Syle

Më i shpejti i Bundesligës është një kroat, spikat edhe ylli shqiptar

Sport Ekspres — Wed, 13 Feb 2019 17:20:44 +0000

Një studim i bërë nga media gjermane “SPORTBILD”, ka zbuluar se cilët janë lojtarët më të shpejtë të Bundesligës të secilës prej 18 skuadrave të Bundesligës.

Në listën ka vend dhe për një shqiptar. Sulmuesi i Verder Bremen, Milot Rashica, është lojtari më i shpejtë i skuadrës nga veriu i Gjermanisë.

Ante Rebiç

Futbollisti nga Vushtrria ka regjistruar një shpejtësi maksimale prej 34.06 kilometrash në orë. Lojtari më shpejtë në kampionatin gjerman është sulmuesi kroat i Ajntrahtit të Frankfurtit, Ante Rebiç, që ka regjistruar një shpejtësi maksimale prej 35.11 kilometrash në orë.

Një tjetër fakti interesant i listës është se lojtari më i shpejtë i Bajernit të Mynihut ësht qendërmbrojtësi Niklas Syle, i cili rendit i pesti në listë.

Syle: E meritoj vendin e titullarit, te Bajerni një gabim të dërgon në stol

Sport Ekspres — Mon, 21 Jan 2019 12:36:27 +0000

Niklas Syle ka fituar “betejën” me Zherom Boateng dhe tani është një titullar i padiskutueshëm i mbrojtjes së Bajernit. Në një intervistë për medien gjermane “Sport1”, 23-vjeçari flet hapur dhe thotë se kjo vjen si rezultat i paraqitjeve të mira që i janë dhënë.

“Kam pasur mundësinë që të luaj shumë ndeshje. Jam shumë i lumtur me çfarë kam bërë. Mendoj se kam fituar besimin e të gjithëve dhe gëzoj mbështetjen e të gjithëve në klub”.

KONKURRENCA – “Te Bajerni duhet të luash mirë në çdo ndeshje. Të gjithë lojtarët janë të dubluar. Nëse luan një ose dy ndeshje të dobëta, je menjëherë jashtë formacionit”, tha mbrojtësi gjerman.

Ndryshim hierarkie te Bajerni, Kovaç merr vendimin

Sport Ekspres — Sun, 19 Aug 2018 08:18:37 +0000

Zherom Boateng ishte shumë pranë largimin nga kampionët e Gjermanisë, por kërkesat e larta që drejtuesit e bavarezëve kishin për kartonin e qendërmbrojtësin i hoqën atij mundësinë e transferimit në një kampionat tjetër. 29-vjeçari do të qëndrojë në Mynih, por sipas burimeve të gazetës gjermane “Bild”, Boateng nuk do të jetë më titullari absolut të Bajerni.

Tekniku i i ri bavarezëve, Niko Kovaç, është gati t’i besojë një vend në formacionin titullar të riut Niklas Sylë. Diferenca midis tij dhe Boateng është shtatë vite. S’do mend që gjermano-ganezi është lojtari që të jep më shumë besim, por dëmtimet e njëpasnjëshme të 29-vjeçarit kanë bërë që ai ta humbasë statusin e të pazëvendësueshmit.

Një ndryshim tjetër që Kovaç do të ndërmarrë është dhe lënia në stol e dyshes ikonike Roben-Riberi. Me shumë gjasa të dy lojtarët luajn sezonin e tyre të fundit me Bajernin dhe ka ardhur koha për t’i hapur rrugën brezit të ri.