mos çuditeni sikur në të ardhmen në Kukës të luajë dhe kombëtarja”.

“Ekipi është i kompletuar duhet që trajneri e stafi i ri të japë mendimet e veta nëse do të jetë nevoja për ndërhyrje ne do t’ia plotësojmë. Kemi lojtarët, por kemi çaluar në aspektin e stafit. Unë ua kam plotësuar të gjithë kërkesat. Prandaj vendosa të ndërhyrja kaq shumë që t’i jepja trajnerit dy ekipe në dispozicion”.

ZGJEDHJA E GJOKËS – “Ma gjeni një trajner tjetër. Unë në atë kohë e shkarkova për shkak se më la një ndeshje të hidhur një të Champions-it, por gjithmonë e kam thënë që ka qenë një trajneri i ri. Nuk është normale që t’i vë kusht për titullin kampion me këtë diferencë pikësh. Derisa matematika na lejon do luftojmë”.

BASHKIA APO KAMPIONATI – “Dua t’i fitoj të dyja. Në gjithë këto vite që jam në sport dua të fitoj. Kupën pa diskutim që do e fitoj, unë nuk jam si Presidenti i Korçës që dorëzohet kollaj. Dikur ka qenë rivali më i fortë, tani është Partizani”.

RIVALËT – “Këtë sezon prisja që dhe Durrësi të ishte kandidat për titull, por futbolli ndonjëherë kështu të merr. Po të ishte dhe Skënderbeu i dikurshëm, kampionati do të ishte i fortë. Por na doli i dorëzuar në aspektin e konkurrimin në kampionat, dështoi në të pasurit vazhdimësi”.

STADIUMI – “Këtë sezon do e mbyllim në Elbasan, ndoshta edhe të gjithë sezonin tjetër derisa të mbarojë stadiumi i ri”.

“Klubi i Partizanit ka meritën e vetë. Por ata e kanë fituar kampionatin pasi ne nuk kemi qenë mirë, që do të thotë faktori fushë. Po të luanim në Kukës, të jeni të bindur që ne do të ishim kampion. Vitin e kaluar të gjithë flisnin për fushën e stadiumit tonë, por këtë sezon kemi luajtur në fusha shumë të këqija”.

FITORJA NDAJ KASTRIOTIT – “Ky kampionat ka treguar se nuk ka ndeshje të lehta. Fitorja na kthen në momentet e mira. Kishim disa javë që nuk merrnim rezultate të mira”.

I nxitur nga një batutë e përdorur në studio nga Shkëlqim Muça gjatë analizës së ndeshjes Kukësi – Partizani, Osmani tha “E kam parë ndeshjen, nuk di nga ta nis. Kjo puna e gjunjëve është marrë nga ekipi i Skënderbeut. Ata që e kanë thënë e kanë mbajtur fjalën. Këta të Kukësit nuk e mbajtën. Merita ka Partizani. Më kanë pëlqyer që nuk kanë dalë nga loja. Janë mbrojtur mirë dhe kanë dalë në kundërsulm. Nuk bëjnë aventura dhe kjo ka qenë arma e tyre. I kanë shfrytëzuar mundësitë që kanë pasur”.

“Fitorja me Kastriotin? Vinim nga rezultate jo të mira. Ishte një fitore që e arritëm me vështirësi. Të luash me një ekip që është për mbijetesë, nuk është e lehtë. Ata luajnë sikur nuk kanë çfarë humbin, janë goxha agresivë. Të gjithë e kanë pasur të vështirë”.

“Pozicionimi në mesfushë? Luajtja para mbrojtjes, pasi Kallaku kishte luajtur me Shpresat. Pas ndeshjes me Partizanin klima nuk ishte e mira. Me Kastriotin nuk kishim rrugë tjetër. Po të fitonim me Luftëtarin, mund të ishim shumë pranë për të luftuar për titullin. Nuk ka ndeshje ku tre pikët janë të sigurta. Luajmë kudo për fitore dhe jemi nga ekipet e vetme që luajmë mirë futboll të hapur. I përshtatemi edhe presidentit, atij i pëlqen loja sulmuese. Ajo ndonjëherë edhe të penalizoi”.

“Objektivi është Europa. Kemi ndeshje edhe në Kupë, që të çon më shpejt. Gjëja më e keqe është se kemi humbur pak besimin e tifozëve. I rikthyem dhe më pas i zhgënjyem. Si vit i parë që është, pasi nuk është e lehtë, është ecuri e mirë. Edhe lojtarët ndihen keq për tifozët. Aty gjithmonë nuk ka pasur presion”.

Më pas në debatin mbi dhunën në stadiume Rama kujtoi se në të shkuarën ka pasur plot raste të çuditshme në futbollin shqiptar duke përmendur me humor disa nga bëmat e kryetarëve të bashkive: Njëri u fut me fadromë në fushë, tjetri bëri gol me fuoristrade.

Shkëmbim batutash pati dhe midis kryeministrit dhe presidentit të Skënderbeut, Ardian Takaj. Numri një i klubit korçar i kërkoi kryeministrit një datë fikse për premtimet e bëra ditën e sotme. Përgjigjia e Ramës ishte: Pas vitit të Skënderbeut, këta duan edhe data. Bëji kalkulimet, sa i thonë 100 ditë se je kalkulator i mirë. I bie 20 qershor, paradite kemi fituar zgjedhjet, pasdite vij dhe festoj me ju.

Takaj iu përgjigj: Bëji 110 ditë të jesh në rregull.

Batutë pati dhe pas kërkesës së drejtuesit të Kastriotit, Gazmend Vogli, mbi hapjen e një fondi për rikonstruksionin e stadiumit të Krujës. Administratori i klubit krutan tha se federata kishte rënë dakord për të paguar 1/3 e investimit, ndërsa po pret prej një viti përgjigje nga ministria. Rama iu përgjigj: Presidenti e ka kollaj, të gjithëve u  thotë unë të jap 1/3-ën, 2/3-ën merren nga shteti. Ky i jep gjithmonë, por në fund nuk nxjerr asnjë gjë nga xhepi, pasi në fund nuk merren ato të tjerat nuk merren”.

Sot, faqja zyrtare e klubit të Skënderbeut ka falënderuar mbrojtësin për shërbimet e tij, si dhe i ka uruar fat në aventurën e tij të re. Ndërsa vetë mbrojtësi Aliti ka publikuar një foto në Instagramin e tij, ku ka shkruar “Faleminderit Ardian Takaj” mbi fanellën e tij të re të Kalmarit. Duket se marrëdhëniet mes Alitit dhe klubit kanë qenë dhe do të mbeten shumë të mira.

Ndeshja – “Loja nuk diskutohet që do të ishte e vështirë, sepse terreni nuk ta lejon të bësh futbollin që do. Ishte terreni më i vështirë që kemi pasur në gjithë këto vite, megjithatë, ky nuk është justifikim. Humbëm një ndeshje, siç kemi fituar dy të tjerat përballë tyre.

Rezultatet – “Rezultatet negative nuk po ndalen. Nuk e di çfarë duhet bërë tani. Duhet vepruar ndryshe që të marrim rezultate pozitive.

Ndërhyrje në merkato – “Jo në merkato. Ka lojtarë në skuadër, por mungesa e dokumenteve të dy lojtarëve të rinj që kanë ardhur e bën të pamundur aktivizimin e tyre për trajnerin Shehi. Të pajisen këto ditë me pasaporta dhe besoj se trajneri do të ketë alternativa më shumë.

Mungesat në ekip – “Normale, janë shumë mungesa. Ky është një ekip si ai i vjetshmi. Janë lojtarë të rinj. Nuk është fundi i ciklit Skënderbeu. Nuk mund të jetë një Skënderbe gjithmonë në krye.

Futbolli është i bukur sepse ka rezultate, ka garë dhe bëhet monotone në qoftë se një ekip del gjithmonë kampion. Megjithatë gara do të vazhdojë. Kampionati do jetë i fortë. Nuk është se filloi dhe mbaroi te kjo ndeshje”,- u shpreh Takaj.

Një nga çështjet më të nxehta të Skënderbeut është pa dyshim ajo e vendimit të CAS që do të vendosë shumë për fatin e klubit korçar, për faktin se varet e ardhmja e klubit. Takaj jep edhe lajmin se kur do të merret vendimi për skuadrën e tij, por në të njëjtën kohë veçon faktin se në klub gjithçka po shkon normalisht dhe puna po funksion më së miri: “Vendimi në CAS do të merret në mars e do të publikohet nga maji, ndaj nuk vjen para qershorit, skuadra nuk ka arsye pse ta ketë mendjen në CAS. Edhe klubi është i qetë dhe vazhdon punën normalisht, afron e shet lojtarë. Në janar do të bëjmë afrime, jemi në bisedime me 3 lojtarë, mesfushorë e sulmues. Më tepër jemi të fokusuar në tregun e huaj, presim një mesfushor që luan me kombëtaren e vendit të vet”.

Edhe pse dënimi i UEFA-s është 10-vjeçar dhe nëse CAS nuk e ndryshon do të ishte fundi, megjithatë Takaj premton besnikëri te skuadra korçare, duke theksuar se ai do të vijojë investimin në skuadrën e Korçës, pavarësisht asaj që mund të ndodhë: “Nga Korça nuk iki, çfarëdo që të ndodhë. Besoj te pafajësia e Skënderbeut dhe do të vazhdoj të investoj, siç kam bërë deri tani, duke ndërtuar një akademi që nuk e ka asnjë klub në Shqipëri”.

Pak kohë më parë u raportuar se trajneri Orges Shehi kishte paraqitur dorëheqjen dhe vetë Takaj e pranon se kjo gjë është e vërtetë: “Erdhi dhe paraqiti dorëheqjen, pasi mendonte se një ndryshim në stol do ndalte krizën, por krizat janë kalimtare, ndodhin edhe në klubet më të mëdhenj, shihni Realin apo Bajernin”.

Në fund nuk mungon as një replikë me Tefik Osmanin, i cili pak kohë më parë e kishte akuzuara presidentin Takaj. Ky i fundit është i qartë dhe nuk preferon të bëjë shumë polemika me mbrojtësin e Teutës: ”Akuzat e tij? Një keqkuptim, e respektoj dhe e dua fort. Ai ka ikur nga Skënderbeu sepse ndonjëherë bëhet më i mirë sesa duhet. Osmani mori përsipër të tjerët, nuk merrej me veten e tij”.

