Tafaj

Tafaj: Tirana është keqmenaxhuar, skuadra kërkonte ndryshime radikale

Sport Ekspres — Mon, 22 Apr 2019 20:42:33 +0000

Ish-trajneri i Tiranës, Alban Tafaj, ka qenë i ftuar në emisionin “Pressing” në “Abc Neës”, ku ka folur me sezonin e tanishëm që ka zhvilluar klubi bardheblu.

Tafaj shënjestron drejtuesit duke thënë se menaxhimi i klubit nuk ka qenë i duhuri dhe se dikush duhet të mbajë përgjegjësi.

“Halili është një person që përveç se i dhemb shpirtërisht Tirana, i ka dhënë dhe materialisht. Ka vite që ka një kontribut të jashtëzakonshëm dhe vjen një moment që lodhesh dhe nuk merr mbrapsht asnjë gjë”.

“Unë mendoj se menaxhimi është gjëja kryesore. Nuk e them këtë ngaqë kam punuar më parë në klub. Shikoni si është transformuar Partizani për shkak të menaxhimit. Unë kam dëgjuar nga Ze Maria që ka thënë se atij i kanë zgjedhur lojtarët. Ata që zgjodhën lojtarët duhet të mbajnë përgjegjësi”.

“Në skuadër duhet të kishin ndodhur me kohë ndryshime radikale. Unë jam habitur kur kam mësuar që njerëz që s’kanë lidhje me futbollin kanë përzgjedhur lojtarët. Presidenti ka një natyrë që beson shumë te njerëzit që ka pranë, por e kanë zhgënjyer vit pas viti”, përfundoi Tafaj.

Gjoka kryen stërvitjen e parë me Kukësin, verilindorët me staf të ri

Sport Ekspres — Sun, 07 Apr 2019 17:09:20 +0000

Ernest Gjoka u rikthye në krye të Kukësit pas shkarkimit të Ramadan Ndreut, i cili e mbylli me verilindorët pas ndeshjes së humbur kundër Kastriotit. Përveç trajnerit Gjoka, me ekipin e Kukësit është bashkuar dhe Fatjon Tafaj, i cili do të jetë trajner i dytë. Rrahman Hallaci mban postin e tij të zv. trajnerit.

Njoftimi i Kukësit

Pas zyrtarizimit të trajnerit Ernest Gjoka në krye të pankinës së skuadrës së Kukësit kanë nisur përgatitjet për Javën e XXVIII-të të Kategorisë Superiore.

Trajneri Gjoka, pas prezantimit me futbollistët, nisi menjëherë seancën stërvitore. Me ekipin tonë është bashkuar dhe Fatjon Tafaj, i cili do të jetë trajner i dytë bashkë më zëvendës trajnerin Rrahman Hallaçi.

Kukësi eksperimental u mund nga Tirana, Tafaj: Askush një nuk më bindi

Sport Ekspres — Fri, 23 Jun 2017 10:37:41 +0000

Në krye të Kukësit në miqësoren përballë Tiranës ishte zëvendëstrajneri Fatjon Tafaj. Pas ndeshjes, në prononcimin për mediet, Tafaj foli rreth elementëve të rinj, që u aktivizuan me Tiranën, pritshmërive me ekipin e parë në fazën përgatitore, por edhe problematikave që pati takimi i djeshëm.

MUNDËSIA – “Sot u aktivizuan lojtarët e rinj, që kishin ardhur në provë te Kukësi. Ishte e vetmja mundësi, që ne kishim për t’i vëzhguar. Duke pasur parasysh se me seancat stërvitore dhe me ngarkesën që kemi pasur me ekipin e parë për përgatitjet për Champions League, ishim të detyruar të paktën këtë mundësi t’ua jepnim këtyre të rinjve për t’i parë”.

PERFORMANCA – “Për momentin është e vështirë. Të vish te një ekip kampion, duhet të jesh minimalisht fizikisht shumë lart, gjë të cilën unë te lojtarët nuk e pashë. Mund të them se nuk më bindi askush”.

PROBLEMET – “Patëm probleme për tre lojtarë të rinj, të cilët ishin në plan për të luajtur, por ata patën problemet e tyre, dy ishin të dëmtuar, ndërsa tjetri për një arsye që ende nuk e dimë. Ishim të detyruar të merrnim një lojtar të Tiranës”.

FAZA PËRGATITORE – “Kemi katër takime miqësore. Nesër nisemi për Austri dhe vetëm një ditë më pas dot kemi testin e parë miqësor. Kemi pak kohë të përgatitemi, pasi ndeshja dihet që është më datë 11 dhe e kemi kohën të limituar, ndaj duhet të punojë sa më shumë, të paktën në ndeshje miqësore. Synimi është që përmes këtyre miqësoreve ta përgatisim ekipin sa më mirë dhe më shpejt të jetë e mundur”, – përfundoi Tafaj.