Tagliafico

Kontratë unike, mësoni idenë gjeniale të Ajaksit dhe Taljafikos

Sport Ekspres — Mon, 13 May 2019 15:57:22 +0000

Pak ditë më parë Ajaksi i Amsterdamit zyrtarizoi rinovimin me mbrojtësin Nikolas Taljafiko. Marrëveshja e re zgjat deri në vitin 2022, por me shumë gjasa argjentinasi do të largohet në merkaton e verës së 2020-ës, pasi interesi për të është i shumtë.

Marrëveshja e re është shumë interesante. Në verën e ardhshme Taljafiko do të ketë një klauzolë minimale largimi prej 20 milionë eurosh, por nëse për 26-vjeçarin vijnë oferta akoma dhe më të mëdha, pjesa që i kalon të 20 milionë eurot do të ndahet përgjysmë midis lojtarit dhe klubit.

Një kontratë e till është e dobishme për të dyja palët, pasi motivon lojtarin, ndërsa klubi siguron një raport të qëndrueshëm me një lojtar të një klasi botëror.

“Argjentina nuk bën lojën e Mesit”, habit mbrojtësi i Albiçelestëve

Sport Ekspres — Mon, 04 Mar 2019 14:26:10 +0000

Lionel Mesi konsiderohet si lojtari më i mirë i të gjitha kohërave, por fakti që nuk ka fituar asnjë trofe me kombëtaren e tij, hedh dyshime mbi statusin e yllit argjentinas.

Sulmuesi i Barceloës deklaroi se është tërhequr nga kombëtarja disa vite më parë, por u rikthye në Botërorin “Rusi 2018”, kompeticion ku Argjentina e tij ishte zhgënjyese. Pas botërorit, Mesi u tërhoq sërish nga kombëtarja dhe në vitin 2018, nuk luajti asnjë ndeshje për bardhekaltërit.

Bashkëkombësi i Mesit, Tagliafiko ka folur sot për spanjollen “Marca”, ku lëshoi një deklaratë shumë të fuqishme: “Argjentina nuk bën lojën e Mesit. Janë ndërruar disa trajnerë dhe Mesi sërish nuk ka dalë në lojën e tij më të mirë. Ka qenë i pafat, pasi ka arritur tri finale, por Argjentina nuk ka filozofinë e Barcelonës”,- tha mbrojtësi i Ajaksit.

Ndërhyrja e Myler bëhet virale, gjermani pjesë e video-lojës së famshme?

Sport Ekspres — Thu, 13 Dec 2018 15:56:59 +0000

Ndërhyrja e Tomas Myler, mbrëmjen e kaluar ndaj Nikolas Taliafikos, tashmë ka bërë xhiron e botës. Kartoni i kuq i marrë nga lojtari gjerman, për një ndërhyrje në kufijtë e çmendurisë, është një ndër gjërat më të komentuara, në internet. Madje, humori dhe ironia në ueb ka qenë e madhe.

Ndërhyrja e gjermanit të Bajernit ngjason me lëvizjet e karatesë dhe për këtë arsye krijuesi i lojës “Mortal Kombat”, që është një lojë që përqëndrohet në dyluftime, ka thënë se Myler mund të jetë një karakter i mundshëm në lojë. Timoti Hatfild shpjegoi se po e shqyrtojnë me vëmendje këtë mundësi.

“Po e ndjekim vazhdimisht me sekuenca lëvizjen e Tomas Myler. Ai është një personazh shumë i lëvizsshëm, edhe pse nuk ka një trup shumë atletik. Por Tomas di si ta kompensojë këtë gjë me shpejtësi dhe me pak forcë fizike. Lëvizja e tij mund të jetë një lëvizje përfundimtare (finishing move), pasi e godet kundërshtarin në kokë”, përfundoi krijuesi i lojës.