“A po ja marrim dorën Partizani? Jo… Ishte ndeshje bukur, e luftuar. Luanim për fitore të dyja skuadrat. Fitoi Skënderbeu dhe ishte e rëndësishme për ne”.

“Ne po luajmë futboll me djem të rinj, nuk është vetëm titulli, por dhe lojtarët e rinj që janë të rëndësishme për klubin”.

“Kemi lojtarë të rinj dhe të jemi me këmbë në tokë. Duhet të jemi të qetë, duhet dhe eksperienca. Në fazën e tretë do merret vesh kush është për titull kampion”, përfundoi Takaj.

Takaj nuk preferon të flasë për CAS-in, pasi për momentin mendon të festojë këtë sukses ndaj kuksianëve.

Skënderbeu ndryshon emra, por vazhdon të dominojë me rivalët direkt?

Më pëlqen më shumë, sepse loja ishte shumë e bukur. Jo se në ndeshjet e tjera nuk ka pasur dominimin, por pa tifozë takimet janë si vetëvrasje.

Shehi nuk flet për titullin?

Kemi ekip të ri, po ecim me këmbë në tokë. Skënderbeu është i riformatuar, por e rëndësishme është që ekipi të rritet dhe këta të rinj të vazhdojnë përpara.

CAS?

Do të merremi herë tjetër me këtë çështje, e rëndësishme është të shijojmë këtë fitore.

Gjithsesi, pak minuta para se të ngrihej Superkupa, një nga përfaqësuesit e FSHF-së e ftoi numrin një të klubit korçar që të zbriste e të bashkohej me ekipin për të ngritur trofeun. Përgjigja e Takajt ishte mjaft interesante, pasi me finesë doli nga situata.

“Unë do të zbres që ta ngre trofeun kur ta dorëzojë Duka”, ishin fjalët e presidentit të Skënderbeut. Normalisht një batutë e Takaj, por duhet veçuar se nuk ishte numri një i Federatës ai që e dorëzoi trofeun e Superkupës. Më pas Takaj është bashkuar me pjesën tjetër të ekipit në fushë, ku nuk nguroi që t’i përgjigjej dhe pyetjeve të gazetarëve.

Në një intervistë për Supersportin, presidenti i Skënderbeut ka folur për gjithçka po ndodh me Skënderbeun.

TITULLI

“Moralisht, të gjithë ne edhe tifozët ishim përgatitur për t’u shpallur kampion. Titulli është i hipotekuar, por pas një sezoni shumë të lodhshëm ndodh rënia. I ndodh të gjitha ekipeve europiane. Ishte e nevojshme një mbledhje me ekipin dhe stafin, sepse në këto momente problem shumë i madh është motivimi. Kërkuam të shpallemi kampion prej kësaj jave dhe morëm si përgjigje gatishmërinë e të gjithëve.

DAJA

“Absolutisht Daja gëzon besimin tim të plotë. Por, janë çaste nervozizmi, sepse edhe trajneri është përgatitur ta mbyllë sa më shpejt kampionatin. Skënderbeut nuk i falet të bëjë paraqitje si ato dy të fundit. Edhe tifozeria ishte përgatitur të festonte dhe korçarëve po u preke festën i ke prekur aty ku nuk mbajnë dot.

FESTA DHE KUPA

“Kampionatin e kemi në duart dhe këmbët tona dhe nuk shohim aspak se çfarë do të bëjnë rivalët. Nga ndeshja e radhës ekipi do përgjigjet dhe do të kthehet në paraqitjet e bëra gjatë këtij viti të suksesshëm. Jemi pranë titullit dhe luajmë finalen e Kupës së Shqipërisë. Federata e Futbollit e dorëzon trofeun vetëm në fund, kur të ketë mbaruar gjithçka dhe ajo do të jetë dita e festës për ne. Pastaj Kupa do të ketë festë tjetër nuk diskutohet, sepse do të ishte për herë të parë. Kemi qenë shumë afër, por na ka munguar fati. Mendojmë që sivjet është viti i duhur për ta marrë edhe atë trofe.

CAS

“E prisnim vendimin e Apelit, ishim të përgatitur, por kjo dha ndikimet e veta edhe te skuadra në paraqitjet e ndeshjeve të fundit. Studio jonë ligjore po përgatitet fort për në CAS, aty është beteja jonë e vërtetë. Ne kërkojmë vetëm pafajësinë, asgjë tjetër. Këtë kërkojmë nga CAS-i, pafajësinë, sepse jemi të pastër. Kemi përgatitur gjithçka për sa i takon dosjes dhe jemi gati.

E ARDHMJA

“Jemi gati edhe me merkaton edhe në dalje edhe në hyrje. Punët janë të ndara te Skënderbeu, sa i takon çështjeve ligjore me CAS apo edhe merkatos. I kemi bërë dy blerje, edhe pse Abazaj do të transferohet jashtë, kemi Bregun. gjithashtu kemi shumë lojtarë të huazuar në Shqipëri, Kosovë dhe Maqedoni, por edhe alternativa për ekipin. Gjithçka do të vazhdojë normalisht, nuk e mendojmë asnjëherë dënimin e Skënderbeut”.

Megjithatë, sot presidenti ka folur për këtë çështje, me një komunikatë zyrtare publikuar në faqen e Skënderbeut në internet, ku kërkohet zbulimi i autorëve të kërcënimit për Inspektorët e UEFA-s dhe përsëritet se të gjitha akuzat ndaj Skënderbeut do të bien poshtë.

DEKLARATA

Të dashur tifozë bardhekuq dhe sportdashës të KF Skënderbeu shpreh keqardhjen dhe shqetësimin tim nga “bombardimi” që po i bëhet opinionit publik me lajme dhe sajesa ndaj në emër të Klubit të Futbollit ‘Skënderbeu’ kërkoj të sqaroj edhe njëherë se:

– KF Skënderbeu siguron UEFA-n dhe të gjithë partnerët e saj se nuk ka asnjë lidhje apo dijeni për kërcënimin që mund të jetë bërë ndaj personave që po hetojnë klubin tonë. Garancia më e madhe është historia e klubit tonë dhe natyra e qytetit që përfaqësojmë.

– Në emër të klubit dua të inkurajoj edhe njëherë organet ligj-zbatuese për zbardhjen e çështjes dhe nxjerrjen para përgjegjësisë të autorëve të vërtetë të kësaj ngjarje.

– KF Skënderbeu siguron të gjithë opinionin sportiv dhe në mënyrë të veçantë tifozërinë tonë se po ndjek me vëmendje dhe qetësi hetimin e nisur nga kompani, që kërkojnë të justifikojnë milionat që përfitojnë nga UEFA dhe “klani” anti-Skënderbeu në vendin tonë. Sigurojmë se akuzat e tyre do të rrezohen një e nga një, dhe nëse do të jetë e nevojshme deri në shkallën më të lartë të gjykimit sportiv ose penal.

– Si përfundim në emër të klubit ju siguroj se do të vazhdojmë rrugëtimin tonë për të realizuar objektivat sportiv të klubit, por tani na lind dhe detyrimi për të mbrojtur nderin dhe sukseset e arritura deri më sot. Ju sigurojmë së do të shohim përpara për suksese edhe më të mëdha.

Me respekt

Ardjan Takaj

President i KF Skënderbeu

Ardjan Takaj mund të festojë, ka të drejtë ta bëjë nëse sheh renditjen, por edhe ekipin që ka ndërtuar. Nuk e bën, bosi i Skënderbeut e di mirë se është ende shumë herët dhe eksperienca e ka mësuar të presë. Fundja, ishte vetë Skënderbeu sezonin e shkuar që herë pas here konsiderohej jashtë gare për titull, por në fund për pak triumfoi, nëse nuk do të ishte për atë ndeshje absurde në Kukës. Pas fitores së djeshme ndaj Flamurtarit Takaj ishte i qeshur, natyrisht, por edhe i matur në deklaratën e tij.

“Ishte një ndeshje e fortë mes dy ekipeve kryesuese të kampionatit dhe normalisht që të tilla ndeshje sjellin spektakël në fushë. Pikërisht kështu ishte edhe ky takim i sotëm që u luftua shumë në fushë nga të dy ekipet. Bëmë një paraqitje mjaft të mirë dhe merituam që të fitonim këtë takim falë këmbënguljes së lojtarëve tanë”.

KUJDESI – Triumf me gol në fund, që Muzaka e quajti vendimtar për titullin, por Takaj nuk e sheh kështu: “Një gol në fund të takimit është gjithnjë i bukur. Mund të them se arritëm një fitore të madhe, që na jep mundësinë që të jemi të shkëputur nga vendi i dytë i renditjes, por asgjë nuk është mbyllur. Janë edhe 17 takime për t’u luajtur në fushë dhe nëse jemi të shpërqendruar, shumë shpejt kundërshtarët i gjejmë fare pranë”.

TITULLI – Takaj duket se i ka bërë llogaritë me laps e letër, sepse tregon edhe rrugën drejt titullit dhe momentin vendimtar: “Në tre javët e ardhshme ndaj Kamzës, Partizanit dhe Kukësit, besoj se do të vendoset shumë dhe nëse fitojmë takimet e radhës mund të them se kemi hedhur një hap të sigurt drejt titullit kampion”.

OSMANI – Edhe Takaj, ashtu si gjithë stadiumi në Korçë, mbeti i tronditur nga ngjarja e rëndë me vëllain e Tefik Osmanit, i cili u rrëzua nga tribuna në momentin e festimit të golit, por për fat gjithçka kaloi pa pasoja të rënda. “Në fund ajo ngjarje e rëndë na e prishi gëzimin e fitores por për fat të mirë morëm lajme që na gëzojnë në lidhje me gjendjen e tij shëndetësore dhe i qëndrojmë pranë familjes Osmani në këtë momente. Për fat të mirë, gjithçka është nën kontrollin e mjekëve dhe gjendja duket e stabilizuar”, përfundon Takaj.

“Sigurisht që prisja që të fitonim, por nuk mundëm të shënonim. Gjithsesi, skuadra bëri një paraqitje të mirë. Sfida në Beograd? Skënderbeu ka treguar që edhe jashtë fushës di të luajë futboll të bukur. Do të kërkojmë rezultat pozitiv në cdo fushë”, u shpreh Takaj për Supersport, duke besuar te kualifikimi, edhe pse ka vetëm dy pikë dhe ka dy transferta delikate, përveç sfidës ndaj Dinamo Kievit në Elbasan.

