tadiç

Tadiç: De Ligt dhe De Jong mund të luajnë për cilëndo skuadër në botë!

Sport Ekspres — Sun, 28 Apr 2019 19:42:51 +0000

Mesfushori serb i Ajaksit, Dushan Tadiç, ka folur për dy shokët e tij të skuadrës, Matijs De Ligt dhe Frenki De Jong, për të cilët tha se janë dy lojtarë të pabesueshëm dhe mund të luajnë në të gjitha skuadrat më të forta në botë. Në fjalën e tij, numri 10 i Ajaksit tha:

“Ne gjithmonë dominojmë kundërshtarët, si brenda ashtu dhe jashtë fushës sonë. Luajmë gjithmonë futboll të bukur, japim gjithçka në fushë. Problemi i vetëm është se ndonjëherë marrim shumë rreziqe përsipër, por të gjithë lojtarët këtu kanë kohë për t’u përmirësuar.

De Ligt është 19-vjeç, De Jong 21, por luajnë dhe mendojnë sikur të kishin eksperiencën e një 30-vjeçari. Mentaliteti i tyre është i shkëlqyer. Të dy këta futbollistë mund të luajnë në cilëndo skuadër në botë dhe kudo që do i dërgojë e ardhmja, jam i sigurt që do të bëjnë mirë”, tha Tadiç.

Blerja më e volitshme e sezonit, sulmuesi i Ajaksit s’ka konkurrencë

Sport Ekspres — Wed, 24 Apr 2019 14:26:59 +0000

Me mijëra lojtarë transferohen gjatë merkatos së verës. Një pjesë e madhe nuk justifikojnë paratë e shpenzuara, të tjerë zhvillojnë sezone mesatare, por ka dhe raste më të rralla që i kalojnë pritshmëritë.

Një ndër transferimet më të goditura të merkatos së verës së kaluar është padyshim sulmuesi i Ajaksit, Dushan Tadiç. Shifrat e 30-vjeçarit janë jashtëzakonshme. Në 50 ndeshje të zhvilluar deri më tani në Ajaksin e Amsterdamit, mëngjarashi ka regjistruar 34 gola dhe 21 asiste. E thënë ndryshe në çdo ndeshje te Ajaksit, futbollisti serb e ka të garantuar një gol ose asist.

Trajneri Erik Ten Hag ka gjetur sulmuesin ideal te Tadiç, me të cilin ka eksperimentuar në shumë raste duke e vendosur si qendërsulmues, 9-sh fals, ose në secilin krah të sulmit.

https://www.youtube.com/watch?v=gPUYw1XKvTk

VIDEO: Ajaksi magjik, “mesazh” Juventusit me gjashtë gola

Sport Ekspres — Sat, 13 Apr 2019 19:28:49 +0000

Ajaksi po bën një sezon fantastik dhe talentet që kjo skuadër ka në përbërje duken të pandalshëm. Pasi eleminuan Realin e Madridit nga Liga e Kampionëve dhe ndalën Juventusin në një barazim 1-1, të gjithë sytë janë të fokusuar të gjigantët holandezë.

Sidomos stafi teknik i Juventusit, që po studion me kujdes ekipin e Ajaksit, që duket në një formë të shkëlqyer. Kjo gjë u vërtetua dhe sot, pasi bardhekuqtë kanë shkatërruar 6-2 ekipin e Ekselsiorin.

Sulmuesi i njohur, Huntelar, shënoi një tripletë, Tadiç dopietë dhe një gol nga talenti Kasper Dolberg mjaftuan që Ajaksi t’i dërgonte një mesazh të qartë Juventusit, që në ndeshjen e kthimit në Torino, nuk do të jetë një shëtitje në park, por një sfidë ku do të luftohet deri në fund.

https://www.youtube.com/watch?v=lx1KADmxfHo

Paraqitje historike e Tadiç, “L’Equipe” i jep notën e rrallë

Sport Ekspres — Wed, 06 Mar 2019 08:49:57 +0000

Sulmuesi serb Dushan Tadiç kreu ndeshjen më të mirë të karrierës së tij mbrëmjen e djeshme në “Santiago Bernabeu”, teksa ishte më i mirë në fushë. Dy asiste fantastikë dhe një gol po aq i bukur që i dhanë Ajaksit një “biletë” për në çerekfinalet e Champions-it. 29-vjeçari ka fituar tashmë statusin e një heroi në Amsterdam.

???#UCL #reaaja https://t.co/ioed3ujPcB

— AFC Ajax (@AFCAjax) March 5, 2019

Paraqitja perfekte e Tadiç mori një vlerësim historik nga revista franceze “L’Equipe“, që në listën e notave e vlerësoi mëngjarashin me notën 10-të. Kjo është diçka tepër e radhë, pasi vetëm 9 lojtarë e kanë marrë këtë notë në tre dekadat a fundit.

Tadiç i bashkohet një liste me emra të mëdhenj si Nejmar, Levandovski, Lionel Mesi (2 herë) dhe Oleg Salenko. Francezët e përshkruan shkurt paraqitjen e serbit: I magjishëm, kreu ndeshjen perfekte.

LISTA E LOJTARËVE TË VLERËSUAR ME NOTËN 10

Sauzee (1988)
Bruno Martini (1988)
Oleg Salenko (1994)
Lars Windfeld (1997)
Lionel Messi (2010)
Lionel Messi (2012)
Robert Lewandowski (2013)
Carlos Eduardo (2014)
Neymar (2018)
Dusan Tadic (2019)

Bajerni hedh sytë nga Ajaksi, gjendet pasuesi i Vagner

Sport Ekspres — Mon, 25 Feb 2019 12:56:04 +0000

Largimi i Sandro Vagner ka bërë që Bajerni i Mynihut të mos ketë një sulmues rezervë në rast të mungesës së polakut Robert Levandovski. Është e qartë që merkato e verës do të sjellë prurje në këtë repart.

Në një intervistë të dhënë pak ditë më parë për “Kicker”, trajneri i bavarezëve Niko Kovaç deklaroi se Bajerni duhet të gjejë një sulmues që ta pranojë stolin, pasi Levandovski është titullari i qartë edhe për të disa vjet te kampionët e Gjermanisë.

Mesa duket drejtuesit e skuadrës gjermane e kanë gjetur zëvendësuesin ideal të Vagnerit në Holandë. Bëhet fjalë për sulmuesin e Ajaksit Dushan Tadiç. Futbollisti serb ka qenë një ndër më të mirët në rolin e tij në “Eredivisie” dhe këtë e mbështesin 16 golat që 30-vjeçari ka realizuar në 23 aktivizime.

Një plus tjetër për mëngjarashin është dhe fakti që përveç sulmuesit të qendrës, ai mund të luajë dhe sulmuesit ose në të dyja krahët e fushës.