Leonard Trebicka

Pas fitores me Partizanin, presidenti i Skënderbeut, Ardjan Takaj, tregohet shumë i qetë dhe aspak euforik. Ai vlerëson se ky është Skënderbeu që pritej, pasi i ka dhënë shenjat që në fazën e fundit të kampionatit që shkoi. Numri 1 i klubit korçar bën të ditur edhe shpërblimin në rast fitoreje me zviceranët e Jang Bojs të enjten në mbrëmje, në stadiumin “Elbasan Arena”. Eshtë i njëjti shpërblim si në Kiev, pra 100 mijë euro për fitoren dhe 50 mijë për barazimin. Presidenti Takaj kërkon edhe ndihmën e tifozëve për të kaluar me sukses ndeshjen e parë shtëpiake në grupet e Europa League.     

– Takaj, a është ky Skënderbe që prisnit, ekipi që bën diferencën në kampionatin shqiptar?

– Në fakt, më pëlqen më shumë ta them që ky është Skënderbeu i vazhdimësisë. Kemi vite që po kërkojmë një skuadër të denjë edhe për Europën dhe sot e kemi. Jemi në rrugën e duhur dhe them se ky Skënderbe pritej, nuk është çudi që sot jemi këtu ku jemi.

– E kishit menduar realisht pas fundit të sezonit të kaluar se Skënderbeu do të shkonte kaq larg në Europë?

– Personalisht, sa herë më keni pyetur, kam thënë se do të jemi të fortë. E kam thënë shumë kohë më parë. Kjo rrugë e gjatë që ne po vazhdojmë në Europa League, u pa që në eliminatore, ku ne kishim objektiva të madha dhe nuk jemi rastësisht në grupe. Thashë edhe më sipër se kjo është vazhdimësia, pasi e kemi herën e dytë që jemi në grupe. Po bëhet traditë për skuadrën tonë.   

– Kishte shumë skeptikë, të cilët mendonin se skuadra nuk do të ishte kaq kompakte dhe mbi të gjitha e bukur në fushë?

– Ata që e kanë parë me vëmendje këtë Skënderbe dhe që e kanë ndjekur prej vitesh, e kishin të lehtë për të parashikuar se sot do të kishim këtë skuadër. Bashkë me stafin tim qëndroj dhe jetoj 24 orë me Skënderbeun, ndaj e dija më shumë se çdokush tjetër dhe kjo u pa qartë që sezonin e kaluar, në fazën e katërt. E dinim që do të ishim të fortë në Superligë, por edhe në Europë.

– Në kampionat dukeni superiorë në start. Si i shikoni skuadrat rivale, apo edhe ato të ashtuquajtura “të vogla”?

– Nuk trembemi nga asnjë kundërshtar, por mund të them se duhet të jemi seriozë dhe të vlerësojmë maksimalisht çdo ekip. Në fund të fundit, çdo ndeshje vlen tri pikë, si ndaj një rivali, ashtu dhe ndaj një ekipi më të lehtë. Nëse jemi seriozë në çdo ndeshje, patjetër që do të jemi ekipi për t’u mundur. Kampionati është i gjatë dhe duhet t’i marrim ndeshjet një e nga një.

– Të enjte, në “Elbasan Arena”, prisni zviceranët e Jang Bojs. Si e shikoni këtë ndeshje të dytë në Europa League?

– Eshtë një ndeshje shumë e fortë. Jo më kot Jong Bojs kryeson kampionatin zviceran dhe vitet e fundit është forcuar vërtet shumë. Në fakt, të gjithë kundërshtarët janë të fortë, por ne duhet të bëjmë lojën tonë në Shqipëri dhe jashtë. Nuk jemi rastësisht këtu ku jemi. Forcën e kemi treguar dhe do ta tregojmë deri në fund.

– Që do të thotë se do të kërkoni fitoren të enjte?

– Sigurisht që do të luajmë vetëm për tri pikë, pavarësisht kundërshtarit. Them se do ta arrijmë këtë objektiv, por më mirë le t’ia lëmë fushës.

– Në rast fitoreje apo barazimi, shpërblimi do të vazhdojë të jetë ai i ndeshjes së parë, që caktuat në Kiev?

– Premiot do të jenë të njëjta deri në fund të fazës së grupeve. Me këtë dua të them se 100 mijë euro ekipi ka në dispozicion në rast fitoreje dhe 50 mijë euro për barazimin. E njëjta shifër ishte edhe ndaj Dinamos së Kievit. Kështu do të jetë këtë të enjte ndaj Jang Bojs dhe këtë gjë ua kam thënë vetë futbollistëve. Ata e dinë premion, që kanë për sukseset që do të arrijnë.     

– Sa shanse ka Skënderbeu ta kalojë fazën e grupeve, sipas jush?

– Nuk di të jap përqindje për kalimin e grupeve të Europa League, le të shikojmë sa do të arrijmë, sepse të gjithë e dinë forcën që kanë skuadrat në këtë fazë, nuk është e lehtë. Pas ndeshjes me Jang Bojs, nëse e kalojmë me sukses, do të flasim më qartë.

– A mund t’i përballojë deri në muajin dhjetor ky Skënderbe të tre kompeticionet, pasi ndeshjet sa vijnë e vështirësohen?

– Do të jetë e vështirë, por duhet t’i vlerësojmë si duhet të tre kompeticionet. Nëse nuk e bëjmë një gjë të tillë, do të gabojmë, por kam shumë besim te grupi i lojtarëve.

– Pas ndeshjes me Jang Bojs, shkoni në transfertë e vështirë të  Kukësit për javën e katërt të kampionatit?

– Nuk me intereson aspak ndeshja me Kukësin. Gjithë përqendrimi në këtë moment, si nga unë, futbollistët dhe stafi teknik, është vetëm te Jang Bojs.

– Së fundi, a ka presidenti Ardjan Takaj diçka për t’u thënë tifozëve?

– Ta mbështesin sa më shumë ekipin, në mënyrë që të shkojmë sa më larg. Të enjten do të jetë një ndeshje e madhe në “Elbasan Arena”, ndaj Jong Bojs. Të gjithë bashkë të bëjmë çmos për ta fituar këtë takim të Europa League.  

Ardjan Takaj, 4 tituj kampion, një vend i tretë, dy herë kualifikim në grupet e Europa Ligës, nuhatës i madh për të ndërtuar ekipe te fortë, organikë cilësore dhe shitje lojtarësh. I qetë, asnjëherë polemizues, i ekuilibruar dhe në përgjithësi i beson stafeve shqiptare në pankinë dhe në klub.

Gazmend Demi e mori Partizanin nga kategoritë inferiore, e riktheu në një emër të madh dhe investoi shumë e madje po vazhdon ta bëjë edhe në infrastrukturë me ndërtimin e kompleksit të ri. Ende në kërkim te titullit të parë apo kupës. Në Europë i suksesshëm në 2016 deri në play-off të Europa Ligës. Për momentin i beson tërësisht një stafi italian me në krye Luçiano Moxhin. Shumë interesant në daljet publike, di si të krijojë karizëm dhe ka gjithmonë një batutë gati. Nuk përfshihet në çështje teknike dhe i lë dorë të lirë stafit, jo vetëm në vendime, por dhe në përzgjedhje lojtarësh.

Në fushë ndoshta nuk luajnë presidentët, por pse jo modelet e tyre. Kush do te fitojë, Takaj apo Demi? Në ndeshjet direkte Demi është më lart, ndërsa ne trofe sundon Takaj.

Gjergji Stefa

Jo pak, por 100 mijë euro do të vlente fitorja e Skënderbeut në fushën e Dinamos së Kievit sot në mbrëmje. Ky është shpërblimi i vënë nga presidenti Ardjan Takaj për të tijtë, nëse arrijnë të marrin 3 pikët në ndeshjen e parë në Grupin B.
Në fakt, duket diçka gati e pamundur, nëse kemi parasysh forcën e ukrainasve, të cilët janë kokë grupi dhe pretendentët kryesorë për të kaluar më tej, por po kaq i vështirë dukej edhe kualifikimi ndaj Dinamos së Zagrebit në “play-off”. Deri tani korçarët janë shpërblyer disa herë nga presidenti Takaj, për kualifikimet ndaj Mlada Boleslav dhe Dinamos së Zagrebit. Kujtojmë që kalimi i Skënderbeut në grupe solli shpërblimin prej 200 mijë eurosh për ekipin korçar, ndërkohë që Tefik Osmani vendosi ta ndante shpërblimin e tij me tifozët. Edhe këtë herë presidenti i korçarëve nuk është kursyer, por ka vënë këtë shifër të kënaqshme për fitoren në Kiev.

BARAZIMI – Nuk ka shpërblim vetëm për fitoren. Korçarët do të përfitojnë 50 mijë euro, nëse sot në mbrëmje arrijnë të marrin një pikë, pra të barazojnë. Edhe barazimi do të ishte një rezultat mjaft i mirë, duke qenë se luhet në transfertë dhe ndaj ekipit më të fortë në grup. Çdo rezultat pozitiv në ndeshjet në grup sjell përfitime financiare, ndaj dhe presidenti Takaj nuk është kursyer aspak në këtë drejtim. Pozitiv për Skënderbeun është fakti që nuk ka asnjë lloj presioni për rezultatin dhe kjo gjë mund ta ndihmojë për të marrë rezultate të mira në 6 ndeshjet e grupit, pse jo dhe që sot në Kiev.

Leonard Trebicka

Ka preferuar ta prezantojë vetë sulmuesin Martin Nespor. Presidenti i Skënderbeut, Ardjan Takaj ishte në Korçë dhe në një intervistë për “Sport Ekspres” tha se merkatoja është mbyllur, por la të hapur edhe mundësinë e ndonjë lëvizjeje të fundit. I pari i klubit korçar theksoi se Skënderbeu nuk kënaqet me kaq, por do të jerm serioz edhe në grupet e Europa League, ndërsa për kampionatin shprehet se objektivi i vetëm është titulli. Mes të tjerash, Takaj thotë se grupi aktual është më i forti që Skënderbeu ka pasur në këto vitet e fundit.   

– Takaj, a mund ta quajmë afrimin e sulmuesit Nespor edhe mbylljen e merkatos së Skënderbeut?

– Në fakt, Nespor është blerja e fundit për Skënderbeun, por nuk e përjashtoj mundësinë e ndonjë afrimi të fundit nga kampionati shqiptar. Nga përzgjedhja që kemi bërë ne si klub, Nespor është futbollisti më cilësor i kësaj merkatoje vere.

– Skënderbeu ka afruar shumë lojtarë, madje nga klube europiane. Kjo strategji, a e ngre klubin në një stad më të lartë?

– Normalisht, Skënderbeu ka vite që po punon. Vit për vit përmirësohet merkatoja, përmirësohet përzgjedhja dhe rriten edhe pretendimet e Skënderbeut. Kemi pretendime më të mëdha këtë vit. Skënderbeu kaloi 4 ture europiane, është në grupet e Europa League dhe tani synojmë të bëjmë më mirë edhe në grupe. Nuk i dihet, me pak fat mund të ecim më tej.

– Dy vitet e fundit keni shitur 4 lojtarë cilësorë dhe arka e klubit është mbushur. Mos keni ndryshuar plan këtë verë, ku më shumë keni afruar lojtarë?

– Kjo është politika e Skënderbeut që në nisje. Janë marrë futbollistë, janë formuar te ky ekip dhe më pas janë shitur. Edhe këta lojtarë që kanë ardhur tani, janë me shumë perspektivë dhe shpresojmë shumë se mund të jenë gati për tregun europian.

– Ka kërkesa për lojtarë të Skënderbeut nga jashtë?

– Sigurisht që ka. Lojtarët e Skënderbeut kanë shkuar në ekipe shumë të forta dhe me emër, që tregon se kualiteti i lojtarëve të këtij ekipi është i lartë. Kemi lojtarë të gatshëm të luajnë në Europë.

– Grupet e Europa League nuk janë risi në fakt, por këtë here keni më shumë ambicie, apo jo?  

– Pretendimet e Skënderbeut nuk është se përfunduan këtu, në grupet e Europa League. Do të punojmë fort dhe do të jemi shumë seriozë në grupe, pse jo të mos shpresojmë edhe ne të ecim më sipër.

– Gjithë këta futbollistë të ardhur mos ndoshta e prishin pak balancën në grup, pasi janë më shumë se 25 vetë?

– Absolutisht jo. Në rast se këta do të menaxhohen mirë, këtu ka vend për të gjithë. Janë tre kompeticione dhe ka vend të luajnë të gjithë. E theksova më sipër se me pak kujdes grupi mund të bëjë shumë mirë. Besoj se ky është viti, kur grupi është shumë më i kompletuar.

– Kampionati duket se do të jetë më “i egër” se të kaluarit. Ju si mendoni?

– Superliga “e egër” ka qenë gjithmonë. Jemi futur me pretendimet tona dhe gjithmonë kemi qenë aty. Objektivi i këtij ekipi ka qenë i qartë: titulli kampion.

– Sezonin e kaluar në fakt nuk ishit fort i qetë edhe karshi FSHF-së. Ju është ngrënë hapur, nëse mund të shprehemi kështu?

– Grupi ynë ka qenë i duhuri realisht. Sulmet që ka pasur Skënderbeu besoj se krijuan ato problemet e veta gjatë rrugës. Normalisht, të menaxhosh një grup që ndodhet nën presionin e sulmeve, është e vështirë. Ju i dini mirë historitë e gjithë kësaj periudhe. Kemi arritur deri këtu dhe ky është sukses i grupit dhe i Skënderbeut. Grupi ka qenë shumë i fortë, madje ishte gati të shpallej kampion. Ishim afër, por fati nuk deshi.

– Me këtë grup futbollistësh kaq cilësorë, titulli është i sigurt sezonin e ri?

– Asgjë nuk është e sigurt. Titulli sigurohet me punë dhe seriozitet, duke luftuar deri në vërshëllimën e fundit të sezonit. Atëherë mund të flasësh me siguri. Po punojmë shumë fort që të jemi gati për titullin kampion.

Presidenti në Korçë, takon ekipin

Ka dy ditë që ndodhet në Korçë dhe pasditen e djeshme ka takuar ekipin, duke “e bekuar” para sezonit të ri. Presidenti Ardjan Takaj, bashkë me zëvendësin Arlind Boshku dhe drejtues të tjerë, janë shfaqur dje në ambientet e stadiumit. Vetë Takaj ka prezantuar blerjen e fundit verore, çekun Martin Nespor. duke e cilësuar atë më të madhe të Skënderbeut. Pak minuta më pas Takaj është futur në dhomat e zhveshjes, ku nuk ka qëndruar më shumë se 5 minuta. Nga biseda që ka pasur me lojtarët mësohet se numri 1 i klubit korçar i ka uruar për një sezon sa më të mbarë. Skënderbeu do të luajë në tre kompeticione dhe do të ketë ngarkesë të lartë. “Bosi” i Skënderbeut ka ndjekur nga afër stërvitjen e djeshme në aneksin e stadiumit.   

Leonard Trebicka

“Ndeshja në Beograd ka risk, por nuk besoj që do të ndodhë gjë, pasi jemi vetëm dy ekipe futbolli. Kombëtarja e ka më të theksuar patriotizmin, ndërsa ne jemi tifozë nga Korça dhe korçarët njihen për të kënduar e për të gëzuar kudo ku janë, jo për të krijuar probleme”, – thekson në një intervistë për “Sport Ekspres” menaxheri i përgjithshëm i Skënderbeut, Gerhard Takaj, i pranishëm bashkë me menaxherin Shkumbin Qormemeti në short. I pyetur për takimin me përfaqësuesit e Partizanit, Takaj pohon se shtrëngoi duart me ta: “Nuk kemi asgjë kundër tyre dhe as ata kundër nesh. Në sport jemi të gjithë miq dhe kështu duhet të sillemi.” Ja intervista e plotë e Gerhard Takajt nga Monako:
– Gerhard, bashku me menaxherin Shkumbin Qormemeti ishit prezentë në Monako, në hedhjen e shortit. Si ju duket grupi?
– Po, isha i pranishëm në hedhjen e shortit dhe dua të them se për ne është një short i favorshëm.
– Doni të thoni se Skënderbeu do të shkojë më larg, mund t’ia kalojë edhe grupet?
– Dua të them se Skënderbeu kërkon gjithmonë majat. Me aq forcë sa kemi, ju garantoj se do të bëjmë të pamundurën për të shkuar sa më larg. Ashtu siç bëmë të enjten në mbrëmje dhe ja ku jemi në grupet e Europa League.
– Skënderbeu shkon në stadiumin, ku u ngrit droni i famshëm. Si do ta komentoni përballjen ndaj Partizanit të Beogradit?
– Partizani është një skuadër e fortë, por jo e pakalueshme nga ana jonë, në të dyja përballjet, në Elbasan dhe në Beograd. Shpresoj që në përballjet me ta të kemi vetëm futboll, pasi kjo është arsyeja e vetme, që të gjithë shkojmë në stadium dhe të ndjekim ekipin e zemrës. Të gjithë duhet ta mbështesim sa më shumë Skënderbe edhe në grupet e Europa League. Nuk ka shans të bëjmë propagandë apo të fyerje nga më të ndryshmet, jo vetëm ndaj Partizanit të Beogradit, por ndaj asnjë ekipi. Kjo është mënyra e vetme, që mund të fitojmë.
– I druheni faktit se mund të ndodhë sërish si me kombëtaren?
– Sigurisht që ndeshja ka risk, por nuk besoj se do të ndodhë gjë. Në fund të fundit, jemi dy ekipe futbolli. Kombëtarja e ka më të theksuar patriotizmin, ndërsa ne jemi tifozë nga Korça dhe korçarët njihen për të kënduar dhe për të gëzuar kudo ku janë, jo për të krijuar probleme.
– Jeni takuar me ndonjë nga përfaqësuesit e Partizanit të Beogradit?
– Sigurisht që jam takuar. Në sallë kanë qenë të tre përfaqësuesit e ekipeve tona kundërshtare dhe pas shortit zhvilluam një takim, ku diskutuam për organizimin e 6 ndeshjeve. Me përfaqësuesit e Partizanit i dhamë dorën njëri-tjetrit. Nuk kemi asgjë kundër tyre dhe as ata kundër nesh. Në sport jemi të gjithë miq dhe si të tillë mendoj se duhet të sillemi.
– Në fakt, pritej nga tifozët një emër i madh. Po ju, e prisnit?
– Pishman nuk kam, por do të kisha shumë dëshirë që një ekip i madh të ishte në vend të Dinamos së Kievit. Edhe Dinamo është e fortë dhe ne e njohim, pasi kemi zhvilluar miqësore me ta.

Në një intervistë për Supersport, Takaj është i bindur se Skënderbeu mund të befasojë të gjithë: “Ishim në pritje të ndonjë skuadre të madhe, por shoh që shorti është i favorshëm për të vijuar më tej. Do synojmë kualifikimin, pasi janë ekipe të kalueshme, edhe pse ne e kemi arritur objektivin tonë. Ekipet në grup nuk janë më të forta se ato që kemi eliminuar.”

Sfida në Beograd është në qendër të vëmendjes, por Takaj nuk ndalet gjatë aty: “Do shkojmë të luajmë futboll kudo, qoftë edhe në Beograd edhe pse dihet vështirësia për të luajtur me ekipet serbe.”

Presidenti korçar i rikthehet mbrëmjes magjike kundër Dinamos, në një “Elbasan Arena” të tejmbushur: “Shqiptarët janë të uritur për mbrëmje europiane, janë shumë tifozë të flaktë dhe kjo u pa edhe me kombëtaren, ku e skuqën Francën. Ata duan të jetë një ekip shqiptar në futbollin europian, pasi ndjehen të përfaqësuar. Ne e meritojmë të jemi aty.”

Emocionet e ndeshjes së kthimit me Dinamon bëhen gjithmonë e më të forta, sidomos për ata që janë pjesë e ekipit dhe klubit korçar. Gerhard Takaj, djali i presidentit Takaj dhe menaxher i përgjithshëm i Skënderbeut, beson më shumë se kurrë te kalimi në grupet e Europa League, pasi sheh impenjimin maksimal të të gjithëve. Në një intervistë enkas për “Sport Ekspres” ai shpreh bindjen se objektivi do të arrihet me ndihmën e tifozëve, ndërkohë që flet edhe për incidentin e Maqedonisë dhe çështjen e tërheqjes së portierit Shehi nga futbolli i luajtur.    

– Gerhard, edhe pak ditë na ndajnë nga ndeshja e së enjtes në mbrëmje. Si duket ekipi?

– Jemi të përqendruar maksimalisht te ndeshja e së enjtes dhe e gjithë Shqipëria ka filluar të flasë vetëm për sfidën tonë me kroatët. Ekipi po stërvitet në Korçë dhe mund të them se nga i pari deri tek i fundit ka vetëm optimizëm.

– Skënderbeut i mjafton një barazim 0-0 për të kaluar në grupet e Europa League…

– Shpresojmë shumë te kualifikimi. Duhet të japim 200% në fushë për të shkuar në grupet e Europa League. Kam shumë besim se lojtarët do ta bëjnë realitet këtë objektiv.  

– Dinamo e Zagrebit i ka kursyer titullarët në kampionat, duke i dhënë rëndësi maksimale ndeshjes me Skënderbeun. Ndoshta është trembur?

– Kundërshtari ynë në ndeshjen e fundit të kampionat nuk pati një pjesë të mirë të lojtarëve në formacion, por mos harroni se shumë prej tyre kanë qenë të dëmtuar. Dua të them se nuk ka qenë një vendim i stafit për t’i lënë pushim.

– Biletat po shiten me ritëm të jashtëzakonshëm. Cila është thirrja juaj ndaj tifozëve për ndeshjen e së enjtes?

– Do të jetë një ditë historike për gjithë Korçën dhe për gjithë shqiptarët, prandaj i madh dhe i vogël le të jemi atë mbrëmje në Elbasan për të shijuar një atmosferë fantastike, që vetëm Skënderbeu e dhuron.  

– Gjithmonë keni qëndruar në stol dhe Skënderbeut i keni sjellë fat. Po të enjten ku do të qëndroni, në stol apo tribunë?

– E rëndësishme është që Skënderbeu të kalojë më tej. Unë do të qëndroj sërish në stol dhe do të kem më shumë emocione se kurrë më parë, aq më tepër që do të jetë një stadium plot e përplot dhe të gjithë do të ndjejnë të njëjtat emocione besoj.  

– Në ndeshjen e parë Skënderbeu “qau” atë gol të pësuar në minutën e fundit shtesë. Në Elbasan do të jetë tjetër “melodi”?

– Goli që pësuam në fund atë mbrëmje të 17 gushtit në Kroaci sigurisht që na mërziti, por mendoj se njëkohësisht na motivon më shumë për takimin e kthimit në Elbasan.

– Gerhard, 3.3 milionë euro në lojë. Një shumë, që mund të shtohet më tej nga shitjet dhe e drejta televizive. Cili është komenti juaj?

– Jemi këtu me meritë të plotë dhe sa fiton Skënderbeu apo të tjerët kjo është punë tjetër. Skënderbeu ka punuar shumë për këtë ditë dhe jo rastësisht sot ndodhemi në “play-off”-in e Europa League.  

– Latifi kalon përfundimisht te hungarezët e Akademisë Pushkash. Kush e ka radhën për t’u shitur te Skënderbeu?

– Latifi është pjesë e Skënderbeut deri të enjten dhe është i preokupuar 100% për ndeshjen ndaj Dinamos së Zagrebit. Edhe ai, si gjithë lojtarët e tjerë, ka premtuar se do ta çojnë Skënderbeun në grupe. Për të tjerët prisni, sepse ka ende kohë.

– Vjen Suad Sahiti pas pak ditësh. Çfarë do të thoshit për këtë lojtar?

– Për momentin po mendojmë ndeshjen e radhës. Për Sahitin mund të them vetëm se i urojmë mirëseardhjen.

– Nëse ky Skënderbeu siguron grupet e Europa League, do të ketë afrime të tjera cilësore në skuadër?   

– Pa diskutim që do të ketë, por mendoj se nuk mund të flasim për emra të përveçëm në këtë moment.  

– Nga ajo që ndodhi së fundi në Maqedoni në lidhje me incidentin me policinë, ka ndonjë lëvizje të klubit korçar?

– Në Maqedoni mendoj se ishte thjesht një keqkuptim, asgjë më shumë se kaq. Sigurisht që situata nuk ishte e këndshme, pasi nuk na lanë të ndalonim për të drekuar, por çdo gjë kaloi dhe tani jemi duke menduar vetëm Dinamon e Zagrebit.  

– Po nga UEFA e keni pasur ndonjë sinjalizim në lidhje me organizimin e ndeshjes?

– Deri tani, në të gjitha ndeshjet që kemi organizuar, kemi qenë super dhe kemi marrë vlerësimet maksimale. Edhe këtë herë do t’ia dalim, madje më mirë se çdo herë tjetër edhe për atë se do të jemi ne ata që do të festojmë në fund.  

– Gerhard, realisht sa shanse ka Skënderbeu të shkojë në grupe?

– Me një stadium të mbushur dhe me një skuadër, që pritet të japë shpirtin në fushë, kemi shanse të mëdha.  

– Po Shehi, a do të largohet pas ndeshjes me Dinamon e Zagrebit, apo do të qëndrojë?

– Shehi nuk largohet kurrë nga Skënderbeu. Këtë e them unë me dëshirën time të madhe që ta kemi gjithmonë pjesë të skuadrës. Gjithsesi, ai do ta vendosë vetë.

– Së fundi, një parashikim për të enjten?

– Në grupet e Europa League shkon Skënderbeu dhe për këtë jam i bindur.

Duke parë listën e seancave në KAS, të paktën deri në tetor nuk bëhet fjalë që të merret ndonjë vendim, ndaj duket se kjo histori do të vazhdojë gjatë, me Partizanin që pret të marrë titullin, si skuadra që e mbylli e dyta në renditje.

Duka ka komentuar edhe ecurinë e mrekullueshme të Skënderbeut në Europa League këtë verë: “Skënderbeu është bërë si Italia pas Calciopolit, që u shpall kampione bote. Tani kanë një ndeshje jashtëzakonisht shumë të vështirë kundër Dinamos së Zagrebit, pasi nuk kanë bërë as 50% të punës me rezultatin 1-1 në takimin e parë. I mbetet edhe rreth 70% e punës për ta bërë në Elbasan. Nëse do t’ia dalin, do të na bëjnë të lumtur”.

Leonard Trebicka

Ardjan Takaj mbetet presidenti më i suksesshëm në historinë e futbollit shqiptar, jo vetëm për titujt radhazi të fituar me Skënderbeun, por më shumë për atë çfarë ka bërë ky ekip në arenën ndërkombëtare. Korçarët janë të vetmit që kanë shkuar deri në grupet e Europa League dhe sërish janë afër këtij suksesi të madh, si dy vjet më parë, kur e arrinin me një rrugë më të shkurtër, pasi kualifikoheshin direkt nga Championsi. Pas një viti mungesë, Skënderbeu po tregon se është ekipi më i aftë në kompeticionet europiane, ku ka fituar jo pak përvojë. Barazimi i mbrëmshëm e ka kënaqur presidentin Takaj, edhe pse entuziazmin ia kanë prishur pamjet që tregojnë gabimet e gjyqtarëve, në dëm të Skënderbeut. Gjithsesi, ai thekson se Skënderbeu bëri një ndeshje të madhe dhe kërkon me ngulm grupet e Europa League.

I KËNAQUR – “Sigurisht që ndjej keqardhje, sepse pësuam një gol në fund dhe jo vetëm për Skënderbeun, por për çdo ekip që merr gol në kohën shtesë, është për të ardhur keq. Me atë ndeshje që zhvilluam, e them me shumë krenari se meritonim fitoren, por ja që gjithçka u mbyll në barazim dhe nuk kemi çfarë të ndryshojmë tani”, – tha nëpërmjet linjës telefonike për “Sport Ekspres” menjëherë pas ndeshjes së mbrëmshme presidenti Takaj, i cili vazhdonte të merrte mesazhe urimi për rezultatin pozitiv, por edhe i bëhej me dije për gjykimin e padrejtë të ndeshjes nga treshja letoneze.

GJYKIMI – “Kam dyshimet e mia për të dy rastet, për golin që na është anuluar dhe për golin e Dinamos në shtesë. Edhe pse kishim kundër edhe gjykimin, sërish dolëm me rezultat pozitiv. Duhej të kishim dalë me fitore, por na është bërë një padrejtësi në Zagreb”, – ka shtuar Takaj.

BRAVO EKIPIT – “Skënderbeu tregoi forcën e tij në këtë ndeshje. Dua t’i falënderoj të gjithë lojtarët, sepse bënë një ndeshje të madhe dhe meritonim, siç e thashë, të fitonim në fushën e Dinamos së Zagrebit, ku nuk është aspak e lehtë të bësh atë lojë dhe të marrësh rezultat. E ritheksoj, kemi bërë një ndeshje të madhe në transfertë”, – u shpreh numri 1 i klubit korçar, i cili në tribunë shoqërohej edhe nga shumë personalitete të tjera, si zv.kryeministri Niko Peleshi dhe kryebashkiaku i Korçës Sotiraq Filo etj.

BESIMI – “Ndeshja e kthimit në “Elbasan Arena”? Kam shumë besim se do t’ia dalim pas një jave, kur stadiumi do të jetë plot me tifozë jo vetëm të Skënderbeut, por edhe nga qytete të tjera të vendit. Nëse luajmë si sot (dje), e them me bindje se do të jetë Skënderbeu ekipi, që do të kualifikohet më tej”, – thekson kreu i klubit korçar.

GRUPET – “Vetëm kur të jemi në grupet e Europa League mund të themi se e kemi realizuar objektivin tonë plotësisht. Kemi shanset tona dhe do të bëjmë gjithçka për të marrë pjesë sërish në këtë fazë. Besoj shumë tek ekipi”, – pohon Takaj.

THIRRJA – “Të gjithë korçarët i dua në stadiumin “Elbasan Arena” të enjten e ardhshme. Të gjithë bashkë do të jemi në mbështetje të Skënderbeut, që po tregon me plot meritë në Europë se çfarë është në gjendje të bëjë. Të gjithë korçarët dhe jo vetëm duhet ta mbështesin ekipin në këtë moment të rëndësishëm”, – ka përfunduar presidenti i Skënderbeut.

Leonard Trebicka

Jo pak, por plot 200 mijë euro është shpërblimi, që ka vendosur presidenti i Skënderbeut, Ardjan Takaj, për kualifikimin e skuadrës së tij në grupet e Europa League. Në fakt, u tha se shpërblimi do të ishte 100 mijë euro, por Takaj ka ndërruar mendje dhe e ka dyfishuar shifrën, duke vendosur për 200 mijë euro në dispozicion të ekipit, nëse kalojnë Dinamon e Zagrebit. Këtë shifër “Sport Ekspres” e konfirmon nga burime pranë presidentit të korçarëve, ndërkohë që shumë shpejt do t’u komunikohet dhe futbollistëve. Ndoshta të mërkurën, një ditë para ndeshjes në Zagreb, kur skuadra të jetë duke zhvilluar seancën e fundit stërvitore, “bosi” pritet t’ua bëjë të ditur lojtarëve shifrën në fjalë, që gazeta e ka zbuluar për kualifikimin e mundshëm të Skënderbeut.

RRITJA – Deri tani, futbollistët e Skënderbeut kanë ndarë 100 mijë euro, të ndara në dy shpërblime nga 50 mijë euro, i pari për eliminimin e Kairatit dhe i dyti për eliminimin e Mladës. Për turin e parë ndaj Sant Julias, presidenca nuk caktoi premio, sepse kalimi ishte i lehtë ndaj amatorëve nga Andorra. Tashmë shuma është marramendëse, sepse edhe suksesi do të ishte i madh, nëse korçarët eliminojnë gjigantët kroatë. Prandaj dhe shpërblimi është 4 herë më e lartë se dy të mëparshmet. 200 mijë euro tashmë janë në lojë për futbollistët e Skënderbeut duhet të bëjnë gjithçka, që t’i përfitojnë.

PËRFITIMET – Shpërblimi më i lartë që ka vendosur ndonjëherë presidenca korçare është ai i dy vjetëve më parë, si për koincidencë po ndaj Dinamos së Zagrebit. Në atë kohë Takaj, për të kaluar në grupet e Champions League, vendosi në dispozicion të ekipit plot 500 mijë euro. Sigurisht, ishte një super premio, sepse të ardhurat do të ishin të frikshme. Në këtë moment “lufta” bëhet për të siguruar grupet e Europa League, ku përfitimet janë më të vogla se në Champions. Korçarët kanë siguruar tashmë 920 mijë euro, pas kalimit të 3 tureve të para. Nëse kalojnë Dinamon e Zagrebit, jo vetëm do të ndajnë 200 mijë euro, por do të mbushin sërish arkën e klubit. Një mision, që besohet se mund të arrihet, pavarësisht se përballë është një klub me mjaft emër si Dinamo e Zagrebit.

TAKAJ – Dy ditë më parë presidenti Ardjan Takaj ishte në Korçë, ku qëndroi pranë skuadrës 48 orë. Tashmë i është kthyer punëve të biznesit në Durrës dhe në Tiranë, por mësohet se shumë shpejt do të jetë sërish me ekipin. Deri të hënën ai do të bashkohet me Skënderbeun, por këtë herë udhëtimi i tij do të jetë surprizë. Pas mbërritjes në Korçë, Takaj nuk do të ndahet nga ekipi deri në mbrëmjen e 17 gushtit, kur të luhet ndeshja e parë në Zagreb. Kur të jetë në Korçë sigurisht që do të takohet me futbollistët për t’i karikuar më shumë ata. Përveç tifozëve, stafit teknik dhe futbollistëve, edhe presidenca është e bindur se skuadra do t’ia dalë. Shpërblimi me 200 mijë euro është karikimi më i mirë për lojtarët.

Pas fitores së madhe kundër Mladas, Tskaj deklaroi për Supersport: “I kërkova skuadrës që të fitonre pa penalltitë. Dikur jemi dënuar nga penalltitë dhe nuk i doja, por për fat këtë herë ia dolëm. Mendoj se e merituam”.

Shorti nesër: “Do të doja që të kishim një ekip të madh, pse jo Milani, përndryshe një rivsl që të kishim mundësi ta kalonim”

Milionat shtohen: “Financat janë më të rëndësishmet në futbollin modern dhe ne kjo arritje na ndihmon shumë. Buxhetet e klubeve shqiptare janë shumë të vogla në krahasim me ekipet e huaja.

Shehi legjendar: “Largimi? E kam lënë gjithçka në dorën e Shehit nëse do vazhdojë ose jo. Nëse ekipi do të ketë nevojë për të, ai nuk do ta lërë ekipin në baltë. Por edhe nëse largohet si lojtar, ai do të mbetet në klub. Afatet e merkatos mbyllen më 31 gusht, por do të presim shortin nesër dhe shpresoj të kalojmë në grupet e Ligës së Europës. Gjithsesi, kjo arritje është shumë e rëndësishme. Kjo ecuri e ndihmon futbollin shqiptar në tërësi, sepse sa më shumë të ecim, aq më mirë është për klubet tona”.

E ka pohuar dje presidenti Ardjan Takaj se Skënderbeu e mbyll merkaton me dy lojtarët e konfirmuar së fundi nga klubi korçar. Bëhet fjalë për lojtarin nga Gambia, Ali Soue, i cili vjen në formë huazimi nga Kievo, si dhe për kosovarin Shend Kelmendi. Ky i fundit tashmë është në Korçë dhe po vijon seancat stërvitore me Skënderbeun. Presidenti Takaj nuk ka dashur të flasë dje gjatë për mediet në lidhje me këtë çështje, madje ka dashur të jetë shumë i rezervuar.

Për “Sport Ekspres” ai ka thënë vetëm kaq: “Po, presim që Ali Soue të vijë, por nuk di të them se kur. Ky lojtar do të jetë pjesë e Skënderbeut dhe, nëse do të luajë në ndeshjen e kthimit apo jo, këtë e di trajneri. Në UEFA do të çojmë vetëm emrin e tij, sepse vetëm një lojtar lejohet të federohet. Po ashtu, edhe Kelmendi është një afrim te Skënderbeu. Këto janë të rejat e deritanishme rreth merkatos, ndërkohë që për të tjerat nuk flas, pasi jam përqendruar 100%, bashkë me ekipin, vetëm te Mlada.”

Është e kuptueshme pse “bosi” i Skënderbeut nuk dëshiron të flasë për çështje të tjera, pasi Mlada është te dera. Vetëm 48 orë na ndajnë nga kjo sfidë. Dje në mesditë, presidenti Takaj dhe zëvendësi i tij Boshku u nisën nga kryeqyteti për në Korçë. Pak momente përpara fillimit të stërvitjes, ata ishin në ambientet e stadiumit, ku Takaj ka shkelmuar edh një top që ka ardhur në drejtim të tij. Numri 1 i ekipit korçar është takuar me pjesën më të madhe të futbollistëve, por edhe me Shend Kelmendin, kosovarin e sapo ardhur në Korçë.

Nga ana tjetër, mësohet se “bosi” dhe drejtuesit e tjerë të klubit, do të nisen sot bashkë me ekipin drejt Shkupit e më pas do të vijojnë rrugëtimin drejt Çekisë në një avion me skuadrën. E rëndësishme është që Takaj dhe bashkëpunëtorët e tij po punojnë dhe kanë sjellë ne ekip edhe dy sulmues të tjerë. Soue pritet të vijë nesër në Shqipëri, por duhet të presë kthimin e Skënderbeut për t’u bashkuar me skuadrën e re. Trajneri Daja e donte një sulmues dhe ai do të vijë e do të jetë në dispozicion për takimin e kthimit në “Elbasan Arena”. Vetë presidenti Takaj ka bërë me dije se merkatoja është e mbullur për momentin, pasi, nëse bardhekuqtë do të kalojnë më tej, do të kemi sërish të tjera afrime.

Klubi sezonin e shkuar u dënua nga UEFA për të mos marrë pjesë në Champions, ndërkohë që ky vit kaloi mes frikës së një dënimi edhe nga ana e FSHF-së, që në fund u mjaftua me dënim të karakterit moral, pa cenuar vijueshmërinë e aktivitetit të klubit.

E parë në këtë këndvështrim, triumfi i së enjtes ishte mbi të gjitha i presidentit Takaj, i cili ka kaluar moment shumë të vështira – deri thirrje në prokurori – dhe i një grupi lojtarësh që prej kohësh të bashkua ndërtuan ciklin Skënderbeu. Shehi mbi të gjitha, Radas e Osmani që luajtën sikur të ishte ndeshja e jetës, Lilaj që u rikthye me gol, Nimaga që ka 4 vite aty, Muzaka me pasimin e golit të dytë dhe Plakun që kishte shënuar para 5 vitesh po për Skënderbeun në Champions.

Mbrëmja e së enjtes mund të konsiderohet rikthimi i gardës së vjetër.

Leondard Trebicka

Skënderbeu ka kaluar në turin e tretë të Europa League dhe për presidentin e Skënderbeut, Ardjan Takajn, dje ishte një mbrëmje e madhe, ndaj e ka përgëzuar ekipin për rezultatin e marrë. Numri 1 i klubit bardhekuq tregoi se nuk kishte frikë para këtij takimi, për shkak të rezultatit të mirë të ndeshjes së parë.
“Ishte një natë e madhe, nata e Skënderbeut dhe e gjithë korçarëve. Një bravo të madhe për të gjithë, sidomos për lojtarët, të cilët dhanë më të mirën në fushën e lojës. Ju lumtë të gjithëve dhe me të drejtë u futa në dhomat e zhveshjes dhe i përgëzova. Ishim përgatitur mirë për këtë takim. Nuk kishte pse të trembeshim, pasi u nisëm me një rezultat të mirë në fushën kundërshtarë dhe me një lojë të mirë. E dinim që mund të bënim më shumë në fushën tonë dhe ja ku e bëmë realitet kualifikimin”, – u shpreh presidenti Takaj fillimisht, ndërsa më pas foli për faktorët, që ndikuan në kalimin e këtij turi, kundërshtarin e radhës, merkaton dhe Liridon Latifin. Në fund edhe pak fjalë për eliminimin e Kukësit.

ÇELËSI I SUKSESIT – “Skënderbeu ka luajtur në ndeshje europiane të këtij niveli, por edhe më shumë se kaq. Kemi edhe përvojën e grupeve, prandaj e eliminuam Kairatin, një skuadër jo fort e lehtë. Eksperienca ishte ajo që na ndihmoi shumë dhe ja ku jemi tani, në raundin e tretë të Europa League. Nganjëherë nuk janë milionat ato që të bëjnë të fitosh, por zemra dhe shpirti luftarak. Lojtarët sot (dje) e vunë atë në fushën e lojës”.

MLLADA BOLESLAV – “Tashmë luajmë ndaj MLladës në turin e tretë dhe sigurisht që do të jetë një tjetër ndeshje e vështirë, pasi në të tilla kompeticione nuk ka të lehta. Janë skuadra në zemër të Europës, që luajnë futboll shumë mirë dhe marrin pjesë në një kampionat të fortë si ai çek. Nuk ka vend për krahasime, i lehtë apo i vështirë. Ekipi është shumë i fortë, ne do përgatitemi fort për t’u përballur me ta”.

LATIFI DHE MERKATOJA – “Tani jemi tepër të qetë dhe të përqendruar për të parë për përforcime të tjera. Një ose dy afrime do të kemi, por grupi do të jetë në përgjithësi ky që ishte edhe sot (dje). Sa për Latifin, dua të konfirmoj që ai do të vazhdojë të qëndrojë me ne deri në fund të ndeshjeve në Europë. Ka oferta konkrete, por nuk mund të them emra”.

OBJEKTIVI – “Grupet e Europa League janë objektivi i mëtejshëm, pavarësisht se është e vështirë, pasi duhet të kalosh edhe dy ekipe të tjera, që të shkosh deri atje”.

URIMET – “Ende nuk e kam hapur telefonin. Mesazhet vazhdojnë të vijnë. E rëndësishme është që futbolli shqiptar të marrë rezultate.

KUKËSI – “Eliminimi i Kukësit ishte fatkeqësi. Më vjen keq, pasi i bëri të gjitha, por nganjëherë fati të dënon. E pashë një ditë më parë eliminimin e Kukësit dhe më erdhi vërtet keq. Ishin vërtet të pafat dhe e meritonin të ishin më tej, por ky është futbolli, kjo lojë që të dhuron emocione kaq të mëdha.”

Leonard Trebicka

“Nesër (sot) jam në Korçë. Do të qëndroj pranë ekipit deri në përfundim të ndeshjes ndaj Kairatit, ku besoj shumë se Skënderbeu do të kalojë më tej”, – pohoi dje për “Sport Ekspres” presidenti i Skënderbeut, Ardjan Takaj. Ai ndjen emocionet e mëdha të ndeshjes së kthimit me kazakët, ku kualifikimi do ta lumturonte jo vetëm financiarisht. “Bosi” i korçarëve, pak orë pas kthimit nga Kazakistani, deklaroi se ishte shumë i kënaqur nga ajo që dha skuadra në ndeshjen e parë, në atë transfertë të vështirë, ku mori një barazim të merituar. Dy ditë para ndeshjes së kthimit presidenti Takaj është mjaft optimist, por ka një apel për të gjithë korçarët: “Tifozët janë ata që kanë një përqindje të madhe te kualifikimit tonë në dorë. Nëse do ta mbushin plot stadiumin, ekipi do të ndihet ndryshe. Nëse ka një ditë, kur duhet mbështetje maksimale për Skënderbeun nga e gjithë Korça, është e enjtja. Me ndihmën e të gjithëve bashkë mund t’ia dalim. Kam besim se do të shikoj një stadium të tejmbushur. Tani është radha e tifozëve”, – u shpreh presidenti Takaj, i cili nga sot do të jetë më pranë ekipit. Ai e ka merak pjesën e tifozëve, pasi një stadium i mbushur do t’i jepte më shumë zemër Skënderbeut dhe do të shtonte presionin te kundërshtarët. Presidenti Takaj dhe gjithë korçarët kanë përjetuar emocione të mëdha dy vite më parë dhe shpresojnë shumë t’i shijojnë edhe këtë verë.

ANALIZA – Pasi të mbërrijë në Korçë, presidenti Takaj do të jetë i pranishëm në ambientet e stadiumit “Skënderbeu”, ku në orën 18:30 do të ndjekë stërvitjen e radhës në fushën e re, që mezi e priste të përfundonte. Fusha është gati tashmë dhe në të po stërvitet ekipi për ndeshjen ndaj Kairatit. Një terren, që rrallë gjendet në Shqipëri. Numri 1 i klubit korçar do ta vëzhgojë ekipin në stërvitje dhe në darkë të zhvillojë një takim “kokë më kokë” me trajnerin Ilir Daja. Nesër do të bëhet analiza përfundimtare e ndeshjes me Kairatin dhe patjetër që në të nuk do të mungojë presidenti Ardjan Takaj, i cili do të thotë fjalët e fundit përpara ekipit. Sigurisht, karikimi nga ana e “bosit” do të jetë maksimal, pasi Skënderbeu më shumë se kurrë ka nevojë për optimizëm, në mënyrë që ta kalojë me sukses këtë pengesë aspak të lehtë.

IMPIANTI – E veçanta e ditës së parë të javës në Korçë ishte inaugurimi i fushës së re, pranë stadiumit “Skënderbeu”. Skuadra korçare, nën drejtimin e trajnerit Daja, kreu seancën e parë stërvitore në këtë fushë. Nuk është se u pre ndonjë shirit inaugurimi, siç ndodh rëndom në të tilla raste, por kjo fushë e re me bar natyral është një vlerë e shtuar për Skënderbeun. Stafi teknik ka mbetur i kënaqur nga ky terren i ri, ku Skënderbeu do të stërvitet. Skënderbeu pritet që në të ardhmen të ketë edhe fusha të tjera në dispozicion, pasi klubi korçar i kushton vëmendjen e duhur edhe infrastrukturës. Një klub shembull në vend në këtë drejtim dhe jo vetëm.   

Gjergj Stefa

Një pjesë e mirë e opinionit mezi është pajtuar me idenë se skuadra pa të shkuar si Skënderbeu dhe Kukësi janë shndërruar në realitetin e ri të futbollit shqiptar, por nëse i hedh një sy aventurës europiane të këtyre dy klubeve në 4 sezonet e fundit, e kupton qartë që arritjet brenda vendit nuk duhen paragjykuar.

Matësi më i mirë i forcës sportive janë kupat e Europës dhe nëse paratë e përftuara janë tregues, atëherë mund të themi që milionat e eurove që janë arritur janë një mrekulli më vete financiare për realitetin shqiptar.

Deri në këto moment, duke filluar nga viti 2013, Skënderbeu dhe Kukësi kanë marrë më shumë se 12 milionë euro nga pjesëmarrja në Europë, ku sigurisht që pjesën më të madhe e kanë korçarët, duke qenë se kanë luajtur më shpesh në Champions. Të dyja ekipet kanë bërë mirë në kupat e Europës, duke provuar “play-off”-in e Champions League-s, Europa League-s, madje dhe grupet e kësaj të fundit.

Këtë verë deri në këto moment dhe sikur të eliminohen Kukësi do përfitojë 550 mijë euro ndërsa Skënderbeu 430, por kualifikimet e mesjavës së ardhshme mund t’u japin një bonus shumë të madh ekipeve. Kukësi do kalonte shifrën e 1 milion eurove sepse do luante në “play-off”-in e Europa League-s, ndërsa Skënderbeu shifrën e 675 mijë eurove nga turi i tretë.

Thonë që kur zihen dy vetë fiton një i tretë, por Skënderbeu dhe Kukësi kanë ditur të zihen gjithë vitin, e të fitojnë para gjithë verën. Për momentin janë miliarderët e futbollit shqiptar.

Leonard Trebicka

Ardjan Takaj, ashtu si gjithë Skënderbeu, ishte shumë i lodhur dje pas mbërritjes në Shqipëri, në fund të një udhëtimi sfilitës për gjithë ditën, nga Kazakistani në Tiranë. Megjithatë, presidenti i Skënderbeut ka pranuar të japë një intervistë për “Sport Ekspres”, ku ka komentuar jo vetëm atmosferën pas ndeshjes në Kazakistan, por edhe publikimit e dosjes së Komisionit të Etikës, ku jepet argumentimi zyrtar për heqjen e titullit të sezonit 2015/2016. Lufta brenda Shqipërisë e ka lodhur më shumë se ajo jashtë saj Takajn, i cili preferon të merret vetëm me futbollin e luajtur. Është një moment delikat, shumë i rëndësishëm, ku nuk ia vlen të shpenzohen energji me një çështje absurde, që në Korçë e kanë kontestuar ashpër dhe drejtuesit e klubit do ta apelojnë deri në fund.

Zoti Takaj, zor se keni udhëtuar ndonjëherë kaq gjatë për një ndeshje futbolli.
E vërtetë, Kazakistani qenka vërtet i lodhshëm, aq më shumë që praktikisht ishim në Kinë, në krahun tjetër të botës. Ishte një rrugë shumë e gjatë, tepër e lodhshme për të gjithë. Uroj që skuadra të rikuperojë sa më shpejt energjitë, pasi ndeshja e kthimit është në prag.
Një barazim i bukur ai në Almati, mbi të gjitha për lojën e bukur që shfaqi Skënderbeu.
Nuk ka pse të duket çudi ai rezultat dhe ajo lojë. Kemi vite që bëjmë Shqipërinë krenare në kupat e Europës dhe realisht pikët për renditjen e kampionatit shqiptar në FIFA ne po e mbajmë sa më lart, duke parë që përveç Kukësit, asnjë klub tjetër nuk po shkëlqen në Europë. Skënderbeu ka qenë dhe mbetet i madh.
Me sa u pa, Skënderbeu ishte superior ndaj Kairatit.
Jo, këtu duhet kujdes. Kairati është një skuadër e madhe, nuk e marrim lehtë dhe jemi përqendruar totalisht te ndeshja e së enjtes. Kam besim të plotë te skuadra, por duhet shumë kujdes dhe përqendrim. Dua patjetër turin e tretë, ky është detyrim prë skuadrën.
Nëse kaloni Kairatin, pret me shumë gjasa Mlada Boleslavi e Republikës Çeke.
Nuk e kam mendjen fare te rivali i ardhshëm. Jemi të përqendruar vetëm te Kairati. Kjo është finalja jonë, më pas shohim çfarë na vë përballë shorti dhe do të kemi kohë të mendojmë për shumë gjëra.
Etika ka zbardhur argumentimin e vendimit për heqjen e titullit të vjetshëm.
Janë vendime qesharake, Etika merret me Skënderbeun dhe sulmon klubin më të mirë në Shqipëri. Do të merremi më vonë me këtë çështje. Unë mendoj vetëm për Kairatin, nuk kam kohë dhe dëshirë të merrem me çështje që në këtë moment janë dytësore. Po na luftojnë më shumë në Shqipëri se jashtë saj këto kohë, por do të tregojmë se mbetemi më të mirët.
Një mesazh për tifozët, që janë natyrisht entuziastë duke parë Skënderbeun e Almatit.
U bëj thirrje të gjithëve që të mendojnë vetëm për të enjten, duke patjetër vetëm kualifikimin. Dua një stadium plot dhe 90 minuta mbështetje, pasi kemi prëballë një rival shumë të fortë, mos të mendojë askush se do ta kemi të lehtë.

“Kemi studiuar të gjitha ofertat dhe sugjerimet që na u bënë gjatë kësaj kohe dhe ishte një kohë shumë e shkurtër për të vendosur. Ne mund të federonim ndonjë lojtar, por nuk donim që të nxitoheshim dhe të bënim një zgjedhje të gabuar. Me pak fjalë, nuk kemi asnjë emër të ri dhe lista do të jetë e njëjta me turin e parë të Europa League”, u shpreh Takaj për gazetën.

Drejtuesit zgjodhën të mos shpenzonin ndonjë shumë marramendëse për këtë tur, pasi përballë është Kairati dhe nëse nuk do të kalohet më tej, atëherë ky investim do të shkonte kot. Por, nëse skuadra do të arrijë të kalojë më tej, të ardhurat do të shtohen dhe klubi do të lëvizë për të afruar të paktën dy lojtarë cilësorë.  

Leonard Trebicka

Ashtu siç edhe ishte parashikuar, presidenti i Skënderbeut, Ardjan Takaj, por edhe drejtues të tjerë të klubit, kanë zbarkuar në Kazakistan për të qenë pranë ekipit në prag të ndeshjes së sotme ndaj Kairat Almati. Me mbërritjen e tyre, duhet thënë se është rritur në maksimum edhe adrenalina në radhët e futbollistëve, të cilët janë karikuar kur kanë takuar presidentin.

Në orët e vona të mbrëmjes së djeshme, pas seancës së fundit që ekipit zhvilloi në “Central Stadium”, të gjithë bashkë i janë drejtuar hotelit ku është akomoduar skuadra. Ndërkohë, Daja kishte planifikuar edhe një analizë të fundit për t’u dhënë këshilla të tijve. Në këtë analizë ka marrë pjesë dhe ka folur edhe presidenti i Ardjan Takaj, i cili mësohet se u ka thënë këto fjalë të tijve: “Jemi në turin e dytë të Europa League dhe nuk e mendoj aspak që ky është turi i fundit. Kemi shumë rrugë të gjatë përpara dhe që të kalohet më tej. Duhet ta kalojmë në këtë moment Kairatin. E dimë të gjithë që kundërshtari ka një potencial të madh, por unë kam besim akoma edhe më shumë besim te ju. Jeni në gjendje ta kaloni një kundërshtar të tillë. Dëshiroj dhe besoj që ju do të tregoni vlerat më të mëdha, ato vlera që ka vetë Skënderbeu, pasi ne jemi një ekip që kemi provuar edhe grupet e Europa League. Gjithçka është në dorën tuaj dhe jepni më të mirën në fushë, në mënyrë që të kthehemi me një rezultat pozitiv nga kjo ndeshje e parë. Mbështetja ime ka qenë dhe do të jetë maksimale ndaj jush, prandaj edhe këtu në Kazakistan tregoni cilësitë më të larta të futbollit shqiptar”. PREMIO – Skënderbeu deri tani ka siguruar në Europa League plot 440 mijë euro, pasi ka kaluar në turin e dytë, ndërkohë që nëse kalon këtë tur do të përfitojë mbi 200 mijë euro të tjera dhe sigurisht që arka e klubit bardhekuq do të mbusheshin edhe më shumë. Këto shuma të mëdha, kanë bërë që presidenti Ardjan Takaj të vendosë 100 mijë euro premio për lojtarët në rast të kalimit të turit të dytë. Kjo i motivon edhe më shumë bardhekuqtë në prag të ndeshjes së sotme. Mes këtyre shifrave dhe optimizmit, duhet thënë se Skënderbeu ka shanset e veta që të kalojë Kairat Almati, një skuadër me një buxhet shumë herë më të lartë se Skënderbeu, por që korçarët kanë treguar se dinë të kalojnë edhe pengesa të tilla, pa thënë se kanë mundur edhe skuadra me më shumë emër në arenën ndërkombëtare. Skënderbeu është ekipi që ka kaluar përpara dy sezonesh deri në grupet e Europa League, ndërkohë që dihet se këtë verë është e vështirë që të ndodhë sërish gjë e tillë, por jo e pamundur.

Sipas burimeve pranë presidentit Takaj, bëhet e ditur se sot që në orët e para të mëngjesit, ai së bashku me zëvendëspresidentin Arlind Boshku, menaxherin e përgjithshëm Gerhard Takaj, drejtori sportiv Haris Fakiç, por edhe të tjerë, do të udhëtojnë drejt Kazakistanit për të qenë rreth mesditës në hotelin ku është akomoduar skuadra bardhekuqe. Mësohet se sot në mbrëmje “bosi” i Skënderbeut do të marrë pjesë edhe në analizën e fundit që do të zhvillojë skuadra në hotelin “Ramada Plaza”, ndërkohë që Takaj ka disa fjalë të fundit për t’u thënë të tijve. Burime pranë presidencës korçare bëjnë me dije se Takaj ka gati premion për t’ua bërë të ditur të tijve në rast kualifikimi dhe ajo do të jetë rreth 100 mijë euro. Një shifër e lartë në fakt, por që te Skënderbeu janë mësuar me shumë të tilla, madje edhe disa herë më të larta.

Jo vetëm sepse luhet në javën e parë, por mbi të gjitha për atë çka kanë bërë në merkato, kampionati i ri mund të na japë që në premierë një rikthim të një dueli që vite më parë ishte shumë i ethshëm. Skënderbeu dhe Flamurtari kanë qenë skuadrat më aktive deri tani në merkato, teksa Partizani dhe Kukësi janë ende në pritje për tu riformatuar. Korçarët dhe vlonjatët janë praktikisht të plotë dhe mungojnë vetëm 1 ose 2 prekje për ta mbyllur merkaton. Të dy klubet kanë operuar me kujdes, Skënderbeu për t’u përforcuar aty ku kishte nevojë më shumë, ndërsa kuqezinjtë për t’u ribërë nga e para, me lojtarë me përvojë që vijnë sidomos nga kampionati maqedonas.

Nuk ka asnjë diskutim që të njëjtat ambicie i kanë dhe Partizani e Kukësi që do luajnë mes tyre në javën e tyre, por ky kampionat meriton të hapet me një super ndeshje. Në Korçë, Skënderbeu-Flamurtari për të rikthyer emocionet e 6 viteve më parë.

Leonard Trebicka

Pavarësisht koeficientit të lartë të vështirësisë për të kaluar më tej në raundin e tretë të Europa League, te Skënderbeu shpresojnë shumë që do t’ia dalin. Përveç besimit të madh, gazeta “Sport Ekspres” zbulon se në orët në vazhdim pritet të ketë edhe një tjetër goditje të bujshme te bardhekuqtë, por në klub duan ta bëjnë surprizë, duke mbajtur sekret. Një ditë përpara ndeshjes së të enjtes pritet që të mbyllen edhe federimet në UEFA, ndaj deri nesër në mbrëmje korçarët kanë shansin e madh që ta bëjnë atë “goditje blic”, siç e cilësojnë edhe vetë drejtuesit. Një lajm të tillë e ka zbuluar enkas për gazetën menaxheri i përgjithshëm i Skënderbeut, Gerhard Takaj, i cili dje ka folur si për përballjen ndaj Kairatit, por edhe për blerjen e fundit, që mezi e presin të gjithë. Kujtojmë që menaxheri Takaj ka qenë ai që ka drejtuar merkaton e skuadrës në prag të ndeshjeve në Europa League dhe tani përgatit goditjen e fundit, që mbetet për t’u parë nëse do të jetë Ali Soue, apo ndonjë tjetër.

GRUPI I pyetur në lidhje me grupin e lojtarëve që ka në dispozicion Daja dhe nëse do të jenë ata që do të federohen përfundimisht, apo do të ketë ndonjë blerje, për këtë menaxheri i përgjithshëm i Skënderbeut, Gerhard Takaj për gazetën ka deklaruar: “Nëse më pyesni për grupin dhe cilët do të jenë lojtarët që do të rreshtojë Daja në fushë, më mirë pyesni trajnerin. Mund të them vetëm atë se po punojmë shumë orët e fundit që të bëjmë një afrim “blic” përpara ndeshjes së të enjtes ndaj Kairatit. Shpresoj që ta afrojmë një lojtar cilësor, i cili do të na bëjë vërtet punë. Sa për emrin, nuk mund të zbuloj gjë, sepse për këtë po punojmë, por të presim edhe këto orë që na kanë mbetur. Jemi drejt konkretizimit të marrëveshjes dhe sa do ta arrijmë një gjë të tillë, le ta vërtetojmë në orët në vazhdim”. Edhe nëse do të bëhet kjo goditje, për ndeshjen e parë zor se do të vihet nën urdhrat e trajnerit Daja për ndeshjen e së enjtes.

KAIRATI Takaj foli dje edhe për kundërshtarin e 13 korrikut, Kairat Almatin, që e cilëson si një skuadër të fortë, por vetë Takaj beson shumë që do të jetë Skënderbeu ekipi që do të kalojë më tej. “Kariati është një ekip me buxhet të madh, por ne kemi besim që e kalojmë. Nëse Skënderbeu prezantohet në fushën e lojës me maksimumin e vet, padiskutim që do të bëjmë ne surprizën dhe do të marrim atje një rezultat pozitiv. Kemi eksperiencë në Europë dhe jemi optimistë që do e marrim një rezultat premtues për takimin e kthimit. Mos harrojmë edhe tjetrën, në ndeshje të tilla duhet edhe pak fat. Kaq optimistë nuk jemi vetëm ne si drejtues, por edhe stafi e futbollistët. Tani le t’ia lemë fushës së lojës për të treguar se kush jemi”, mbylli deklaratën e tij menaxheri i përgjithshëm i Skënderbeut, Gerhard Takaj.